أهلا بك زائرنا الكريم في منتديات آرتين لتعليم اللغات (^_^)
اليوم هو الخميس آذار 28, 2024 9:02 م
اسم المستخدم : الدخول تلقائياً
كلمة المرور :  
لوحة الإعلانات الإدارية

عذراً أخوتي .. تم إيقاف تسجيل الأعضاء الجدد في آرتين حتى إشعار آخر


آخر المشاركات

  ... آرتين ...   » لابدّ أن أستأذن الوطن .... نزار قباني *  .:. آخر رد: محمدابو حمود  .:.  الردود: 4   ... آرتين ...   » لا يصلح العطار ما افسدة الدهر  .:. آخر رد: محمد الربيعي  .:.  الردود: 2   ... آرتين ...   » مناقشة كتاب"Translation with Reference to English & Arabic"  .:. آخر رد: Jordan  .:.  الردود: 124   ... آرتين ...   » المعرب و الدخيل و المولد ... تتمة  .:. آخر رد: aaahhhmad  .:.  الردود: 6   ... آرتين ...   » تحميل ملف  .:. آخر رد: مصطفى العلي  .:.  الردود: 0   ... آرتين ...   » The Best Short Stories of J.G. bialard The Terminal Beach  .:. آخر رد: المرعاش  .:.  الردود: 0   ... آرتين ...   » هام للطلاب الي بيواجهوا صعوبه بمادة الصوتيا  .:. آخر رد: bassam93  .:.  الردود: 16   ... آرتين ...   » مساعدة مشروع تخرج عن تراجيديات شكسبير  .:. آخر رد: ahmadaway  .:.  الردود: 0   ... آرتين ...   » نتائج سنوات 2009 2010 2011  .:. آخر رد: أبو عمر  .:.  الردود: 0   ... آرتين ...   » نتائج سنوات 2009 2010 2011  .:. آخر رد: أبو عمر  .:.  الردود: 0

جميع الأوقات تستخدم GMT + ساعتين [ DST ]




إرسال موضوع جديد هذا الموضوع مغلق ، لا تستطيع تعديله أو إضافة الردود عليه  [ 69 مشاركة ]  الانتقال إلى صفحة السابق  1 ... 3, 4, 5, 6, 7
الكاتب رسالة
  • عنوان المشاركة: الــيــوم ( العقل زينة ) على كرســي الاعــتــراف
مرسل: السبت آذار 21, 2009 10:09 م 
آرتيني فعّال
آرتيني فعّال
صورة العضو الشخصية
اشترك في: 22 تشرين الثاني 2007
المواضيع: 57
المشاركات: 1015
المكان: نص صافيتا سوريا ونص كاسل ألمانية
القسم: العربية
السنة: الرابعة
لا يوجد لدي مواضيع بعد

:: ذكر ::


غير متصل
أهلن أخت عبق الرياحين
عبق الرياحين كتب:
الأمنية اللي تتمناها ... ؟

ينتفي الظلم من العالم بكل أنواعو
عبق الرياحين كتب:
شو أصعب المواقف اللي مريت بها

كتييرة بس أصعب واحد يمكن أنو بسنة رسبت على علامة وحدة بس فا هاد الشي كتيير زعجني
عبق الرياحين كتب:
ما رأيك بهذه الكلمات ..
الخيانة ..

موجود بشكل كتيير انا مابوقف عندو كتيير
عبق الرياحين كتب:
المرأه..

نصفي الأخر
عبق الرياحين كتب:
الصداقة ..

أروع شيء بالوجود
عبق الرياحين كتب:
النميمة ..

سلاح العاجزين
عبق الرياحين كتب:
النفاق ..

سمة العصر


شكرا" ألك عبق الراحين *1

_________________
التوقيع
لمعتر بكل الأرض دايما هوي ذاتو
إضغط على الصوره لتراها بحجمها الطبيعي
تستطيع أن ترى الصورة بحجمها الطبيعي بعد الضغط عليها

هيدي مش غنية هيدي بس تحية وبس

منيحة...!!


