اليوم Z-r-11 على كرسي الاعتراف

Prof.Amer

z-r-11
رح استعير الكرسي من عصام

لأنو هاد هوي الكرسي الأصلي يلي بالعادة بيصير الإعتراف عليه... يعني يا هيك كرسي إحترافي يا أما بلا... قبل ما يبلش القواس

و هون لازم تنفد حالك بالأول بالإجابة بأسرح و قت قبل تنفيذ الحكم بحقك

1- تخيل حالك ادام جمهور كبير.. و طلب منك المذيع تقدم نفسك لجمهوك شو بتقول و المايك معك؟
2- يا هل ترى بتحب الفوتة عل المطبخ و تخبيص الأكلات متلي ما بعرف شلون... و بتترك الجلي بعدا مكوم بالمطبخ متلي و لا ما بتحب شغل النسوان؟
3- اذا طلبرت منك تسمية تلت اشخاص اثروا بحياتك او بتحبن غيري انا مين بتسمي؟
4- شو رأيك بالمسلمات أو الكلمات المتضادة التالية: الحياة/الموت, النفس/ الخالق, الصديق/ العدو, التفاؤل/ التشاؤوم؟
5- شو هوي مفهوم الخوف بالنسبة لألك أو في شي محدد بتخاف منو؟
6- شو هي أجمل اللحظات بحياتك؟
7- اذا عطيك هيك لوجه الله تعالى100.000.000ليرة شو بتعمل فين؟
8- شو الشي يلي حققته بحياتك أو بتحلم انك تحققه؟
9- شو هية حكمتك المفضلة؟
10- اذا خيرتك اني بطل اسئلك مرة تانية شو بيكون جوابك؟

z-r-11

*Hi

z-r-11

عبد الرحمن,
لك اهلين يا عبود يا ملك الكمبيوتر و الانترنت :mrgreen:

اقتباس:

1-هل تتقبل النقد الصريح جدا؟

الصريح جدا؟؟!! نعم اتقبله جداً :mrgreen:

اقتباس:

2-هل انت عصبى؟

حسب الحالة و المود

اقتباس:

3-ماذا تقول عنـــ .........
الغربــــــه
الوطـــــن
الخائــــن
الحب من اول نظرهـ
الصديق الوآفي
الغائب

الغربة:ظلام و عتمة و عكسها تاني كلمة و هي الوطن الي هو النور و الضو
الخائن:ابشع وصف ممكن ان يكون في الشخص بعد الكفر و النفاق
الحب من اول نظره: ممكن بس صعب
الصديق الوفي: اخ لم تلده امك
الغائب: مكانه محفوظ لحتى يرجع

اقتباس:

4-سـنوات العمـر قصيره لكنهـآ تحمل في طياتها ذكريات ، ماهي أجمل ذكرياتك..؟ اكيد دق تركس معي

دق تركس و طرنيب و دق اسيسيان كمان :mrgreen:

في كتير ذكريات حلوة و اذا بدنا نذكرها كلها رح يصير وقت محاضرة بكرا و ما رح نخلص

اقتباس:

5/ ماهي أصعب كلمة قد خرجت منك ؟؟

اي كلمة حسيتها انو فيها زعل اهلي و اي شخص بحبو رح تكون صعبة

اقتباس:

6- مقوله أثرت فيك؟؟

كما تدين تدان :wink:

اقتباس:

7-اذا تناقشت مع حدا وغلبك في الحوار هل تقتنع والا بتستمر على رايك ؟

ايه بحالة اعترافي انو غلبني معناتها بنفس الوقت بكون اقتعنت بوجهة نظرو :mrgreen:

اقتباس:

8-متى تضحك ...؟؟
متى تصرخ ..؟؟
متى تفقد الثقة بالأخرين ...؟؟
متى تعطي بصدق دون مقابل ..؟؟

وقت في شي بضحك بضحك و بصرخ لما بجيب الفريق الي عم شجعو جول :mrgreen:

و بفقد الثقة بالاخرين لما حسن عم يكذبو علي و بعطي الثقة لشخص بحبني بصدق

اقتباس:

واخيراً وليس اخراً شو علاقتك الانيثروبيوقراطية ؟

شو يعني (علاقتك؟) :mrgreen:

عبود شو هاي الانيثروبيوقراطية يعني نسيان تحط سبيسات بين هالكلمات؟؟
يا اما كتبلي ياها بالانجليزي عشر مرات بسرعة :mrgreen:

اقتباس:

