أهلا بك زائرنا الكريم في منتديات آرتين لتعليم اللغات (^_^)
اليوم هو الأربعاء أيلول 26, 2018 5:59 م
اسم المستخدم : الدخول تلقائياً
كلمة المرور :  
لوحة الإعلانات الإدارية

عذراً أخوتي .. تم إغلاق كافة الأقسام الترفيهية في آرتين حتى إشعار آخر

إعلان إداري فيما يخص الآراء السياسية في آرتين


آخر المشاركات

  ... آرتين ...   » كتب منهاج الترجمة PDF  .:. آخر رد: Mr.Husam  .:.  الردود: 2   ... آرتين ...   » Moll Flanders...by Defoe...2nd  .:. آخر رد: fbarraza28  .:.  الردود: 4   ... آرتين ...   » Friendship.الصداقة.جبران خليل جبران  .:. آخر رد: fbarraza28  .:.  الردود: 18   ... آرتين ...   » الدمعة الخرساء ايليا ابو ماضي  .:. آخر رد: fbarraza28  .:.  الردود: 5   ... آرتين ...   » Types of Phobia  .:. آخر رد: fbarraza28  .:.  الردود: 10   ... آرتين ...   » متجدد: تمارين على القواعد (( تمارين عامة))  .:. آخر رد: fbarraza28  .:.  الردود: 242   ... آرتين ...   » تاج محل ...........قصة حب خالدة  .:. آخر رد: fbarraza28  .:.  الردود: 6   ... آرتين ...   » Participle clauses (-ing, -ed and being -ed)  .:. آخر رد: fbarraza28  .:.  الردود: 1   ... آرتين ...   » يمكننا اكتشاف التورية  .:. آخر رد: fbarraza28  .:.  الردود: 22   ... آرتين ...   » We want arten to be back  .:. آخر رد: fbarraza28  .:.  الردود: 3

جميع الأوقات تستخدم GMT + ساعتين [ DST ]




إرسال موضوع جديد الرد على الموضوع  [ 42 مشاركة ]  الانتقال إلى صفحة السابق  1, 2, 3, 4, 5  التالي
الكاتب رسالة
  • عنوان المشاركة: التقرير الكامل لاحتفالية آرتين الثالثة (نسائم إبداعية)
مرسل: الخميس نيسان 01, 2010 1:43 ص 
آرتيني مؤسس
آرتيني مؤسس
اشترك في: 03 شباط 2008
المواضيع: 56
المشاركات: 1492
المكان: Hims
القسم: le francais
السنة: Licencié
لا يوجد لدي مواضيع بعد

:: ذكر ::


غير متصل
شباب الله يعطيكم الف  الف عافية كنت بتمنى انو كون معكم بس للاسف شاءت الظروف انو كون غائب عنكم . *ورود  *ورود  *ورود  *ورود  *ورود  *ورود  *ورود

_________________
التوقيع
Chaque pas doit être un but


أعلى .:. أسفل
 يشاهد الملف الشخصي  
 
  • عنوان المشاركة: التقرير الكامل لاحتفالية آرتين الثالثة (نسائم إبداعية)
مرسل: الخميس نيسان 01, 2010 3:09 ص 
مشرفة قسم مهارات تطوير الذات
مشرفة قسم مهارات تطوير الذات
صورة العضو الشخصية
اشترك في: 15 نيسان 2007
المواضيع: 64
المشاركات: 3024
المكان: حمص
القسم: انجليزي
السنة: MA
لا يوجد لدي مواضيع بعد

:: أنثى ::


غير متصل
اقتباس:
والدة فارس النائب ، واللي لما عرفت أنو أنا من منظمين الأمسية ورح نزّل التقرير حبت تعطي رأيا

مع أنو رأيا رائع جداً  *1  وحضورا معنا كان رائع *1  وشكراً لدعمنا بالاهتمام والرد :mrgreen:
إلا أنو تحيزا الشديد للمرأة ضحكني  :mrgreen:
يعني بالمناظرة عجبا موقف المرأة...ومن الشعراء نورا وأنجلينا  :mrgreen:
لو كنت شب لأزعل...إلا أنو تفاصيل رأيا بتدل أنو ما بتحب بالمرأة إلا حبا للوطن وذودا عنو....لذلك  *1  ...عنجد رأي رائع *1

هدى,  
اقتباس:
الملاك   لو عاطيتيني خبر بس ، كنت خليتك انت تنزلي التقرير  

صدقي ما توقعتو يطلع هالقد طويل ومفصل...بس بلشت كتابة وانفتحت قريحتي  :mrgreen:  وصدقاً لو أول ما رجعت من الأمسية مبلشة كتابة كانت طلعت جرايد... بس حاسة حالي نسيت التفاصيل :shock:

Ala Al-Ibrahim,  
اقتباس:
كلشي كان بدي قولو قالوه الملاك و هدى

ما أنا هادا اللي مزعلني منكن كلكن.... معقول الصدفة أنو رأيكن نفس رأيي ورأي هدى :roll:
أصلاً رأيي ورأي هدى مانو واحد :arrow:

وأنا واثقة أنو كل واحد من الشعراء ناطر يسمع رأيكن فرداً فرداً بإلقاءو وأداءو وحضورو وشعروا...وأغلب الردود عم تشكر التنظيم :(

علأ لو ما بعرفك ناقد فذ ما بوجه حديثي بالبداية إلك *1

شادي,  
اقتباس:
بس وقت شفت الناس قدامي لان ما كان مطفي الضو متل الامسية القبلا صرت اسكت عقد ما شوف ناس وتعبيرات غريبه فما اتحمست كتير هالمرة  

