آرتين لتعليم اللغات
http://forum.art-en.com/

الـــيــــوم ابراهيم محمد على كرسي الاعتراف
http://forum.art-en.com/viewtopic.php?f=82&t=15374		 صفحة 1 من 6
الكاتب:  ثـــائـــر [ السبت شباط 21, 2009 5:51 ص ]
عنوان المشاركة:  الـــيــــوم ابراهيم محمد على كرسي الاعتراف
بس بدي افهم انو  Wissamo  كيف عم ينفد  من ها الكرسي ....يعني صرت حاطتو أكتر من  3 مرات  و كل مرة بينفد  منها و بيطلع متل الشعرة  من العجين  ... *ممم  *ممم
بس بسيطة ...أنا و انت  و الزمن طويل ...و لنشوف  .... :mrgreen:  :mrgreen:

هادا الأسبوع عنا عضو  مميز بقصائدو  و بردودو ....شاعر بكل معنى الكلمة  ...صديقي  و أخي ...

ابـــــراهـــــيـــــم  مـــــحــــــمــــــد

Shakespearean

هو ضيفنا ها لأسبوع ....و مية أهلا  و سهلا فيه  ..... و هاي أحلى كرسي لأحلى برهووووم ... :mrgreen:

عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

رح اسألك كالعادة  كام  سؤال ...كوجبة خفيفة و مبدأية  ....


1- ابراهيم محمد ...من وين  و شو بتدرس و أي سنة  ؟  
2- عدد أفراد عائلتك ؟
3- عملك  و هواياتك بها الحياة  ؟
4- بعض  من أحلامك ؟؟ يعني شو مشاريعك بالنسبة للمستقبل ؟
5- يا ترا ابراهيم محمد .... خاض غمار الحب  ؟
6- عندي سؤال  كتير  حابب اعرف جوابو  ....و نسيت اسألك اياه  لما بحكي معك ...
شو سبب تسميتك  الأولى  .... Shakespearean  .هل يا ترا لانك بتعشق اعمال شكسبير مثلا  ؟

انشا الله يكون اسبوع مريح  و يمر بسرعة  .... لانو بصراحة  و الله رح ازعل عليك يا رفيقي ...
بس شو بدك  تعمل ..؟ هاي سنة الكون   :mrgreen:  يوم الك و يوم عليك  .....  :D  :D

سلام  *Hi  *Hi
الكاتب:  خالد الهبل [ السبت شباط 21, 2009 6:29 ص ]
عنوان المشاركة:  الـــيــــوم ابراهيم محمد على كرسي الاعتراف
ابراهيم محمد
انشالله ألف مبروك والله هالمرة متوصي ثائر بهالكرسي
حاططلك كل أنواع الأسلحة مشان بس حدن يزعجك من الأعضاء تشوف شغلك :mrgreen:
هلا أنا كالعادة بسأل سؤال واحد أو اتنين بس:
- سؤال اختياري شو أكتر صفة من هدول الصفات تتواجد بشخصيتك؟ احكيلنا شوي عن هالصفة...
 العصبي , الحنون , الدرويش , البارد , اللطيف , المبدع
- إذا كان عندك سر ولازم تحكيه لأي شخص بالدنيا لأنك ما عاد فيك تتحمل, طبعاً هالشخص ولا واحد من أهلك ولا أصدقائك فلمين ممكن تحكي؟ وليش؟
بتمنى أنو ما بيكونو تقال هالأسئلة والله يعينك يا سيدي
وعندي سؤال لثائر : وين التصويت لهالأسبوع؟
وبرجع بتشكرك ثائر  *1
الكاتب:  سليمان الحسن [ السبت شباط 21, 2009 6:49 ص ]
عنوان المشاركة:  الـــيــــوم ابراهيم محمد على كرسي الاعتراف
مشكور ثائر
وانشالله ابراهيم بيرتاح عكرسي الاعتراف
أسألتي
-هل تفسح المجال لبعض الاحزان ان تخترق جدار ذاكرتك من ايام الماضي؟
-كيف تتعامل مع الناس السذج؟
-هل تعفو عن خصمك ان هزمته ام تعاقبه؟
-ما هو طموحك المستقبلي وهل تظن بأنه سيتوقف عند حد معين؟

ارجو أن تكون أسألتي خفيفة عليك وغير محرجة ولكن ما العمل هذا كرسي الاعتراف
تحية مني لك ولثائر
الكاتب:  ابراهيم محمد [ السبت شباط 21, 2009 6:49 ص ]
عنوان المشاركة:  الـــيــــوم ابراهيم محمد على كرسي الاعتراف
انو غير تا عملتوها وحطيتوني على  الكرسي

