ثـــائـــر,
اقتباس:
رجعتلك .... و رح اسئلك كم سؤال ودعك فيهم ....
أهلا وسهلا..بس ليش لتودع!! يعني صح مابائيلي كتير بس لسا بتلحئ
اقتباس:
اجوبتك على أسئلتي الماضية ما عجبتني ... فيها دبلوماسية .... و تهرب من الاجابة بشكل صريح و مباشر ... و هلأ رح قويكي عيار الأسئلة شوي لنشوف رح تقدري تتصرفي متل ما عم تتصرفي من أول سؤال انسألتيه لحد هلأ ...؟؟؟
كيف عم بتهرب!!! والله عم حاول جاوب بكلشي عندي!! والله حابة أعمل معك جلسة لتحليل شخصيتي..ماعم بفهم المطلوب شكلي
اقتباس:
1- رفيقة عمرك ...و أعز انسانة على قلبك .. اكتشفتي انو صار معها ايدز ...
هون و بها الحالة شو بتعملي يا ترا ؟؟ هل بتتبري منها ؟؟؟ او بتبقي معها ؟؟؟ او شو بكون تصرفك ؟
إزا بتخلى عنا بهيك وئت هي محاتجتني فيه بكون ماني رفيئتا... أكيد بدي أعرف الأسباب..والطرئ..وبحط حالي بهالموئف وبعمل متل مابتمنى تعمل معي لو كنت محلا
اقتباس:
2- أختك مخطوبة و بتحب خطيبها و زواجهم قريب .. يعني تقريبا مكتوب كتابهم ...
بتتفاجأي بانو خطيب اختك انت عاجبتيه و بصير يتقرب منك ...شو بتعملي يا ترا ؟
بتخربي بيت أختك و تجرحيها ؟ او يتخلي الامور تمشي و بتقولي نزوة و طيش و ما بدي اخرب بيت اختي بايدي ؟؟
سألتني سؤال بيشبهو من أبل بس ع رفيئتي!! معئول اغدر بأختي!!! (هو أختي بجد مخطوبة ومكتوب كتابا..فتخيلت الموقف كيف بكون) وأكيد رح خلي الأمور تمشي ومابخربلا بيتا..
اقتباس:
3- ابوكي و امك قرروا الانفصال .... ابوكي بدو يبقا با الامارات و امك رح ترجع هي و اخواتك عسورية ...ابوكي رح يبقا لحالو بالامارات لانو كل اخواتك اختاروا انو يبقو مع امك .. و انت ابوكي قلك يا بنتي خليكي معي انا ما الي حدا غيرك ... علما انو اذا اخترتي انك تبقي مع ابوكي ما رح تقدري تيجي عسورية منوب ... و خيروكي شو بكون قرارك يا ترا .؟؟؟؟ ( لا سمح الله )
يعني تخيل حالك بهالموقف...مائدرت اختار... أد مابحب إمي بحب أبي... بس يمكن ضل مع بابا لأنو لحالو ورح يكون بحاجة إلي..
اقتباس:
4- انت لسا ما حبيتي و لا جربتي الحب ... بيوم من الأيام تعرفت على شخص و حبيتيه و حبك و فيه كل الصفات يلي ببالك عن فتى احلامك .. بس مع مرور الوقت اكتشفتي انو ها الشب كان الو تجارب كتيييرة و كلها هو يلي كان يترك فيها ...يعني كان يضحك على البنات و لحد ها اللحظة انت حاسة بحبو الك و بحبك الو ... هون و بعد اكتشافك لها الشي شو بتكون ردة فعلك ؟؟؟
لما رح أعرف ماضيه رح ضل أعمل المستحيل لإتأكد إنو هو بحبني وماعم يتسلى متل أبل (لأنو رح يكون صعب سدئو) بس إزا تأكد أنو هو بحبني وماممكن يخوني...بسامحو..لأنو هو بطل اللي كان يعملو
اقتباس:
5- بيوم من الايام عرفت انو ابوكي تزوج وحدة غير امك ..و صرلو اكتر من سنة .... شو بكون تصرفك ...بتخبري امك ... بتخانقي ابوكي .؟؟؟ شو هو تصرفك ؟؟
يمكن أول شي خانئو وصرخ(بجن عالآخر يعني)..ورح خبر إمي حتى لو كان الشي صعب كتير..لأنو بالآخر النتيجة تعرف...
اقتباس:
6- عزمتي رفقاتك على حفلة لعندك با البيت .و بعد ما طلعو اكتشتفتي انو عقد دهب لالك كان موجود بغرفتك انسرق ... و بعد فترة اجتمعتو ببيت احدى رفقاتك ...تفاجأتي انو وحدة منهم لابستو نفسو ...شو بتكون ردة فعلك بها اللحظة ؟؟؟
رح أعمل حالي مو شايفتا وخاصة إزا كانت من المئربين لإلي.. بس ممكن حسسا بالشي اللي عملتو
إن شا الله يكونو أجوبتي كفو هالمرة.. وإزا مامناح إلي.. منستفيد
اقتباس:
بظن انو حاجتك لهون .... و اذا طلع معي شي تاني لسا معي فضا
عم بستنى أسئلة تانية وكتيرة