 :mrgreen:  :mrgreen:  :mrgreen:  :mrgreen:
بالله ضحكتني من قلبي.... يلا الأمسية الجاي انشالله :wink:
اقتباس:
و اجتني الضحكة لما شفت محمد المصري    حسيته رح يقوم يوقف و لا شعوريا كنت بدي سلم عليه بس ربك ستر   

هههههههههههههههههههههههه
له يا زلمي شو بدك فيه.... ليه هو لو كان مكانك كان سلم عليك وأنت بنص الجمهور  :mrgreen:
"أما تاري نفسيتك حلوة وأنت بهالموقف  8) ...لما تعودت :mrgreen: ؟"

هدى,  
عراسي الردود الغير رسمية  :mrgreen:

ابراهيم محمد,  
اقتباس:
ما عندي شي ضيفو على اللي حكتو الملاك لأنو ما شاء الله تقول صارلا شهرين عمتجهز الرد على هالموضوع

 :?  :?  :?
مئتتني ها.... ليش بتعرفني بجهز شي قبل بدقيقة...رشاش 8)
بس طبعاً رأيي ببالي من أول ما طلعت من مدرج الأمسية...ولو نازل التقرير من أول يوم كان ما نيالكن بنوب عردي :mrgreen:

أنس الدالي,  
مع أني بتمنى اسمع ردودكن وآرائكن المفصلة.... الإحتفالية لآرتين...أهلية بمحلية...إذا نحنا ما قلنا رأينا مين بدو يقلنا؟

وبالنسبة لتوقيت ردي فأنا صدقاً توقعتو يكون بالصفحة التالتة أو الرابعة...بعد ما نزل تقرير هدى فتحت الصفحة وقعدت اكتب قلت أكيد هلأ بضغط ارسال بكون في ألف رد قبل ردي...بس  :shock:

عالعموم ما رح انبسط أنا شخصياً لشوف آراااااااااااااائكن..وليس ردودكن  *ورود

_________________
التوقيع لــلــمــلائــكــة  حــضــورهــا


أعلى .:. أسفل
 يشاهد الملف الشخصي  
 
  • عنوان المشاركة: التقرير الكامل لاحتفالية آرتين الثالثة (نسائم إبداعية)
مرسل: الخميس نيسان 01, 2010 11:15 ص 
مشرف ساحات طلاب الإنجليزي
مشرف ساحات طلاب الإنجليزي
اشترك في: 19 كانون الثاني 2008
المواضيع: 177
المشاركات: 3192
القسم: Higher Institute of Language
السنة: ELT Master 1st year
لا يوجد لدي مواضيع بعد

:: ذكر ::


غير متصل
الســـــــــــــــــــــــــــــــلام عليــــــــــــــــــــــكم


أول شي وأهم شي.....الحمدلله عالنجاح الكبير اللي حققتو الأمسية *1  وفعلا كانت كل فقرة فيها أحلى من التانية :D
باعتقادي كشعراء....كان الأستاذ طلال نجم الأمسية لأنو قصيدتو فعلا كانت رائعة *1
وأحلى فقرة بالكل كانت فقرة "أنجي" باعتقادي.....الله يحرسا ويخليها لأهلا *1
بس عموما....أنا كان انزعاجي الوحيد من بعض الحضور, هو صحي حققنا نجاح بهالشغلة عن الأمسية الماضية بس لهل ما وصلنا للي بدنا ياه :wink:
و أكبر شكر بحب وجهو هو لفريق العمل والمسؤول عن تنظيم الأمسية....بداية بفارس "الجندي المجهول" *1  وكل مين اشتغل على التنظيم من ثائر *1  وهدى *1  والملاك *1  ولجين *1  وفلك *1 .....والكل جميعا : الله يعطيكن العافية *1  *ورود
وشكر كبير لجميع المشاركين من شعراء وموسيقيين "أبدعتو  *1 "

وهلأ أنا اللي حابب قولو: أنا آسف لأني بعرف إني خذلت البعض وما كنت عند حسن ظنن....بس الكل بيعرف "السبب" بهادا الشي, وثائر أكتر واحد بيعرف أنا "كيف" طلعت عالمسرح
بس الحمدلله *1  *ورود
وانشالله آرتين من قمة لأعلى  *1  *ورود


أعلى .:. أسفل
 يشاهد الملف الشخصي  
 
  • عنوان المشاركة: التقرير الكامل لاحتفالية آرتين الثالثة (نسائم إبداعية)
مرسل: الجمعة نيسان 02, 2010 1:41 ص 
آرتيني مؤسس
آرتيني مؤسس
اشترك في: 31 آب 2007
المواضيع: 127
المشاركات: 1726
المكان: Homs
القسم: Français
السنة: Master FLE
الاسم: M. Amer BOHLAK
لا يوجد لدي مواضيع بعد

:: ذكر ::


غير متصل
ألف مبروك نجاح الأمسية المانه غريب عن آرتين
*good
صعي اني كنت مبرمج حالي اني احضرها و كنت بئدر
بس للأسف صار معي لغط بالنسبة ليوم الأربعاء و السبب خلل عندي ما سمحلي فوت ع آرتين لأتأكد... كنت مفكر اللي بعده
:evil:  :evil:  :roll:  :roll:
يلله مالنا نصيب الله يعطينا عمر و نحضر الأمسية الجاية
:wink:
بردد عن جديد ألف مبروك لآرتين هالنجاح
*1

_________________
التوقيع
صورة
Les yeux sont le miroir de l'âme


أعلى .:. أسفل
 يشاهد الملف الشخصي  
 
  • عنوان المشاركة: التقرير الكامل لاحتفالية آرتين الثالثة (نسائم إبداعية)
مرسل: الجمعة نيسان 02, 2010 5:41 ص 
مشرف قسم عائلة آرتين
مشرف قسم عائلة آرتين
اشترك في: 02 آذار 2007
المواضيع: 142
المشاركات: 2434
المكان: حمص العدية
القسم: الانكليزية
السنة: الــرابــعــة
لا يوجد لدي مواضيع بعد

:: ذكر ::


غير متصل
أول شي حابب اشكر مشرفتنا هدى يلي تعبت بكتابة هالتقرير ...
انا ردي رح يكون طويل شوي لذلك اتحملوني هالمرة  *1

الحمد لله ... الاحتفالية يلي فعلا بتستحق هالاسم كانت قمة في الروعة و انا بفتخر إني كون أحد المنظمين و المقدم و مشارك فيها لأنو فعلا قدرنا نثبت أنو قدرات الطلاب بجامعات سورية تتعدى الحدود يلي بيرسمها بعض الناس ...  

