التقرير الكامل و المصور عن الأمسية الشعرية في كلية الآداب !!

Safa alaasi

الله يعطيكن العافية كا القائمين عى الامسية وعلى التقرير وهيك اتحتولنا الفرصة انو نتذكر الخواطر والقصائد *ورود

Hidding Rose

نــــــــــــــــــــــــــــاطرة ... و الـــلـــــــــــــــــــــــــــــه
ما نزلت لهلأ معي غير المقدمة ببرنامج كسر بروكي و مامشي حال الباقي
عم حاول ............ :cry: :cry:

ثـــائـــر

شكرا لكل يلي ساهم بها الامسية و شكرا لكل يلي تعب و نسق ها التقرير ...

الحمد لله كانت امسية ناجحة و انشا الله الامسية الجاية رح ساوي فقرات غير الشعر ..
رح يكون فيها طرب و تمثيل و القاء شعر و . ... و انشا الله نقدر نقدملكم الاحسن ...

شكرا للكل و كل عام و انتم بخير ...

Safa alaasi

ثـــائـــر,
والله كنت بدي اقترح عليكم هيك شي بس قلت يمكن صعب :wink:

يعني مثلا مسرحية باداء الطلاب او معرض فنون لطلاب جامعة البعث كمان يكون من ابداعات جميع الطلاب والطالبات مو ضروري يكونو دارسين فنون
ما بعرف يمكن صعب بس ياريت يتحقق :roll:

الملاك

أنا ما رح اكتفي بالشكر *hh

لأني ناطرة الموضوع من زمان لحط تقريري الخاص :mrgreen:

ولازم يعرف كل واحد من المشتركين رأيي فيه :wink:

لذلك رح اكتب تقريري ليقراه كل شخص اشترك بهالأمسية *sla

كانت البداية الساعة تسعة الصبح من يوم الأمسية وقت سمعت أول بروفا لثائر...طبعاً لا تنغشوا بالروعة اللي كان عليا ثائر بالأمسية :lol:

لأنو كان متلبك كتيييييييير بكير

اسمعت المقدمة منو..وتقديم كل مشترك....وقصيدتو الرائعة

وتخانقت معو شوي على طريقة الالقاء لأني كنت بدي اياه يهدا ويروق ويهدد تهديد
وهو بكل ما يحمله اسمه من معنى..أصر على الثورة *قتال

وكان حابب يرفع نسبة الاديرنالين عند الحضور *hhh

وسمعت تيماء وما لقيت أي مشكلة بتقديما أو بخواطرا...وبعد هيك سمعت خالد حمزة اللي أصر ما يغير ولا حرف بقصائدو...وكان محنك جداً بالالقاء بل ومتمرس

بعدا طلعنا لفوق لنكمل البروفا رسمياً بقاعة ضمتني مع ثائر كمشرفين بالاضافة لكل الشعراء المشتركين *ورود

ومع أنو ثائر أثبت بحق أنو مشرف بوح المشاعر بجدارة..بس الخوف واللبكة خربطوه وصار يكربج *hhh

عنجد استمتعت بتجربتي مع ثائر كتييييير...لأنو بريء جداً وصادق وعندو عنفوان الثورة بحق

فوق كمان سمعت خالد من جديد وأمنت عليه تماماً ما كان بدو أي توصية وكانت نصائح بخصوص الوقفة والاشارات...لأنو بينحمق كتير :mrgreen:

..بقا هديناه

أما وسام *sla

متل ما قالت وداد ههههههههههههه بيبي فيس
بس عنجد كان رائع....دونكن عن انو قاعد معو ورقة وقلم عم يسجل ملاحظاتو أثناء البروفا
كمان وقت قام..بكل بساطة وثقة..وصل عالمنصة بعد تقديم ثائر..ألقى بكل أريحية ودقة وثقة...عطاه ثائر ملاحظة وحدة " بدو اياه ينفعل أكتر :mrgreen:

" بالله هالثائر :evil:

وأنا أصريت أنو اسلوب وسام متلما هو مناسب...وببساطة رجع وسام قعد محلو
وكنت مأمنة عليه تماماً

بعد هيك صفوة...عنجد أبدع بالبروفا...يعني تغيرت معاني ومفاهيم الخاطرة بالقاء صفوة
وقت بقول "أتذكرينني" ببين فعلاً كأنو هلأ عم يألف الخاطرة ومتعمق تماماً بمعنى كل حرف...كان القاءو رائع...وما عطيتو إلا ملاحظة وحدة عالوقفة :mrgreen:

لأنو لشدة التأثر كان هادل كتير فأصريت أنو يشد حالو

وسمعت ريمة ... البنت رائعة...يعني ولا تعليق ولا ملاحظة...شوية تدقيقات بالتشكيل والالقاء متل القاء صفوة ما عليه أي غبار...بالعكس ساحر