أعلى .:. أسفل
 يشاهد الملف الشخصي  
 
  • عنوان المشاركة: الــيــوم ( العقل زينة ) على كرســي الاعــتــراف
مرسل: السبت آذار 21, 2009 10:35 م 
آرتيني فعّال
آرتيني فعّال
صورة العضو الشخصية
اشترك في: 22 تشرين الثاني 2007
المواضيع: 57
المشاركات: 1015
المكان: نص صافيتا سوريا ونص كاسل ألمانية
القسم: العربية
السنة: الرابعة
لا يوجد لدي مواضيع بعد

:: ذكر ::


غير متصل
شكرا" كتيير أخي nadeem وانا جاهز من شان الرد على الأسئلة
nadeem كتب:
اول سؤال شو قصتك مع الطائفية بصراحة اكتر شي لفت نظري توقيعك القديم انو حتى بالبرغل في طائفية
هل تعتقد انو مستوى الطائفية بمجتمعنا تجاوز الحد المعقول

قصتي ببساطة مع الطائفية انو هيي أسؤ شي موجود عنا  ومستفحل وبرأيي الطائفية ماألها حد معقول أو غير معقول هيي مرفوضة  بس توجد وبأي حد
nadeem كتب:
بعدين هل انت مستعد لمواجهة الطائفية ولا على قولت ماطالع بايدنا شي
أكيد أنا مستعد قاتلها وعم قاتلها بأسلوب الخاص وانا ضد أي شخص طائفي ومين ماكان
nadeem كتب:
هلا انا بصراحة قبل مافوت على الجامعة كنت مفكر انو الطائفية والتعصب امر مستحيل بمجتمعنا بس للاسف طلعت غلطان ويوم بعد يوم عم اكتشف العكس
انتي شو رأيك
 أي أكيد موجودة
هلق المشكلة الكبيرة أنو تكون الطائفية منتشر بهل الطريقة المرعبة بالأماكن العلمية هيي واقع عم يتبلور وعم يتضخم  يوم بعد يوم
nadeem كتب:
شو هي احلا اغنية بتحبا لفيروز

صباح ومسا أكيد
لزياد  زمان الطائفية كمان أكيد
شكرا" ألك واللينك مفروض يكون وصلك شكرا" ألك أخي نديم *1

_________________
التوقيع
لمعتر بكل الأرض دايما هوي ذاتو
إضغط على الصوره لتراها بحجمها الطبيعي
تستطيع أن ترى الصورة بحجمها الطبيعي بعد الضغط عليها

هيدي مش غنية هيدي بس تحية وبس

منيحة...!!


أعلى .:. أسفل
 يشاهد الملف الشخصي  
 
  • عنوان المشاركة: الــيــوم ( العقل زينة ) على كرســي الاعــتــراف
مرسل: الأحد آذار 22, 2009 1:46 ص 
آرتيني نشيط
آرتيني نشيط
صورة العضو الشخصية
اشترك في: 20 تشرين الأول 2008
المواضيع: 12
المشاركات: 274
القسم: اللغة الانكليزية
السنة: الثانيه الحمد لله
لا يوجد لدي مواضيع بعد

:: أنثى ::


غير متصل
سلام اخي العقل زينه وهاي رجعت انا مره تانيه
سؤالي واحد متى آخر مره شفت فيها الوالد والوالده وممكن العقل زينه يعمل شي يخليه يقول لأهلو(((لاتزعلو مني بس أنا ما بعمل غير ألي براسي)))

وشكر الك زمتل ما قال الاخ ثائر اجوبه قويه وتحمل معاني

وبالمناسبه بما انو عيد الام شو اخدت ل ماما هديه  :mrgreen:  

وتقبل مروري اخي *1

_________________
التوقيع لا اله  الا الله محمد رسول الله


أعلى .:. أسفل
 يشاهد الملف الشخصي  
 
  • عنوان المشاركة: الــيــوم ( العقل زينة ) على كرســي الاعــتــراف
مرسل: الأحد آذار 22, 2009 5:59 ص 
مشرف قسم عائلة آرتين
مشرف قسم عائلة آرتين
اشترك في: 02 آذار 2007
المواضيع: 142
المشاركات: 2431
المكان: حمص العدية
القسم: الانكليزية
السنة: الــرابــعــة
لا يوجد لدي مواضيع بعد