بصراحة انا خلال الأمسية ما كنت واعي لإلقاء الشعراء 100 %  لانو بين كل مشارك و مشارك كنت راجع كلام تقديم الشاعر يلي بعدو لانو صدقا لما طلعت قريتو بالأمسية كان أول مرة بقراه و هالشي طبعا من الضغط يلي كان علي من قبل الاحتفالية بأسبوع و خصوصا قبل فقرتي لأنو بصراحة كنت عم فكر بتغيير التياب و الأمور التانية و عم طلع على كل صغيرة و كبيرة جوا الاحتفالية و ما كتير عم ركز مع المشاركين  لذلك اعذروني لأني اتأخرت بالرد و اليوم بس شفت مقاطع من الفيديو عن كل مشارك لانو الفيديو بمرحلة المونتاج و انشالله رح يكون جاهز خلال الأسبوع الجاي ...

رح ابلش بداية بالمشاركين و رح ادمج شوي بين يلي شفتوه على المسرح و بين الكواليس يلي ما حدا بيعرفها   *1


وسام
من الأمسية الأولى و انا معجب بصوت وسام الجهوري و يلي فعلا بحس أوتارو الصوتية متأقلمة مع أي شي وطني بيلقيه و فعلا يعتبر وسام مثال يحتذى بالإلقاء ..
هالمرة وسام ما كان بنفس الجودة يلي عودنا عليها و طبعا لأسباب قاهرة انا بعرفها و يلي طلع معو كان رائع بالنسبة لحالتو الصحية هالأيام  و في نقطة مهمة و هي أنو وسام ما عمل و لا بروفا مع الموسيقى و الموسيقى يلي طلعت ادامكم كانت تقريبا ارتجالية و مافيها أي نوع من التدريب و إذا بدي أعطيه درجة من مية مع الأخذ بالاعتبار النقاط يلي ذكرتها فوق .. بعطيه بتقييمي الشخصي
درجة 85 من 100

ميسم أبو خالد  
ميسم أحد الوجوه الجديدة يلي اجا من درعا قبل الأمسية بأسبوع مشان نشوفو انا و هدى .... و فعلا اجا و شفناه ... صار في نقاش بيني و بين هدى بموضوعو .. هي كانت عم تقول أنو كلامو صعب و وقفتو على المسرح مانو متمكن منها كتير منيح لأنو أول مرة و ما معنا وقت أنو نعمل بروفات لالو مشان يرتقي لمستوى الباقي بما أنو أول مرة بس بصراحة انا كنت مصر عليه و قدرت أنو اقنعها لسبب أنو  كان بدي وجوه جديدة باحتفالية جديدة ... خفت من تكرار نفس الوجوه يلي كانت معنا بالأمسيات السابقة ... قصيدتو صعبة المعالم شوي لغويا بس قوية بالالفاظ و الصور ...القاؤو بشكل عام ما كان بالمستوى المطلوب و هالشي اكيد بسبب انعدام  :arrow:  البروفات لأنو اجا لتاني مرة على حمص يوم الاحتفالية الصبح و ما قدرنا أنو نعطي الملاحظات المناسبة مشان يتلافى اخطاؤو بس بالنسبة لأول مرة بطلعتو على المسرح انا بعطيه درجة 70 من 100

يارا
كانت فقرة من أروع الفقرات يلي حسيت فيها من خلال التصوير أنو فعلا الجمهور اندمج معها ..... بالبداية تلبكت شوي و صارت تعطي العرب بصوتها زيادة و هالشي أثر على جودة الصوت و هالشي طبعا نتيجة الوقوف أمام هالجمهور بس بعدين قدرت أنو تمسك زمام الامور و تطلع و تتحكم بطبقة صوتها .. كانت رائعة و انا وقتها كنت عم بدل تيابي مشان جهز حالي لفقرتي لذلك بصراحة ما بذكر انو شفتها حتى  :mrgreen:  و لولا الفيديو كنت شكيت أنو قدمنا هالفقرة بالاحتفالية أو لأ  *sla  
انا
بعطيها 93  من 100

