Safa alaasi,
حاسس حالي بامتحان تقرير مصير بس يلا معليش مو مشكلة أنا رح جاوب وأمري لله
اقتباس:
1-أطيب أكلة عندك؟
اليبرق ورز الكبسة
اقتباس:
2-شو بدك اتسمي ان اجتك بنت بالايام؟
مممممم ما فكرت بهالشي وممكن انو خلي قرار الاسم لتعيسة الحظ
اقتباس:
3-شو بدك تسمي ان اجاك صبي؟
عبد الرحمن
اقتباس:
4-أحلا ساعة باليوم؟
ساعة الفجر بعد الصلاة
اقتباس:
5-آخر مرة بكيت؟
من أربع أيام لما كنت بالمقبرة
اقتباس:
6-آخرة مرة اضحكت بس من قلبك؟
بتاريخ 31/1/2009 بعد امتحان ال LINGUISTIC
اقتباس:
7-أعز صديق عقلبك؟من المنتدى و من خارجو؟
بالمنتدى مو بس واحد في أحمد وباسل وثائر والكل هون بعتبرو أعز صديق عندي
خارج المنتدى ابن عمي وصديقي وبديلي بالشغل عبد الحميد
اقتباس:
8-حدا ما بتقدر تقعد بلاه؟
النت
اقتباس:
9-حدا لازم اتحكيه عالتلفون كل يوم؟
ماما
اقتباس:
10-لحظة بالطفولة ما بتنساها؟
اللحظة اللي انطلق لساني فيها كان عمري 4 سنين وأول كلمة حكيتا قلت للدكتور يلعن أبوك
اقتباس:
11-نصيحة من أمك حطيتا حلقة بادنك؟
النصيحة هي انو بعد عن المشاكل ودير بالك على دراستك
اقتباس:
12-نصيحة من أبوك لهلئ بتتذكرا وبتعمل فيها؟
انت المسؤول ودير بالك على أمك وأخواتك
اقتباس:
13-أصعب امتحان بالجامعة مرق عليك؟
امتحان النثر فصل أول سنة أولى لأنو أول امتحان بقدمو بالجامعة
مو لأنو صعب بس لأنو جديد علي هيك شي
اقتباس:
14-أصعب مشهد ما بتنساه بحياتك؟
باليوم اللي توفى فيه أبي ولما كنت نزل راسو بالقبر وفتحت الكفن وشفت وشو
هالمشهد ما بروح من بالي حتى انو كأني عمشوفو هلأ قدامي
اقتباس:
15-فيلمك الأجنبي المفضل؟
ما في شي محدد بس بحب الأفلام الواقعية أكتر من الخيالية
اقتباس:
16-أغنية لفيروز المفضلة؟
أنا لحبيبي وحبيبي الي
اقتباس:
17-أغنية لام كلثوم مفضلة؟
سيرة الحب
اقتباس:
18-أغنية من هالزمن بتحبا؟
ممكن تكون حبك ليا لنانسي عجرم
بس أنا نادراً ما أسمع أغاني من هالزمن كلو قديم
اقتباس:
19-البلد الي بتحلم اتزورو؟
أمريكا
اقتباس:
20-البلد الي بتحلم اتعيش فيه واتختير فيه؟
طبعاً سوريا بس بعد ما كون عملت فتلة على بلاد كتيرة لأني بعشق السفر
اقتباس:
بتمنا ما كون تقلت عليك بس الاسئلة عقد المحبة
على راسي والله يسلمو كتير على البريك والله يديم المحبة يا رب
اقتباس:
صحي كتاب لا تحزن انا قاريتو وفعلا بيهون أكبر مصيبة
فعلاً
اقتباس:
يالله راح اتركك تمخمخ مسيو ابراهيم
ما أنا مخمخت لشبعت مخمخة
يسلمو صفاااااااااااء
يمكنك أن تستفيد من الصلاحيات الإضافية للعضو و المشاركة في المنتدى بالتسجيل من هنا , كما يشرفنا أن ينضم إلينا الأساتذة و المعلمون 
تسجيل الدخول
تصفح جوال
الأسئلة المتكررة
بحث
::
::