:: ذكر ::


غير متصل
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

عـــــلاء ســــلـــيــــمــــان

أنت إنسان بيكره التناقض عند البشر و باكتر من رد حاربت الإنسان المتناقض و رميت عليه كل نيرانك ....التالي بعض أسئلة مقتبسة من ردودك با المنتدى من أول يوم سجلت فيه و بدأت مشاركاتك  و بصراحة لقيت عندك تناقض و رح استفسر  عن ها الشي بأسئلتي ...
أسئلتي بتعتمد على المناقشة بشكل رئيسي و انت متل ما لاحظت من لحظة دخولك انك بتحب النقاش  لذلك انشا الله  تحب النقاش معي  ولو انو  نقاش رح ينتهي بمجرد الإجابة و انشا الله ما تلاقيهم كتار  و تقيلين عليك ....


عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

( الحب ياجماعة هوي شي بسيط جدا الحب هوي التعود لهل الشخص وانك تتعود تشوفوا كل فترة وأنك تسمع صوتوا الحب هوي كذبة كبيرة كبرتا الاعلام والاغاني الرومانسية بتخليك تشعر وتحس بهل الاحساس والدليل بس تبتعد بتنسى الحب وبتنسى الشخص والحب عادة يتحول الى كره شديد وتعود عفوا حب شخص تاني فالحب بصير من مرة الى 100000000000000000000 مرة اذا سمينا هالشعور حب )

هادا  كلامك  لما أحد الأعضاء سأل عن الحب ...

( انا تعبت بس الحب شغلة حلوة ومازلت متمسك فيه لهاد الحب )

1- و هاي الجملة كمان من كتابتك ...طيب كيف بتقول عن الحب أنو كذبة كبيرة كبرتا الاعلام و بترجع بعد فترة بتقول انو الحب شغلة حلوة و انت رح تبقا متمسك فيه .؟؟؟

عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

( أصلن الدموع هيي أما كذب أو ضعف وبالحالتين الدموع مفبركة هاد طبعا" رأيي )

هادا رد الك في احد المواضيع لما كانو عم يحكوا عن الدموع ....

( مين منا ما بكى بس ألي زمان فاقد لهي النعمة )

و هاي كمان جملتك ...صح ؟
طيب سؤالي هو :
2-  انو كيف بتقول عن الدموع انها مفبركة  و هي كذب او ضعف  و بعد فترة بتقول انو مين ما بكى  و انو البكي نعمة ؟؟


عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

( انا برأيي السفر شغلة كتيير منيحة ولازم الواحد يفكر بالسفر وأنا كتيير بفكر بالسفر وعم اعمل خطوات تساعدني عالسغر متل اللغة وغيرا انا مارح اتطرق للفكرة المادية لأنو الفكرة المادية هيي سبب بس فيي أسباب أكتر بكتيير من وجهة نظري يعني انا بفكر بالهجرة )

3- الهجرة ؟؟؟ كيف بتفكر با الهجرة و انت إنسان وطني و انا بصراحة بفتخر انو في متلك عنا با المنتدى ؟؟ طيب برأيك يلي بيترك وطنو و بصير ينتج و يفيد بلد أجنبي هل هو مخلص لوطنو هو صحيح أنو برا الدخل أكبر  بس كمان هادا وطن  ...  كيف بتفسرلي ها الموضوع ؟؟

عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

( الفقر بالوطن غربة والغنى بالغربة وطن )

4- هاي جملتك ...انا بشوفها مناقضة لالك بشكل تام ..يعني انت بتحكي عن الوطن  و طبعا انت انسان صاحب مبادئ و بعتقد  انو المال لازم يكون عندك آخر شي بتفكر فيه ؟؟ بس انت هون خليت المال يحل محل الوطن ؟ برأيك ها الشي صح ؟

عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

( فشل على قارعة الطريق )

5- هادا كان جوابك بموضوع اذا كانت حياتك قصة شو ممكن يكون عنوانها ... طيب ممكن نعرف الأسباب يلي خلتك انو تختار هيك اسم ؟؟ معقول انو تحكم على حياتك با الفشل و انت ما زلت في مقتبل العمر  و لسه الحياة  ادامك ؟؟

عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

( والله انا هلق صرت عم اتبع نصيحة لكاتب اسمو ديل كارنيكي بقول عيش كل يوم بيومو وعمرك لاتعتل هم بكرا
لأنو اذا ضليت تفكر بمبارح وبكرا بروح عليك اليوم هي نصيحة للكل )


6- هادا أحد ردودك با المنتدى ... انا معك بها الموضوع بس كمان مو لدرجة انو ما تفكر ببكرا ..يعني اذا ما فكرنا ببكرا ما رح نقدر نأمن المستقبل و نبني الوطن ...الوطن بدو تفكير لبكرا  ....  هادا رأي ....و يا ريت أعرف أكتر عن رأيك ؟؟

عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

( التعصب الأعمى للفكرة  )

7- هادا  كان أحد أجوبتك لما سألوك شو بتكره ...طيب سؤالي  انو ما بتشوف زياد الرحباني متعصب جدا و متمسك بأفكاروا و بآراؤوا الخاصة  يلي ما ممكن أنو تتحمل أي نقاش لأنو أي نقاش لفكرة من أفكاروا رح ياخدها با المسخرة  و با التقليل  من قيمة الطرف الآخر يلي عم يناقشو ؟؟

عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

(مدايق ورح طق من بعض العقليات بهل المنتدى )

8- أنا ما رح اسألك مين هني ؟؟بس بدي أعرف شو هي العقلية يلي بتخليك تتدايق منها ..هل هي يلي ما بتوافقك بفكرتك ؟؟  أو يلي بتمدحك كتير ؟؟ او شو هي با التحديد ؟؟

عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

اسمحلي استغل حبك لزياد الرحباني  لأستفسر منك عن زياد ...
زياد الرحباني و متل ما كلنا بنعرف موسيقي رائع و هو يلي لحن بعض أغاني فيروز ( قديش كان في ناس ) ( سألوني الناس ) و غيرها كتير و بيكتب مسرحيات و عندو موهبة إخراجية فذة و للإضافة زياد ذو انتماء يساري شيوعي و سؤالي لالك هو التالي :


9- برأيك زياد الرحباني و بمقابلاتو العديدة مع التلفزيون ما بخليك تحس انو غير مهتم  بالمشاهدين و عندو لا مبالاة و أحيانا بتوصل لعدم الاحترام ... لاحظت ها الشي معي ؟؟ أو برأيك انو  تصرفاتو طبيعية ؟

عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

10- انت إنسان وحيد ..يعني ما عندك لا أخوة و لا أخوات ..طيب سؤالي لالك هو التالي :

الوحدة شو فادت علاء بحياتو  ...و هل عوضت بشي تاني ...و يا ترى علاء بيتمنى انو يكون عندو اخوة؟

بعرف أنو أسئلتي تقيلة عليك ..... بس معلش تحملني ....  *1

سلام ...
..


عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول


و يا ريت تقبل مني ها الهدية .....




أعلى .:. أسفل
 يشاهد الملف الشخصي  
 
  • عنوان المشاركة: الــيــوم ( العقل زينة ) على كرســي الاعــتــراف
مرسل: الأحد آذار 22, 2009 9:39 م 
آرتيني فعّال
آرتيني فعّال
صورة العضو الشخصية
اشترك في: 22 تشرين الثاني 2007
المواضيع: 57
المشاركات: 1015
المكان: نص صافيتا سوريا ونص كاسل ألمانية
القسم: العربية
السنة: الرابعة
لا يوجد لدي مواضيع بعد

:: ذكر ::