المسرحية الشعرية

انا مارح احكي عن حالي بس حابب قول أنو آخر مقطعين من القصيدة انكتبو قبل ب 10 ساعات فقط من بداية الأمسية و لما كنت عم القي بصراحة كل سطر قول لحالي رح انسى السطر يلي بعدو و لحالو يجي و الحمد لله قدرت أنو قدم شي حلو ...
و هلأ منيجي لهبة الله اليوسف ... بداية انا بعترف أنو أكبر غلط صار بهالأمسية هو أنو نسيت كرمها لما كرمنا المشاركين و هالشي طبعا نتيجة وجود اسمها بالبروشور حد اسمي ... يعني انا تعودت بتكريم المشاركين أنو لما وصل لاسمي انتقل ليلي بعدو مباشرة لأنو ما معقولة أنو كرم حالي  :mrgreen: مع انها و الله بتستاهل كل الشكر و التكريم لأنو فعلا تعبت كتير و عملت بروفات كتير معي .... هبة أول مرة بتطلع على مسرح ... كتابتها مو شعر بس هي حوار رائع ممزوج بنوع من السحر اللفظي و الصور الحلوة يلي بتناسب تماما الدور يلي لعبتو بأنو عم تودع حبيبها يلي رايح يستشهد و طبقة صوتها و الحزن يلي كان موجود فيه ناسبت الدور كتير بس كان في شوية تلبك انا حسيت فيه بعيونها لما كنت عم طلع فيها و هالتلبك هو نتيجة الخوف من النسيان .. نسيان الحوار بس الحمد لله لما نسيت قدرت انو تتلافى هالشي و ما كتير حسست الحضور انو هي نسيانة ... فاتت بالجو و لعبت الدور بأفضل شكل ممكن بنظري بس كان لازم تتلاعب بطبقة صوتها أكتر من هيك لأنو في مقاطع كان لازم تغضب فيهم و مقاطع كان بدهم حزن أكتر من هيك و حتى في مقاطع كان بدهم عنفوان وو طنية
.
. انا بعطيها 80 من 100

الأستاذ طلال قصاد
شاعر بحق و هيبة الشعراء بصوتو و طريقة القاؤو ... فعلا قصيدتو بقمة الروعة و بالفيديو واضح عندي مدى تفاعل الجمهور مع القاؤو يلي هز المدرج بهيبة الشعر الموجودة بكل حرف روي يختتم فيه كل بيت ... لما طلبنا من الأستاذ طلال أنو يحضر مشان البروفا قبل الاحتفالية بكم يوم ما كتير دققت بصراحة على بروفتو لأنو بعرفو أنو بالأمسية و ادام الجمهور رح يتغير 180 درجة .. هادا الشي صار بالأمسية الماضية ..
قدر أنو يخلينا نعيش مع كل بيت عم ينطقو و الغزل يلي قالو أثر بالجمهور كتير و شد الناس بأنو يسمعو بطريقة القاؤو البطيئة و الرائعة ... انا
بعطيه 100 من 100

نورا
نوع قصيدتها كتير حلو و انا بعتذر منها لانو نسيت أنو نوه أنو القصيدة مستوحاة من قصيدة الشاعر أحمد مطر ... فكرة حلوة كتير و القاء احلى بس المشكلة كانت أنو ما قدرت تتحكم بالجمهور يلي قدامها من حيث الانفعال ... يعني لما ضحكوا ضحكت معهم و بالتالي صارت درجة انفعالهم زايدة عن حدها لما صاروا يضحكوا ... لو كانت قصيدتها هزلية بكل ما تحمله الكلمة من معنى من أولها لآخرها كانت كل ما ضحكت الجمهور كل ما قدرنا نقول أنو ناجحة  اكتر بس المشكلة أنو يلي كاتبتو فيه من نوع من السخرية و النقد اللاذع لتقاليد المجتمع و بعدها في عنا انتقال لشي وطني و الضحك يلي صار ما تناسب مع هالمضامين هاي ... القاءها كان رائع لولا شوية رجفان ما قدرت أنو تتخلص منو بس بالبداية ... انا بعطيها 75 من 100

شادي
صديق عمري  *1  رح احكي بصراحة و بدون تحيز ... و رح احكي بصيغة المخاطب بما أنو شادي آرتيني أصيل  :mrgreen:  بصراحة يا شادي الأمسية الماضية كنت رائع جدا جدا جدا و فعلا بكيت كتير ناس و كانت بصمتك واضحة جدا يعني خليتنا نعيش معك بموت حبيبتك .... القصيدة هاي المرة ما بنكر أنو كانت حلوة و  احساسك فيها واضح بس مو لدرجة القصيدة يلي قبلها ... يعني يمكن لو كنت شخص غريب و أول مرة بشوفك عالمسرح عم تلقي .. كنت قلت عنك أنو أروع من هيك ما بيطلع مع إنسان بدو يوصل احساس بالحزن للجمهور يلي قدامو بس بما اني انا و  غيري بيعرفو مين هو شادي و شو بيعمل شادي لما بينفعل و بيصرخ و بتطلع الآه من قلبو لاحظنا الفرق... حضورك و وقار الشعر يلي بتطلع فيه عالمسرح و طريقة نطق الأحرف بهيبة و ركازة و روعة تعودنا عليها منك أعطت قصيدتك قدر كبير من الجمالية و الاحساس العالي ... من وجهة نظري بعطيك 90 من 100

انجلينا جولي ندور:
الفقرة المميزة بالأمسية و الطفلة الرائعة يلي كلنا حبيناها .... الفكرة اجتني من مقاطع فيديو شفتهم عن اطفال بنات من فلسطين عم يبكوا و يقولو شعر ... حبيت الفكرة كتير و صرت دور على طفلة مناسبة بتتوافر فيها الشروط و تكون سابقة رائعة لآرتين و لأمسيات آرتين ... طرحت الفكرة على هدى و نور و فارس و فرجيتهم مقاطع الفيدي ويلي شفتهم  ... و كل الشكر لرفيقة مراقبتنا العامة لجين ( هلا الطيب ) يلي قدرت أنو توصلنا لهالبنت ... شفتها أول مرة انا و هدى و نور و كتير أعجبنا فيها بصراحة و استسلمتها نور و هدى بالتدريب .. قدرة الحفظ الهائلة عند هالطفلة أذهلتني فعلا و قوة الانتباه و القدرة أنو تطبق أي ملاحظة من أول مرة خلتني راهن على أنو هالبنت رح تحقق نجاح كبير و تكون فقرة مميزة بالامسية و الحمد لله صار يلي تمنيتو و تخيلتو و أكتر كمان ... بعد ما صارت البنت جاهزة كتدريب حبيت أنو يكون في مقدمة تجهز الحضور نفسيا على شي وطني و تخليهم يعيشو الجو و خطرتلي فكرة الفيديو يلي شفتوه قبل ما تطلع ... هالطفلة رائعة فعلا و بعطيها 100 من 100 و بكل جدارة ...

