أهلا بك زائرنا الكريم في منتديات آرتين لتعليم اللغات (^_^)
اليوم هو السبت تشرين الثاني 18, 2017 6:42 م
اسم المستخدم : الدخول تلقائياً
كلمة المرور :  
لوحة الإعلانات الإدارية

عذراً أخوتي .. تم إغلاق كافة الأقسام الترفيهية في آرتين حتى إشعار آخر

إعلان إداري فيما يخص الآراء السياسية في آرتين


آخر المشاركات

  ... آرتين ...   » أساسيات في المراسلات التجارية بالانكليزية Commercial Correspondence  .:. آخر رد: jennifertaylor0009  .:.  الردود: 29   ... آرتين ...   » غرائب النطق في اللغة الفرنسية  .:. آخر رد: yasjojo  .:.  الردود: 10   ... آرتين ...   » تعيينات  .:. آخر رد: esamm  .:.  الردود: 0   ... آرتين ...   » تعيينات  .:. آخر رد: esamm  .:.  الردود: 0   ... آرتين ...   » عندي سؤال لو سمحتوا  .:. آخر رد: حلواني  .:.  الردود: 2   ... آرتين ...   » We want arten to be back  .:. آخر رد: حلواني  .:.  الردود: 2   ... آرتين ...   » هذا البرنامج المجاني يساعدك على التمكن من اللغة الإنجليزي 2018 + قاموس إنجليزي \ إنجل  .:. آخر رد: حلواني  .:.  الردود: 1   ... آرتين ...   » كان يا مكان كنا عيلة وحدة وفرقنا الزمان  .:. آخر رد: حلواني  .:.  الردود: 4   ... آرتين ...   » مرحبا  .:. آخر رد: حلواني  .:.  الردود: 2   ... آرتين ...   » CPU, motherboard and magnets  .:. آخر رد: RyanCaleb  .:.  الردود: 0

جميع الأوقات تستخدم GMT + ساعتين [ DST ]




إرسال موضوع جديد الرد على الموضوع  [ 39 مشاركة ]  الانتقال إلى صفحة 1, 2, 3, 4  التالي
الكاتب رسالة
  • عنوان المشاركة: الكادر الإداري يطفئ شمعة العام الرابع لانطلاق الموقع التعليمي الرائد " آرتين " .. كل عام و أنتم بخير
مرسل: الثلاثاء آذار 01, 2011 1:44 ص 
المدير العام
المدير العام
اشترك في: 01 آذار 2007
المواضيع: 316
المشاركات: 4962
المكان: دوحة العرب
القسم: اللغة الانكليزية
السنة: متخرج
الاسم: فارس النائب
لا يوجد لدي مواضيع بعد

:: ذكر ::


غير متصل
أعوام تمضي و شموع تضاء معلنة عن ميلاد جديد ... ميلاد عائلة ضمت تحت جناحيها أعضاء جمعت بينهم أواصر الأخوة و الصداقة . فكان أن بذلوا بسخاء , علّموا و تعلّموا , و سافروا جميعاً على متن صفحات الفائدة و المتعة و المعلومة الموثّقة .
إنه و باختصار ...
ميلاد آرتين
صورة

الموقع التعليمي الرائد الذي أثبت و على مدار السنوات الأربع الماضية قدرة عالية على توفير الخدمات الطلابية المختلفة , فكان بحق المرجع الأساسي للباحثين عن المعلومة و الملاذ للكثير من الطلاب في بلاد الاغتراب .[/color]

و لعل من أبرز ما يميز هذا العيد هو الحضور الملفت لفريق عمل موقع آرتين الذين اختاروا أن يعايدوا آرتين بطريقتهم الخاصة ... دعونا معاً نستمع و نستمتع بعبير هذه الورود :



عصام
عصام كتب:
- ماذا قدم لك آرتين كعضو ؟؟ و ما الذي قدمه لك كمشرف ؟؟
كعضو قدملي الفايدة كبيرة اكيد على المستوى التعليمي لانو اللي بيكون همو الافادة اكيد بيلاقي مواضيع اكتر من رائعة بين طيات الصفحات المنسية للاسف
كمشرف
ببعض الاوقات وجع راس مانو طبيعي والله
بس بنفس الوقت كعضو او كمشرف بحمل لارتين بقلبي مكانة كبيرة كتير كونو عرفني على أشخاص غاليين عقلبي والن معزة صعب انو عبر عنها بكم كلمة
كسبت اخوة وصداقات كتير حمدلله بس بنفس الوقت كسبت عداوات من بعض الاشخاص وماتزال بعض الحساسيات موجودة لتاريخ اليوم بس ياجبل ما يهزك ريح

- شو بيعنيلي موقع آرتين
آرتين مع الأيام بيصير شي فيو نسبة من الادمان واكيد قد ما الواحد بعد عنو رح يذكرو ويرجع لصفحاتو ان كان كزائر او سجل دخول من جديد .. ارتين بيت حلو جمعنا وفيو عيلة رائعة اكيد

أمنياتي لارتين .. اكيد انو يكون بأفضل المراتب
وانو يرجعلولو بعض الاعضاء اللي كان لغيابهم الاثر الكبير

كل عام وكل آرتيني بألف خير يارب
والله يعطيك العافية يارب فارس عاللي عملتو وعم تعملو ورح تعملو بهالموقع.



Wissamo
Wissamo كتب:
1- ماذا قدم لك آرتين كعضو؟
بصراحة وبكل شفافية وما لإني مشرف بالموقع هلأ, أبدا, أنا ما حسيت حالي طالب بكلية الآداب عنجد إلا بعد ما سجلت بموقع آرتين. كان شعور حلو لما كنت ادخل وشوف مشاركات الزملاء وطلبات وأسئلة وشارك مع الكل, نحكي اللي بضحك ونشكي همنا سوا, يعني فيني قول باختصار عضويتي بموقع آرتين صقلت شخصيتي كطالب بكلية الآداب لأنو أكيد أول ما الطالب بيدخل عالجامعة بكون ما عرفان شي وما بيستفيد إلا من تجارب غيرو واللي أكبر منو ليتوعى ويننتبه ع شغلات ما اكن بيعرفا من قبل.

2- ماذا قدم لك آرتين كمشرف؟
أول كلمة رح قولا هي: أحلى وأغلى عيلة. أنا لما استلمت الإشراف حسيت عنجد بمعنى إنو يكون إلك عيلة تانية غير اللي بالبيت. آرتين حسسني إنو في أشخاص ممكن اعتمد علين وشاركن همومي وأفراحي إيمت ما بدي ومستحيل بيوم من الأيام انسى أي شخص من هالأشخاص لإنو غلاوتن محفورة بقلبي. أنا بكل صراحة بعتبر آرتين قدملي أكتر ما قدمتلو وأنا ما بعتبر حالي قدمت أي شي لهالبيت الغالي على قلبي.

