أهلا بك زائرنا الكريم في منتديات آرتين لتعليم اللغات (^_^)
اليوم هو الجمعة آذار 29, 2024 12:54 ص
اسم المستخدم : الدخول تلقائياً
كلمة المرور :  
لوحة الإعلانات الإدارية

عذراً أخوتي .. تم إيقاف تسجيل الأعضاء الجدد في آرتين حتى إشعار آخر


آخر المشاركات

  ... آرتين ...   » لابدّ أن أستأذن الوطن .... نزار قباني *  .:. آخر رد: محمدابو حمود  .:.  الردود: 4   ... آرتين ...   » لا يصلح العطار ما افسدة الدهر  .:. آخر رد: محمد الربيعي  .:.  الردود: 2   ... آرتين ...   » مناقشة كتاب"Translation with Reference to English & Arabic"  .:. آخر رد: Jordan  .:.  الردود: 124   ... آرتين ...   » المعرب و الدخيل و المولد ... تتمة  .:. آخر رد: aaahhhmad  .:.  الردود: 6   ... آرتين ...   » تحميل ملف  .:. آخر رد: مصطفى العلي  .:.  الردود: 0   ... آرتين ...   » The Best Short Stories of J.G. bialard The Terminal Beach  .:. آخر رد: المرعاش  .:.  الردود: 0   ... آرتين ...   » هام للطلاب الي بيواجهوا صعوبه بمادة الصوتيا  .:. آخر رد: bassam93  .:.  الردود: 16   ... آرتين ...   » مساعدة مشروع تخرج عن تراجيديات شكسبير  .:. آخر رد: ahmadaway  .:.  الردود: 0   ... آرتين ...   » نتائج سنوات 2009 2010 2011  .:. آخر رد: أبو عمر  .:.  الردود: 0   ... آرتين ...   » نتائج سنوات 2009 2010 2011  .:. آخر رد: أبو عمر  .:.  الردود: 0

جميع الأوقات تستخدم GMT + ساعتين [ DST ]


قوانين المنتدى


*1 - الرجاء الإلتزام بالتحدث بالفصحى فقط في هذا القسم .  8)
*1 - يرجى الابتعاد عن ردود الشكر والدردشة والالتزام بالنقد والمناقشة .  :wink:


منتدى مغلق هذا الموضوع مغلق ، لا تستطيع تعديله أو إضافة الردود عليه  [ 72 مشاركة ]  الانتقال إلى صفحة السابق  1 ... 3, 4, 5, 6, 7, 8  التالي
الكاتب رسالة
  • عنوان المشاركة: ساحة النقد (مناقشة كتاب غادة الكاميليا)
مرسل: الأحد آذار 30, 2008 7:45 ص 
آرتيني مؤسس
آرتيني مؤسس
صورة العضو الشخصية
اشترك في: 01 تشرين الثاني 2007
المواضيع: 268
المشاركات: 2837
لا يوجد لدي مواضيع بعد

:: أنثى ::


غير متصل
زمرده أنا موافقه نهار الجمعه بإذن الله
شكرا لالك *1

_________________
التوقيع
♥♥ سألوني ليش راسك مرفوع وعينك قوية??!!!!
قلتهم العفو..... كلنا عالم وناس بس هيك الفلسطينية ♥♥


أعلى .:. أسفل
 يشاهد الملف الشخصي  
 
  • عنوان المشاركة: ساحة النقد (مناقشة كتاب غادة الكاميليا)
مرسل: الجمعة نيسان 04, 2008 10:19 م 
مشرفة قسم مهارات تطوير الذات
مشرفة قسم مهارات تطوير الذات
صورة العضو الشخصية
اشترك في: 15 نيسان 2007
المواضيع: 64
المشاركات: 3023
المكان: حمص
القسم: انجليزي
السنة: MA
لا يوجد لدي مواضيع بعد

:: أنثى ::


غير متصل
بسم الله الرحمن الرحيم

رح أكتب نقدي بطريقة ما كتير مرتبة لأنو بصراحة اليوم قريت الرواية كاملة وهلأ خلصتا ورح حاول اكتب الأشياء اللي لاحظتا سلباً وايجاباً مندمجين معاً
أكتر شغلة طغت عالرواية بنظري هي المبالغة..وفي حال شرحت رأي بالكتاب فرح اذكر كلمة مبالغة كتير
بس أكتر شغلة بندم عليا اني ما قريت هالكتاب واستمتعت فيه وأنا بعمر ال15 أو14 لأنو هادا العمر المناسب لقراءة هيك رواية
وأكيد وقتا كنت رح استمتع كتير وابكي كتير واستفيد من الدروس والمواعظ المقصودة كتير
بس اللي صار هلأ........اني حسيت عقلي عم يركز على جوانب التفاهة والضعف بالكتاب متل
أول شي المبالغة:
1-        المبالغة بعدم واقعية الصدف.....متل اللحظة اللي بيوصل فيا جان فالجان ليأنقذ كوزيت عند النبع..وظهور تيندارييه المتكرر بالرواية بصدف واضح تماماً انو ما رح تصير بالواقع....والصدف الغريبة بأنو أحد الأشخاص يعرف شخص آخر مرة وبمرة تانية ما يعرفو
حتى الشهود بالمحكمة....قدرو يعرفو اللي مانو جان فالجان وما عرفو جان فالجان.
2- مبالغة جان فالجان بالتعريف عن نفسو بعدة مواقف غير مناسبة وكأنو بس ليزيد القصة تعقيداً...وبالغ بانو يوضح انو من جريجي لبلان بكل مرة بكون الأفضل فيا انو يسكت..متل قدام القس وقدام ماريوس بعد زواجه من كوزيت
3- مبالغة بتصوير اضطهاد الشعب لخريجي لبلان..مع انو الواضح من القوانين الفرنسية الصارمة والجائرة بهداك الوقت انو نزلاء لبلان ما كانو بالضرورة مجرمين محنكين وبالتالي لازم الشعب يكون أكثر من يعلم بأنو خريج لبلان ممكن يكون مظلوم أو سارق خبز
بظن أنو أبشع تصوير تلقوه الشعب الفرنسي بهالرواية..بدون ما يقصد الكاتب
فالجميع عاملو جان فالجان اللي سرق الخبز لياكل معاملة سيئة حتى بعد انقضاء مدة عقوبتة..ومبالغة بردة فعل أصحاب الحانات..ورفض الجميع يطعموه...وحتى ردة فعل الشعب من الأب مادلين اللي كان مثال الخير والاحسان  وقت انعرف انو هو مجرم سابق(مع انو نال جزائؤ) كانت ردة فعل ما طبيعية..لأنو ما معقول ينسوا كل كرمو
يعني ردة الفعل من خريجي لبلان مستحيل تكون بهالسوء..حتى ماريوس كرهو ونبذو بعد ما عرف انو من خريجي لبلان مع انو ما شاف منو إلا كل خير
لك حتى بالمحكمة ..القاضي اتقبل شهادة الشهود على مضض كونن من نزلاء لبلان
4-مبالغة الكاتب عبثاً بوضع جان فالجان بموقف صعب لدرجة تشويه بعض المواقف وجعلا غير واقعية..لأنو ما معقول ..المحاكم
والناس..والمجتمع وكل شخص عم يأهملو الناس اللي عم تموت من الجوع وينسوا قصص الميتين فقر ويتذكرو الطفل جرفييه اللي انسرق منو جنيه..(الموقف لمجرد وضع تهمة على جان فالجان)
5- بحادثة العربة مثلاً لمح جافيير إلى جسد جان فالجان وبأنو الوحيد اللي ممكن يرفع هالعربة هو شخص شافة باللبلان..طيب معقول بكل فرنسا مافي رجل بمتل جسد جان فالجان؟
6- أحد المواقف المبالغ بايجاد الصدفة فيا وبعدا عن الواقع هي قدرة ماريوس انو يشوف داخل بيت تيندارييه ويسمع خططو ويقدر يأنقذ مين؟؟؟؟ تحديداً مستر لبلان اللي بحب بنتو
7-ومبالغة كمان انو ماريوس يروح تحديداً لعند جافيير ويطلب العون....مع انو بيتوضح لاحقاً من قبل الكاتب سبب نقل جافيير من القرية لشرطة باريس...بس كأنو الكاتب جاب جافيير عباريس بس لحتى يبقى يلاحق جان فالجان؟
وبعتلو ماريوس كمان مشان يساعدو..........
8- وكمان مبالغة بأنو الطفل اللي بدو يوصل الرسالة لكوزيت من ماريوس يلتقي بجان فالجان
وما بس هيك
وعطاه الرسالة
لأ وقال جملة عنجد بتعبر عن سخافة الكاتب:
(يخيل إلي أنك رجل أمين وستوصل الرسالة إلى صاحبته).
قمة المسخرة
قال (يخيل) ومين هو لحتى يتخيل؟
يعني الكاتب لحتى يوصل رسالة كوزيت لأيد جان فالجان حط طفل عبقري وغبي بنفس الوقت..وعبارة رائعة (يخيل) مشان القارئ يقرا ويستمر بأحداث الرواية بدون ما يحس بهالنشاز..لأنو المهم شو رح يصير بعدين.