أغيد شواف:
تناغمو مع الموسيقى و التلاعب بسرعة نطق الاحرف عندو كان رائع جدا ... قصيدتو كتير حلوة كمعنى و أحرف و طريقة و كان في تمكن من الوقفة عالمسرح و ثقة عالية و هالشي طبعا نتيجة التمرس و التكرار .. بعطيه 100 من 100

إهاب السيد عمر
هو الوحيد يلي بدي قسم رأيي لقسمين لما بدي احكي عنو :
أولا: كتابة : رائع جدا و شاعر بيمتلك نواصي الحروف و عندو ذخيرة كبيرة و رائعة من الصور و التشابيه و الالفاظ ... متمكن من اللغة العربية و كتاباتو على الرغم من تعقيدها بعض الشيئ إلا انا بتبهر كل مين قراها ... انا جدا معجب فيه كشاعر متواضع جدا و تعاملوا الرائع مع الآخرين و هالشي شهدتو بنفس من خلال البروفات ..
تانيا: طريقة الالقاء: سيئة و مملة و فيها رتم واحد ما بيتغير و بصراحة أكتر نحنا غيرنا قصيدة اهاب قبل بأسبوع من الأمسية لأنو شفنا أنو القصيدة يلي اخترناها اول شي ما عم يقدر يحفظها اولا و النغم الواحد ما عم يقدر يتخلص منو ... غيرناها و الحمد لله قدر أنو يحسن كتير  من طريقة القاؤو بس الرتم الواحد ما قدر انو يتخلص منو و هالشي لاحظناه على المسرح و خصوصي القفلة لما أنهى قصيدتو كانت سيئة ..
بس برجع بهنيك على كتاباتك بس لو تكمل بالالقاء .... انشالله المرات الجاية و شرفنا أنو تكون واحد من المشاركين معنا بهيك احتفالية
.
. بعطيه 70 من 100

راما
عندها عنفوان بالقاءها كتير حبيتو و حسيتها بتشبهني بطريقة الالقاء  :mrgreen:  و كانت خاتمة حلوة للاحتفالية باحساسها الحلو و طبقة صوتها كتير مناسبة لموضوع القصيدة ... بالبداية و أول ما شفناها لراما انا و هدى قلنا أنو بدنا اياها تلقي قصيدة وطنية بس بعدين عدلنا رأينا و اخترنا قصيدة عن الأم ... شكرا لمشرفتنا سحر و انا بعطي راما 90 من 100

الفرقة الموسيقية:
كتير تعبوا معنا الله يعطيهم العافية و فقراتهم كانت كتير حلوة و بمقطوعة فيروزيات صار في نوع من الارتجال بالعزف من قبل فاضل ( الدارمز) و فعلا كان شغلهم بفقراتهم كتير حلو اما بالنسية لعزفهم مع الشعراء فكان بينقصهم شوية تدريب و تنسيق بين طبقة صوت الشاعر و عزفهم بس بشكل عام عطوا للاحتفالية نكهة خاصة جدا ...  *1

هلأ بدي احكي شوي عن الأمور التنظيمية و شو كان عم يدور وراء الكواليس :

رح احكي عن أمور ما حدا بيعرفها من الحضور و في شغلات المنظمين يلي معي ما بيعرفوها و من هالامور أنو الاحتفالية كانت رح تلتغى قبل ب 5 دقايق  :mrgreen:
الموضوع هو أنو بعد ما فاتت العالم و قبل ما نبلش اجا واحد لعندي و قلي
(في وحدة زميلتنا اسمها (  بدون ذكر اسماء )  بدك تقدم معها الأمسية و بتعملوا ديو انت و اياها ) قالها بطريقة فظيعة و كأنو فرض و المشكلة انو انا كنت بهاللحظة متوتر جدا نتيجة فتح الأبواب قبل بوقت و بسبب المشاكل يلي صارت كمان وقت الدخول من الازدحام لذلك ما ناقشتو لأنو بصراحة كنت مسلمها عالآخر ... شلحت الجاكيت و حطيتو على ايدي و قلتلو طالع هالعالم لبرا انا بطلت أعمل أمسية ...و رحت حكيت مع شخص بالمكتب الإداري و هداني شوي لأنو فعلا وقتها استفزني هالشخص بطريقة غريبة ....

الاتفاق كان أنو ما يكون معي مايك بالتقديم بحيث انو من لما انزل من فوق يكون معي مايك لاسلكي و هادا الشي يلي انا مظبتو مع المسؤولين عن الصوت ... تركتهم و رحت لبدل تيابي و لما رجعت كانت الساعة 1 و نص و كان لازم نعمل بروفا لمايك من بعد و تركيبو بس للأسف الازدحام الشديد أجبرنا أنو نفتح البواب قبل بتلت ساعة يعني ما لحقنا نعمل شي ... المهم انا تنازلت عن الموضوع و قررت أنو أمسك مايك .. بس المشكلة يلي خلتنا نتأخر بالافتتاح هي أنو لما بدنا نعمل تجربة للصوت لقينا أنو في مشكلة و كأنو الكبل مقطوع تبع البروجوكتر ( تبع الصوت) و صرنا نشتغل على هالموضوع وبعدين لما فقدنا الأمل بعتت خبر أنو نطالع مقطاع الفيديو لفوق بحث ناخد الصوت من فوق و الصورة من تحت ... هاد الحكي كلو كان بين الساعة 2 و 2 و ربع .. يعني بقمة الزحمة و التدافع ... آخر شي مشي الحال و الحمد لله و كل الشكر للمشرف على المدرج ( غطفان السيد ) يلي تعب معنا كتير و ساعدنا بإنجاح هالأمسية في كل ما يتعلق بالمدرج ....

