الملاك,
شكرا لاك كتير وشكرا لصراحتك الي عنجد بتفيديني بالدرجه الأولى بس تصدقي هاي أول مره إنقد فيها بحياتي إنتي لما طلبتي مني شجعتيني بالمحاولة وقلت ليش لأ يعني لقدام راح أرجع الفضل لله ثم لإلك....
اقتباس:
هلأ بالنسبة إلي ..ما بحس برغبة اني اذا نقدت اتجه للأشياء اللي تقد الكاتب يفرجينا اياها ويعبرلنا عنا
وما بحب قول انو ناقش كذا أو كذا.........لأنو أكيد مبين
وانما بهتم بجوانب الضعف بعرضو لأفكارو وجوانب القوة
ووين نجح بانو يوصل فكرتو أو يزبط حبكتو ووين كان فاشل
معك حق وهون أنا بتعلم منك كيف بكون النقد أكتر نجاحا يمكن أنا ما طرقت لهيك جانب وأكيد راح حاول بشي مرة تانيه..
اقتباس:
حسيتو تعليق أكتر ما يكون نقد ليه انتي لطيفة هالقد يا زلمية
كأنك عم تعرفي عن أجواء وبيئة الرواية..أو عم تحطيلا مقدمة
يمكن لاني تعودت أعلق أكتر ما إنقد عشان هيك طغى جانب التعليق أكتر من النقد ولأنو دراستي بتتركز أكتر بتعليقنا أو إبداء رأينا بأي شي بنقراه بس برجع بستفيد منك أكتر
إن شالله راح يكون في بقيه أكيد وشكرا كتير على نقدك البناء والمهم وإلي عنجد استفدت منو كتير تحياتي لالك