بعتقد انو هدول هني مواقف المبالغة إالي حطيتن ببالي بس بعيداً عن المبالغة في كتير أشياء مانا واقعية أو ما زابطة
مثلاً
الأسقف قال انو أهدى الصحاف والشمعدانين لجان فالجان وقت قبضت عليه الشرطة
إذاً تبرأ من هالتهمة
وبعد هيك بترتكز أحداث الرواية كااااااااااااملة على انو خريج لبلان اللي قضى سنوات عقوبتو ورجع لحياة الهدى والرشاد لايزال ملاحق لأنو ارتكب جريمتين بعد هيك
ألا وهم سرقة الصحاف.....(مع انو اتبرأ من هالتهمة) وانو أخد جنيه من طفل
طيب الكاتب كيف بنا الرواية على حدثين متناقضين
الأول انو جعل بطل الرواية شخص تائب بسبب موقف معين هو تصرف القس معو وتبرئتو...وارتكزت حياة جان فالجان بعد هيك على حب الكاهن والتحول إلى الخير
وارتكز الجزء التاني من الرواية بكاملو على انو جان فالجان لازال مجرم ملاحق لأنو رجع ارتكب سرقة بعد السجن واللي هي الصحاف
شو مشان؟
وشغلة تانية كمان بعتبرا مأخذ عالكاتب..شاع بأروقة مخافر الشرطة انو المجرم جان فالجان سرق جنيه من جرفييه ..ومتل ما قلت ارتكزت الرواية على انو جان فالجان اظطر يبقى مخبي شخصيتو كرمال هالجريمتين اللي ارتكبن بعد السجن
طيب
أول وحدة ما اقتنعنا فيا..والتانية
كيف جرفييه عرف اسم جان فالجان إن كان جان فالجان ما عرف عن نفسو؟
وهل عمر جرفييه بخولو انو يوصل صدا صوتو وشكواه لكل المحاكم وأروقة مكاتب الشرطة بالوقت اللي شخص متل تندارييه يعيث فساداً بالأرض والشرطة مالا خبر؟
هادا مع ملاحظة انو لآخر لحظة وجرفييه يطلق عليه اسم ولد مع انو وقت انكشفت القصة قدام المحمة وقت جان فالجان عرف عن نفسو.......كان جرفييه لازم يكون شب.
وطبعاً في تناقض واضح...باهمال الحكومة لكل البؤس بفرنسا واهتمامن بطفل مشرد فقد جنيه.
(والتناقض هون ما بيبرز سوء المجتمع الباريسي لأ...بيظهر سوء اسلوب الكاتب بتأزيم موقف جان فالجان على ركز متناقضة وما زابطة)

ورح اذكر تناقض تاني تذكرتو هلأ بالرواية مع انو غريب شوي
يعني وقت قبضو الثوار علىجافيير كان من حقن يقتلوه..وكان من حق جان فالجان كثائر ضد الحكومة انو يقتل جاسوس الحكومة واللي هو هلأ بطرف الأعداء بغض النظر عن اللي بيناتن
وحتى لو أوكل أمر جافيير لماريوس..كان ماريوس رح يقتلو
بس اللي صار انو جان فالجان عفا عنو
طيب هادا موقف نبيل رح نحطو على جنب
بس ليش لحتى ماريوس لاحقاً يتذكر هالحادثة ويعتبرا شي ضد جان فالجان انو يقتل جافيير واعتبرو انو قتل هالموظف الحكومي بسبب ثأر بيناتن...ووقت عرف من تندارييه انو جان فالجان ما قتل جافيير رجع احترمو وحبو وندم على سوء معاملتو
علماً انو لو كان قاتلو وقتا......كان يعتبر عم يقوم بواجبو الطبيعي

يمكن هي نقاط ضعف لاحظتا بالرواية بس كمان أبرزت الرواية بعض الأمور وكإنا سجل تاريخي اجتماعي ثمين جداً
يعني وضحت عنف القانون الفرنسي بمعاقبة سارقي الخبز بالسجن لسنوات
وانحدار النساء للرذيلة بسبب الجوع وقسوة المجتمع
انتقدت المحاكم والصحافة بطريقة حلوة وغير مباشرة
مثلاً أجمل ما يبرز سخافة المحاكمات هو إدلاءات المحامين أثناء المرافعات..واللي كلامن بيشبه كلام أي رجل عادي..وما كأنو المحامي رجل قانون أو شخص دارس مجالو ومثقف
بيعتمدو على شهادات واهية وبحكمو العاطفة والقوة اللفظية لأ والشتائم كمان
وانتقدت كمان القساوسة بتلميح بسيط لرجل الدين اللي أوصاه الأب مادلين بدفن فونتين..فاحتفظ هالقس بالمبلغ لنفسو