بس مو مشكلة انا من عادتي انو بحب أنسأل أكتر ما بحب انو أسأل

يسلمو حبيبي ثائر على الترحيب وانشا الله بنردلك اياها بالأفراح

ومن دون مقدمات رح بلش بالأجوبة

اقتباس:
1- ابراهيم محمد ...من وين و شو بتدرس و أي سنة ؟

أنا من درعا بدرس أدب عنجليزي سنة تالتة ناجح ويعيد

اقتباس:
2- عدد أفراد عائلتك ؟

عندي 2 أخوة و 4 أخوات وأمي

اقتباس:
3- عملك و هواياتك بها الحياة ؟

عملي حالياً : أعمل بكفي نت وهواياتي الكتابة والشعر

اقتباس:
4- بعض من أحلامك ؟؟ يعني شو مشاريعك بالنسبة للمستقبل ؟

مممممممم أخلامي الشخصية انو أدخل عالم الانترنت بجحميع أبوابو من خلال التصميم والبرمجة وأنا حالياً عم أعمل جهدي وبخطط انو كون شركة صغيرة تختص بهالمجال

اقتباس:
5- يا ترا ابراهيم محمد .... خاض غمار الحب ؟

ما في حدا ما خاض غمار الحب .. اي نعم ابراهيم حب

اقتباس:
6- عندي سؤال كتير حابب اعرف جوابو ....و نسيت اسألك اياه لما بحكي معك ...
شو سبب تسميتك الأولى .... Shakespearean .هل يا ترا لانك بتعشق اعمال شكسبير مثلا ؟

هالسؤال كتير حلو ورح قلك قصتو
انا قبل ما فوت على المنتدى ما كنت أعرف عنو أي شي ومرة كنت أسأل رفيقي عن موضوع عنا بالانكليزي قلي فوت على موقع آرتين بتلاقيه هنيك وسألتو بعض التفاصيل وقلي انو هو اسمو بالمنتدى ثائر شكسبير وربطت الاسم مع مقولة قلي اياها الدكتور أحمد العيسى أستاذ مادة النثر في جامعة تشرين "لو كان شكسبير جنرالاً في الجيش...." وغير عن هاد كلو الشي اللي قريتو لشكسبير عجبني كتير وأثبتلي قدي كان كاتب عظيم

شكراً كتير الك صديقي ثائر على الأسئلة

تحياتي
الكاتب:  ابراهيم محمد [ السبت شباط 21, 2009 6:54 ص ]
عنوان المشاركة:  الـــيــــوم ابراهيم محمد على كرسي الاعتراف
أخي خالد الهبل

أهلا بك ومهما كان عدد الأسئلة فانا جاهز تماماً انشا الله

اقتباس:
- سؤال اختياري شو أكتر صفة من هدول الصفات تتواجد بشخصيتك؟ احكيلنا شوي عن هالصفة...
العصبي , الحنون , الدرويش , البارد , اللطيف , المبدع

والله يا غالي فيك تقول انو أنا عصبي زيادة عن اللزوم وهالصفة سببتلي كتير مشاكل مع كتير ناس وبالأخص أهلي
هالصفة يمكن كون ورثتا وراثة أو بسبب ظروف صعبة مريت أنا فيها ما كنت أتحمل انو حلها بهدوء لذلك كانت العصبية هي ملاذي

اقتباس:
- إذا كان عندك سر ولازم تحكيه لأي شخص بالدنيا لأنك ما عاد فيك تتحمل, طبعاً هالشخص ولا واحد من أهلك ولا أصدقائك فلمين ممكن تحكي؟ وليش؟
بتمنى أنو ما بيكونو تقال هالأسئلة والله يعينك يا سيدي

بحكي هالسر للورق وبس لأنو هو الوحيد اللي فينو يحفظ السر حتى عني أنا نفسي

مع انهون كانو بس سؤالين بس كانو كتير ظريفين

اهلا بك أخي خالد
الكاتب:  ابراهيم محمد [ السبت شباط 21, 2009 7:02 ص ]
عنوان المشاركة:  الـــيــــوم ابراهيم محمد على كرسي الاعتراف
sleman alhasan,  

اي أكيد رح ارتاح على هالكرسي مو أنا اللي اخترتو

رح بلش فوراً

اقتباس:
-هل تفسح المجال لبعض الاحزان ان تخترق جدار ذاكرتك من ايام الماضي؟

أكيد بسمح لكتير من الأحزان انها تخترق جدار ذاكرتي لأنو بحس انو عميعطوني قوة وتمسك بشي انا مقرر انو أتمسك فيه