أما شادي..وآآآآآآآآآآآآآآآآآآه من شادي...عنجد زعلانة منو كتير

بالبروفا طلع وقف بهدوء وبدا غلط مع القافية..صححناها..ومن بعدا تابع بشكل رائع ولو أنو ما بحرك ايدو اليمين مطلقاً...بس كان القاءو يحمل كل معاني الروعة
عدنا وزدنا وصححنا شوية تشكيل ونصائح الالقاء وحسيت أنو أكيد شادي رح يأبدع لأنو قصيدتو من أعلى المستويات...وكان مهتم بالتدقيق الاملائي ويجي لعندي ويتأكد من الحرف والنبرة...حسسني بثقة أنو رح يأبدع تحت...مع أنو ثائر علق بأنو لازم يهدا شوي وقت بيحلف بالله...بس أنا لقيت الانفعال مناسب :wink:

وبعد هيك سمعنا سند...نا ما قدرت علق عليه إلا أنو شاعر بحق...ومتمرس...عنجد هالانسان مبدع بمجال الشعر ولابد...لا أنا ولا ثائر لقينا أي تعليق عليه فحبيت أنو يكون هو الشاعر رقم واحد

وبعد هيك ابراهيم...على قد ما ببين شديد الثقة بنفسو وعميق الحنكة بقصائدو..عقد ما تلبك بالبروفا
وينسى كلامو...ويعبر عن المعاني بطريقة غلط أحياناً
وأنا الله يسامحني..بس ما بسامح حالي..أحبطتو لأنو أول كلمة سمعا مني "سيء جداً"
وهو لاحظ أني كنت قول للي قبلو رائح جداً :oops:

يمكن كان إلي دور بأنك تفقد ثقتك بنفسك :cry:

بس عدت وتمرنت..وحاول ثائر يلقيا معك لحتى تمكنت منا...يعني بصراحة بآخر بروفا متل ما قلك ثائر كنت ممتاز
وأنا سمعتك للمرة الأخيرة تحت قبل الأمسية وكمان كنت رائع

وبعد هيك سمعنا عماد....أصر ثائر أنو يوضحلو أنو لازم يكون وجهوا اكسبرشن واحد :mrgreen:

وكل ما ثائر نطق هالكلمة نقلو أنا وفارس وعصام...تاريييييييييييييييخ :mrgreen:

" بما أنو عماد طالب تاريخ"

وبعد هيك سمعنا ثائر....وكالعادة أصريت أنو يهدا وهو أصر على حماسو :evil:

وراجع الكلمة لآخر مرة..وتيماء الله يعطيا العافية ساعدتو كتيييير بكتابة مقدمات كل المشتركين

طبعاً أنا ما قلتلكن أنو بنص البروفا فات فارس مسدق حالو مدير وعم يحكي عالموبايل وبكل ثقة عم يضوج علينا *Zloi

لأ وعم يحكي هو وخالد وآخدين راحتن..وكان معو لجين وعصام عم ينسقوا بطاقات المشرفين
بس ثائر قمعن *hh

التفت فجأة ونادى عصام لا تحكي...وعصام رفع ايديه وقال والله ما أنا *hhh

وفعلاً خطي كان عصام ساكت..وخالد وفارس اللي عم يحكو :mrgreen:

بعد هيك سمعت تيماء...وكان القاءا ممتاز بس بتتدلع كتير :mrgreen:

وروني كان متمكن وسريع جداً

آه ونسيت قول أني سمعت أختي..أوركيدا...يعني بالبيت كانت ما تطبق حرفين على بعض...وبالبروفا كانت منيحة

وأسعدتني بأني ما لقيتلا ولا عيب

نزلنا لتحت وحسيت كأنو المدرج لعامر الرشواني ما لكلية الآداب :mrgreen:

..كان يصول ويجول في ميدان المدرج..وبشكل عام ضبط الأمور ويمسك المايك لأسباب مهمة :wink:

وتحكم بسقفة الجمهور بضربة ايديه القوية ما شاء الله..وكتير حبيت هالشغلة منو

بآخر لحظة وصل يامن واضطريت اكتبلو تقديم أثناء القاء صفوة وما سمعت القاء صفوة :?

أما الغريب وصول شخصين فجأة وهني علي الحميدي وعتاب....تفاجأت فين باللحظات الأخيرة وما عندي أي تعليق علين :arrow:

أما صحبتي...فرفعوا راسنا الله لا يحرمني منن كل أمسية

ابراهيم ضل متلبك...بس مع ذلك أبدع...ارتبك شوي بالخاطرة بس تحركت حركات حلوة وبالقصيدة كان شاعر حقيقي

ما بقدر إلا ضل معجبة بكلماتو...من أول قصيدة قريتلو اياها لآخر قصيدة وأنا بعشق كلمات ابراهيم..وفعلاً حبيت طريقة القاءو حتى لو ما كانت جريئة متل ما اتوقعتا.