ومع ذلك أبرز بشخصية القس الي ببداية الرواية مثال لرجل الدين علماً بأنو من الملاحظ هون على هوغو انو بفضل رجل الدين يكون شخص بدأ بالمعاصي وبعدا تاب لحتى يعتبرو رجل قويم حقاً
فالأب ميربل على سبيل المثال (اللي ساعد جان فالجان) كان والدو قس وهو كان شخص لاهي بيركض وراء الرغبات واعتل بعد ما عانى البؤس والألم النفسي بوفاة زوجتو..وواضح انو بعدا تاب وانتهج نهج الصلاح.
وأروع مافي الرواية برأي هي تصوير القس ميربل البسيط..واللي حسيت انو هوغو عم يمثل فيه الجانب القوي الواثق للدين
متل حادثة ركوبو على حمار أمام أعيان البلد وتوضيحو للأمر بعباره: اني ركبته اضطراراً وليس زهواً وخيلاء.
وطريقتو بالنظر للأمور من الزاوية الأخرى
فوقت قدر المحقق يشعل نار الغيرة بقلب الزوجة الآثمة بالكذب لحتى تشي بزوجا..عرف القس بأنو الزوجين رح يتحاكمو بمحكمة الجنايات والمحقق بمحكمة الله..وهادا الشي اللي ماحدا انتبهلو.

ويمكن من أجمل ما صور الكاتب.كان شخصية جافيير
فعلاً تصوير رائع متكامل وبدون ثغرات
والأجمل كان الطريقة اللي عبر فيا من البداية عن هالشخصية
(عرف جافيير أن الطبقة الاجتماعية تنفر من طبقتين من الناس، طبقة العابثين بها وطبقة المحافظين عليا.ووجد لزاماً عليه أن يختار لنفسه احدى هاتين الطبقتين)
هههههههههههههههههه فعلاً اسلوب رائع ووصف جميل ودخول شيق لأعماق شخصية جافيير اللي شائت أو شاء الكاتب انو يجعلا شخصية مكروهه على الرغم من انو بتطبق القانون بحذافيرو
يعني بهالعبارة خلانا نعرف انو جافيير رح يطبق القانون ولا شيء غيره..بس رح نكرهو وكأنو هو رح يسحب الكره من قلوبنا سحب ويستثيرو استثاره لأنو لاشعورياً اختار هالمهنة المكروهه.
وتجسدت بشخصية جافيير تاني أجمل صراع نفسي بارواية بعد جان فالجان
موقف عفو جافيير عن جان فالجان واللي هو برأيو خرق للقانون كون صراع نفسي لا يحتمل بداخلو قادو بالنهاية للانتحار
وكان الصراع الأقوى بالرواية داخل جان فالجان وقت قرر يسلم نفسو لانقاذ رجل بريء أو البقاء تحت شخصية مستعارة وانقاذ مئات آخرين.

من خلال قراءة الرواية هي لوحدا لهوغو ممكن يتلاحظ موقفو السياسي كجمهوري..أو يمكن لازم قول ديمقراطي
كونو جعل أبطال روايتو من الثوار ودعم فكرتن ولو بتلميحات بسيطة ومع ذلك كان ذكي بوضع شخصية الجد جيلنورمان اللي على الرغم من معارضة حفيدو إلو..رجّع الكاتب الحفيد لجدو وخلاهن يتصالحو ووصف شخصية هالجد بأوصاف حلوة وغير منفرة مع انو من أتباع الملكية.

والحقيقة اني كنت بتمنى لو اني بجيد الفرنسية لاقرا هالرواية بلغتا الأم واقدر استمتع فيا.....يعني أكيد أحاديث جان فالجان بينو وبين حالو ما رح تكون بالفرنسية متل ما أظهرتا الترجمة العربية
أكيد انو هي أشبه بالقصائد
واللغة رح تكون معبرة أكتر ومؤلمة أكتر وتحركنا أكتر
وعالأقل.......بقدر اقراها بدون النقص الواضح بالأحداث متل ما عرفت انو إحدى بنات تنداريية رح تحب ماريوس وما لمست هالشي بالرواية.








*1  *1

_________________
التوقيع لــلــمــلائــكــة  حــضــورهــا


أعلى .:. أسفل
 يشاهد الملف الشخصي  
 
  • عنوان المشاركة: ساحة النقد (مناقشة كتاب غادة الكاميليا)
مرسل: الجمعة نيسان 04, 2008 10:21 م 
مشرفة قسم مهارات تطوير الذات
مشرفة قسم مهارات تطوير الذات
صورة العضو الشخصية
اشترك في: 15 نيسان 2007
المواضيع: 64
المشاركات: 3023
المكان: حمص
القسم: انجليزي
السنة: MA
لا يوجد لدي مواضيع بعد

:: أنثى ::