3- ماذا يعني لك موقع آرتين؟
برجع بعيد وبقول آرتين هو بيتي التانية وإدارتو وأعضاؤو هني أهلي والله يديم المحبة بيناتنا جميعا

4- أمنياتي لآرتين:
بتمنى هالسنة انشالله نحقق إنجازات غير مسبوقة بين المواقع العربية ووالتعليمية بشكل عام ونشوف آرتين بأعلى المراتب وطبعا كل هالشي ما بيتحقق لولا الإدارة الرائعة بهالموقع الأكتر من رائع وعلى رأسن فارس.



الملاك
الملاك كتب:
- ماذا قدم لك آرتين كعضو ؟؟
رح احكي بلسان حالي قبل ما انشغل عن آرتين خلال السنة الأخيرة
قدملي مجتمع كامل من الأصدقاء والأخوة على الصعيد الاجتماعي... ومصدر علمي موثوق مع ميزة المناقشة والتساؤل والحوار على الصعيد العلمي....وأفق للبحث والاستقصاء والدراسة على الصعيد الثقافي....

- و ما الذي قدمه لك كمشرف ؟؟
المنتدى ما بقدم للمشرف وإنما المشرف لازم يقدم للمنتدى
وأنا استفدت منو كعضوة... ومازلت عم استفيد كعضوة... سواء كان اسمي زهر أو لأ

- ماذا يعني لك موقع " آرتين " ؟؟
بيتي
وكل انسان بغيب عن بيتو مدة.. بس مرجوعو إلو

- ما هي أمنياتك لآرتين في عامه الجديد ؟؟
هو أروع من هيك معد يصير
بس بتمنى من قلبي تفاعل أكبر من الأعضاء
بتمنى عنجد ردود تخليني ما قاوم أني رد.. وما أقدر سكر الصفحة قبل ما ناقش الشخص اللي رد قبلي، وحاور صاحب الموضوع وفيد كل شخص بمر عالموضوع برأي أو بفكرة

يمكن على مستوى الكتب والروابط والملفات الموجودة حالياً بآرتين بكون عم بالغ لو تمنيتلو الزيادة أكتر
بس آرتين كموقع باقيلو شغلة وحدة وبصير "بلا منازع" بالقمة
وهي العلامات

وآرتين كمنتدى.... بدو ردود.... لأنو الأعضاء ولا أروع... بس معد ردينا متل قبل...بتمنى نرجع بنفس الحماس القديم

بالنهاية
آرتين بيتي... وأهلو أهلي .



عاشقة العربية
عاشقة العربية كتب:
- ماذا قدم لك آرتين كعضو ؟؟ و ما الذي قدمه لك كمشرف ؟؟
لم أرَ فرقاً في كوني عضوة أو مشرفة في آرتين، فحجم الفائدة التي قدّمها كبيرة، وللحقيقة فإنني مدينة لآرتين بما قدّمه لي.
ويمكنني أن أوجز الفوائد في: (الفائدة العلمية الجمة - الأصدقاء).
فآرتين كونه موقعاً تعليمياً، فإنه يحمل في كل مشاركة أقرؤها وكل موضوع أشارك به، عبقاً رائعاً من الفائدة والمعلومات، التي ما حصلتُ عليها في الجامعة، وإنما رفدتْ معلوماتي الجامعية وزادتها اتساعاً وشمولاً.
ففي كل موضوع أقدّمه وفي كل مشاركة أعطي فيها رأياً أو أكتب فيها، لا بد من العودة إلى مصادر متعددة وموثّقة أتأكد فيها من صحة معلوماتي المُقدَّمَة. وهذا خاص بالمشاركات التعليمية.
أما المشاركات الأخرى فقد تعلمت منها تقبّل آراء الطرف الآخر ومحاورتها على محمل الجد، فلكلٍ تجربته خاصة التي ينبغي احترامها.
أما الفضل الثاني الذي قدمه آرتين، فهو الأصدقاء
ذلك أنه قدّم لي وعلى طبق من ذهب أفضل الصداقات التي صادفتها، والتي أعتزّ بها. شريحة طلابية، تشابهنا فيها في الأفكار والخلفية الثقافية، مما جعل أسباب التواصل أكبر، وإلى الآن فإن علاقتنا رائعة أثبتت نفسها بعد كل هذه المدة.

- ماذا يعني لك موقع " آرتين " ؟؟
يعني لي ما قدّمه
يعني لي الفائدة - الصداقة الراقية - احترام الآخر - مشاركة الآخر - مساعدة الآخر.

- ما هي أمنياتك لآرتين في عامه الجديد ؟؟
مزيداً من الألق والانتشار على المستوى الجامعي والعربي التعليمي، لأنه يستحق.




محمد الأسمر
محمد الأسمر كتب:
صراحة انا بعتبر ارتين عملي قاعدة ومنها انطلقت تعلمت بارتين فن الحوار كيف ناقش وكيف اتناقش وهاد الشي فادني كتير لما عملنا موقع البلدة والحمد لله بسبب الي كسبتو من آرتين استطعت احتلال موقع ممتاز بموقع قمحانة مع العلم اني اصغر الشباب سنا وكلهم كوادر علمية .
برأيي من عمل مع الكبار سيكبر مثلهم
لانو اكيد رح يسعى للتميز
هاد الشي الي بحبو بارتين
بالنسبة لفوائد ارتين كموقع هي معروفة للجميع لانو الخدمات الطلابية شي كبير كتير
انا مشرف جديد مابعرف شو رح يقدملي ارتين بس بتوقع شي كتير مفيد
بتمنى يصير ارتين هيئة شبه رسمية
مشان توصل اصوات الطلاب بشكل اكبر لانو الطالب السوري بيستحق عناية اكتر من هيك .



ابراهيم محمد
ابراهيم محمد كتب:
ماذا قدم لك آرتين كعضو ؟؟ و ما الذي قدمه لك كمشرف ؟؟
كعضو آرتين كان ولا زال بالنسبة إلى ملاذ آمن الي بأي حالة من الحالات اللي بمر فيها أي شخص ... فإذا كنت مبسوط بفوت لآرتين حتى ترجم فرحي وسروري على صفحاتو وإذا كنت زعلان كنت فوت كمان لحتى شوف شي ينسيني همي وزعلي وفعلاً كنت كتير شوف بآرتين الشي اللي ينسيني همي وانزعاجي بكافة أقسامو ...