غير متصل
اهلن وسهلن ارتينية مغتربة

آرتينيه مغتربه كتب:
سؤالي واحد متى آخر مره شفت فيها الوالد والوالده وممكن العقل زينه يعمل شي يخليه يقول لأهلو(((لاتزعلو مني بس أنا ما بعمل غير ألي براسي)))

اليوم أخر مرة كانو زيارة  أكيد لأنو الأهل غالبا" بيكون عندون فكرة أنو ألي بشوفوه أحسن هوي الصح وأنا ما بشوف الشغلة لحتى جربها وبشوف إما صح أو غلط فا أكيد ممكن اعمل شغلات مو مقتنعين فيها وانا مقتنع
آرتينيه مغتربه كتب:
وبالمناسبه بما انو عيد الام شو اخدت ل ماما هديه

صراحة ولا شي سلامتي بس قلتلها كل عام وأنت بخير
مرورك بشرفني وهي أخر مرة صح *1  :mrgreen:

_________________
التوقيع
لمعتر بكل الأرض دايما هوي ذاتو
إضغط على الصوره لتراها بحجمها الطبيعي
تستطيع أن ترى الصورة بحجمها الطبيعي بعد الضغط عليها

هيدي مش غنية هيدي بس تحية وبس

منيحة...!!


أعلى .:. أسفل
 يشاهد الملف الشخصي  
 
  • عنوان المشاركة: الــيــوم ( العقل زينة ) على كرســي الاعــتــراف
مرسل: الأحد آذار 22, 2009 10:57 م 
آرتيني فعّال
آرتيني فعّال
صورة العضو الشخصية
اشترك في: 22 تشرين الثاني 2007
المواضيع: 57
المشاركات: 1015
المكان: نص صافيتا سوريا ونص كاسل ألمانية
القسم: العربية
السنة: الرابعة
لا يوجد لدي مواضيع بعد

:: ذكر ::


غير متصل
أسئلتك صعبة بس رائعة وأنا على استعداد جاوب بكل سرور
بس بعد ماخلصت أول مرة فصل  الموقع :cry:

ثـــائـــر كتب:
1- و هاي الجملة كمان من كتابتك ...طيب كيف بتقول عن الحب أنو كذبة كبيرة كبرتا الاعلام و بترجع بعد فترة بتقول انو الحب شغلة حلوة و انت رح تبقا متمسك فيه .؟؟؟

في فكرة أخ ثائر  لازم نعرف نفرق عن شو كنت عم احكي يعني اكيد انا مافيني قول عن حب الوطن انو تعود أو عن حب الله او حب الأهل أما حب هالأيام أو الحب ألي كنت عم أحكي عنو ما فيني سميه حب أبدا" هوي تعود وأنا مصر على الكلمة وطبعا" التعود هوي لايخلو من العاطفة ولكن تكون ضعيفة جدا"  تجاه الكلمة صراحة
ثـــائـــر كتب:
انو كيف بتقول عن الدموع انها مفبركة و هي كذب او ضعف و بعد فترة بتقول انو مين ما بكى و انو البكي نعمة ؟؟

أكيد من السؤال بتعرف الدموع مفبركو البكاء حقيقي والبكاء الحقيقي برأيي هوي بلا دموع ويكون في الداخل وفي أعماق الداخل أما ذرف الدموع هيي اظهار غير مبرر للحزن إن وجد
أو تزييف لحالة شعورية
ثـــائـــر كتب:
- الهجرة ؟؟؟ كيف بتفكر با الهجرة و انت إنسان وطني و انا بصراحة بفتخر انو في متلك عنا با المنتدى ؟؟ طيب برأيك يلي بيترك وطنو و بصير ينتج و يفيد بلد أجنبي هل هو مخلص لوطنو هو صحيح أنو برا الدخل أكبر بس كمان هادا وطن ... كيف بتفسرلي ها الموضوع ؟؟
شكرا" ألك بس الهجرة ما بتعني الإنفصال عن الوطن بس الواحد ببساطة بوصل لمرحلة مو قادر فيها يستمر  من الداخل فا بحاول يغير تواجدو  وأحيانا بكون الإفادة من الخارج أحسن بكتيير من الداخل
ثـــائـــر كتب:
هاي جملتك ...انا بشوفها مناقضة لالك بشكل تام ..يعني انت بتحكي عن الوطن و طبعا انت انسان صاحب مبادئ و بعتقد انو المال لازم يكون عندك آخر شي بتفكر فيه ؟؟ بس انت هون خليت المال يحل محل الوطن ؟ برأيك ها الشي صح ؟