غير متصل
بسم الله الرحمن الرحيم

رح أكتب نقدي بطريقة ما كتير مرتبة لأنو بصراحة اليوم قريت الرواية كاملة وهلأ خلصتا ورح حاول اكتب الأشياء اللي لاحظتا سلباً وايجاباً مندمجين معاً
أكتر شغلة طغت عالرواية بنظري هي المبالغة..وفي حال شرحت رأي بالكتاب فرح اذكر كلمة مبالغة كتير
بس أكتر شغلة بندم عليا اني ما قريت هالكتاب واستمتعت فيه وأنا بعمر ال15 أو14 لأنو هادا العمر المناسب لقراءة هيك رواية
وأكيد وقتا كنت رح استمتع كتير وابكي كتير واستفيد من الدروس والمواعظ المقصودة كتير
بس اللي صار هلأ........اني حسيت عقلي عم يركز على جوانب التفاهة والضعف بالكتاب متل
أول شي المبالغة:
1-        المبالغة بعدم واقعية الصدف.....متل اللحظة اللي بيوصل فيا جان فالجان ليأنقذ كوزيت عند النبع..وظهور تيندارييه المتكرر بالرواية بصدف واضح تماماً انو ما رح تصير بالواقع....والصدف الغريبة بأنو أحد الأشخاص يعرف شخص آخر مرة وبمرة تانية ما يعرفو
حتى الشهود بالمحكمة....قدرو يعرفو اللي مانو جان فالجان وما عرفو جان فالجان.
2- مبالغة جان فالجان بالتعريف عن نفسو بعدة مواقف غير مناسبة وكأنو بس ليزيد القصة تعقيداً...وبالغ بانو يوضح انو من جريجي لبلان بكل مرة بكون الأفضل فيا انو يسكت..متل قدام القس وقدام ماريوس بعد زواجه من كوزيت
3- مبالغة بتصوير اضطهاد الشعب لخريجي لبلان..مع انو الواضح من القوانين الفرنسية الصارمة والجائرة بهداك الوقت انو نزلاء لبلان ما كانو بالضرورة مجرمين محنكين وبالتالي لازم الشعب يكون أكثر من يعلم بأنو خريج لبلان ممكن يكون مظلوم أو سارق خبز
بظن أنو أبشع تصوير تلقوه الشعب الفرنسي بهالرواية..بدون ما يقصد الكاتب
فالجميع عاملو جان فالجان اللي سرق الخبز لياكل معاملة سيئة حتى بعد انقضاء مدة عقوبتة..ومبالغة بردة فعل أصحاب الحانات..ورفض الجميع يطعموه...وحتى ردة فعل الشعب من الأب مادلين اللي كان مثال الخير والاحسان  وقت انعرف انو هو مجرم سابق(مع انو نال جزائؤ) كانت ردة فعل ما طبيعية..لأنو ما معقول ينسوا كل كرمو
يعني ردة الفعل من خريجي لبلان مستحيل تكون بهالسوء..حتى ماريوس كرهو ونبذو بعد ما عرف انو من خريجي لبلان مع انو ما شاف منو إلا كل خير
لك حتى بالمحكمة ..القاضي اتقبل شهادة الشهود على مضض كونن من نزلاء لبلان
4-مبالغة الكاتب عبثاً بوضع جان فالجان بموقف صعب لدرجة تشويه بعض المواقف وجعلا غير واقعية..لأنو ما معقول ..المحاكم
والناس..والمجتمع وكل شخص عم يأهملو الناس اللي عم تموت من الجوع وينسوا قصص الميتين فقر ويتذكرو الطفل جرفييه اللي انسرق منو جنيه..(الموقف لمجرد وضع تهمة على جان فالجان)
5- بحادثة العربة مثلاً لمح جافيير إلى جسد جان فالجان وبأنو الوحيد اللي ممكن يرفع هالعربة هو شخص شافة باللبلان..طيب معقول بكل فرنسا مافي رجل بمتل جسد جان فالجان؟
6- أحد المواقف المبالغ بايجاد الصدفة فيا وبعدا عن الواقع هي قدرة ماريوس انو يشوف داخل بيت تيندارييه ويسمع خططو ويقدر يأنقذ مين؟؟؟؟ تحديداً مستر لبلان اللي بحب بنتو
7-ومبالغة كمان انو ماريوس يروح تحديداً لعند جافيير ويطلب العون....مع انو بيتوضح لاحقاً من قبل الكاتب سبب نقل جافيير من القرية لشرطة باريس...بس كأنو الكاتب جاب جافيير عباريس بس لحتى يبقى يلاحق جان فالجان؟
وبعتلو ماريوس كمان مشان يساعدو..........
8- وكمان مبالغة بأنو الطفل اللي بدو يوصل الرسالة لكوزيت من ماريوس يلتقي بجان فالجان
وما بس هيك
وعطاه الرسالة
لأ وقال جملة عنجد بتعبر عن سخافة الكاتب:
(يخيل إلي أنك رجل أمين وستوصل الرسالة إلى صاحبته).
قمة المسخرة
قال (يخيل) ومين هو لحتى يتخيل؟
يعني الكاتب لحتى يوصل رسالة كوزيت لأيد جان فالجان حط طفل عبقري وغبي بنفس الوقت..وعبارة رائعة (يخيل) مشان القارئ يقرا ويستمر بأحداث الرواية بدون ما يحس بهالنشاز..لأنو المهم شو رح يصير بعدين.

بعتقد انو هدول هني مواقف المبالغة إالي حطيتن ببالي بس بعيداً عن المبالغة في كتير أشياء مانا واقعية أو ما زابطة
مثلاً
الأسقف قال انو أهدى الصحاف والشمعدانين لجان فالجان وقت قبضت عليه الشرطة
إذاً تبرأ من هالتهمة
وبعد هيك بترتكز أحداث الرواية كااااااااااااملة على انو خريج لبلان اللي قضى سنوات عقوبتو ورجع لحياة الهدى والرشاد لايزال ملاحق لأنو ارتكب جريمتين بعد هيك
ألا وهم سرقة الصحاف.....(مع انو اتبرأ من هالتهمة) وانو أخد جنيه من طفل
طيب الكاتب كيف بنا الرواية على حدثين متناقضين
الأول انو جعل بطل الرواية شخص تائب بسبب موقف معين هو تصرف القس معو وتبرئتو...وارتكزت حياة جان فالجان بعد هيك على حب الكاهن والتحول إلى الخير
وارتكز الجزء التاني من الرواية بكاملو على انو جان فالجان لازال مجرم ملاحق لأنو رجع ارتكب سرقة بعد السجن واللي هي الصحاف
شو مشان؟
وشغلة تانية كمان بعتبرا مأخذ عالكاتب..شاع بأروقة مخافر الشرطة انو المجرم جان فالجان سرق جنيه من جرفييه ..ومتل ما قلت ارتكزت الرواية على انو جان فالجان اظطر يبقى مخبي شخصيتو كرمال هالجريمتين اللي ارتكبن بعد السجن
طيب
أول وحدة ما اقتنعنا فيا..والتانية
كيف جرفييه عرف اسم جان فالجان إن كان جان فالجان ما عرف عن نفسو؟
وهل عمر جرفييه بخولو انو يوصل صدا صوتو وشكواه لكل المحاكم وأروقة مكاتب الشرطة بالوقت اللي شخص متل تندارييه يعيث فساداً بالأرض والشرطة مالا خبر؟
هادا مع ملاحظة انو لآخر لحظة وجرفييه يطلق عليه اسم ولد مع انو وقت انكشفت القصة قدام المحمة وقت جان فالجان عرف عن نفسو.......كان جرفييه لازم يكون شب.
وطبعاً في تناقض واضح...باهمال الحكومة لكل البؤس بفرنسا واهتمامن بطفل مشرد فقد جنيه.
(والتناقض هون ما بيبرز سوء المجتمع الباريسي لأ...بيظهر سوء اسلوب الكاتب بتأزيم موقف جان فالجان على ركز متناقضة وما زابطة)

ورح اذكر تناقض تاني تذكرتو هلأ بالرواية مع انو غريب شوي
يعني وقت قبضو الثوار علىجافيير كان من حقن يقتلوه..وكان من حق جان فالجان كثائر ضد الحكومة انو يقتل جاسوس الحكومة واللي هو هلأ بطرف الأعداء بغض النظر عن اللي بيناتن
وحتى لو أوكل أمر جافيير لماريوس..كان ماريوس رح يقتلو
بس اللي صار انو جان فالجان عفا عنو
طيب هادا موقف نبيل رح نحطو على جنب
بس ليش لحتى ماريوس لاحقاً يتذكر هالحادثة ويعتبرا شي ضد جان فالجان انو يقتل جافيير واعتبرو انو قتل هالموظف الحكومي بسبب ثأر بيناتن...ووقت عرف من تندارييه انو جان فالجان ما قتل جافيير رجع احترمو وحبو وندم على سوء معاملتو
علماً انو لو كان قاتلو وقتا......كان يعتبر عم يقوم بواجبو الطبيعي