اقتباس:
-كيف تتعامل مع الناس السذج؟

وإذا خاطبك السفيه فلا تجبه **** فخير من اجابته السكوت
فإن كلمته فرجت عنه ***** وإن خليته كمداً يموت
هذان البيتان كفيلان بالاجابة على سؤالك وهما للإمام الشافعي

اقتباس:
-هل تعفو عن خصمك ان هزمته ام تعاقبه؟

هالشي بيعتمد على سبب الخصومة اللي صارت بيني وبينو
فلو كانت شيء لا يغتفر كالخيانة بعقبو وما بصفح عنو
أما اذا كانت عن سوء تصرف أو مبالغة بشي معين بصفح عنو بس بخليه يحس بالذنب مشان ما يكرر هالشي معي أنا أو مع حدا تاني غيري

اقتباس:
-ما هو طموحك المستقبلي وهل تظن بأنه سيتوقف عند حد معين؟

طموحي أن أتعلم كل ما يتعلق بتصميم مواقع الانترنت وهكذا مجال لا يتوقف عند حد معين فكل يوم يظهر شيء جديد وهذا ما أحببته بهذا المجال وفضلته عن أي مهنة أخرى

ما في اي غبار على الأسئلة أخي سليمان

تقبل تحياتي
الكاتب:  ثـــائـــر [ السبت شباط 21, 2009 7:20 ص ]
عنوان المشاركة:  الـــيــــوم ابراهيم محمد على كرسي الاعتراف
خالد الهبل,  

اقتباس:
وعندي سؤال لثائر : وين التصويت لهالأسبوع؟


كالعادة  ... الاحد او الاتنين انشا الله ...
الكاتب:  Hidding Rose [ السبت شباط 21, 2009 12:50 م ]
عنوان المشاركة:  الـــيــــوم ابراهيم محمد على كرسي الاعتراف
ابراهيم محمد,  
لك ميييييية هلا اخي ..... منور و الله *1
شو هالكرسي هاد ... كتير غريب ... بس يللا حماية مشان ماحدا يفكر يدايقك ويصعبلك الاسئلة  :mrgreen:

حبيت اجي باركلك تربعك عالكرسي  :mrgreen:
وقت صوتتلك كان ببالي سؤال ( شكسبيريان ) كسؤال اولي اسأله ... بس سبقني ثائر ...
بس كيف يعني ناجح ويعيد ؟؟؟!!!

موفق اخي  *1

اكيد لي عودة   :wink:
الكاتب:  Wissam [ السبت شباط 21, 2009 1:37 م ]
عنوان المشاركة:  الـــيــــوم ابراهيم محمد على كرسي الاعتراف
ثـــائـــر كتب:
بس بدي افهم انو  Wissamo  كيف عم ينفد  من ها الكرسي ....يعني صرت حاطتو أكتر من  3 مرات  و كل مرة بينفد  منها و بيطلع متل الشعرة  من العجين  ... *ممم  *ممم
بس بسيطة ...أنا و انت  و الزمن طويل ...و لنشوف  .... :mrgreen:  :mrgreen:


:lol:  :lol:  :lol:  :lol:  :lol:
8) أنا والكرسي رفقة :mrgreen:
والقادمات من الأيام رح تكشف هالشي :wink:

ثائر.....الله يعطيك العافية *1
الكاتب:  Wissam [ السبت شباط 21, 2009 1:57 م ]
عنوان المشاركة:  الـــيــــوم ابراهيم محمد على كرسي الاعتراف
ابراهيم محمد,  
:lol:  :lol:  :lol:  :lol:  :lol:  :lol:  :lol:  :lol:  :lol:  :lol:  :lol:  :lol:  :lol:
لك ألف مبروووووووووك الكرسي حبيبي برهوووووووووووووووووووم :mrgreen:
بس لا تفكر شمتان.......الله وكيلك مو شماتة هه :mrgreen: .....بس حبيت قلك مبروك قبل ما اسألك

هلق أنا ما بحب كتر أسئلة......لذلك كم سؤال خفاف ظراف :wink:
1- قبل ما تدخل هالفرع شو كان طموحك؟
2- كيف بتتعامل مع الخسارة؟ ( بأي شكل من أشكالها )
3- شو بتحب تعمل بأوقات فراغك؟
4- أي نوع من أنواع الشعر بتفضل؟
5- لو طلبت منك توصفلي الكلمات التالية ( كل وحدة بجملة) شو بتقول:
البحر.........السماء.........النجوم..........الوحدة.........الحياة

يلا حاج هدول هلق........انشالله كون ضيف خفيف الظل عليك :wink:
وانشالله ببقى بطل عليك مرة تانية :mrgreen:
*1  *ورود  *1  *ورود
صفحة 1 من 6 جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group
http://www.phpbb.com/