بداية كان في فكرة أنو ننقل هالامسية مباشرة بالندوة الجديدة بالآداب مشان تخفيف الضغط على المدرج بس للأسف المسافة كبيرة كتير بين المدرج والندوة لذلك قررنا أنو ننقلها بالبهو .. في شاشة و موصولة تقريبا بس كان بدها وقت للتوصيل و نحنا ما كان معنا وقت منوب فالتغت الفكرة....

الشكر الكبير لإذاعة البيضاء يلي انا متفق معهم أنو يغطوا الاحتفالية كلها و ينقلوها تاني يوم بس اجو عملوا مقابلات مع المنظمين و بعض المشاركين و راحوا و كانت هالمقابلات مباشرة و انا لما كنت راجع عالمدرج كان شفير التاكسي حاطط إذاعة البيضاء و لما عم يحكي المذيع أنو نحنا بمدرج الآداب و بامسية آرتين انفعلت و الله أعلم شو بكون قال عني شفير التاكسي  :mrgreen:

في موقف طريف حابب قلكم اياه قبل ماخلص هالمعلقة هاي  :mrgreen:  ... و هو عن طريق أحد الأصدقاء المقربين يلي كان قاعد بين الحضور و نقلي اياه ... اليوم كان عم يقلي أنو لما كنت انا عم قدم انجليا جولي ... لما نطقت اسمها في 2 عم يحكوا مع بعض .. واحد قلو لرفيقو و هو منفعل و مبسوووط :D  ... معقول يا زلمي جايبين انجلينا جولي ؟  قام رد عليه رفيقو بانفعال أكتر  و قلو لك انا قلتلك أنو مبارح كانت بالشام ( طبعا هي فعلا كانت من فترة بالشام )  :mrgreen:  و الأحلى من هيك أنو لما طلعت صورها على شاشة الإسقاط قلو واحد للتاني ... هاي صورها لما كانت صغيرة  :lol:  :lol:

شكر لجميع من شرفنا حضورهم من أعضاء المكتب الإداري و الدكاترة و خصوصي الدكتور عصام الكوسا يلي كان من لجنة التحكيم يلي انتقت أغلب الشعراء و تحية للدكتور خلدون صبح يلي ما قدر أنو يحضر لانشغالو الله يعطيه ألف عافية يلي كان أيضا  من لجنة التحكيم ....
بشكر أمير الشعراء حسن بعيتي على تشريفو لالنا بحضورو الكريم ...

و شكر كتير كبير لشخص تعب كتير و  هو صديقي أمير مسلماني يلي استلم موضوع تنظيم الدخول و كان هو المسؤول عن الدخول و الخروج قبل و أثناء الاحتفالية و كان أيضا المسؤول عن توزيع الملصقات الاعلانية بالكليات و تعليق الفليسكات الكبيرة على المداخل الرئيسية للجامعة و كمان صديقي أنس كمبال يلي استلم موضوع إنارة المدرج من غرفة التحكم و شكرا لكل مين ساهم بنجاح هالاحتفالية

و شكر كتير كبير للراعي الثقافي لهالاحتفالية .. دار الإرشاد للنشر لتقديمو الهدايا للمشاركين
و محل أزهاري -الغوطة- بإدارة فادي السباعي لتقدمة الورود

و نهاية حابب أشكر القائمين معي على هالاحتفالية ....


فارس النائب  *1  
مديرنا و أخي يلي ما قصر منوب .. كنا على اتصال 24 / 24  بكل شي .. هو من الشام و انا من أرض المعركة ( هون )  :mrgreen:  ... الله يعطيه ألف عافية كان جاهزبأي لحظة لأي شيء من حيث الاتصالات و التمويل و كل شي بيلزمنا نحنا يلي هون ... حقك تفتخر بآرتين و نحنا كمان حقنا نفتخر فيك و بآرتين ..

هدى  *1  
لكل بناء عمود اساسي و لولاه بيوقع كل هالبناء .. و هدى كانت هي هالعمود يلي قامت عليه الامسية كلها من حيث التدريب و اللغة و التنسيق بالأسبوع الأخير و التنظيم و كتابة المقدمات و مساعدة الشعراء  ...

الملاك  *1
مهندسة موقع البناء و صاحبة شركة الإكساء الكامل و إضافة الجماليات يلي بدونها ما بيكتمل أي شيء .... الله يعطيها ألف عافية .. كانت معنية بكل صغيرة و كبيرة بالامسية و لأسباب خارجة عن إرادتها تغيبت عن البروفات الأخيرة بس طبعا بصمتها بإلقاء بالمشاركين كانت واضحة تماما ....

لجين  *1  
صلة الوصل بين المنظمين و النشيطة دائما ... كانت تتواجد يوميا من الساعة 8 الصبح حتى لو ما كنا مبلشين .. لانو دائما هي بتحب تكون على أهبة الاستعداد
شكرا كتير الك ...


فــلــك  *1
بأسبوع الأمسية الأخير كانت المسؤولة الإعلامية من حيث توزيع البروشورات و كانت كمان احد الدعائم الأساسية داخل المدرج بآخر يومين ....شكرا كتير الك

شكرا للجميع ... و شكرا لآرتين ... و نجاحنا ما تحقق إلا بحضوركم و بنوعدكم بقمم أخرى و بنسائم إبداعية أخرى  ...