يمكن هي نقاط ضعف لاحظتا بالرواية بس كمان أبرزت الرواية بعض الأمور وكإنا سجل تاريخي اجتماعي ثمين جداً
يعني وضحت عنف القانون الفرنسي بمعاقبة سارقي الخبز بالسجن لسنوات
وانحدار النساء للرذيلة بسبب الجوع وقسوة المجتمع
انتقدت المحاكم والصحافة بطريقة حلوة وغير مباشرة
مثلاً أجمل ما يبرز سخافة المحاكمات هو إدلاءات المحامين أثناء المرافعات..واللي كلامن بيشبه كلام أي رجل عادي..وما كأنو المحامي رجل قانون أو شخص دارس مجالو ومثقف
بيعتمدو على شهادات واهية وبحكمو العاطفة والقوة اللفظية لأ والشتائم كمان
وانتقدت كمان القساوسة بتلميح بسيط لرجل الدين اللي أوصاه الأب مادلين بدفن فونتين..فاحتفظ هالقس بالمبلغ لنفسو

ومع ذلك أبرز بشخصية القس الي ببداية الرواية مثال لرجل الدين علماً بأنو من الملاحظ هون على هوغو انو بفضل رجل الدين يكون شخص بدأ بالمعاصي وبعدا تاب لحتى يعتبرو رجل قويم حقاً
فالأب ميربل على سبيل المثال (اللي ساعد جان فالجان) كان والدو قس وهو كان شخص لاهي بيركض وراء الرغبات واعتل بعد ما عانى البؤس والألم النفسي بوفاة زوجتو..وواضح انو بعدا تاب وانتهج نهج الصلاح.
وأروع مافي الرواية برأي هي تصوير القس ميربل البسيط..واللي حسيت انو هوغو عم يمثل فيه الجانب القوي الواثق للدين
متل حادثة ركوبو على حمار أمام أعيان البلد وتوضيحو للأمر بعباره: اني ركبته اضطراراً وليس زهواً وخيلاء.
وطريقتو بالنظر للأمور من الزاوية الأخرى
فوقت قدر المحقق يشعل نار الغيرة بقلب الزوجة الآثمة بالكذب لحتى تشي بزوجا..عرف القس بأنو الزوجين رح يتحاكمو بمحكمة الجنايات والمحقق بمحكمة الله..وهادا الشي اللي ماحدا انتبهلو.

ويمكن من أجمل ما صور الكاتب.كان شخصية جافيير
فعلاً تصوير رائع متكامل وبدون ثغرات
والأجمل كان الطريقة اللي عبر فيا من البداية عن هالشخصية
(عرف جافيير أن الطبقة الاجتماعية تنفر من طبقتين من الناس، طبقة العابثين بها وطبقة المحافظين عليا.ووجد لزاماً عليه أن يختار لنفسه احدى هاتين الطبقتين)
هههههههههههههههههه فعلاً اسلوب رائع ووصف جميل ودخول شيق لأعماق شخصية جافيير اللي شائت أو شاء الكاتب انو يجعلا شخصية مكروهه على الرغم من انو بتطبق القانون بحذافيرو
يعني بهالعبارة خلانا نعرف انو جافيير رح يطبق القانون ولا شيء غيره..بس رح نكرهو وكأنو هو رح يسحب الكره من قلوبنا سحب ويستثيرو استثاره لأنو لاشعورياً اختار هالمهنة المكروهه.
وتجسدت بشخصية جافيير تاني أجمل صراع نفسي بارواية بعد جان فالجان
موقف عفو جافيير عن جان فالجان واللي هو برأيو خرق للقانون كون صراع نفسي لا يحتمل بداخلو قادو بالنهاية للانتحار
وكان الصراع الأقوى بالرواية داخل جان فالجان وقت قرر يسلم نفسو لانقاذ رجل بريء أو البقاء تحت شخصية مستعارة وانقاذ مئات آخرين.

من خلال قراءة الرواية هي لوحدا لهوغو ممكن يتلاحظ موقفو السياسي كجمهوري..أو يمكن لازم قول ديمقراطي
كونو جعل أبطال روايتو من الثوار ودعم فكرتن ولو بتلميحات بسيطة ومع ذلك كان ذكي بوضع شخصية الجد جيلنورمان اللي على الرغم من معارضة حفيدو إلو..رجّع الكاتب الحفيد لجدو وخلاهن يتصالحو ووصف شخصية هالجد بأوصاف حلوة وغير منفرة مع انو من أتباع الملكية.

والحقيقة اني كنت بتمنى لو اني بجيد الفرنسية لاقرا هالرواية بلغتا الأم واقدر استمتع فيا.....يعني أكيد أحاديث جان فالجان بينو وبين حالو ما رح تكون بالفرنسية متل ما أظهرتا الترجمة العربية
أكيد انو هي أشبه بالقصائد
واللغة رح تكون معبرة أكتر ومؤلمة أكتر وتحركنا أكتر
وعالأقل.......بقدر اقراها بدون النقص الواضح بالأحداث متل ما عرفت انو إحدى بنات تنداريية رح تحب ماريوس وما لمست هالشي بالرواية.








*1  *1

_________________
التوقيع لــلــمــلائــكــة  حــضــورهــا


أعلى .:. أسفل
 يشاهد الملف الشخصي  
 
  • عنوان المشاركة: ساحة النقد (مناقشة كتاب غادة الكاميليا)
مرسل: الجمعة نيسان 04, 2008 10:38 م 
آرتيني مؤسس
آرتيني مؤسس
اشترك في: 03 حزيران 2007
المواضيع: 117
المشاركات: 2750
المكان: حمص العديّة
القسم: ELT MA
لا يوجد لدي مواضيع بعد

:: أنثى ::


غير متصل
       الملاك,  
:shock: ما شاء الله كل هاد  :mrgreen:
باقيلي كم صفحة و بخلصها  :oops: ... يلا رح كملهم و اقرا نقدك و اكتب نقدي  :wink:

*ورود

_________________
التوقيع
You need to remember that what happens in you is more important than what happens to you


أعلى .:. أسفل
 يشاهد الملف الشخصي  
 
  • عنوان المشاركة: ساحة النقد (مناقشة كتاب غادة الكاميليا)
مرسل: الجمعة نيسان 04, 2008 10:48 م 
آرتيني فعّال
آرتيني فعّال
صورة العضو الشخصية
اشترك في: 27 حزيران 2007
المواضيع: 77
المشاركات: 1185
المكان: حماه
القسم: هندسة زراعه
لا يوجد لدي مواضيع بعد

:: ذكر ::


