لك والله يا هلا وغلا Wissamo,
ولا يهمك يا غالي بس تطمن انو المرة الجاية بوعدك انو ما رح تنفذ ووعد الحر دين ووقتا بنشوف كيف رح تكون رفقتك للكرسي وكيف رح تستفيد من هالرفقة
بما انو من واجبي انو جاوب على جميع الأسئلة فرح جاوبك عليها يا غالي فوراً
Citer:
1- قبل ما تدخل هالفرع شو كان طموحك؟
كان طموحي فوت هندسة كمبيوتر لكن الحمد لله على كل حال
Citer:
2- كيف بتتعامل مع الخسارة؟ ( بأي شكل من أشكالها )
أحياناً بحاول أتناساها وأحياناً بصير دور ورا الأسباب اللي خسرتني شي معين وكل طريقة حسب نوع الخسارة اللي خسرتا
Citer:
3- شو بتحب تعمل بأوقات فراغك؟
بحكم شغلي بكفي نت وبوقت فراغي بصير أتفتل على المواقع اللي بعرفو واللي ما بعرفو وشوف شي جديد وحاول انو أتعلم شي ما بعرفو أو من ناحية تانية انو عندي عادة تحميل أحدث الأفلام والمسلسلات الأجنبية بحمل وبتفرج
Citer:
4- أي نوع من أنواع الشعر بتفضل؟
بفضل الشعر الحديث وبحترم الشعر القديم
لأنو بالشعر الحديث بكون عندي خيارات تحكم بمسار القصيدة والقافية اللي فيني خليها متعددة
Citer:
5- لو طلبت منك توصفلي الكلمات التالية ( كل وحدة بجملة) شو بتقول:
Citer:
البحر
وعاء كبير يتسع لكل شيء حتى المشاعر
Citer:
السماء
سقف خيمة تظلنا وتحمينا من ما هو أعظم
Citer:
النجوم
شريكة العشاق في السهر
Citer:
الوحدة
مرض عضال يجب اسئصاله من جذوره
Citer:
الحياة
مسألة حسابيه معقدة نهايتها الصفر دوماً
حلوين كتير أسئلتك وسامو وانشا الله بردلك ايهن لما تكون انت مكاني
تحياتي لك يا غالي