أهلا بك زائرنا الكريم في منتديات آرتين لتعليم اللغات (^_^)
اليوم هو الأربعاء تشرين الثاني 22, 2017 5:48 م
اسم المستخدم : الدخول تلقائياً
كلمة المرور :  
لوحة الإعلانات الإدارية

عذراً أخوتي .. تم إغلاق كافة الأقسام الترفيهية في آرتين حتى إشعار آخر

إعلان إداري فيما يخص الآراء السياسية في آرتين


آخر المشاركات

  ... آرتين ...   » شو مننشان التأجيل ماقدرت أجل عالسنة الثالثة  .:. آخر رد: AshleyCuneo  .:.  الردود: 2   ... آرتين ...   » أساسيات في المراسلات التجارية بالانكليزية Commercial Correspondence  .:. آخر رد: jennifertaylor0009  .:.  الردود: 29   ... آرتين ...   » غرائب النطق في اللغة الفرنسية  .:. آخر رد: yasjojo  .:.  الردود: 10   ... آرتين ...   » تعيينات  .:. آخر رد: esamm  .:.  الردود: 0   ... آرتين ...   » تعيينات  .:. آخر رد: esamm  .:.  الردود: 0   ... آرتين ...   » عندي سؤال لو سمحتوا  .:. آخر رد: حلواني  .:.  الردود: 2   ... آرتين ...   » We want arten to be back  .:. آخر رد: حلواني  .:.  الردود: 2   ... آرتين ...   » هذا البرنامج المجاني يساعدك على التمكن من اللغة الإنجليزي 2018 + قاموس إنجليزي \ إنجل  .:. آخر رد: حلواني  .:.  الردود: 1   ... آرتين ...   » كان يا مكان كنا عيلة وحدة وفرقنا الزمان  .:. آخر رد: حلواني  .:.  الردود: 4   ... آرتين ...   » مرحبا  .:. آخر رد: حلواني  .:.  الردود: 2

جميع الأوقات تستخدم GMT + ساعتين [ DST ]




إرسال موضوع جديد هذا الموضوع مغلق ، لا تستطيع تعديله أو إضافة الردود عليه  [ 119 مشاركة ]  الانتقال إلى صفحة السابق  1 ... 7, 8, 9, 10, 11, 12  التالي
الكاتب رسالة
  • عنوان المشاركة: اللهم لا شماته .... ثـــائـــر على كرسي الاعتراف جالساً !!
مرسل: الأربعاء تشرين الثاني 19, 2008 7:53 ص 
مشرفة قسم مهارات تطوير الذات
مشرفة قسم مهارات تطوير الذات
صورة العضو الشخصية
اشترك في: 15 نيسان 2007
المواضيع: 64
المشاركات: 3024
المكان: حمص
القسم: انجليزي
السنة: MA
لا يوجد لدي مواضيع بعد

:: أنثى ::


غير متصل
ثـــائـــر,  

وقت دخلت المرة الماضية لأقرا قريت بأحد أجوبتك شي خلاني حسك مانك صادق
نفرني هالشي وطلعت وأنا ماني رضيانة عن الوضع
" طبعاً مشان ما تسألني شو الجواب اللي زعجني بين أجوبتك..فهو وقت قلت أنك لو شفت إمرأة بالشارع عم تدعي (الله ينتقم منكن) بتقرب لعندا بتحكيا وبتواسيا وبتاخدا عالبيت ممكن :? "

أنت بتعرف أني ما بقول كلمة ماني واثقة منا...وأنا واثقة أنو محدا بيعمل هيك

:arrow:
نحنا بمن اللي عم يقولو "الله ينتقم منكن" كتااااااااااااااار وصارت هالكلمة غير مسموعة ومحدا بحس فيا..وكمان مافي شب بيلتهي بهيك أمراءة حتى عن وقت فراغو :idea:

المهم..ولأنو حبيت باقي أجوبتك....ولأنك عنجد صريح كتير هي كم سؤال :arrow:

1- أنت بتلاحظ أني قاسية معك بشكل عام؟
2- بتسامحني على هالشي؟
3-ملاحظ أنو هالكرسي "ومعك أنت بالذات"  ممكن يعمل معجبين من الجنس الآخر للقاعد عليه؟
4- هل القاعد عالكرسي عم يلمع أجوبتو؟...
5- ثائر...أنت حاطط ببالك أنو حبيبتك تقرا كل سؤال وجواب بهالموضوع؟
"عفواً..بقصد حبيبتك سابقاً"
6-أنت بتراعي هالشي بحيث أنك تخلي أجوبتك توصللها على شكل رسائل؟
7- بس تحب مرة تانية...بتريدا تعرف؟
8- وقت جاوبت عن هروب عروستك بيوم العرس أنك بتنقي أحلى وحدة من الحضور "بغض النظر عن الدراما" فهل كمان وقت نقيت حبيبتك الأولى نقيتا عأساس الجمال فقط؟

9- بتتذكر أسماء الكتب "أو روايات مثلاً" قريتن من بداية مراهقتك لهلأ؟ عددلنا منن شوي
10-مين أكتر كاتب عربي بأثر فيك؟ ومين أكتر كاتب انجليزي أو أميركي؟
11- بحبك للشعر...وكمشرف لبوح المشاعر...شو قريت دواوين شعر؟
12- ما مدى استمتاعك أمام البرامج الوثائقية؟ وعلى أي قنوات بتحضرن؟
13- شو نوع الأفلام اللي بتأثر فيك؟ ومين المخرجين أو الممثلين اللي بكون سماع اسمن سبب لتحضر الفلم؟
14- هل كنت طفل مطيع بصغرك لأمك؟
15- أكيد في شي بتعارض أهلك فيه..أو كلمة ما بتنفذا..فبشو بتعارضن؟
16-
اقتباس:
اي اكيد :: الملاك .. تيماء ...

مين تيماء؟

*1

_________________
التوقيع لــلــمــلائــكــة  حــضــورهــا


أعلى .:. أسفل
 يشاهد الملف الشخصي  
 
  • عنوان المشاركة: اللهم لا شماته .... ثـــائـــر على كرسي الاعتراف جالساً !!
مرسل: الأربعاء تشرين الثاني 19, 2008 1:04 م 
آرتيني نشيط
آرتيني نشيط
صورة العضو الشخصية
اشترك في: 16 كانون الثاني 2008
المواضيع: 12
المشاركات: 386
القسم: اللغة الانكليزية
السنة: الرابعة
لا يوجد لدي مواضيع بعد

:: أنثى ::


غير متصل
ثـــائـــر,  

صباح الخير  *Hi  كيفك اليوم

أولاً : افتقدنالك  كتير كتير هالسنة صحيح عم نشوفك كل يوم بالحديقة  :wink:  بس وجودك معنا بالمحاضرات بضل غير شكل  :mrgreen: , كمان تعى لهون حدا بيرسب بالسنة التانية , انا بعرف الطلاب بيرسبو بالاولى , بالتااااااااااالتة , بالرابعة بس مو بالتانية *خوف ...........والله الك وحشة   :wink:

هلأ بلا مقدمات رح بلش بالأسئلة , استعد  8)

1- شو أحلا 3 شغلات بحياتك و اسوء 3 شغلات كمان  *ممم

2 - انت شب كتير محبوب بالجامعة خاصة من قبل الصبايا وسؤالي بتحس حالك بتشبه الشاعر نزار قباني , و ليش   :?:  

3 - اذا ما كنت ثائر شو بتحب تكون ؟ يعني كيف بتحب تكون شخصيتك و شو مدى بعدها او قربها من شخصيتك الحالية ؟

4 - حسب علمي انو بتقضي كل نهارك : جامعة و شغل و انترنيت و سهر مع رفقاتك
طيب قديه بتعطي وقت ل : دراستك - علاقاتك الاجتماعية مع الاهل و الاقارب - المطالعة