غير متصل
ما شاء الله عليكم ......بصراحه أنا مبارح قريتها كلّها وكنت ناوي أكتب النقد بس والله الملاك خوفتني .....ولي كل هاد نقد .....
أنا ضليت 5ساعات عم أقرى الروايه ويمكن بدي شي ساعه لخلص نقد الملاك وأفهمو منيح :mrgreen: بس فيه نقاط بتفق  فيها مع الملاك ونقاط لأ
وبما أني ما عندي سوابق بالنقد فخلّوني آخر عنصر
 :mrgreen:
عم أمزح خلص اليوم انشاء الله بكتب النقد وبنقّحو وبنزلو ......
بس بتعرفو اناندمت عشغله أني وقت كنت أقرى الروايه ما كنت أكتب ملاحظاتي وهلق نسيت بعضهم  :|

_________________
التوقيع
في الزراعه تلمس الآلام باليدين
فلو صافحت طالبا أو لمست قاعة...لوجدت منقوشا على يدك
قصيدة ألم يا ابن الكرام أو أثنتين

صورة


أعلى .:. أسفل
 يشاهد الملف الشخصي  
 
  • عنوان المشاركة: ساحة النقد (مناقشة كتاب غادة الكاميليا)
مرسل: الجمعة نيسان 04, 2008 11:52 م 
مشرفة قسم مهارات تطوير الذات
مشرفة قسم مهارات تطوير الذات
صورة العضو الشخصية
اشترك في: 15 نيسان 2007
المواضيع: 64
المشاركات: 3023
المكان: حمص
القسم: انجليزي
السنة: MA
لا يوجد لدي مواضيع بعد

:: أنثى ::


غير متصل
       زمردة,  
زعلت منك.........هيك تركتيني لوحدي نزل نقدي اليوم
طيب خلص ناطرتك بكرا :mrgreen:

kma,  
اقتباس:
ويمكن بدي شي ساعه لخلص نقد الملاك وأفهمو منيح

هههههههههههههههههههههه هيك لكن :mrgreen:

طيب انصحك نصيحة..ما تقرا نقدي أبداً ولا نقد غيري..ولا أي نقد
وإلا بتضيع أفكارك وبتنسى الأشياء اللي ذهنك علق عليا

نحنا بدراستنا للأعمال الأدبية وقت منقراها عقلنا بجمع أفكار كتير..وبتروح أفكارنا أدراج وقت منقرا آراء النقاد اللي بتكون أحياناً عكس أفكارنا أو غير منطقية بالنسبة إلنا
بس طبعاً هي المطلوبة بالامتحان
لذلك منحفظا ومع الوقت مننسى أفكارنا

بقا لا تلخبط حالك..............كتوب نقدك
ورح تتذكر كلشي نسيتو
أنا كمان نسيت كتير وقت بلشت اكتب
فجأة طلعولي كل هدول من وين ما بعرف
:shock:

عالعموم ناطرة نقدكن بفارغ الصبر........يارب هبة و آرتي ومون دانسر يكونو خلصو
*1

_________________
التوقيع لــلــمــلائــكــة  حــضــورهــا


أعلى .:. أسفل
 يشاهد الملف الشخصي  
 
  • عنوان المشاركة: ساحة النقد (مناقشة كتاب غادة الكاميليا)
مرسل: السبت نيسان 05, 2008 8:21 ص 
آرتيني مؤسس
آرتيني مؤسس
صورة العضو الشخصية
اشترك في: 01 تشرين الثاني 2007
المواضيع: 268
المشاركات: 2837
لا يوجد لدي مواضيع بعد

:: أنثى ::


غير متصل
الملاك ماشاللع عليكي يخزي العين عنك.....

انا قريت نقدك حلو كتير خصوصا هاي

 
اقتباس:
- المبالغة بعدم واقعية الصدف.....متل اللحظة اللي بيوصل فيا جان فالجان ليأنقذ كوزيت عند النبع..وظهور تيندارييه المتكرر بالرواية بصدف واضح تماماً انو ما رح تصير بالواقع....والصدف الغريبة بأنو أحد الأشخاص يعرف شخص آخر مرة وبمرة تانية ما يعرفو
حتى الشهود بالمحكمة....قدرو يعرفو اللي مانو جان فالجان وما عرفو جان فالجان.
2- مبالغة جان فالجان بالتعريف عن نفسو بعدة مواقف غير مناسبة وكأنو بس ليزيد القصة تعقيداً...وبالغ بانو يوضح انو من جريجي لبلان بكل مرة بكون الأفضل فيا انو يسكت..متل قدام القس وقدام ماريوس بعد زواجه من كوزيت
3- مبالغة بتصوير اضطهاد الشعب لخريجي لبلان..مع انو الواضح من القوانين الفرنسية الصارمة والجائرة بهداك الوقت انو نزلاء لبلان ما كانو بالضرورة مجرمين محنكين وبالتالي لازم الشعب يكون أكثر من يعلم بأنو خريج لبلان ممكن يكون مظلوم أو سارق خبز
بظن أنو أبشع تصوير تلقوه الشعب الفرنسي بهالرواية..بدون ما يقصد الكاتب
فالجميع عاملو جان فالجان اللي سرق الخبز لياكل معاملة سيئة حتى بعد انقضاء مدة عقوبتة..ومبالغة بردة فعل أصحاب الحانات..ورفض الجميع يطعموه...وحتى ردة فعل الشعب من الأب مادلين اللي كان مثال الخير والاحسان وقت انعرف انو هو مجرم سابق(مع انو نال جزائؤ) كانت ردة فعل ما طبيعية..لأنو ما معقول ينسوا كل كرمو
يعني ردة الفعل من خريجي لبلان مستحيل تكون بهالسوء..حتى ماريوس كرهو ونبذو بعد ما عرف انو من خريجي لبلان مع انو ما شاف منو إلا كل خير
لك حتى بالمحكمة ..القاضي اتقبل شهادة الشهود على مضض كونن من نزلاء لبلان


فيها مبالغه كتير انا راح أكتب نقدي للهالروايه اليوم إن شالله.....

أنا قريتها مرتين وحضرتها كرتون ولسه باقلي جزء ما خلصته واليوم ان شالله راح اكتب نقدي في هالروايه الحلوه...
 :mrgreen:  :mrgreen:  :mrgreen:  :mrgreen:

_________________
التوقيع
♥♥ سألوني ليش راسك مرفوع وعينك قوية??!!!!
قلتهم العفو..... كلنا عالم وناس بس هيك الفلسطينية ♥♥


أعلى .:. أسفل
 يشاهد الملف الشخصي  
 
  • عنوان المشاركة: ساحة النقد (مناقشة كتاب البؤســــاء )
مرسل: الاثنين نيسان 07, 2008 2:12 ص 
آرتيني مؤسس
آرتيني مؤسس
اشترك في: 03 حزيران 2007
المواضيع: 117
المشاركات: 2750
المكان: حمص العديّة
القسم: ELT MA
لا يوجد لدي مواضيع بعد

:: أنثى ::