كمشرف كانت فائدتي أكبر بكتير .. كوني أحد الأعمدة اللي قامت عليها هالأسرة الرائعة المكونة من الكادر الإداري .. تعلمت منون كتير وبوجه تحية لإلون فرداً فرداً لأنو كانو سبب الو أثروا الكبير بقرارات كنت متخذا بحق حالي ونصحوني بالصح ووجهوني لحتى أمشي على الدرب الصحيح وأنا بعتبر نفسي الأقل خبرة بهالكادر اللي ما الو مثيل بالكون .. أما الشي اللي قدملي اياه آرتين كمشرف لقسم عالم الكمبيوتر والأنترنت اني تعلمت شغلات جديدة بهالعالم وعرفت معلومات جديدة ..

- ماذا يعني لك موقع " آرتين " ؟؟
آرتين ... قولاً واحداً ... مكون من مكونات الدم اللي بيمشي بعروقي وبعروق الجميع بهالموقع
آرتين .. القمر اللي بنير درب الطلاب وطلاب العلم ..

- ما هي أمنياتك لآرتين في عامه الجديد ؟؟
أمنياتي لآرتين بتتلخص انو آرتين يحقق نجاحو الأكبر بإنو يكون موقع رسمي ومرخص من قبل رئاسة جامعة البعث وانو يمتد ليكبر ويعمر ويشمل جامعات سوريا قاطبة وانو ينفذ بالقريب العاجل الخطة المتفق عليها اللي ان شاء الله رح تعمل نقلة نوعية بالمواقع التعليمية . ما بدي أحكي زيادة عن الموضوع مشان ما أحرق شغلات مخباة مفاجأة ...
بالنهاية وبالبداية أيضاً بتمنى لآرتين التقدم والإزدهار والرقي إلى أعلى المستويات ويثبت نفسو ليس فقط على الساحة السورية والعربية وإنما أيضاً على الساحة العالمية .. ما في شي صعب وما في شي مستحيل ...



أحمد الدالي
أحمد الدالي كتب:
- ماذا قدم لك آرتين كعضو ؟؟ و ما الذي قدمه لك كمشرف ؟؟
أرتين شجرة معطاء توزع ثمارها في كل الغصون فلا فرق بآرتين بين عضو, مشرف ومدير...فلكل دوره ولكل واجباته
يمكنني القول بأن أرتين قدم لنا الكثير وقدم لي الكثير الكثير من ثقة وحب الذات وإثبات الوجود...

- ماذا يعني لك موقع " آرتين " ؟؟
منذ عرفت آرتين وليومنا هذا عندما أفتح المتصفح قبل فعل أي شيء ولا شعورياً , أكتب حرف f لتظهر لي قائمة منسدلة بـ forum.art-rn .com
يشغل مساحة كبيرة في القلب واسمه يراودني دائما بالفكر...
حضن دافئ وملاذ هانئ ألجأ إليه دائماً فيقابلني بأكثر ما أريد .. وأنهي مشواري فيه بإبتسامة ترتسم على وجهي..ابتسامة حب..ابتسامة شوق للقاء آخر..ابتسامة كبرياء....
احتضنني آرتين بفترة من الزمن كنت أملك فيها كل شيء في مرحلة الشباب..أملك الدراسة والعمل والحب والعلاقات الاجتماعية ...في هذه الفترة قد أكون خسرت بعضها وأغلبها وما زال آرتين على عهده بالوجود..وهذا ما يميز آرتين بالاضافة لوجود نخبة لا مثيل لها من العقول والأشخاص الطامحين والذين نرى ابداعاتهم على أرض الواقع..
تحزنني أحيانا طبقات الغبار التي تتكون عليه وهذا أمر طبيعي.. وتغمرني السعادة عندما يمسحها برفق ليعود بقوة أكثر ما كان عليه من قبل..

- ما هي أمنياتك لآرتين في عامه الجديد ؟؟
أتمنى لآرتين دوام النجاح وتحقيق مزيد من الانجازات التي اعتدنا عليها وأتمنى لأفراده من أعضاء ومشرفين وإدراة دوام المحبة والتوفيق على جميع الأصعدة.



فطوم
فطوم كتب:
بالبداية حابة بارك لآرتين بهالمناسبة الحلوة و اللي بكل تأكيد بتسر الجميع و انشالله منستمر للأفضل ليرتقي ارتين ...
و هني مديرنا فارس بهالمناسبة
و حابة اتشكر مشرفتنا الغالية سيرين على هاللفتة الحلوة منها ....

رح ابدأ احكيلكن شو قدملي ارتين كعضوة بما اني لسا جديدة بالاشراف
و انشالله اذا بقيت مشرفة للسنة الجاية بحكي عن علاقتي فيه و شو قدملي كمشرفة ....

ارتين وهبني فوائد كتير عن طريق اطلاعي على اقسام عديدة و مواضيع تعليمية خاصة منها :
بقسم الصحة و الحياة و طبعا طور بحالي من خلال تطوير الذات و فادني ببعض قواعد اللغة الانكليزية طبعا بقسم اللغة الانكليزية ...
بالاضافة للفائدة قدملي المتعة اكيد من خلال ارتين كافيه ..
و صار في مشاركة بين رأيي و رأي الاعضاء من خلال وجهات نظر
و هالقسم خلاني استفيد كتير من آراء غيري و طور بحياتي و بحالي
غير الفائدة و المتعة خلاني كون صداقات مميزة و هالشي زادني ثقة و طورلي شخصيتي و انشالله دايما فطوم بتبقى عند حسن ظن الكل و قريبة من قلوبكن

بالنهاية بتمنى لآرتين المزيد من النجاح و استمرار التطور من افضل لأفضل و نبقى كلنا ايد بأيد لنرتقي و نصل للقمة ...



العربية
العربية كتب:
بالبداية بدي اتشكر مشرفتنا المتألقة سيرين
شكر كتير كبير على هالموضوع المميز إلي منحتنا فيه شرف
الإجابة على هالأسئلة لحتى تتعرفوا علينا أكتر
وإن شاء الله نكون لطيفين خفيفين على قلوبكن جميعا.

تهانينا الحارة لمديرنا الكريم فارس على تميز آرتين الدائم وتمامه لعامه الرابع
وكل عام وآرتيننا الغالي وإنتو بألف خير.

- ماذا قدم لك آرتين كعضو؟
فوائد كبيرة وعظيمة وخاصة إني مغتربة برا سوريا وماسنحتلي الفرصة داوم متل بقية الطلاب بالجامعة كان من أهمها:
-آرتين عرفني أكتر بقسم الأدب العربي بعظمتو وجماليتو من خلال ساحات طلاب الأدب العربي.
-الخدمات اللي لقيتا بآرتين كانت مميزة أهمها التواصل والألفة والمحبة بين الطلاب إلي كانو إيد وحدة وكأنهن عيلة وحدة.
-من خلال فريق المراسلين كنا نحصل بسهولة على استفساراتنا الجامعية
واللي كانو يبذلو جهد كتير كبير
لمساعدة الأعضاء والإجابة على استفساراتن ...الله يعطيكن العافية مراسلينا ماقصرتو.
-آرتين قربلي المسافات ..صرت أوصل لنتائجي الإمتحانية بغربتي عن طريق موضوع النتائج الإمتحانية
وبهالمنسابة بدي إتشكر مشرفنا المتميز عصام على جهودو بهالمجال..الله يعطيك ألف عافية

- كمشرفة :
تعلقت أكتر بإختصاصي (الأدب العربي )بإشرافي على موسوعة الأدب العربي.
تعرفت على شعراء وأدباء عظماء تركوا بصمة مهمة بمجال الأدب العربي.
اهتموا بلغة عظيمة قدرت تاخد موقعا بجدارة بي اللغات التانية.