بعرف أنو طولت كتير .. بعتذر و كل احتفالية آرتينية و أنتو بألف خير   *1


أعلى .:. أسفل
 يشاهد الملف الشخصي  
 
  • عنوان المشاركة: التقرير الكامل لاحتفالية آرتين الثالثة (نسائم إبداعية)
مرسل: السبت نيسان 03, 2010 12:35 ص 
مشرف الكمبيوتر و الانترنت
مشرف الكمبيوتر و الانترنت
صورة العضو الشخصية
اشترك في: 15 أيلول 2007
المواضيع: 89
المشاركات: 2432
المكان: الجامع العمري
القسم: English
الاسم: Ibrahim Ali Hamad
لا يوجد لدي مواضيع بعد

:: ذكر ::


غير متصل
ثـــائـــر

مشكور على هالتفصيل الرائع لكل صغيرة و كبيرة بالاحتفالية

أحلى عميد  *1

_________________
التوقيع
كُنتُ اذا التقيتُ بِكَ فِي سطورِ ذاكرتِي أفرحْ ..
كنتُ اذا ما تعثرتُ بِكَ فِي قلبِي .. أذوبُ اشتياقاً ..
اليومْ .. احترقتَ بداخلِي ..
وَأَعلمُ جيداً ..
أنهُ أبداً لا يحيا الرمادْ ..
...أبداً لَنْ يحيا الرمادْ ..


أعلى .:. أسفل
 يشاهد الملف الشخصي  
 
  • عنوان المشاركة: التقرير الكامل لاحتفالية آرتين الثالثة (نسائم إبداعية)
مرسل: السبت نيسان 03, 2010 2:06 ص 
مشرفة ساحات طلاب الانكليزي
مشرفة ساحات طلاب الانكليزي
صورة العضو الشخصية
اشترك في: 13 نيسان 2009
المواضيع: 66
المشاركات: 1776
القسم: اللغة الانكليزية
السنة: الرابعـــــة
لا يوجد لدي مواضيع بعد

:: أنثى ::


غير متصل
بدايةً انشاء الله الف مبروك نجاح هالاحتفالية..يلي كانت فعلا بترفع الراس..وبيفتخر فيها كل عضو بأرتين..
هلأ انا مستغربة..يا جماعة والله ماعملت شي لحتى ينزكر اسمي كل هاد.. والله خجلتوني..
صحي لما كنت عم وزع البروشورات مع هدى كرهت حياتي..الله وكيل حسيت حالي شحادة..
هي تقلي مابدي..وهاد مايشوفني..لاء وكل شي كوم والبنت يلي قالتلي يعني بدي كبها..خليا معك...
وقتها قلت لهدى..اذابيعطوني مليون بالشهر ما بشتغل مندوبة مبيعات..
كان الجو بالبروفات كتير حلو.....الكل عم يشتغل وبدو يساعد بنجاح هالأمسية..او بالأحرى الاحتفالية..وأكلنا فلافل ومخلل فليفلة.كانت حرّة..والله كانو طيبين..مدري عالجوع ...مدر عن جد طيبين..


بالنسبة للمشاركين طبعا رأيي كمشاهدة:

وسام *1
الامسية الماضية كان القائك اقوى بكتير...

ميسم ابو خالد *1
ما بتزكر شي من القصيدة ابداا.. بس كان المايك بعيد...والصوت مو كتير واضح..

يارا *1
كان صوتها رائع مع انها اول شي اتلبكت..

المسرحية الشعرية *1
فكرة كتير حلوة..ثائر كان القائو رائع وخلى الجمهور يتفاعل معو..بينما هبة ما قدرت كتير تتحكم بطبقات صوتها وبحركاتها..يمكن لأنها اول مرة بتخوض هيك تجربة..وكمان كانت مقيدة بالمايك..هالشي اكيد اثر شوي على حركاتها..

الاستاذ طلال *1
القصيدة رائعة والالقاء اروع وأروع..

نورا *1
يعني لولا الضحك..كانت كتير حلوة القصيدة..

شادي *1
الامسية السابقة(اقلام واعدة) كنت فيها اروع من هالامسية بكتير..

انجلينا *1  *1  *1
رااائعة بكل معنى الكلمة...يااارب بنتي تطلع متلها..

أغيد *1
كتير حلوة القصيدة..والالقاء رائع

اهاب *1
الالقاء مو منيح..بس القصيدة حلوة

راما *1
القائها كان كتير جميل..يعني الكلام بتحسو طالع من قلبها...بس ماكان لازم توقف وراء المنبر..

المشرفين عالامسية *ورود
فارس
الله يرزقك   :mrgreen: ويعوضك يارب.. شكرا كتير الك *1  *1

ثــائر
كيف كان عقلك عم يستوعب كل هالشغلات مابعرف..
افكارك وبصمتك بالامسية كانت واضحة جدا...الاضاءة..الصوت..مقاطع الفيديو..الطفلة انجلينا..المشهد المسرحي..
التقديم كان رائع...وكتيييير حبيت فكرة انو تنزل من اعلى الدرج بالافتتاحية..
يمكن بالبروفا طلعت ونزلت عالدرج شي 8 مرات خلال 5د.. الله يعطيك العافية يارب.. *1  *1


هــدى
الله يعطيكي الف عافية جد اتعبتي كتير..تنسيق..وتدقيق...والمقدمات..والبروفات... وتوزيع البروشورات.. *1  *1

الملاك
اكيد مساهتك بالامسية كانت واضحة..يعني انتي اضطريتي تبعدي بأخر جمعة..بس قبلها كنتي عاملي يلي عليكي وزيادة
الله يعطيكي العافية *1  *1