وشادي...آآآآآآآآآآآآآآآآآآآه من شادي *wa3 *wa3

لك من أول بيت قالو زاغت عيوني وفقدت تركيزي...وحسيت شي كبير وقع على راسي

بس ولله الحمد ...والشكر والمنة...أنو طريقة القاءو وجمال تعابير وفخامة صوتو عوضتني *plz

روح الله يسامحك يا شادي عاللي عملتو فيي *plz

زعلت منك.

بس الحق يقال..أنك لو ملتزم بالقافية تماماً كان حرام شرعاً لأنك كنت رح تغطي عالكل بجمال القائك وروعة تعابير قصيدتك

أما عامر فالله يسامحو...لو حدا غيرو ما زعل...بس عامر الرشواني هيك تعمل بحالك
لو طالع دقايق عالبروفا كنت انحطيت بالجو قولة الشباب فتت بالمود أكتر
فوق محدا علم التاني...ولا حدا أشرف عالتاني...بس ساعدنا بعض بأنو نسمع أخطاء بعضنا ونتشاور كل شخص شو أنسب طريقة يلقي فيا
وسمعنا آراء ما رح نقدرنسمعا تحت إلا بعد فوات الأوان :wink:

يلا عامر...أنا بعتبر حضورك الأساسي كمنظم وليش كشاعر :idea:

سند صفوة أوركيد وثائر وتيماء ووسام وروني وريمة...ما إلي علين أي تعليق..ابدعوا تماماً بالأمسية
ولكل شخص نكهو...صفوة سبح سباحةوطار طيران...بس زعلني أنو وقت خلص طلع هو ومية واحد معو

صحي صفوة...مين هادا البيبي الصغير للي كان بالمدرج فوق كل شوي يطربنا بصوتو :mrgreen:

؟

وريمة متل ما حزرت وحكيت قدام هدى وثائر وتيماء ولجين..بيشهدولي :mrgreen:

قلت هالبنت رح تاخد أقوى تصفيق..لأنو رسمت قصة حلوة وملفتة للنظر
وضافت على هالشي القاء مبدع...عنجد كنتي مميزة جداً

أوركيدا شهادتي فيا مجروحة...ووسام عنجد هالشب رائع..ما بس لأنو قصيدتو بتفوت عالقلب فوراً...بس خفيف الظل... يعني من أول ما شفت قصيدتو قبلتا..كمان ثائر قلي شوفي هالقصيدة الرائعة..هدى ما لقت فيا ولا غلطة
القاء سليم بالبروفا والأمسية...يعني لو بدي افترض مشارك مثالي ما رح اتخيلو أروع من وسام *1 بالفعل بالفعل راااااااااااااااااااااااااااااااااائع *ورود

وسند متل ما كان بالبروفا..محنك ومتمرس..و...شااااااااااااااااااعر
ماشاء لله لا قوة إلا بالله...كلمات وأسلوب والقاء

وقوة باللغة العربية :wink:

أما روني فمتأثر جداً بنزار قباني :mrgreen:

...وما بقدر علق إلا أنو كان لمحة نزارية بالامسية :wink:

تيماء قمة الدلع واللطف والأنوثة...ونفس جمالية الخواطر بالمنتدى لمسناها بالقاءا وبتقديما لثائر
آه ثائر...عنجد هالشب بهرني....عقد ما كان متلبك بالبروفا عقد ما كان واثق من نفسو وشامخ بالأمسية
عم يتمختر مخترة

ولابقلو

ودقيق جداً بالتقديم والملاحظات ...ووقت ألقى خاطرتو
عنجد كان رائع

والسبب انو لا شعورياً سمع نصيحتي" لأنو الخاطرة فعلاً بدا هدوء وتهديد" ووقت انحط بالجو ألقاها متل ما تمنيتوا يلقيا...وأبدع فعلاً
ورفع نسبة الأديرنالين عند الكل *hhh

ويامن أنا بعرف أنو تردد وقت عرف أنو الوحيد رح يلقي بغير العربية..بس شجعتو كتير لأني بعرف مدى تمكنو من الانجليزية ما شاء الله..وفعلاً شدنا وأبدع وكانت قصيدتو جميلة والقاءو عذب وهادي

وختمناها مع عماد...قصيدة حلوة بس طويلة..والقاء راكز :idea:

هي بعض تفاصيل الأمسية من منظوري...وثمرة تعب كبير..بشكر هدى على مقاسمتي اياه

وفعلاً هادا كان احتكاكي الأول المباشر مع الآرتينيين..ومن أجمل تجارب عمري..ورح اعمل جهدي انساها لأنو الحب ما بواتيني كتير :mrgreen:

قلبي بدق

وحالة

فالأفضل ما ضل عم احلم بالأمسية *اي

أنا لو بدي احكي عنجد كنت ألفت كتاب بالتفاصيل الشيقة اللي مريت فيا...بس كلشي قبل الأمسية كوم
واحتكاكي مع المشتركين كوم..كانوا بقمة الروعة والتجاوب..ونشأت بيناتنا علاقة ودية عظيمة ورائعة ما بس بسبب حبي الشديد للشعر.وانما لأنن هني بينحبو *قلب