راجعلك

مستنيك يا غالي

z-r-11

Enegma,
لك اهليييييييين احلى احمد

اقتباس:

1- شو رايك بشلة السعادة

احلى عالم والله و احلى شلة

اقتباس:

2- هل انت بنظرك لاعب (تركس) محترف

لا والله بعرف حالي مو زيادة كتير بس الحمدلله بسلك حالي :mrgreen:

اقتباس:

3- ليش دائما راسك بموبايل

بكون شابك ماسنجر :mrgreen:

اقتباس:

4- ايو اطيب شش او شاورما

والله كلو طيب بس رح اختار الشيش :mrgreen:

اقتباس:

5 - ليش ما عم تدرس منيح

لسة بكير شوي على مهل :mrgreen:

اقتباس:

سلاموووووووووووووووووووووووووووووووووو

الله معووووووووووووو ناطرك ترجع هاه
عراسي احمد

Armando,
اهلين ارماندووو

اقتباس:

و هون لازم تنفد حالك بالأول بالإجابة بأسرح و قت قبل تنفيذ الحكم بحقك

يلا اتكلنا عالله

اقتباس:

1- تخيل حالك ادام جمهور كبير.. و طلب منك المذيع تقدم نفسك لجمهوك شو بتقول و المايك معك؟

بحاول طري الجو اول شي بعدين ببلش بعرفن عاسمي و شوية معلومات عني

اقتباس:

2- يا هل ترى بتحب الفوتة عل المطبخ و تخبيص الأكلات متلي ما بعرف شلون... و بتترك الجلي بعدا مكوم بالمطبخ متلي و لا ما بتحب شغل النسوان؟

لا و الله بنوب مالي مراق بشغل النسوان و لا بالتخبيص بالمطبخ لانو ما في خلاااااق بالمرة للطبخ و النفخ :mrgreen:

اقتباس:

3- اذا طلبرت منك تسمية تلت اشخاص اثروا بحياتك او بتحبن غيري انا مين بتسمي؟

غيرك انت امممم صعبة :mrgreen:

1.والدي 2.صاحبي و اخي اسامة الي بالامارات و الشخص التالت اممم ...رح اترك هالاختيار فاضي هلأ

اقتباس:

4- شو رأيك بالمسلمات أو الكلمات المتضادة التالية: الحياة/الموت, النفس/ الخالق, الصديق/ العدو, التفاؤل/ التشاؤوم؟

لولا الموت لما كانت الحياة ...و لولا الخالق لما كانت النفس في أجسادنا و لولا العدو لما شعرنا بقيمة الصديق و لولا التشاؤم لما شعرنا بروعة التفاؤل ..كل كلمة تتكامل مع الاخرى بطريقة ثابتة و مستمرة حتى نهاية الحياة يعني الكلمات و المفردات نقدر نلخصهم و نقول سبب + نتيجة

اقتباس:

5- شو هوي مفهوم الخوف بالنسبة لألك أو في شي محدد بتخاف منو؟

الخوف احساس يدفعك الى التسرع و التفكير بقرارات خاطئة و اتخاذها
و الخوف دايما بكون من شي ما بنحبو او شي ما بدنا ياه يحصل

اقتباس:

6- شو هي أجمل اللحظات بحياتك؟

وقت انجح بشي ضليت عم ابني فيه فترة منيحة و اخد مني تعب و جهد كبار

اقتباس:

7- اذا عطيك هيك لوجه الله تعالى100.000.000ليرة شو بتعمل فين؟

بعمل فين كل شي بدي ياه و ما بحرم حالي من شي

اقتباس:

8- شو الشي يلي حققته بحياتك أو بتحلم انك تحققه؟

اول شي انو ادرس هندسة و الحمدلله زبطت
و هلأ عم احلم خلص و بلش بقا انو ابني حياتي لحالي و بالطبع الاستقرار

اقتباس:

9- شو هية حكمتك المفضلة؟

كمان متل القول الي اثر فيني بسؤال عبود
كما تدين تدان

اقتباس:

10- اذا خيرتك اني بطل اسئلك مرة تانية شو بيكون جوابك؟

له ولو مستمتع بالجواب على اسئلتك
و ان شالله بجي يوم و بنلاقيك عالكرسي و بنسألك

منور

الملاك

اقتباس:

-شقد بكون وزنك وأنت صايم؟ وشقد بصير بعد ما تأفطر؟

و انا صايم 70 و بعد فطور 55

طاخ طيخ طراق طج دج *boxing

جاوب أني أحسنلك أحسن ما اسألك عن طولك كمان ها :evil:

هلأ عكرسي الاعتراف بكرة عبساط الريح *hh

أيوا

16- شقد طولك؟

"هي للجكر

"
17-سبق ولعبت حارس بلعبة طابة؟
18- أمانة وبصراحة كام جول فاتو عليك؟
19- بتشتم "يعني بتسبسب " وأنت عم:
- تلعب بالطابة والشباب ما عم يجيبوا متا ما بدك؟
- عم تحضر مباراة حامية ودفاع فريقك خارج التغطية وواحد من هجوم الفريق المعادي سانن رجليه عليكن مزبوط؟
20- عرف ما يلي:
- التسلل
- خط الوسط
20- بين تيابك في طقم رياضة لفريق معين...شو هو الفريق؟
وأي رقم على قميصك؟ :mrgreen:

هي صاو عشرين *hh

مشان تعرف ما تجاوبني عشي سؤال مرة تانية

3a$õØöLê

رجعت من جديد...
مشان لما يصير دوري مااندم إني ماسألت كتير...
لأنو حاسة شو رح يصير فيي هــــع

امممممم
1- شو أبشع سؤال مر عليك لهلئ؟؟(حاطة حطاتي ع الكرسي وفروعتو هــع)
2- شو اكتر بهدلة انحرجت منا من أستاذ أو دكتور بالمدرسة أو الجامعة؟؟وليش؟؟
3- بتعتزر لشخص لما تغلط بحئو؟؟
4- شو أكتر أسلوب تكره حدا يفيئك فيه؟؟ :mrgreen:

يلة حاج..لسا بائي 6 أيام..مابروح عليي شي

سنا

يعني والله كنت داخلة اسألك كم سؤال هيك غير شكل بس لما شفت وضعك وهالهجوم الساحق عليك غيرت رأيي ..

والله حرام

وجعتلي قلبي ..
مشان هيك رح اسألك سؤال بفرح شوي..
شو كان برنامج الأطفال المفضل؟؟و الشخصية الكرتونية اللي كنت معجب فيها كتير ...؟

z-r-11

الملاك,
ولكم باك بس هالمرة رافع الراية البيضة :mrgreen:

اقتباس:

هلأ عكرسي الاعتراف بكرة عبساط الريح

والله شايف هالموضوع بساط الاعتراف لك شو عاملكن انا :mrgreen:

اقتباس:

16- شقد طولك؟ "هي للجكر "

بصيام ولا بدون صيام؟؟ :mrgreen:

طيب بتمشيطة شعر 179سم و بدون تمشيطة 178 سم *sla

اقتباس:

17-سبق ولعبت حارس بلعبة طابة؟

كتييييير مرات وقت تكون خالصة اللعبة برجع و ببدل مع الحارس مشان يطلع يهجم شوي خطيتو خليه يهجملو شوي

اقتباس:

18- أمانة وبصراحة كام جول فاتو عليك؟

حسب حظي عاد لانو ما الي علاقة بالحارسة بنوب و دايما بفوت علي جوال

اقتباس:

19- بتشتم "يعني بتسبسب " وأنت عم:
- تلعب بالطابة والشباب ما عم يجيبوا متا ما بدك؟

ايه والله احيانا بطلع عن طوري و بصير صرخ و سبسب عالطابة

اقتباس:

- عم تحضر مباراة حامية ودفاع فريقك خارج التغطية وواحد من هجوم الفريق المعادي سانن رجليه عليكن مزبوط؟

لا ابداً لانو ما رح استفيد شي :mrgreen:

بعدين دخلك شو جايينا منن؟؟

اقتباس:

20- عرف ما يلي:
- التسلل

عبارة عن دخول شخص بطريقة غير شرعية الى مكان ما دون ان يعلم احد
وفي كرة القدم هو تواجد المهاجم او جزء منه خلف الدفاع و امامه لاعب واحد او اقل لحظة تمرير الكرة اليه من احد زملاءه بالفريق
ولكن احيانا يكون هذا التسلل جميل كتسلل بعض الناس الى قلوبنا دون اذن :wink:

اقتباس:

- خط الوسط

همزة الوصل بين الدفاع و الهجوم

اقتباس:

20- بين تيابك في طقم رياضة لفريق معين...شو هو الفريق؟

في كتييييييير بس مو كلن بحبن و السبب باقتناءن بكون مع شباب و متفقين على كنزة معينة فبضطر اشتريها

و الاطقم الي عندي و بحبن : البرازيل,روما (عندي كنزتين :mrgreen:

),برشلونة,اسبانيا ,فرنسا حمرا(عاد ما كتير بحبن بس عجبتني الكنزة :mrgreen:

)
الاطقم الي عندي و ما بحبن:انتر ميلان,مانشستر يونايتد,ريال مدريد,يوفنتوس

اقتباس:

وأي رقم على قميصك؟

والله ما بحب حط ارقام بس عندي كنزتين علين رقم روما:30 و انتر ميلان:10

اقتباس:

هي صاو عشرين
مشان تعرف ما تجاوبني عشي سؤال مرة تانية

يلا بانتظار المزيد بس شوي شوي علينا *sla

منورة

z-r-11

3a$õØöLê,

اقتباس:

رجعت من جديد...
مشان لما يصير دوري مااندم إني ماسألت كتير...
لأنو حاسة شو رح يصير فيي هــــع

اهلا و سهلا و لا تحسي ولا تفكري لانو الشي الي جاييكي ما رح تتوقيعه بالمرة

اقتباس:

1- شو أبشع سؤال مر عليك لهلئ؟؟(حاطة حطاتي ع الكرسي وفروعتو هــع)

لهلأ كلو منيح بس اصعب واحد تبع عبود قال شو علاقتك بالانيثروبيوقراطية (ان شالله كون كتبتها صح هع)

اقتباس:

2- شو اكتر بهدلة انحرجت منا من أستاذ أو دكتور بالمدرسة أو الجامعة؟؟وليش؟؟

نفس الموقف تبع اينو اكتر موقف محرج تعرضتلو بحياتك(موجود بردودي السابقة)

اقتباس:

3- بتعتزر لشخص لما تغلط بحئو؟؟

اكيد طبعاً ما حدا معصوم من الغلط

اقتباس:

4- شو أكتر أسلوب تكره حدا يفيئك فيه؟؟

وئت كنت بالمدرسة و يجي ابي يئلي فيئ ابي يلا رح نتئخر و بكون دايخ من النعس و بسابع نومة :mrgreen:

اقتباس:

يلة حاج..لسا بائي 6 أيام..مابروح عليي شي

جايكي الدور عكل حال *sla

سنا,

اقتباس:

يعني والله كنت داخلة اسألك كم سؤال هيك غير شكل بس لما شفت وضعك وهالهجوم الساحق عليك غيرت رأيي .. والله حرام وجعتلي قلبي

لك ما في غيرك حاسس بمعاناتي ايييييييييه بس خلص صار عندي متل مناعة يعني سئلي شو ما حليلك ما عاد في شي ينخاف عليه :mrgreen:

اقتباس:

شو كان برنامج الأطفال المفضل؟؟و الشخصية الكرتونية اللي كنت معجب فيها كتير ...؟

بحب حسان تبع سلام دنك على اد مانو حشاش و بضل يهرج :mrgreen:

يلا ناطر اسئلتك الي مخبيتين

Hiba.Sh

ثـــائـــر,

خخخخخ ههههههههههههههههههههه هادا كرسي إعتراف ولا كرسي انتحار ..؟؟؟؟
اتخيلتو لا سمح الله قاعد وشعرو من الكهربا هههههههههههههههههههههههههههههههههههههههههههههههههههههههههههههه

الله يعييييييييييييييييييينك... أنس يلا .. :mrgreen:

يالله شو جاي على بالي اضحك هههههههههههههههههههههههههههههههههههههه
good luck..

يالله راح إبدأ بالشلال تبعي

Hiba.Sh

z-r-11,

كيفك تو داي؟؟

انا ما بحب الأسئله الكتيره بس بحب كل يومين فوت والي بيخطر على بالي إسألو وما شالله الشباب والصبايا مش مقصرين معك.. هما ما قامو بالواجب والضيافه بس كبدايه نايس :mrgreen:

..

أنس شو هوي الموضوع إلي بتتمنى تنزلو هون و مو قارد ؟؟؟

عامل شي بلوك على حدا بالمسنجر ؟؟

مين بتشتهي يقعد بعدك على كرسي الانتحار؟؟ هههههههههههههه

وقت الي بتعصب شو بتعمل؟؟

أغنية بتغنيها عطول سواء اغاني عاديه أو كرتون ؟؟

شخصيه بتحب تسلم عليها و تتصور معها.؟؟

بكفيك هدول هلأ .. راح إرجعلك بعدين.. سي يو أجين..

*ورود

آخر المشاركات

اليوم Z-r-11 على كرسي الاعتراف