-من خلال الإشراف تعرفت أكتر على الطاقم الإداري واللي في قول كانو سند كبير إلي
كانو أكتر من أصدقاء.. إخوة بالمعنى الحقيقي للكلمة وبخص بالذكر صديقاتي (عاشقة العربية ,سحر ,رغد,عبير )
بقلن إنتو كنتو أصدقاء بالمعنى الحقيقة للكلمة.

-وأكيد مارح إنسى إنو آرتين كنت فيه عضوة أو مشرفة
قدملي صداقات مميزة (رحاب ,يارا العلي,ديمة, مها82, رؤى.... )
إنتو أشخاص رائعين بتمنالكن التوفيق والنجاح بحياتكن.

-من الأمور العظيمة إلي قدملي ياها آرتين مقابلات آرتين مع الدكاترة.
يمكن الحياة الجامعية وضغوطات الدراسة كانت تظهرلنا ياهن عطول بالقسوة والجدية
والمقابلات قدرت تثبتلنا قدي هنن أشخاص رائعين ولطيفين وبخص بالذكر (الدكتور عصام الكوسا ,والدكتور أحمد الدهمان)
_بتمنى لآرتين تحقيق نجاحاتو المتواصلة ,الوصول للقمم والتميز الدائم بفضل جهودكن ونشاطاتكن
إلي أكيد نحن منقدرا ومنقدر قيمتا.

ودمتم بود سالمين ....العربية.



Mohammed
Mohammed كتب:
بداية كانت النتائج! وبعدها صار مصدر كل ما يلزم من معلومات تتعلق بالكلية واخبار وتواصل مع الدكاترة والطلاب ساحات الخواطر والشعر احلا ايام ومناقرات وشغلات عجيبة غريبة ما بتنتسى...
في الاشراف تعرفت فيه على أروع ناس واحلا مجموعة من المشرفين

- مرحلة رائعة ارتين بيعنيلي ايام الجامعة .. ايام الاداب .. بيذكرني بالحديقة بالمدرجات الي صارت فيها الامسيات .. بالمناطق اللي رحنا عليها رحلات ... بالشباب والصبايا الطيبين
باشخاص غاليين .. وكتير شغلات وذكريات حلوة

- اهم شي بتمنى يصير أسرع لأن رح يجطني من كتر مو صاير بطييييييييييئ
تتفعل الاقسام الي ما تفعلت ... نقدر ننشر العلامات ... ويصير في قسم جديد : الساحة السياسية العربية مثلاً

انشالله كمان يتطور اسلوب التسويقي لأرتين ويكبر اكتر واكتر.



NOOR TALEB
NOOR TALEB كتب:
- ماذا قدم لك آرتين كعضو ؟؟ و ما الذي قدمه لك كمشرف ؟؟
في البداية ، إسمحوا لي بكوني مشرفا جديدا انا أقول كيف تعرفت على الموقع ، وما الذي جذبني إلى موقع آرتين منذ بدايته.
إن النشاط الطلابي والجهود المبذلولة في هدف - الوصول الى القمم - هي جهود جبارة والعمل على تحقيق هذا الهدف يستحق كل التقدير والشكر ، وهنا أود الإشارة الى أمرين مهمين:

الأمر الاول: كوني كنت عضوا قبل أن أكون مشرفا ، فإن مشاركاتي في المنتدى إتسمت بطابع من الأنانية - كما يفعل بعض الأعضاء حاليا - حيث كنت أزور الموقع فقط ، لتحميل الكتب من المكتبة أو الإطلاع على مواضيع دراسية أو .. أو ... الخ ، وكل ذلك بدون وضع أي بصمة تدل على أنني مررت من هنا ..

الأمر الثاني: وذلك عندما تم تعيني مشرفا في المنتدى ، حيث عندما أصبحت مشرفا لقسم الترجمة لم تكن تتجاوز مشاركاتي ال125 مشاركة فقط ، علما أن كل هذه المشاركات ، كانت توضع فقط في قسم الترجمة ، وكلها كانت مشاركات فعالة من حيث - وضع برنامج الإمتحان او الدوام او ..... الخ.

وهنا إزددت حبا لمنتدى آرتين وذلك من خلال تواجدي اليومي والقراءة المتمعنة للمواضع الفعالة، وجو الإخوة والحب الذي يسود بين الإدارة والمشرفين والأعضاء، كل هذا دفعني إلى المشاركة بفعالية أكثر في منتدى آرتين...

- ماذا يعني لك موقع " آرتين " ؟؟
اليوم ، لا أستطيع ان أتخيل حياتي بدون موقع آرتين ، فقد غدا الموقع ، البيت الأول الذي ألجأ اليه عندما تتوفر خدمة انترنت في أي مكان وفي أي زمان وفي كافة الظروف ..
فلقد استحوذ هذا الموقع على نصيب كبير من إهتماماتي ونشاطاتي ، لذلك فهو الأول دائما ، وتعجز الكلمات عن وصف ماذا يعني لي موقع آرتين اليوم ، وذلك لأنه يعني لي الكثير والكثير....
ما هي أمنياتك لآرتين في عامه الجديد ؟؟

عندما يدخل آرتين عالمه الرابع ، لا يسعني إلا أن أقول أولا للإدارة والطاقم الإداري الف الف مبروك القمة التي وصلنا إليها في هذا العام ، فكل عام يظفر بيتنا بنجاحات وتميزات تميزه عن العام الذي قبله ، فقد اثبتنا - أقولها هنا بكل فخر - أننا الموقع الأول لطلاب كلية الآداب في جامعة اليعث ، وذلك من خلال الخدمات التي نوفرها من محاضرات وأخبار ومقابلات الخ..

وأقول للأعضاء إبقوا معنا لنصل سويا إلى أعالي القمم ، وكل عام وأنتم بألف ألف خير .