5 - شئد بينطبق عليك البيت التالي :
ما كل ما يتمناه المرء يدركه ......................... تجري الرياح بما لا تشتهي السفن

6 - شو علاقتك بالعندليب الاسمر عبد الحليم حافظ

7 - اذا تعرضت لموقف صعب و نصحك احد اصدقاءك نصيحة و ما سمعت منو و بعدين اكتشفت انو نصيحتو كانت بمحلها , شو موقفك من حالك


  *1  *1  *1  *1

_________________
التوقيع صورة


أعلى .:. أسفل
 يشاهد الملف الشخصي  
 
  • عنوان المشاركة: اللهم لا شماته .... ثـــائـــر على كرسي الاعتراف جالساً !!
مرسل: الأربعاء تشرين الثاني 19, 2008 5:55 م 
مشرف قسم عائلة آرتين
مشرف قسم عائلة آرتين
اشترك في: 02 آذار 2007
المواضيع: 142
المشاركات: 2434
المكان: حمص العدية
القسم: الانكليزية
السنة: الــرابــعــة
لا يوجد لدي مواضيع بعد

:: ذكر ::


غير متصل
Armando,   الملاك,   Samar,  

كل الأسئلة يلي مرقت كوم ... و ها الأسئلة كوم تاني ....  لذلك راجع مع الاجوبة ..


أعلى .:. أسفل
 يشاهد الملف الشخصي  
 
  • عنوان المشاركة: اللهم لا شماته .... ثـــائـــر على كرسي الاعتراف جالساً !!
مرسل: الخميس تشرين الثاني 20, 2008 4:15 ص 
مشرف قسم عائلة آرتين
مشرف قسم عائلة آرتين
اشترك في: 02 آذار 2007
المواضيع: 142
المشاركات: 2434
المكان: حمص العدية
القسم: الانكليزية
السنة: الــرابــعــة
لا يوجد لدي مواضيع بعد

:: ذكر ::


غير متصل
Armando,  

اقتباس:
شو كان شعورك لحظة اتخاذ القرار بإعتلائك منصة كرسي الإعتراف.. لحظة اهالإنقلاب الخطير؟


بالبداية أخدت الموضوع بشكل عادي جدا و قلت أسبوع و بيمضى ... بس لما شفت الردود على موضوع الاستثناء صارت برقم خيالي ..بصراحة خفت ..  :mrgreen:
اقتباس:
بصفتك عميد كلية الحب... شو هية و جهة نظرك بالحب .. و هل يا ترى جربتو؟ و عمليا هل تؤمن بوجوده؟ و بالعادة بتفضل تحكيم عقلك أم قلبك فيه لو افترضا انك بتآمن فيه؟

الحب هو أقدس شعور ممكن يولد بين شخصين ... و هو من أقوى الروابط البشرية ..
و أكيد أؤمن بوجوده و أؤمن كمان انو لولاه لكانت الحياة بلا طعم او معنى .... و انا اي جربتو مرة .. و اما اني حكم قلبي او عقلي ..فانا لما حبيت حكمت قلبي .. و ماني ندمان لاني لو حكمت عقلي ماكنت  اكتشفت قدرة الحب الهائلة يلي عندي ... طبعا  بالرغم من الألم يلي بقلبي حاليا جراء فراق من أحب .. بس تحكيم قلبي خلاني عيش لحظان انا بعتبرها من أروع لحظات عمري ...

اقتباس:
في شي مرة ندمت ع قرار اتخذتو بحياتك و بعتبر حالك تسرعت فيه؟

انا ما تعودت اني اندم على شئ ..لاني أؤمن بشي اسمو .. تمتع بقدرك .. يعني لولا هالشي مانو قدري ماكنت قررتو ... لذلك لا  مافي شي ...
اقتباس:
شو رأيك بالمصطلحات التالية:
الصداقة\ الخيانة
النميمة\ النفاق
الغيرة\ الحسد
التكبر\ التواضع
الجنون\ العقل