لجين
كمان الله يعطيكي الف عافية...انا بحس انو لجين وين ماتكون بتعطي طاقة..بتحمس عالشغل..وبتشتغل من كل قلبها..
الله يعطيكي الف عافية.. *1  *1


الفرقة الموسيقية كانت كتير رائعة..كتير حبيت عزف الدرامز.. *1

وامير المسؤول عن الدخول والخروج من باب المدرج...كمان الله يعطيك الف عافية..صدقا تعبت كتيييير..*1

وبدي اشكر كمان صديقتنا منار ساعدتنا كتير بتوزيع البروشورات..وجابتلنا اغطية الطاولات..شكرا الك  *1


أعلى .:. أسفل
 يشاهد الملف الشخصي  
 
  • عنوان المشاركة: التقرير الكامل لاحتفالية آرتين الثالثة (نسائم إبداعية)
مرسل: السبت نيسان 03, 2010 2:47 ص 
آرتيني نشيط
آرتيني نشيط
صورة العضو الشخصية
اشترك في: 24 شباط 2009
المواضيع: 29
المشاركات: 515
المكان: إذا رأته حمصٌ قال قائلها --إلى المكارم هذا ينتهي الكرمٌ
لا يوجد لدي مواضيع بعد

:: ذكر ::


غير متصل
السلام عليكم

بداية ً أشكر كلَ من عَمِلَ على تمام هذا العمل وكل من للجهد بذل لتظهر هذه الإحتفالية بتلك الحُلل التي تـَقـِلّ في وصفها كلّ الجُمل وما في كلامي ذلل و يتفق الأغلبية على ما قلتُ بلا جدل
و أخصُّ بالذكر

هـُدى .....التي لملاحظاتها العقل اهتدى و بأقوالها نبت َ المدى زهراً و شدى

الملاك..... التي أرادت أن تصل الإحتفالية لمدار الأفلاك ,و أشارت بالرشد على من شارك و أبعدت   الأشواك

ثائر .... صاحب البشائر و المنظم و المقاتل و المقدم و المـُرصّعُ بالجواهر و الحاضر في الكلام ِ و في السرائر

فارس ... الحارس للأماني و الوقف ُ عِندَ لفـّات ِ الثواني و من كان الأساس لكلّ
هاتيكَ المغاني


و لا أنسى ذلك الواقف عند الباب ينظم تراتيل المحراب و لا يسمح بدخول الأسراب
و جهده مشكور ٌ  و شكري له منساب  و لم أحفظ اسمه الجذاب فليعذرني إن حضر أو غاب

و لكل فريق العمل  و من ساهم في إنجاز هذا العمل الطيب المزدان بالطيوب و الذي قلـّت به العيوب و فـُتحت له الدروب   *1  *1


تقبلوا تحيتي واحترامي



_________________
التوقيع اللهم صلِّ صلاةً كاملة وسلم سلاماً تاماً على سيدنا محمد الذي تنحل به العقد وتنفرج به الكرب وتقضى به الحوائج وتنال به الرغائب وحسن الخواتيم ويستسقي الغمام بوجههِ الكريم وعلى وأله وصحبه وسلم في كل لمحة ونفس عدد كل معلومة لك


أعلى .:. أسفل
 يشاهد الملف الشخصي  
 
  • عنوان المشاركة: التقرير الكامل لاحتفالية آرتين الثالثة (نسائم إبداعية)
مرسل: الأحد نيسان 04, 2010 3:05 م 
آرتيني مشارك
آرتيني مشارك
صورة العضو الشخصية
اشترك في: 28 تشرين الثاني 2007
المواضيع: 12
المشاركات: 159
القسم: اللغة الانكليزية
السنة: ماجستير
لا يوجد لدي مواضيع بعد



غير متصل
إن كنت نجما فلأنني اقتبست من شموسكم أو كنت شاعرا فقلبي مستشعر لتقديركم
أعود إليكم بلغة بسيطة كيانها بين الشين والراء كي أقول لكم شكرا ولكن لا أدري لمن
:


للمنسقين الذين تعبوا معنا: فارس، ثائر، الملاك، هدى، لجين .....

أم للذين امتلكوا الذوق الرفيع وأبدو إعجابهم: سليمان، فلك، عبير، وداد.......

أم للمشاركين الذين خاطبو فينا الضمير الإنساني.....

وأقول لوسام
لا تبتئس ويكفيك فخرا أن شعرك هادفا وأنك تجيد الوزن الشعري فشكرا لك


وشكراً لكم جميعاً

_________________
التوقيع صورة


أعلى .:. أسفل
 يشاهد الملف الشخصي  
 
  • عنوان المشاركة: التقرير الكامل لاحتفالية آرتين الثالثة (نسائم إبداعية)
مرسل: الاثنين نيسان 05, 2010 1:23 م 
آرتيني فعّال
آرتيني فعّال
صورة العضو الشخصية
اشترك في: 19 شباط 2008
المواضيع: 27
المشاركات: 1454
المكان: قرة عيني حمص
القسم: E
السنة: graduated
لا يوجد لدي مواضيع بعد

:: أنثى ::


غير متصل
إلي عودة  *1

_________________
التوقيع صورة
Tired of these endless games, Time to end the darkened day To raise the sword To kill the light Because there is no reason left to fight..."


أعلى .:. أسفل
 يشاهد الملف الشخصي  
 
إرسال موضوع جديد الرد على الموضوع  [ 42 مشاركة ]  الانتقال إلى صفحة السابق  1, 2, 3, 4, 5  التالي

جميع الأوقات تستخدم GMT + ساعتين [ DST ]


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
cron

جميع الحقوق محفوظة لـ ©2012Art-En.com . تصميم بواسطة Art-En . راسلنا . سياسة الخصوصية . قوانين المنتدى
Powered by phpBB© . Translated by phpBBArabia