أوركيدا
أوركيدا كتب:
- ماذا قدم لك آرتين كعضو ؟؟ و ما الذي قدمه لك كمشرف ؟؟
كعضوة: قدم لي الصحبة الطيبة والمعلومات المفيدة وفتح لي أفاقاً جديدة في التواصل والتعبير .
كمشرفة: ما زلت جديدة في موقعي كمشرفة ، لكنني سعيدة كوني أحد أفراد الطاقم الأساسي في تطوير الموقع والحفاظ على بقائه في القمة .

- ماذا يعني لك موقع آرتين؟
موقع آرتين بصفته موقعاً تعليمياً ، يهتم بشؤون الطالب وتفكيره ،ويحتوي الأقسام عامة التي تبقي القارئ على اطلاع بمختلف المجالات مع الحفاظ على سوية الاحترام والأخلاق التي لا تخدش حياء القارئ، شكل موقع آرتين مجتمعاً ثقافياً اجتماعياً راقياً، يسعدني أن أكون فيه أفيد وأستفيد.

- ما هي أمنياتك لآرتين في عامه الجديد؟
كما لمسنا أحلاماً لآرتينيين تحققت على أرض الواقع بفضل الله ومن خلال آرتين ، أتمنى أن يبقى آرتين البوابة التي تقودنا إلى الإبداع بشتى مجالاته ، ويكون الوجهة الأولى لطلاب الآداب ومتعلمي اللغات.



Obada Arwany
Obada Arwany كتب:
- ماذا قدم لك آرتين كعضو ؟؟ و ما الذي قدمه لك كمشرف ؟؟
كان بالنسبة لي المكان الأول و الوحيد حيث استطعت أن اتعرف على أصدقاء كانو لي عوناً في مسيرتي الدراسية .التقيت بأشخاص وسعوا لي مداركي و ساعدوني على رصف أحلامي و ضبطها و أرشدوني إلى كيفية الوصول إليها و إن شاء الله تعالى أنا ماضِ قدماً حتى تتحقق.
كعضو , آرتين فتح لي المجال في اتمام عمليتي الدراسية باستخدام التقنية و الانترنت
فكانت عوناً لي في توسيع مداركي فيما يخص مجال دراستي .. و كما تعلمون فإن تعلم اللغة الإنكليزية يحتاج إلى اطلاع واسع و مستمر على الأخبار الإنكليزية مثلا و على دراساتهم و أرائهم و طرق تفكيرهم فكما تعلمون طريقة التفكير الإنكليزية مختلفة تماماً عن العربية.

- أرتين و انا مشرف فيه.
إسهامات ارتين بالنسبة لي و انا مشرف لم تختلف عنها و انا عضو حيث كانت فيه الإفادة للجميع
فهو ساحة لجميع الطلاب و لا يقتصر على مجموعة ما فهو تعليمي مجاني ..
لم تقتصر النقاشات فيه على مستوى جامعة البعث و حسب , و لكن كانت إدارة ارتين
مستعدة لفتح المجال لأي مجموعة و لفتح أي ساحة لهم ليتناقشوا في أمورهم العلمية فيها بالإضافة إلى مشاركتنا النشاطات في الساحات المختلفة.
و كون معظم مشرفي أرتين كانوا من نفس مجال اختصاصي , فقد كانوا من دعمني حتى أصل للتخرج و لله المنه و الفضل أولا و أخيرا ولكنهم كانوا سندا لي و هذا من أسباب توفيقي و لله الحمد.

- ماذا يعني لك موقع آرتين؟
هذا سؤال قد لا استطيع الإجابة عنه بالعديد من الكلمات و لكن باختصار أرتين هو جزء ثابت مني
و لا يتجزء يعني لي حياتي الجامعية و مسيرتي المهنية التي سأبدؤها ان شاء الله واثق الخُطا

- ما هي أمنياتك لآرتين في عامه الجديد؟
أن يكون الساحة العلمية الأولى و أن يفيد أكبر شريحة من الطلاب
أتمنى أن يكون هنالك مزيد من الدعم و لا اقصد المادي فقط بل التعاون الفعال المثمر
أن يكون أرتين محط أنظار الجميع و المكان الذي يفيد الجميع .



ثــائــر
ثــائــر كتب:
- آرتين كان النافذة الاولى لي على عالم الطموح الذي تلبور و كبر في ربوع آرتين فقد كانت الأمسية الأولى هي المرة الأولى التي أصعد فيها على المسرح لأكون مقدماً و ثم الأمسية الثانية التي كانت بداية التميز لآرتين و أخيرا و ليس آخرا الاحتفالية الثالثة المميزة و التي خلقت لي فرصاً جديدة في عوالم جديدة و ما أنا عليه الآن و لله الحمد الفضل فيه بعد الله عزوجل لآرتين .. فشكراً آرتين

- موقع آرتين كان رفيقي و مصدر سعادتي في أيام الفرح و كان ملاذي و متنفسي في أيام الحزن خلال مسيرة 4 أعوام فقد كنت أجد فيه الدفأ و أستقي منه الفائدة فمنذ أصبحت في آرتين أي بعد ساعة من افتتاحه صار الصفحة الأولى التي أفتحها في متصفحي و منذ أصبحت مشرف أي بعد أسبوع من افتتاحه صرت أشعر بمسؤولية جمة ملقاة على عاتقي ... و أما عن العائلة التي كونتها في آرتين فهم أخوتي و أخواتي و أعتقد أن كلمة الأخ لا تحتاج إلى شرح فقد كنت أجدهم بجانبي في الأيام السوداء قبل البيضاء و أراهم جرعات حب و حنان لي في كل تجربة جميلة أو مريرة أمر بها ... لا أريد أن أقول لكم شكرا لأنها لم تخلق لكم و لكن دعوني أتمنى أن أستطيع في يوم من الأيام أن أشكركم بطريقتي ...

- أتمنى لآرتين المزيد من التقدم و الازدهار و السير على نهج التطوير الذي تبناه منذ إنشائه و العمل تحت مظلة الفائدة للجميع التي استظل بها طيلة أعوامه السابقة و أن يكون كما تعودنا عليه منهل المعرفة للجميع و أن تكون المحبة السلاح الأقوى و ان نكون يداً واحدة في سبيل الرقي بهذا الموقع ...