غير متصل
السلام عليكم ... عذرا على التأخير
قبل ما ابدأ حابة نوه إنه النسخة اللي قريتها بتختلف عن النسخة اللي موجودة عالنت و عرفت لما حملت الكتاب من الرابط لإنه كان في نقص صفحة بالكتاب اللي عندي على أمل اقراها فاتفاجأت إنه غير ... و لقيت ترجمة الكتاب مختلفة عن الكتاب اللي حملته من خلال قرائتي لكم صفحة و بعدين قريتها كلها و كتير مختصرين من الرواية و من جمالها ... أنا قريتها "القصة كاملة" مع ذلك ببعض المواضع حسيت في ضعف أو نقص بالترجمة و بتمنى لو حدا قاريها بلغتها الأصلية يشاركنا يمكن وداد قاريتها *1
بعد ما قريت الترجمتين قررت انقد الترجمة  :mrgreen:

البؤساء:

تكونت الرواية من ست أجزاء بكل جزء دارت أحداث كتيرة و أحيانا كان في اسهاب بالحديث عن شخصيات ثانوية لتعريف القارئ فيها أكتر و كان ممكن إنها تُختصر ... كان عامل الصدف عنصر مهم بمجرى الأحداث
بالجزء الأول  كان تمهيد للقارئ عن الأسقف النبيل اللي أدى دور كبير بتحسين حال جان فالجان و تغييره للأفضل لما بادله الإساءة بالإحسان
بالنسبة لجان فالجان و الظلم الكبير اللي تعرضله بحياته بسبب سرقة بعض الأرغفة من الخبز نتيجة الفقر و حتى يعيل أخته و ولادها الأيتام ... و ضاع شبابه بالسجن يعني كان ضحية الفقر و الظلم الاجتماعي و برأيي كان في مبالغة بالجور عليه بالحكم مدة 5 سنين و بعدين مضاعفة سنوات السجن بسبب هروبه المتكرر لحتى وصلوا للـ 19 سنة و نيف ... قمة الظلم!
و بعد خروجه من السجن طرده الجميع و تنكروله و كأنه عامل جرم لا يغتفر بالرغم من إنه نال جزائه و زيادة و تتالى الظلم اللي تعرضله من فانتين و ماريوس
*في نقطة أغفلها الكاتب و هيي إنه بعد خروج جان فالجان من السجن ماحاول يسأل مجرد سؤال عن أخته و شو صار فيها هيي و ولادها ... مع انهم يعتبروا شخصيات ثانوية لكن بالمقابل اهتم بفانتين و كوزيت و كان وفي لفانتين بإنه رعى كوزيت

في أحداث كانت متشابه بشكل أو بآخر متل:
- وصول ماريوس بلحظة احتضار أبوه و موته ....... وصول ماريوس و كوزيت أثناء احتضار جان فالجان و الحديث اللي دار بينهم قبل موته
- مقابلة الأسقف النبيل الإساءة بالإحسان .......  كرم أخلاق مادلين لما قابل شتم فانتين بالإحسان و إنقاذها
- و مقابلة الإساءات اللي تعرضلها جان فالجان من قبل جافير بإطلاق سراحة مع إنه كان فينه يقتله أو يخليه أسير
- و مقابلة فوشلفان الإحسان بالإحسان بإنقاذه و تشغيل جان فالجان معه
- صراع مادلين بين الاعتراف بحقيقته و السماع لضميره و انقاذ شبيهه و بين الابقاء على المجد و النجاح اللي حققه و عذاب ضميره
- و صراعه مرة تاني بين إنه يعترف بحقيقته لماريوس و يريح ضميره و بين إنه يبقى بيناتهم باسم مزيف و سعاده مزيفة

و فانتين كان إلها نصيب كبير من الظلم بالقصة و كانت حياتها بائسة بكل معنى الكلمة و نهايتها حزينة

قصة ماريوس و بونتمرسي و الجد كانت مؤثرة كتير و غنية ... للأسف تم اختصارها من النسخة الالكترونية
بدأت من كره الجد للأب لأسباب سياسة و تم ابعاد الأب البطل عن ابنه و تكونت صورة خاطئة للأب عند ماريوس و كانت لحظة موت الأب مؤثرة ... إنه كيف بموت أبوه و لا بيتأثر و الكل حوله متأثرين و بترجع الصدفة بتلعب دور لما بيلتقى ماريوس بالأب مابوف بالكنسية و بيحكيله عن أبوه و بتبدأ رحلة ماريوس بالبحث عن أبوه البطل و مآثره و حب ماريوس لأبوه كان يزيد بقلبه يوم بعد يوم ... و بيندم على اللي راح و بيتمنى مرارا لو كان أبوه عايش و بيتحول عن جد اللي بالظاهر كان قاسي معه لكن كان بالحقيقة بحبه كتير ... و الشي الغريب إنه ماريوس بيوقع بين نارين تينارديه اللي أنقذ أبوه و بين الرجل الطيب قريب حبيبته كوزيت

كان الكاتب مرة يسبق الأحداث و مرة يرجع لورا ليوضح أدوار الشخصيات و الأحداث بطريقة حلوة

منشوف بشخصية جافير كيف كان متعصب لتنفيذ القانون و لو ضد أقرب الناس إله لأنه كان يعتبره عمل مقدس ... و لما أطلق سراحه جان فالجان مع إنه الأخير كان عالأقل ممكن يبقي عليه كأسير و مايقتله بدأ يتغير و رد الجميل لجان فالجان ... و كانت المفارقة إنه انتحر لأنه صار عنده صراع بين واجبه المقدس و بين رد العرفان
يعني حتى إخلاصه بعمله خلاه يعترف إنه كان عم يكتب تقارير عن العمدة و يمكن لولا ما يلقطوا لشبيه جان فالجان يمكن
كان بقي عم يشك فيه  :mrgreen:
يعني فعلا في مبالغة مو نسيوا قصة سرقه نقود الفتى على مدى  8 سنين من الحادثة ... و زعمهم على قيامه بسطو منزل الأسقف مع إنه الأسقف برئه و تركته الشرطة
بدهم يحاكموا شبيه بسرقة التفاحة المزعومة ... معقول تصير محاكمة بسبب سرقة أشياء لا قيمة حقيقية إلها غير تسكيت جوع هالبائسين
بالإضافة لغرابة طريقة التعرف على شنمانيو على انه جان فالجان ... من قبل السجناء و جافير

اقتباس:
وحتى ردة فعل الشعب من الأب مادلين اللي كان مثال الخير والاحسان وقت انعرف انو هو مجرم سابق(مع انو نال جزائؤ) كانت ردة فعل ما طبيعية..لأنو ما معقول ينسوا كل كرمو

فعلا كانت ردة فعل غريبة لدرجة إنه كل أعماله و إحسانه راحوا هباء الريح و ماشفعتله أبدا و هيك بإنقاذه لشيبه ظلم نفسه و روح تعب سنين