الصداقة : إن لم تعطه حقه ...لن تجده .
الخيانة : خنجر في القلب و آثاره تبقى طويلا ..
النميمة : مرض ينتقل عن طريق الكلام ...
النفاق : سلاح عديمي الشخصية ..
الغيرة : إن كانت بين حبيبين فهي من أجمل المشاعر ... و اما إن كانت بين صديقين فهي من الشئ الذي سيسبب فراقهما ..
الحسد : مرض في القلب ... ناتج عن عدم القناعة ..
التواضع : سلاح إن لم نعرف استخدامه .. صرنا بنظر البشر ..ضعيفو شخصية  ..
الجنون : الراحة ..
العقل : عدو القلب منذ الأزل و حتى قيام الساعة ...

اقتباس:
هل انت راض عن نفسك أو بتعتبر نفسك مظلوم؟

لا أعتبر نفسي مظلوما ..  و بالنسبة للرضا عن نفسي فلا لست راضيا عن نفسي

اقتباس:
شو هية أجمل لحظات حياتك اللي عشتا؟

عندما كنت أجلس مع القمر و كانت النجوم تحسدني على فرحي .. و كانت الرياح عندما تمر بجانبي تدعو مسخرها أن  تبقى حولي كي ترى فرحة عيوني عندما كانت حبيبتي بجانبي ...
اقتباس:
شو آخر موقف محرج انحطيت فيه و مع مين كان؟


اي اليوم كنت عم اشتغل عند زبون قال ما عندو اشارة .. المهم طلعت لعندو و معي العدة ... طلعت عالسطح غيرت الابرة  ما اشتغل ..قلتلو الكبل .. غيرنا الكبل ما اشتغل ..قلتلو  معناها عيار الصحن ... عيرنا الصحن ما اشتغل ..قلتلو  ماعاد  في غير جهازك .. حطيت جهاز تاني كمان ما اشتغل ... يا ويلاه اديه حسيت حالي صغير وقتها و غشيم مع اني صرلي 6 سنين با المصلحة  يعني ماني متعود انو  انحرج هيك ..و يا حزرك بلآخر شو طلع العطل ... يا سيدي طلع عندو منظم كهربا بالبيت عم يعطي اشعاعات لكل البناية و عم يخفي الاشارة ..لاني لما طلعت آخر مرة عا السطح لقيت في ورشة تاني  و الشب  عم ينتف شعرو مانو عرفان شو يعمل يا حرام ..قال صرلو يومين عم يصلح و ما عم يعرف شو العطل ..  :mrgreen:  :mrgreen:


أعلى .:. أسفل
 يشاهد الملف الشخصي  
 
  • عنوان المشاركة: اللهم لا شماته .... ثـــائـــر على كرسي الاعتراف جالساً !!
مرسل: الخميس تشرين الثاني 20, 2008 5:12 ص 
آرتيني فعّال
آرتيني فعّال
صورة العضو الشخصية
اشترك في: 28 أيلول 2008
المواضيع: 55
المشاركات: 1894
لا يوجد لدي مواضيع بعد



غير متصل
الصداقة : إن لم تعطه حقه ...لن تجده .
الخيانة : خنجر في القلب و آثاره تبقى طويلا ..
النميمة : مرض ينتقل عن طريق الكلام ...
النفاق : سلاح عديمي الشخصية ..
الغيرة : إن كانت بين حبيبين فهي من أجمل المشاعر ... و اما إن كانت بين صديقين فهي من الشئ الذي سيسبب فراقهما ..
الحسد : مرض في القلب ... ناتج عن عدم القناعة ..
التواضع : سلاح إن لم نعرف استخدامه .. صرنا بنظر البشر ..ضعيفو شخصية  ..