ابو سامر
ابو سامر كتب:
شهادتي مجروحة في موقعنا
ولكن , و الله على ما أقول شهيد ( لــم أجد لموقعنا مثيل ) . فقد كان نافذتي الصغيرة التي أطل من خلالها على العالم .و لعل السبب الرئيسي في رغبتي بأن أكون عضواً من أعضاء موقع آرتين هو لشدة إعجابي به و بروح العمل الجماعية التي تبدو جلية في كل موضوع من المواضيع التي يتم طرحها , وأخذ كــل اقتراح من أي عضو كان على محمل الجد والعمل . لقد علمني آرتين أن افكاري وجهدي وقلمي هو الذي سيثبت وجودي فالمساحة التي قدمها آرتين لي كعضو لأسطر أفكاري التي أرجو من الله أن تكون حملت في طياتها الإفادة لكل شخص لا تقدر بثمن >

و ما الذي قدمه لك كمشرف

الاشراف كان بمثابة شهادة تقدير أعتز بها مــن إدارة آرتين الذين هم بحق مثل للأخلاق والضمير والتي حملتني مسؤولية أكبر
ووجودي كفرد من أفراد الكادر الإداري جعلني أكثر إدراكاً بالعمل الجبار الذي يقدمه آرتين
لكل الأعضاء و تلبية كافة متطلبات الأعضاء ..سؤال .. اقتراح .. مساعدة و أهم شيء أني تعرفت على أشخاص أعتز بصداقتهم تعلمت منهم ان رب أ خ لك لم تلده امك

ماذا يعني لك موقع " آرتين

صرح ثقافي مميز بما يكتب فيه من مواضيع قيمة
ونافذة واسعة أطل بها على هذا العالم من خلال تواجدي الدائم في الشبكة العنكبوتية
البيت الذي ألجأ اليه لتبادل الأفكار و النقاشات الراقية
فلا يكفيني المرور العابر لمجرد المرور فلا بد من الاستفادة
لأعود بكامل أناقتي لملاقات الجمال بجمالٍ مثله إن استطعت إلى ذلك سبيلا

ما هي أمنياتك لآرتين في عامه الجديد

أتمنى لآرتين المزيد من الازدهار والرقي
و أتمنى من المولى عز وجل أن نلتقي دائما في هذا الصرح التعليمي الرائد
و يجمعنا دائماً شموع تضيء موقعنا المميز و الإعلاء من شأنه .




سيرين
سيرين كتب:
- ماذا يعني لك موقع آرتين؟
العالم الذي تحبه سيرين بكل ما فيه .

- ماذا قدم لك آرتين كعضو ؟؟ و ما الذي قدمه لك كمشرف ؟؟
لن أتكلم عن غنى آرتين الثقافي و التعليمي و المعرفي , لأن هذا الشيء بات معروفاً للجميع , و لكن سأكتفي بقول أن آرتين قدم لي أشخاص كانوا و سيبقون بعونه تعالى أخوة حقيقيون بكل ما تحمله هذه الكلمة من معنى .

- ما هي أمنياتك لآرتين في عامه الجديد؟
المزيد من الرقي و الازدهار
عودة من غاب و قد طال غيابه
مزيد من التفاعل
و كل عام و آرتين هو البيت الأغلى .


و قد خصّ مدير الموقع " فارس النائب " موقع آرتين بهذه المعايدة و التي شملت الوقوف على كل ما تم و سيتم تنفيذه في مسيرة آرتين المستقبلية بعونه تعالى :


فارس
- فارس النائب .... ماذا قدم لك آرتين على الصعيد الشخصي و على الصعيد المهني و الدراسي ؟؟
يستحيل أن أستطيع جرد ما قدمه لي آرتين على مدى هذه السنوات الأربعة التي مضت , لكني أقول باختصار : قد كان آرتين أهم العوامل التي زودتني بكمّ من الخبرات و الفوائد على مختلف الأصعدة , العلمي و الاجتماعي و الثقافي و حتى الأخلاقي . و أنا ممتنٌّ له .

-بماذا تعد آرتين , و أعضاء آرتين ؟؟
أقول بكل ثقة و على الملأ , إنما ما مضى و ما كان , هو مجرد بداية قد رسمناها لخدمات و تطورات قادمة في آرتين ستمنحه التميز بكل وضوح عربياً و إقليمياً من خلال ما سيقدمه لعموم الزوار و الطلاب من أدوات و المراجع التي سيكون من شأنها إيصال المعلومة لمن يفتقدها و منح الثقة في مستوى الطالب العلمي , و هو ما سيتحقق أولاً في الأشهر القليلة القادمة إن شاء الله .

- لو طلبنا منك أن تعرّف لنا ببعض الكلمات و العبارات كل من : آرتين 2007 ؟؟ آرتين 2008 ؟؟ آرتين 2009 ؟؟ و أخيراً آرتين 2010 ؟؟ ماذا تقول ؟؟
إنطلق آرتين كموقع لطلاب الأدب الإنجليزي في جامعة البعث و لهذا كان له الاسم Art و هي تعبر عن الأدب أو الفن و ثم الحرفين En و هما اختصار لكلمة English . و بعد ما ناله آرتين من شعبية بين مختلف الطلاب في كلية الآداب , تصاعدت الأصوات التي تطالب بأن يكون موقع آرتين لكافة الأقسام في الكلية , و في خريف عام 2008 كان آرتين موقع طلاب كلية الآداب في جامعة البعث , و بدأ يحرز الشهرة و يكسب ثقة الطلاب من خلال أهدافه العلمية و الاجتماعية , التي ساعدت على بناء جسور من التواصل بين كافة الأفراد في الكلية من عميدها إلى أجدد طلابها .
مع دخولنا بعام 2009 و اكمال آرتين لعامه الثاني , كان قد وصل آنذاك إلى قمم نفخر بها و طبعا طلبنا المزيد , فمن تحقيق مراتب أولى بين المنتديات العربية تصميما و تنظيماً , إلى أمسيات شعرية تؤكد حرصنا على الجانب الإبداعي بين الطلاب و تنميته , إلى أفكار مبدعة من أعضاء المنتدى بإتمامهم مشروع ترجمة كتاب كامل، كان أولى إنتاجات أعضاء آرتين ،و ثم مجلة طلاب الآداب التي كان لها الصدى الأكبر في كافة المحافظات السورية و الفائدة التي أقر بها مختلف الطلاب في كافة الكليات .
و لم يغب عن إدارة آرتين أهم ما ساعده على بناء هذا الصرح الطلابي المميز , فكان لمختلف أعضاء آرتين الفرصة في اكتساب هدايا سواء الرمزية أو القيمة التي نعبر من خلالها عن محبتنا و امتناننا لأعضاء آرتين الذين بذلوا الجهد سواء بنشر دروس و متابعتها و الإجابة عن استفساراتها , أو بتقديم أخبار المحاضرات كفريق المراسلين , أو حتى بطرح مواضيع هادفية مميزة و مفيدة و حرصنا على تشجيع هذه النوعية من المواضيع كما حصل في رمضان الماضي بإهداء صاحب أفضل موضوع لكل يوم 200 وحدة لجواله .

و بهذه المناسبة أيضاً , عيد ميلاد آرتين الرابع , سنقدم هدية رمزية لعموم الطلاب , و هي عبارة عن مصنف بلاستيكي أنيق و عالي الجودة و جديد تماماً على الأسواق , سيتم توزيعه بطريقة معينة سيتم ذكرها لاحقاً , و هو تعبيراً عن محبتنا و تمنياتنا لكل الطلاب بالتوفيق و النجاح الذي نتطلع إليه جميعنا .

