لك والله يا هلا وغلا Wissamo,
ولا يهمك يا غالي بس تطمن انو المرة الجاية بوعدك انو ما رح تنفذ ووعد الحر دين ووقتا بنشوف كيف رح تكون رفقتك للكرسي وكيف رح تستفيد من هالرفقة
بما انو من واجبي انو جاوب على جميع الأسئلة فرح جاوبك عليها يا غالي فوراً
اقتباس:
1- قبل ما تدخل هالفرع شو كان طموحك؟
كان طموحي فوت هندسة كمبيوتر لكن الحمد لله على كل حال
اقتباس:
2- كيف بتتعامل مع الخسارة؟ ( بأي شكل من أشكالها )
أحياناً بحاول أتناساها وأحياناً بصير دور ورا الأسباب اللي خسرتني شي معين وكل طريقة حسب نوع الخسارة اللي خسرتا
اقتباس:
3- شو بتحب تعمل بأوقات فراغك؟
بحكم شغلي بكفي نت وبوقت فراغي بصير أتفتل على المواقع اللي بعرفو واللي ما بعرفو وشوف شي جديد وحاول انو أتعلم شي ما بعرفو أو من ناحية تانية انو عندي عادة تحميل أحدث الأفلام والمسلسلات الأجنبية بحمل وبتفرج
اقتباس:
4- أي نوع من أنواع الشعر بتفضل؟
بفضل الشعر الحديث وبحترم الشعر القديم
لأنو بالشعر الحديث بكون عندي خيارات تحكم بمسار القصيدة والقافية اللي فيني خليها متعددة
اقتباس:
5- لو طلبت منك توصفلي الكلمات التالية ( كل وحدة بجملة) شو بتقول:
اقتباس:
البحر
وعاء كبير يتسع لكل شيء حتى المشاعر
اقتباس:
السماء
سقف خيمة تظلنا وتحمينا من ما هو أعظم
اقتباس:
النجوم
شريكة العشاق في السهر
اقتباس:
الوحدة
مرض عضال يجب اسئصاله من جذوره
اقتباس:
الحياة
مسألة حسابيه معقدة نهايتها الصفر دوماً
حلوين كتير أسئلتك وسامو وانشا الله بردلك ايهن لما تكون انت مكاني
تحياتي لك يا غالي