:wink:  :wink:  :wink:  :wink:  :wink: :wink:  :wink:

_________________
التوقيع
إضغط على الصوره لتراها بحجمها الطبيعي
تستطيع أن ترى الصورة بحجمها الطبيعي بعد الضغط عليها


آخر تعديل بواسطة عبدالله في الخميس تشرين الثاني 20, 2008 5:16 ص، عدل 1 مرة

أعلى .:. أسفل
 يشاهد الملف الشخصي  
 
  • عنوان المشاركة: اللهم لا شماته .... ثـــائـــر على كرسي الاعتراف جالساً !!
مرسل: الخميس تشرين الثاني 20, 2008 5:12 ص 
آرتيني فعّال
آرتيني فعّال
صورة العضو الشخصية
اشترك في: 28 أيلول 2008
المواضيع: 55
المشاركات: 1894
لا يوجد لدي مواضيع بعد



غير متصل
*ورود

_________________
التوقيع
إضغط على الصوره لتراها بحجمها الطبيعي
تستطيع أن ترى الصورة بحجمها الطبيعي بعد الضغط عليها


أعلى .:. أسفل
 يشاهد الملف الشخصي  
 
  • عنوان المشاركة: اللهم لا شماته .... ثـــائـــر على كرسي الاعتراف جالساً !!
مرسل: الخميس تشرين الثاني 20, 2008 5:17 ص 
مشرف قسم عائلة آرتين
مشرف قسم عائلة آرتين
اشترك في: 02 آذار 2007
المواضيع: 142
المشاركات: 2434
المكان: حمص العدية
القسم: الانكليزية
السنة: الــرابــعــة
لا يوجد لدي مواضيع بعد

:: ذكر ::


غير متصل
الملاك,  

اقتباس:
وقت دخلت المرة الماضية لأقرا قريت بأحد أجوبتك شي خلاني حسك مانك صادق
نفرني هالشي وطلعت وأنا ماني رضيانة عن الوضع
" طبعاً مشان ما تسألني شو الجواب اللي زعجني بين أجوبتك..فهو وقت قلت أنك لو شفت إمرأة بالشارع عم تدعي (الله ينتقم منكن) بتقرب لعندا بتحكيا وبتواسيا وبتاخدا عالبيت ممكن  "

أنت بتعرف أني ما بقول كلمة ماني واثقة منا...وأنا واثقة أنو محدا بيعمل هيك


نحنا بمن اللي عم يقولو "الله ينتقم منكن" كتااااااااااااااار وصارت هالكلمة غير مسموعة ومحدا بحس فيا..وكمان مافي شب بيلتهي بهيك أمراءة حتى عن وقت فراغو  


انت كنت ماشي با الشارع انت  و خالك او انت و اخوكي الكبير ... شفتي امرأة على باب مشفى  ماسكة ابنها الصغير بحضنها  و عم تبكي و عم تقول  ( الله ينتقم منكم ) لانهم بالمشفى ما قبلو انو يعملو لابنها الصغير عملية ضرورية كتير و مستعجلة  ...  هو عم ينزف ... يا ترا ما رح تروحي و تفوتيها عا المشفى مع ابنها و تمنحيها وقتك كلو انت و اخوكي او خالك .. و بعدها ما رح تاخديها لعندك عا البيت و تحاولي انك تساعديها على قد ما بتقدري ....  
طيب بلاها هاي .... انا بعرف انو  اقناعك بشي انت مانك مقتنعة فيه هو  من المستحيلات  بس انا  ثـــائـــر و ما في بقاموس حياتي شئ اسمو مستحيل ...

انت ماشي بالشارع مع اخوكي ... شفت امراة  عجوز عم تبكي لانو مرت ابنها المسافر قلعتها من البيت لانو الام ما عم تقدر تمشي و مقعدة ..لذلك مرت الابن رمتها با الشارع ... و الام عم تقول .. ( الله ينتقم منك )  و الدنيا برد و شتي ... يا ترا شو موقفك مني اذا شفتيني انا بالسيارة  و مريت حد ها لعجوز و شفتها و ضليت ماشي  و لا عرتها اي اهتمام ..؟؟  قليلي ؟؟  
صدقيني الدنيا لسا بخير ... و اذا خليت خربت  ... مع احترامي لظنك السيئ بكل يلي قلبو طيب و يلي بحب يساعد الناس ...