في النهاية , واجب علي التأكيد و التكرار في الشكر الجزيل مع خالص المحبة و الامتنان لمشرفي آرتين الذين كانوا هم أعمدته و أساساته و كبر بهم , مع جزيل شكري لك من لكل الأعضاء المخلصين على جهودهم و اخلاصهم . و لن ننسى أن نتقدم بخالص شكرنا لكل من كان في فريق العمل او وضع بصمة في ثنايا الموقع .

إدارة آرتين تهنّئكم بعيدها الرابع، متطلّعة إلى أعوام من النجاح لنحقق هدفنا:
((الوصول إلى القمم))
 *1  فكل عام وأنت بخير  *1

هذا ما قلناه نحن إدارة آرتين في آرتيننا، الذي نتمنى ونريد له كل التطور والتقدم.
فماذا تقولون أنتم؟

*ورود



كل الشكر للمشرفة سيرين و المشرفة عاشقة العربية للمساعدة في هذا الموضوع *1

_________________
التوقيع
صورة


أعلى .:. أسفل
 يشاهد الملف الشخصي  
 
  • عنوان المشاركة: الكادر الإداري يطفئ شمعة العام الرابع لانطلاق الموقع التعليمي الرائد " آرتين " .. كل عام و أنتم بخير
مرسل: الثلاثاء آذار 01, 2011 2:49 ص 
مراقب عام
مراقب عام
صورة العضو الشخصية
اشترك في: 20 تشرين الأول 2007
المواضيع: 440
المشاركات: 9880
المكان: حمص
القسم: اللغة الانكليزية
السنة: دبلوم تأهيل
لا يوجد لدي مواضيع بعد



غير متصل
كل عام وارتين بالف خير انشالله


كلنا بنكبر بارتين وهو بيكبر فينا وان شاء الله بنكون عقد المسؤولية اللي حاملينا انو اسم كل شخص فينا عضو/ة آرتيني/ة
ما في داعي لكتر الكلام لانو الواحد بينعرف باللي بيقدمو وانشالله ماحدا يقصر وقت اللي بيكون فينو يقدم باي مجال

انشالله تكون هالسنة سنة خير عالجميع


فارس الف شكر الك عاللي عملتو  *1
سيرين يعطيكي عافية عفكرة الموضوع  *1
عاشقة العربية مشكورة  *1
بقية الكادر الاداري  *1
الاعضاء وبدون اي استثناء  *ورود

_________________
التوقيع صورة


أعلى .:. أسفل
 يشاهد الملف الشخصي  
 
  • عنوان المشاركة: الكادر الإداري يطفئ شمعة العام الرابع لانطلاق الموقع التعليمي الرائد " آرتين " .. كل عام و أنتم بخير
مرسل: الثلاثاء آذار 01, 2011 2:52 ص 
آرتيني نشيط
آرتيني نشيط
صورة العضو الشخصية
اشترك في: 28 تموز 2010
المواضيع: 10
المشاركات: 347
المكان: حمص
القسم: الغة الانكليزية
السنة: تانية
الاسم: لجينjojo
لا يوجد لدي مواضيع بعد

:: أنثى ::


غير متصل
هابي بيرثدي ارتين ونشالله بتضل بتقدم وبتضل بتفيدناوشكرا كتير الك ولكل عضو ولكل مراسل وكل مشرف *ورود  *ورود  *ورود  *ورود  *ورود
وهابي بيرثدي تويوووووووووووووووووووووووو *ورود
وعقبال المية  :wink:


أعلى .:. أسفل
 يشاهد الملف الشخصي  
 
  • عنوان المشاركة: الكادر الإداري يطفئ شمعة العام الرابع لانطلاق الموقع التعليمي الرائد " آرتين " .. كل عام و أنتم بخير
مرسل: الثلاثاء آذار 01, 2011 3:12 ص 
آرتيني فعّال
آرتيني فعّال
صورة العضو الشخصية
اشترك في: 14 شباط 2010
المواضيع: 57
المشاركات: 1119
المكان: سوريــــــــا - قطــر
القسم: العربيــــــة
السنة: متخرجـــــة
لا يوجد لدي مواضيع بعد

:: أنثى ::


غير متصل
صورة

_________________
التوقيع
صورة


أعلى .:. أسفل
 يشاهد الملف الشخصي  
 
  • عنوان المشاركة: الكادر الإداري يطفئ شمعة العام الرابع لانطلاق الموقع التعليمي الرائد " آرتين " .. كل عام و أنتم بخير
مرسل: الثلاثاء آذار 01, 2011 3:14 ص 
آرتيني نشيط
آرتيني نشيط
صورة العضو الشخصية
اشترك في: 27 كانون الأول 2009
المواضيع: 60
المشاركات: 516
المكان: Hims
القسم: ُُُُEnglish
السنة: الرابعة بجدارة
الاسم: Yazan
لا يوجد لدي مواضيع بعد

:: ذكر ::


غير متصل
اقتباس:
و لعل من أبرز ما يميز هذا العيد هو الحضور الملفت لفريق عمل موقع آرتين الذين اختاروا أن يعايدوا آرتين بطريقتهم الخاصة ... دعونا معاً نستمع و نستمتع بعبير هذه الورود


الله يخلينا ياكون يافارس
انت وهالفريق الرائع الذي أكن له كما والجميع كل الاحترام والتقدير والمحبة

كلمات رائعة ومعبرة عن أشخاصها الرائعيين

أشكر فريق العمل والمشرفين والاعضاء في المنتدى واحدا تلو الآخر
شكرا...... شكرا.............شكرا......شكرا..........شكرا.....
*ورود  *ورود  *ورود  *ورود  *ورود  *1  *1  *1  *1  *1  *Hi  *Hi  *Hi  *Hi  *Hi
ومن خلال هذا الموضوع ادعو كل فرد من عائلة آرتين  أن يعاهدنا على ان يبذل قصارى
جهده وكل ما يملكه من علم ومعرفة وثقافة كي نسعى بارتين وطلابه نحو القمم

وأكرر شكر خاص لفريق العمل والمشرفين على المنتدى  واتمنى لهم التوفيق في دراستهم وحياتهم العملية

تقبلو تحياتي ومحبتي
                                B-E-$-T     M-A-N
ترقبوني باسمي الحقيقي قريبا في ارتين (يزن فدعوس)

_________________
التوقيع صورة

عذراً باريس
فـ{سورية} أصبحتْ عاصمة العطور
.