هاد القول للإمام علي كرم الله وجهه  فا الكلمة مابتعني أبدا" الغنى المادي بس الغنى الروحي  وهون صراحة نحنا مفتقدين للغنى الروحي المادة شي موجود بس هيي مو أساسية أبدا"
ثـــائـــر كتب:
هادا كان جوابك بموضوع اذا كانت حياتك قصة شو ممكن يكون عنوانها ... طيب ممكن نعرف الأسباب يلي خلتك انو تختار هيك اسم ؟؟ معقول انو تحكم على حياتك با الفشل و انت ما زلت في مقتبل العمر و لسه الحياة ادامك ؟؟

أكيد بس تكون راسم لحياتك خطة وتصير بإتجاه مغاير مافيك إلا تعتبرو فشل  فا صراحة انا بنظر أنو في شغلات كتيير أنا فشلت بتحقيقها  ومو ندم بس  عدم إنكار

_________________
التوقيع
لمعتر بكل الأرض دايما هوي ذاتو
إضغط على الصوره لتراها بحجمها الطبيعي
تستطيع أن ترى الصورة بحجمها الطبيعي بعد الضغط عليها

هيدي مش غنية هيدي بس تحية وبس

منيحة...!!


أعلى .:. أسفل
 يشاهد الملف الشخصي  
 
  • عنوان المشاركة: الــيــوم ( العقل زينة ) على كرســي الاعــتــراف
مرسل: الأحد آذار 22, 2009 11:12 م 
آرتيني فعّال
آرتيني فعّال
صورة العضو الشخصية
اشترك في: 22 تشرين الثاني 2007
المواضيع: 57
المشاركات: 1015
المكان: نص صافيتا سوريا ونص كاسل ألمانية
القسم: العربية
السنة: الرابعة
لا يوجد لدي مواضيع بعد

:: ذكر ::


غير متصل
اي لنكفي أحسن ما يفصل متل شوي بتبهدل
ثـــائـــر كتب:
هادا أحد ردودك با المنتدى ... انا معك بها الموضوع بس كمان مو لدرجة انو ما تفكر ببكرا ..يعني اذا ما فكرنا ببكرا ما رح نقدر نأمن المستقبل و نبني الوطن ...الوطن بدو تفكير لبكرا .... هادا رأي ....و يا ريت أعرف أكتر عن رأيك ؟؟

أكيد القول لايعني أنك تنطش القول يعني فكر بعملك اليومي يعني انا اليوم شو مطلوب مني اعمال بأديها من شان المستقبل أي انطلق لعمل الواجبات اليومية ألي بتوصل بتراكميتها للإفادة
بس يكون عندك مادة بتدرسها كلها بنفس الوقت أكيد لأ بتدرس محاضرة محاضرة حتى تحفظ المادة فالعمل اليومي ومعرفة شو مطلوب منك اليوم هاد أهم
ثـــائـــر كتب:
هادا كان أحد أجوبتك لما سألوك شو بتكره ...طيب سؤالي انو ما بتشوف زياد الرحباني متعصب جدا و متمسك بأفكاروا و بآراؤوا الخاصة يلي ما ممكن أنو تتحمل أي نقاش لأنو أي نقاش لفكرة من أفكاروا رح ياخدها با المسخرة و با التقليل من قيمة الطرف الآخر يلي عم يناقشو ؟؟