اقتباس:
شي خلاني حسك مانك صادق

انت الملاك صح ... بس كمان انا من البشر يلي ما بحب انو يكذب ..

اقتباس:
1- أنت بتلاحظ أني قاسية معك بشكل عام؟

اي بعض الاحيان ... بس قسوتك بتجيب مانها عن عبث .. يعني الها فائدة ..
اقتباس:
2- بتسامحني على هالشي؟

اي اكيد .. لانو يمكن لولا قسوتك يمكن كنت لهلأ ماني موجود ...

اقتباس:
3-ملاحظ أنو هالكرسي "ومعك أنت بالذات" ممكن يعمل معجبين من الجنس الآخر للقاعد عليه؟

اي ملاحظ ..  و شايف ..
اقتباس:
4- هل القاعد عالكرسي عم يلمع أجوبتو؟

بعض يلي قعدو اي  ..( بدون ذكر اسماء )
اقتباس:
- ثائر...أنت حاطط ببالك أنو حبيبتك تقرا كل سؤال وجواب بهالموضوع؟
"عفواً..بقصد حبيبتك سابقاً"

لا  ..حبيبتي ما رح تفوت منوب عالمنتدى .. حتى لو عرفت اني على الكرسي ..
اقتباس:
6-أنت بتراعي هالشي بحيث أنك تخلي أجوبتك توصللها على شكل رسائل؟

لا ..و  لما بجاوب ما بفكر انها رح تعرف انا شو جاوبت ..

اقتباس:
7- بس تحب مرة تانية...بتريدا تعرف؟

لا .. لانها رح تتدايق و يمكن تبكي ..و انا عندي دموعها بغلاوة دموع امي ...
اقتباس:
8- وقت جاوبت عن هروب عروستك بيوم العرس أنك بتنقي أحلى وحدة من الحضور "بغض النظر عن الدراما" فهل كمان وقت نقيت حبيبتك الأولى نقيتا عأساس الجمال فقط؟

اي ...
اقتباس:
9- بتتذكر أسماء الكتب "أو روايات مثلاً" قريتن من بداية مراهقتك لهلأ؟ عددلنا منن شوي

بداياتي كانت بروايات عبير ... روايات قصيرة و حلوة ..  بس بعدين صرت اقرا  أعمال أكثرها مترجمة مثلا عندك ...
سجان العواطف . لمارجريت روم ... عجبتني كتير ...  لانو من بداية الرواية و الحبيبين عم يكابروا بحبهم .. لحتى بالنهاية اعترفو الاتنين سوا ..
رواية ..قلب من ذهب.. لليندن جريسون .. بس بصراحة ما عجبتني كتير ..لأنو  ماكان في تمهيد للحب .. كان يكرهها  و بآخر الفصل صار يحبها ..
و في كمان  ..مبادئ الحب العشرة .. لأحلام ..

اقتباس:
10-مين أكتر كاتب عربي بأثر فيك؟ ومين أكتر كاتب انجليزي أو أميركي؟

نجيب محفوظ ...  و انا بحب شكسبير كتير .. مع انو مجنني بلجامعة ..  :mrgreen:

اقتباس:
11- بحبك للشعر...وكمشرف لبوح المشاعر...شو قريت دواوين شعر؟

انا قريت تقريبا كل دواوين نزار قباني ... و أغلب اعمال جبران خليل جبران ..
و قريت معلقة امرئ القيس .. و اجمل بيت فيها  هو :
أغَـرَّكِ مِنِّـي أنَّ حُبَّـكِ قَاتِلِـي

وأنَّـكِ مَهْمَا تَأْمُرِي القَلْبَ يَفْعَـلِ

اقتباس:
12- ما مدى استمتاعك أمام البرامج الوثائقية؟ وعلى أي قنوات بتحضرن؟

بعشق البرامج الوثائقية ... و بحضر اغلبها على العربية يلي بيطلعو الصبح يعني بعد الساعة 3  فجرا .. و في منن بيطلعو على الجزيرة  كمان ...
اقتباس:
13- شو نوع الأفلام اللي بتأثر فيك؟ ومين المخرجين أو الممثلين اللي بكون سماع اسمن سبب لتحضر الفلم؟