في فرق بين الترجمتين و ذكر الأحداث بعدة مواضع  مثلا:
لما جان فالجان أخد كوزيت و سكنوا بالغرفة المتسأجرها عندي الكتاب مكتوب إنه جافير كان منتكر كمتسول و عرف جان فالجان و حدق فيه لما قدمله الصدقة
"و كان يربض في تلك النواحي متسول ينيف على السبعين, و درج جان فالجان على مد يد المساعدة إليه كلما مرّ به. و كان يتبادل معه بضع كلمات ثم يغادر إلى مقصده. و مرّ به في إحدى الأمسيات و هو جالس تحت مصباح الطريق, فعرج عليه و وضع في يده قطعة من النقود كعادته. فرفع المتسول عينيه فجأة و حدق في وجه جان فالجان بقوة ثم أطرق برأسه. جرى هذا بسرعة البرق, و لكن جان فالجان ارتعش ارتعاشة شديدة و خيّل إليه أنه لم يرَ على ضوء المصباح المستجدي البائس, بل وجها مخيفا يعرف تقاطيعه حق المعرفة و خامره شعور من يلتقي بنمر ضار على حين غرة ................. -و اليوم اللي بعده بكمل الكاتب ... رح اختصر- .......... و لما أصبح على قيد ذراع من المتسول تريث قليلا و حدق به مفترسا, و كان أن عاد إليه هدوءه عقب تلك النظرة, فالرجل لا يمكن أن يكون المفتش جافير و ما ظنونه إلا ضرب من التوجس يوحي به الخيال المتشائم" و بعدين هرب مع كوزيت و طلع جافير مع فريق الشرطة السرية ...
و بالترجمة التاني ديمون هوي نفسه جافير  ... يعني بالمقطع اللي كتبته توضح شوي أمر جافير

بصراحة بعد ما قريت الترجمتين تخربطت شوي لأنه أحيانا حسيتهم بكملوا بعض لأنه في أحداث و لو انها بسيطة مذكورة بترجمة و بالتاني مو مذكورة
مثلا مو مذكور بترجمة د.سليم كيف طالع فوشلفان جان فالجان و كوزيت من الدير و بعدين دخله من جديد على أساس إنه أخوه
و كوزيت حفيده جان

::::
و الغريب لما اجا جان فالجان(ليبلان) ليساعد جوندريت ببيته مو تعرف عليه ليبلان من أول مرة و رد رجع ليدفعله مصاري و كانت المفاجأة إنه جوندريت طلع بيعرفه و عامله كمين ليبتزه

جان فالجان الطيب النبيل تحول لشخص شرير بيكره ماريوس لإنه سرق قلب كوزيت منه اللي ملتله حياته و خلته يشعر بالسعادة الغامرة معها و حسسته بشعور الأبوة و بنفس الوقت بأنقذ غريمه من موت محتم و بيرجعه لبيت جده بمساعدة جافير قبل ما ينتحر و يعتبر حاله خرق القانون اللي بيعتبره شيء مقدس
"شيىء واحد أدهشه هو أن يعفو عنه جان فالجان , وشيء واحد روعه هو أن يعفو عن جان فالجان"

للحديث بقية ... بانتظار باقي الآراء
*ورود

_________________
التوقيع
You need to remember that what happens in you is more important than what happens to you


أعلى .:. أسفل
 يشاهد الملف الشخصي  
 
  • عنوان المشاركة: ساحة النقد (مناقشة كتاب البؤســــاء )
مرسل: الاثنين نيسان 07, 2008 3:48 م 
مشرفة قسم مهارات تطوير الذات
مشرفة قسم مهارات تطوير الذات
صورة العضو الشخصية
اشترك في: 15 نيسان 2007
المواضيع: 64
المشاركات: 3023
المكان: حمص
القسم: انجليزي
السنة: MA
لا يوجد لدي مواضيع بعد

:: أنثى ::


غير متصل
اقتباس:
سرقة بعض الأرغفة من الخبز نتيجة الفقر و حتى يعيل أخته و ولادها الأيتام ... و ضاع شبابه بالسجن يعني كان ضحية الفقر و الظلم الاجتماعي و برأيي كان في مبالغة بالجور عليه بالحكم مدة 5 سنين و بعدين مضاعفة سنوات السجن بسبب هروبه المتكرر لحتى وصلوا للـ 19 سنة و نيف ... قمة الظلم!


هون زمردة انتي نقدتي المجتمع الفرنسي بهداك الوقت وليس الرواية
 :wink:
يعني طبعاً هادا هدف الكاتب.........انو يظهر ظلم الأحكام الفرنسية بعصرو واللي صار مع جان فالجان واقع وصار مع كتيرين بهداك الوقت
حتى انو كانت تتطبق عقوبة الاعدام ببعض حالات السرقة

نقدك زمردة كتير حلو
وفي ذكاء بربطك لبعض الأحداث المتشابههة
ماشاء الله عنك

:mrgreen:
طولتي ورجعتي معك نقدين بواحد :mrgreen:

أنا لسا ناطرة آرتي وهبة ومون دانسر
ولو اني حاسة مون دانسر مالو خبر انو نحنا هون :roll:

_________________
التوقيع لــلــمــلائــكــة  حــضــورهــا


أعلى .:. أسفل
 يشاهد الملف الشخصي  
 
  • عنوان المشاركة: ساحة النقد (مناقشة كتاب البؤســــاء )
مرسل: الاثنين نيسان 07, 2008 5:29 م 
آرتيني مؤسس
آرتيني مؤسس
صورة العضو الشخصية
اشترك في: 29 آذار 2007
المواضيع: 50
المشاركات: 1947
القسم: اللغة الانكليزية
السنة: ماجستير
لا يوجد لدي مواضيع بعد

:: أنثى ::


غير متصل
       الملاك,  
اقتباس:
أنا لسا ناطرة آرتي وهبة ومون دانسر
ولو اني حاسة مون دانسر مالو خبر انو نحنا هون

لالا اليوم قلي انو لازم ينزل النقد بساحة النقد :shock:
قمت قلتلو وين هي؟ :mrgreen:

_________________
التوقيع صورة


أعلى .:. أسفل
 يشاهد الملف الشخصي  
 
منتدى مغلق هذا الموضوع مغلق ، لا تستطيع تعديله أو إضافة الردود عليه  [ 72 مشاركة ]  الانتقال إلى صفحة السابق  1 ... 3, 4, 5, 6, 7, 8  التالي

جميع الأوقات تستخدم GMT + ساعتين [ DST ]


لا تستطيع كتابة مواضيع جديدة في هذا المنتدى
لا تستطيع كتابة ردود في هذا المنتدى
لا تستطيع تعديل مشاركاتك في هذا المنتدى
لا تستطيع حذف مشاركاتك في هذا المنتدى
لا تستطيع إرفاق ملف في هذا المنتدى

البحث عن:
الانتقال الى:  
cron

جميع الحقوق محفوظة لـ ©2012Art-En.com . تصميم بواسطة Art-En . راسلنا . سياسة الخصوصية . قوانين المنتدى
Powered by phpBB© . Translated by phpBBArabia