أكيد لأ زياد مع فكرة بناء الوطن وهي ما فينا نعتبرا تعصب وشفناه أنو كان حاطط أيدو بأيد واحد يختلف معو بالخط السياسي بشكل مرعب وهوي ميشال سماحة وأيام الحرب كان ببيروت الغربية ألي مغاير ة كتيير لتوجهاتو فا هاد ما فيني اعتبرو تعصب
ومن شان المسخرة هوي بالدرجة الأولى فنان وشفنا فنانين كتيير متل تشيخوف وعزيز ينسن اعتمدوا الطريقة الساخرة لإيصال أعمالون للناس فا هي الطريقة فن موجود من زمان
ثـــائـــر كتب:
أنا ما رح اسألك مين هني ؟؟بس بدي أعرف شو هي العقلية يلي بتخليك تتدايق منها ..هل هي يلي ما بتوافقك بفكرتك ؟؟ أو يلي بتمدحك كتير ؟؟ او شو هي با التحديد ؟؟

انا ببساطة أكره العقلية المتحجرة التي تقف عند حدودها وتتجنب مشاركة الأخر أفكاره أو الإقتناع ان أفكار الأخر قد تكون صحيحة اكيد انا ماني ضد الي بيختلف معي بالفكرة بالعكس الإختلاف مو شي سيء الإختلاف يؤدي للإغناء صراحة ومن شان المدح أي أحيانا" بيزعجني
ثـــائـــر كتب:
برأيك زياد الرحباني و بمقابلاتو العديدة مع التلفزيون ما بخليك تحس انو غير مهتم بالمشاهدين و عندو لا مبالاة و أحيانا بتوصل لعدم الاحترام ... لاحظت ها الشي معي ؟؟ أو برأيك انو تصرفاتو طبيعية ؟

أكيد هوي طريقة التعبير عندو هيك بس كمان اصراروا على تقديم وع جيد من الموسيقى بيعني أنو مهتم أو أكبر اهتمامو الناس يعني كان في يوقع مع مملكة روتانا ويريح حالو ليش مصر يكون ثابت على موقفوا يعني برأيي لازم نحكم على الأعمال أكتر من الكلام وهوي بالنهاية كل واحد ألو منطقو ألي بيحكي فيه
ثـــائـــر كتب:
الوحدة شو فادت علاء بحياتو ...و هل عوضت بشي تاني ...و يا ترى علاء بيتمنى انو يكون عندو اخوة؟

أكيد ما في وحدة نحنا شعبنا شعب قريب من بعضو بس فينا نسميها اذا بدك استقلالية يعني في مجال أكتر للتفكير ومجال أكتر للقراءة وأكيد بتمنى يكون عندي أخوة وأنا عندي اصدقاء أعز من الأخوة  وفي قول رب أخ لم تلده أمك
بالعكس أسئلتك رائعة وانا سررت بهل ال8 تيام رغم صعوبتهم ويعني نكشتوني نكش بحب اشكرك وأشكر كل الزملاء بأرتين
وشكرا" كتيير على الهدية صورة رائعة *1

_________________
التوقيع
لمعتر بكل الأرض دايما هوي ذاتو
إضغط على الصوره لتراها بحجمها الطبيعي
تستطيع أن ترى الصورة بحجمها الطبيعي بعد الضغط عليها

هيدي مش غنية هيدي بس تحية وبس

منيحة...!!


أعلى .:. أسفل
 يشاهد الملف الشخصي  
 
  • عنوان المشاركة: الــيــوم ( العقل زينة ) على كرســي الاعــتــراف
مرسل: الاثنين آذار 23, 2009 8:28 م 
آرتيني متميّز
آرتيني متميّز
صورة العضو الشخصية
اشترك في: 04 كانون الأول 2008
المواضيع: 402
المشاركات: 3141
المكان: حــمــص - الحــــولة - حرية
القسم: الإنــجـليزية
السنة: الــرابــعـــة
لا يوجد لدي مواضيع بعد

:: ذكر ::