بصراحة مافي شي محدد ... يعني بالنسبة للأفلام فانا من عشاق الزمن القديم ..يعني بحضر افلام لعبد الحليم إن وجدت و أن لم توجد بحضر الافلام المصرية الحديثة .. و بصراحة اكتر مابتأثر في .. يعني بتكون تعباية وقت  مو اكتر ..
اقتباس:
14- هل كنت طفل مطيع بصغرك لأمك؟

لا  ..كنت عذبها كتير ..
اقتباس:
15- أكيد في شي بتعارض أهلك فيه..أو كلمة ما بتنفذا..فبشو بتعارضن؟

في كتير .. و أهمها اني ارتبط ..يعني اخطب ... بس أكيد لسا بكييييييييييييير .. قال شو  ..امي بدها تفرح بابنها الوحيد ... و جدي بدو  يأمن على نسل العائلة   :mrgreen:
اقتباس:
مين تيماء؟

ضحكة آرتين الغائبة ..
الغائبة الحاضرة دوما
...


أعلى .:. أسفل
 يشاهد الملف الشخصي  
 
  • عنوان المشاركة: اللهم لا شماته .... ثـــائـــر على كرسي الاعتراف جالساً !!
مرسل: الخميس تشرين الثاني 20, 2008 5:34 ص 
مشرف قسم عائلة آرتين
مشرف قسم عائلة آرتين
اشترك في: 02 آذار 2007
المواضيع: 142
المشاركات: 2434
المكان: حمص العدية
القسم: الانكليزية
السنة: الــرابــعــة
لا يوجد لدي مواضيع بعد

:: ذكر ::


غير متصل
Samar,  

اقتباس:
أولاً : افتقدنالك كتير كتير هالسنة صحيح عم نشوفك كل يوم بالحديقة  بس وجودك معنا بالمحاضرات بضل غير شكل  , كمان تعى لهون حدا بيرسب بالسنة التانية , انا بعرف الطلاب بيرسبو بالاولى , بالتااااااااااالتة , بالرابعة بس مو بالتانية  ...........والله الك وحشة  


الله يسلمك و يخليكي يا رب ... يلا الفصل التاني جاييكي و رح تملي مني..  :mrgreen:
اقتباس:
1- شو أحلا 3 شغلات بحياتك و اسوء 3 شغلات كمان

أحلى 3 شغلات  هن :
صوت فيروز ..
كلمة الله يرضى عليك من امي ..
ضحكة حبيبتي ... ( الله يكون معها )

أسوأ 3 شغلات :
عدم وجود أخ ..
عدم وجود ابن عم ...
وجود ناس بحياتي مضطر اني سايرهم مشان ما يزعلو لانو اذا زعلو رح تغضب امي ..


اقتباس:
2 - انت شب كتير محبوب بالجامعة خاصة من قبل الصبايا وسؤالي بتحس حالك بتشبه الشاعر نزار قباني , و ليش  

أكيد لأ ... ما بشبه نزار .. اساسا انا مابرضى اني كون بشبه نزار قباني .. هو شاعر كبير  على عيني و راسي ..و انا قريت كل دواوينو تقريبا ..بس كمان عندو سلبيات كتيرة .. انا بحبو ..بس ما بشبهو ابدا ...
اقتباس:
3 - اذا ما كنت ثائر شو بتحب تكون ؟ يعني كيف بتحب تكون شخصيتك و شو مدى بعدها او قربها من شخصيتك الحالية ؟

انا كتير معجب بنفسي هيك .. و مابدي كون غير انا  ... عميد كلية الحب .. ثــائــر

اقتباس:
4 - حسب علمي انو بتقضي كل نهارك : جامعة و شغل و انترنيت و سهر مع رفقاتك
طيب قديه بتعطي وقت ل : دراستك - علاقاتك الاجتماعية مع الاهل و الاقارب - المطالعة

و الله معك حق .. دراستي و علاقتي مع الاقارب صفر هالايام و ما عم يكون الهم دور نهائيا  ...  
اقتباس:
5 - شئد بينطبق عليك البيت التالي :
ما كل ما يتمناه المرء يدركه ......................... تجري الرياح بما لا تشتهي السفن

20 %  و عم حاول اني اتجنبهم .. كل ما بيتغير مسار الرياح بحاول اني اعمل دفة سفينتي و سايرها .. و بحاول اني ظبط أشرعتي على مسار الرياح ..

