في يوم من ذات الايام كان كل شي تمام و في منتدى ارتين و امام العام اختير انس ليجلس في الامام ليعترف و كأنه اتهام
و بينما كان يتصفح موضوع الكرسي بامان حيث وجد اهتمام فوجئ برد له اول وليس له ختام..
الملاك, !!!!!!!!!!!!!
فكان رده كالتالي:
اهلا و سهلا فيكي
اقتباس:
لأنن بفصفص بأسئلتي فصفصة
لا عم امزح معك لا تروح تسدق
والله الهيئة ما عم تمزحي بنوب
اقتباس:
لأنو لو سألتك سؤال مون شو أول هدية وصلتك وجاوبتني هالجواب هاد كنت عصبت كتير
بس ما كان هيك السؤال..كان السؤال مين كان اول شخص هداك هدية فانا ما بعرف اجاني كتير نقوط وئت اجيت عالدنيا
اقتباس:
كل اسمو كرسي الاعتراف يعني أتل لحتى تعطيني الجواب اللي بدي اياه
امرك
اقتباس:
1- بدراستك أنت محقق حلم أبوك وأمك فيك؟
ايه بعتئد هالشي من و انا صغير بدن ياني ادرس هندسة و الحمدلله سجلت و عم ادرس
اقتباس:
2- شو هي الشغلة اللي بتعملا بحياتك ومسببتلك بهدلة عالطالع والنازل من أبوك؟
بس وئت يكونو اغراضي مانن مرتبين و الاوضة مكركبة
اقتباس:
3-مين بتحب أكتر..الماما لما البابا ؟ وليش؟
طبعا شعوري اتجاهن تنيناتن اكتر من وصفو بكلمة حب..يعني بالنسبة الي متل كل العالم طبعا الهن مكانة خاصة بنفسي..بس اذا عملنا مفاضلة طبعا بحب امي اكتر لانو اي واحد رح يلاقي امو الشخص الامثل بحياتو و الاسباب كتير الحنان و العطف و المحبة و الدلال و انا امي بحكيلها كل شي و ما بخبي عنا شي الله يجمعنا سوا عن قريب
اقتباس:
4- المرتبة والمكانة اللي بتحب توصلا بحياتك مع الدقة بذكر المنصب:
بحب اوصل لمرتبة انسان ناجح و محبوب مهما كان المنصب لانو الشخص الي بجيب بحلي منصبو مو العكس
اقتباس:
5-لو فتحنا خزانتك شو اللون اللي منلاقيه متكرر أكتر شي؟ "بغض النظر عن لونك المفضل "
اوف لساتني بالسؤال الخامس
رح تلائي كتير الوان بس بعتئد اكتر شي امممم الازرق
اقتباس:
6-بتتذكر أول تمشيطة شعر تمشطتا؟ ..أكيد شعراتك وقفوا يومتا لأنو أهلك معودين شعراتك عشي وأنت قررت تصير شب وتغير اللوك
بقا شو هي أول تمشيطة تمشطتا؟
لا والله ما متذكر شو اول تمشيطة شعر
بس اول تمشيطة انا تمشطتا كنت رجع شعري لورا بس ما كان يرجع و ما كنا يثبت
اقتباس:
7- كان في شب تغار منو أيام المدرسة؟ وليش؟
امممم كنت غار من كل شي شباب متفوئين اكتر مني و هاد هو سبب غيرتي
اقتباس:
8- هلأ بهالفترة هي أنت قدوة لمين؟ وبشو؟
ما لقيت جواب
ما بعرف بس مافينو الواحد يحكي عن حالو انا قدوة فلان و علان ما زابطة كتير
اقتباس:
9- من أهل البيت مين قدوتك؟ "بقصد بعيلتك ما بقصد آل الرسول عليه الصلاة والسلام "
عليه الصلاة و السلام
اكيد قدوتي الوالد بلا اي منازع كمان الله يجمعنا سوا باقرب وئت
اقتباس:
10-كم أخ وأخت عندك...وكيف ترتيبكن؟
عندي اختين اصغر مني بس
اقتباس:
حالك كيف جاوبت عسؤال "اسم يبدأ بحرف السين" (أنس)
مسكتوها علينا هالقضية
اقتباس:
11-فهل كنت ذكي وشاطر خلال المرحلة الابتدائية؟
ايه والله كنت اشطر من هلأ بالابتدائية و في مرة طلعو صورتي بالجريدة آل المتفوقوون هع و لساتني محتفظ بالجريدة لهلأ
اقتباس:
12- شو هني هواياتك؟ مع ذكر ما سلف منها وما اندثر
اول شي كرة القدم ,العاب الكمبيوتر و البلايستيشن ,الانترنت,الفوتوشوب اضافة الى النوم
كنت العب سلة بس هلأ وقفت
و مافي شي بحبو و ما مرستو
اقتباس:
13-شقد بكون وزنك وأنت صايم؟ وشقد بصير بعد ما تأفطر؟
و انا صايم 70 و بعد فطور 55
اقتباس:
14- مين من أطفال العيلة محبب لقلبك أكتر الشي؟ وهل تعبر عن حبك له بشراء النح أما بابتسامة خفيفة؟
اختي الصغيرة و اعبر عن حبي لها بالتغالظ عليها هع
اقتباس:
15- بكفو هدول الأسئلة أما بدك كمان؟
قول لاتخجل
والله خجلان منك هاه بس رح احكيلو لثائر يحطك عالكرسي و ساعتها منشوف انو انا ما رح اخجل و اذا عندك استفسارات اخرى انا جاهز
و بعد اجابته عن اسئلة الملاك حمد انس ربه كثيرا و دعا ربه ان تكون اخر رد الها بالموضوع
عم امزح هاه ما تسدئي
ناطر عودتك