.
.
.
.فرائحة دمـااء شهدائها .. { أزكى } من عُطور الدنيا


أعلى .:. أسفل
 يشاهد الملف الشخصي  
 
  • عنوان المشاركة: الكادر الإداري يطفئ شمعة العام الرابع لانطلاق الموقع التعليمي الرائد " آرتين " .. كل عام و أنتم بخير
مرسل: الثلاثاء آذار 01, 2011 3:16 ص 
آرتيني متميّز
آرتيني متميّز
صورة العضو الشخصية
اشترك في: 01 آذار 2007
المواضيع: 172
المشاركات: 3440
المكان: الحســـــكة
القسم: اللغة الإنكليزية
السنة: متخرج
الاسم: فادي حلواني
لا يوجد لدي مواضيع بعد

:: ذكر ::


غير متصل
الف مبروك لأرتين عامه الرابع على التوالي بمزيد من النجاح والتألق
في الحقيقة موقع أرتين لازمني منذ السنة الأولى في جامعتي وهاهو معي في السنة الاخيرة حقيقة لقد قدم موقع ارتين لي الكثير الكثير من المعلومات
وكسبت شرف صداقة العديد من الأعضاء وأصبحنا عائلة واحدة
وأتمنى للموقع مزيدا من التقدم والنجاح الكبيرين
وأشكر بهذه المناسبه جميع المشرفين والمشرفات ومدير الموقع الأخ فارس وأتمنى له دوام الصحة والنجاح وأنشالله نفرح بتخرجك السنة يارب

_________________
التوقيع
إلى اللقاء أخوتي في آرتين.....


أعلى .:. أسفل
 يشاهد الملف الشخصي  
 
  • عنوان المشاركة: الكادر الإداري يطفئ شمعة العام الرابع لانطلاق الموقع التعليمي الرائد " آرتين " .. كل عام و أنتم بخير
مرسل: الثلاثاء آذار 01, 2011 4:10 ص 
مشرف الشعر العمودي و بوح المشاعر
مشرف الشعر العمودي و بوح المشاعر
اشترك في: 05 نيسان 2009
المواضيع: 35
المشاركات: 470
المكان: حماه
القسم: العربية
لا يوجد لدي مواضيع بعد

:: ذكر ::


غير متصل
نبارك لانفسنا أولا ثم نبارك للغالي آرتين تميزه الرائع
وكل سنة والتقدم رفيقك حتى التميز

شكرا سيرين *1  
شكرا عاشقة العريبة *1
شكرا فارس على العيد الحلو *1
وشكرا لكل عضو دفع عجلة آرتين خطوة للامام

_________________
التوقيع
يَمضِي بي العُـمـر‏..‏ قَـلبُ الأمِّ يسكُـنني .. وَلا أرَي بــعـدَهُ حُـــبًّــا وأشـــواقــَـا
مَا كُـنتُ أوَّلَ مَـن ذَابَـت جَـوانِحُـهُ .. وَلستُ آخِـرَ قـــَلـبٍ مَــــاتَ مُـشـتــاقـَــا





صورة


أعلى .:. أسفل
 يشاهد الملف الشخصي  
 
  • عنوان المشاركة: الكادر الإداري يطفئ شمعة العام الرابع لانطلاق الموقع التعليمي الرائد " آرتين " .. كل عام و أنتم بخير
مرسل: الثلاثاء آذار 01, 2011 4:26 ص 
آرتيني متميّز
آرتيني متميّز
صورة العضو الشخصية
اشترك في: 04 كانون الأول 2008
المواضيع: 402
المشاركات: 3141
المكان: حــمــص - الحــــولة - حرية
القسم: الإنــجـليزية
السنة: الــرابــعـــة
لا يوجد لدي مواضيع بعد

:: ذكر ::


غير متصل
كل عام وأنت بألف ألف خير آرتين...مشرفات ومشرفين....أعضاء حاضرين وغايبين
ولك للللللييييش
:mrgreen:
*1  *1  *1  *1
تحياتي العميقة لك أخي فارس المؤسس ولكل من ساهم في بناء هذا الصرح العظيم ووفقنا الله جميعا لما فيه خير لنا ولأمتنا...
*ورود

_________________
التوقيع
الصفحة الشعرية على الفيس بوك
http://www.facebook.com/sleman.hsn
صورة


أعلى .:. أسفل
 يشاهد الملف الشخصي  
 
  • عنوان المشاركة: الكادر الإداري يطفئ شمعة العام الرابع لانطلاق الموقع التعليمي الرائد " آرتين " .. كل عام و أنتم بخير
مرسل: الثلاثاء آذار 01, 2011 4:27 ص 
مشرف موسوعة الأدب الانجليزي
مشرف موسوعة الأدب الانجليزي
صورة العضو الشخصية
اشترك في: 17 كانون الأول 2007
المواضيع: 60
المشاركات: 1899
المكان: Britain
القسم: Literature, Film, and Theatre
السنة: MA
لا يوجد لدي مواضيع بعد

:: ذكر ::


غير متصل
كل سنة و كل أعضاء آرتين بألف خير و صحة و قناعة  *1

_________________
التوقيع
 
"We are the choices we have made."


أعلى .:. أسفل
 يشاهد الملف الشخصي  
 
  • عنوان المشاركة: الكادر الإداري يطفئ شمعة العام الرابع لانطلاق الموقع التعليمي الرائد " آرتين " .. كل عام و أنتم بخير
مرسل: الثلاثاء آذار 01, 2011 9:09 ص 
آرتيني فعّال
آرتيني فعّال
صورة العضو الشخصية
اشترك في: 07 تشرين الأول 2009
المواضيع: 69
المشاركات: 843
المكان: k.s.a
القسم: English
السنة: Any year
لا يوجد لدي مواضيع بعد

:: أنثى ::


غير متصل
كل عام وانتو بخير
الله يوفقكم جميعاً وان شاء الله بتحققوا كل طموحاتكون

وانا بدي أشكر أرتين على كل اللي   قدملنا اياه  من فوائد تعليمية
وتعرفنا على أروع أصدقاء  بهالموقع الرائع
*1  *1  *1  *1

_________________
التوقيع
"أي علم هذا الذي لم يستطع حتى الآن أن يضع أصوات من نحب في أقراص ، أو زجاجة دواء نتناولها سرًّا ، عندما نصاب بوعكة عاطفية بدون أن يدري صاحبها كم نحن نحتاجه"


أعلى .:. أسفل
 يشاهد الملف الشخصي  
 
إرسال موضوع جديد الرد على الموضوع  [ 39 مشاركة ]  الانتقال إلى صفحة 1, 2, 3, 4  التالي

جميع الأوقات تستخدم GMT + ساعتين [ DST ]


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  

جميع الحقوق محفوظة لـ ©2012Art-En.com . تصميم بواسطة Art-En . راسلنا . سياسة الخصوصية . قوانين المنتدى
Powered by phpBB© . Translated by phpBBArabia