اقتباس:
6 - شو علاقتك بالعندليب الاسمر عبد الحليم حافظ

مافي حدا ما بحب عبد الحليم  ...

اقتباس:
7 - اذا تعرضت لموقف صعب و نصحك احد اصدقاءك نصيحة و ما سمعت منو و بعدين اكتشفت انو نصيحتو كانت بمحلها , شو موقفك من حالك

بصراحة صايرة  معي كتير ... و كتير عم تزيد علاقتي مع رفقاتي لما بكتشف انو فعلا نصيحتهم كانت بمحلها ... و بتزيد ثقتي فيهم ...


أعلى .:. أسفل
 يشاهد الملف الشخصي  
 
  • عنوان المشاركة: اللهم لا شماته .... ثـــائـــر على كرسي الاعتراف جالساً !!
مرسل: الخميس تشرين الثاني 20, 2008 5:53 م 
المراقبة العامة للمنتدى
المراقبة العامة للمنتدى
صورة العضو الشخصية
اشترك في: 02 آذار 2007
المواضيع: 184
المشاركات: 3602
المكان: Homs
القسم: English Literature
السنة: Graduated
لا يوجد لدي مواضيع بعد

:: أنثى ::


غير متصل
ثـــائـــر,  

الله يعينك وجد صار شي كتير لاحظت قديش في صفحات وردود؟ وكم هاااااائل جدا من الأسئلة  :wink:

سؤالي واااحد وصغير:
حابب تكمل القعدة هون كمان ولا بكفي لحد هلأ؟
:wink:

_________________
التوقيع
صورة


أعلى .:. أسفل
 يشاهد الملف الشخصي  
 
  • عنوان المشاركة: اللهم لا شماته .... ثـــائـــر على كرسي الاعتراف جالساً !!
مرسل: الخميس تشرين الثاني 20, 2008 6:17 م 
مشرف قسم عائلة آرتين
مشرف قسم عائلة آرتين
اشترك في: 02 آذار 2007
المواضيع: 142
المشاركات: 2434
المكان: حمص العدية
القسم: الانكليزية
السنة: الــرابــعــة
لا يوجد لدي مواضيع بعد

:: ذكر ::


غير متصل
لجين,  

اقتباس:
الله يعينك وجد صار شي كتير لاحظت قديش في صفحات وردود؟ وكم هاااااائل جدا من الأسئلة  

سؤالي واااحد وصغير:
حابب تكمل القعدة هون كمان ولا بكفي لحد هلأ؟


لا لهون و بس ... يعني و الله تعبت .. موضوعي بكرا آخر يوم الو .. و يلي بدو يسأل يسأل اليوم  ..و بس
و اما اني القعد اسبوع تاني ..فوالله حرام عليكم .. يعني انا تعبت   :cry:  :cry:


أعلى .:. أسفل
 يشاهد الملف الشخصي  
 
إرسال موضوع جديد هذا الموضوع مغلق ، لا تستطيع تعديله أو إضافة الردود عليه  [ 119 مشاركة ]  الانتقال إلى صفحة السابق  1 ... 7, 8, 9, 10, 11, 12  التالي

جميع الأوقات تستخدم GMT + ساعتين [ DST ]


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  

جميع الحقوق محفوظة لـ ©2012Art-En.com . تصميم بواسطة Art-En . راسلنا . سياسة الخصوصية . قوانين المنتدى
Powered by phpBB© . Translated by phpBBArabia