غير متصل
مرحبا اخي
آسف عالتأخير
وهي أسئلتي
وانشالله ترتحلها
1-كيف يكون شعورك وسلوكك اذا واجهتك معضلة قوية من معضلات الحياة؟
2-ما هو موقفك اذا لا سمح الله لا سمح الله اذا اتاك خبر وفاة والدك او والدتك الله يخليلك اياهم؟
3-كيف تحب ان تعامل الناس الغريبي الاطوار؟
4-ما هو اهم واعظم شيئ عندك في حياتك؟
5-هل تؤمن بالحظ او بالقضاء والقدر او لا تؤمن بهما؟

موفق

_________________
التوقيع
الصفحة الشعرية على الفيس بوك
http://www.facebook.com/sleman.hsn
صورة


أعلى .:. أسفل
 يشاهد الملف الشخصي  
 
  • عنوان المشاركة: الــيــوم ( العقل زينة ) على كرســي الاعــتــراف
مرسل: الاثنين آذار 23, 2009 10:17 م 
آرتيني فعّال
آرتيني فعّال
صورة العضو الشخصية
اشترك في: 22 تشرين الثاني 2007
المواضيع: 57
المشاركات: 1015
المكان: نص صافيتا سوريا ونص كاسل ألمانية
القسم: العربية
السنة: الرابعة
لا يوجد لدي مواضيع بعد

:: ذكر ::


غير متصل
أهلن أخي سليمان
ولا يهمك على التأخير
sleman alhasan كتب:
1-كيف يكون شعورك وسلوكك اذا واجهتك معضلة قوية من معضلات الحياة؟

صراحة أخي أنا المعضلة أو المشكلة بنظرلها كتحدي وكيف بدي اتجاوزها
يعني  ما بفكر بالمشكلة بحاول فكر بالحلول بالمقام الأول
sleman alhasan كتب:
2-ما هو موقفك اذا لا سمح الله لا سمح الله اذا اتاك خبر وفاة والدك او والدتك الله يخليلك اياهم؟

صراحة أصعب شي بالعالم هوي فقد الأهل والأحباب بس بالنهاية  الحياة ما بتوقف عند حدا وبدها تستمر
sleman alhasan كتب:
3-كيف تحب ان تعامل الناس الغريبي الاطوار؟

صراحة هوي مصطلح غريبي الأطوار  كبير بس بالمجمل لكل إنسان خصوصية ولازم نتعامل معو على أساس هالخصوصية

sleman alhasan كتب:
4-ما هو اهم واعظم شيئ عندك في حياتك؟

العلم لأنو هوي أساس كلشي وفيه قادر تحقق شو مابدك
sleman alhasan كتب:
5-هل تؤمن بالحظ او بالقضاء والقدر او لا تؤمن بهما؟

صراحة لأ لأنو اذا أمنت فيهم بدي صير أتكل على الحظ وهاد الشي ما بناسبني
على كلن الشكر ألك ومو مشكلة على التأخير


وخيي خلص الكرسي ما حدا يسأل  :mrgreen:
أصلن لازم يكون مسكر عم بمزح أكيد كل الشكر للزملاء في أرتين إدارة وأعضاء  وان شاء الله أني كنت صريح وما أخليت بمفهوم الكرسي :mrgreen:

_________________
التوقيع
لمعتر بكل الأرض دايما هوي ذاتو
إضغط على الصوره لتراها بحجمها الطبيعي
تستطيع أن ترى الصورة بحجمها الطبيعي بعد الضغط عليها

هيدي مش غنية هيدي بس تحية وبس

منيحة...!!


أعلى .:. أسفل
 يشاهد الملف الشخصي  
 
إرسال موضوع جديد هذا الموضوع مغلق ، لا تستطيع تعديله أو إضافة الردود عليه  [ 69 مشاركة ]  الانتقال إلى صفحة السابق  1 ... 3, 4, 5, 6, 7

جميع الأوقات تستخدم GMT + ساعتين [ DST ]


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  

جميع الحقوق محفوظة لـ ©2012Art-En.com . تصميم بواسطة Art-En . راسلنا . سياسة الخصوصية . قوانين المنتدى
Powered by phpBB© . Translated by phpBBArabia