آرتين لتعليم اللغات
http://forum.art-en.com/

؟؟؟دبلوم تأهيل ولا دبلوم ترجمة؟؟؟
http://forum.art-en.com/viewtopic.php?f=58&t=26964		 صفحة 1 من 1
الكاتب:  tenar [ السبت تشرين الأول 06, 2012 5:09 م ]
عنوان المشاركة:  ؟؟؟دبلوم تأهيل ولا دبلوم ترجمة؟؟؟
كيفكم يا جماااعة.... ان شاء الله تمام  *Hi

بدي أسأل عن الدبلوم لرفيقتي اللي بدا تتخرج السنة اذا حدا عندو اي فكرة!
(هي مصرة تسجل السنة دبلوم ورافضة فكرة الماجستير نهائيا) .. هلق هي دارسة أدب انكليزي وكان بدا تسجل دبلوم تأهيل تربوي بس لما عرفت انو كلوا بالعربي ترددت كثير
سمعت انو في شي اسمو دبلوم ترجمة وتعريب وانو مدته سنة واحدة.....


والسؤال اذا كان فينها تسجل ع دبلوم ترجمة أودبلوم تأهيل .... أي واحد أحسن وشو مميزات كل واحد منهم ... (وكمان شو مصير الطالب الأول ع الدبلوم)؟؟؟؟
و ع فكرة هي بتكره انو تصير معلمة (بعرف شوية القصة معقدة!!!)  *ممم

وسؤال تاني عن جد في ماجستير ترجمة وتعريب بسوريا؟؟؟؟
الكاتب:  حسنااء [ الأحد تشرين الأول 07, 2012 6:17 م ]
عنوان المشاركة:  ؟؟؟دبلوم تأهيل ولا دبلوم ترجمة؟؟؟
أهلا
انا درست دبلوم تأهيل تربوي ....
بصراحة دبلوم التأهيل التربوي عحد علمي مطلوب بالمدارس الخاصة كتير
والاغلبية يلي بيدرسوا كرمال التثبيت يعني في حال كان في مسابقة بكون ليلي معون دبلوم تأهيل تربوي أفضلية في التثبيت ..... بس بما انو رفيقتك ما بتحب التدريس
الأفضل تددرس ترجمة وتعريب ..... شو مميزاتو ما عندي فكرة بس أكيد مفيد بشكل او بآخر
بالتوفيق
الكاتب:  tenar [ الاثنين تشرين الأول 08, 2012 9:21 ص ]
عنوان المشاركة:  ؟؟؟دبلوم تأهيل ولا دبلوم ترجمة؟؟؟
شكرا كثير ع الرد... انا رح خبرها هالحكي .. هي ع كل مقتنعة بدبلوم الترجمة اكثر ... بس ما بتعرف عنو شي
الكاتب:  ornament-z [ الاثنين تشرين الأول 08, 2012 7:10 م ]
عنوان المشاركة:  ؟؟؟دبلوم تأهيل ولا دبلوم ترجمة؟؟؟
طيب شو شروط القبول بدبلوم التأهيل التربوي وإيمت بيبلش التسجيل عليه *ممم
الكاتب:  tenar [ الثلاثاء تشرين الأول 09, 2012 8:40 م ]
عنوان المشاركة:  ؟؟؟دبلوم تأهيل ولا دبلوم ترجمة؟؟؟
الأوراق المطلوبة للمفاضلة هي:
*ورقة غير موظف (بتقدروا تحصلوا عليها من مركز البريد بالجميلية).
*لاحكم عليه
*صور شمسية
*نشرة استعلامات توَزَّع من مبنى كلية التربية عند إعلان بدء التسجيل في المفاضلة

وبالنسبة للتسجيل انا سمعت انو التسجيل انتهى بالجامعات بسوريا إلا بحمص (نظرا للأحداث الأخيرة) لان رفيقتي بدا تقدم بهل كم يوم
الكاتب:  ornament-z [ الأربعاء تشرين الأول 10, 2012 8:46 م ]
عنوان المشاركة:  ؟؟؟دبلوم تأهيل ولا دبلوم ترجمة؟؟؟
مشكورة كتير tenar علمساعدة بس عندي سؤال شو منشان المعدل مين مابدو بيقدم ولا في معدل محدد *ممم  tenar,
الكاتب:  tenar [ الجمعة تشرين الأول 12, 2012 5:37 م ]
عنوان المشاركة:  ؟؟؟دبلوم تأهيل ولا دبلوم ترجمة؟؟؟
هلق أنا ما بعرف وما عندي أي فكرة بس ....

قبل هديك السنة قبلوا 65 عادي.. و61 بالنسبة للموازي..

وهالشي ما بيمنع انو الواحد يجرب حظوا...... :) وعفوا ع التأخير
الكاتب:  ornament-z [ السبت تشرين الأول 13, 2012 1:30 ص ]
عنوان المشاركة:  ؟؟؟دبلوم تأهيل ولا دبلوم ترجمة؟؟؟
شكرا" كتيير علمساعدة والله يجزيكي خير *ورود  *ورود
الكاتب:  tenar [ السبت تشرين الأول 13, 2012 6:36 ص ]
عنوان المشاركة:  ؟؟؟دبلوم تأهيل ولا دبلوم ترجمة؟؟؟
ornament-z كتب:
شكرا" كتيير علمساعدة والله يجزيكي خير *ورود  


هلا والله.. بكل شي بقدر عليه رح ساعدكم...بالأخير نحنا لبعض  :)
صفحة 1 من 1 جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group
http://www.phpbb.com/