آرتين لتعليم اللغات
http://forum.art-en.com/

سؤال بخصوص المفاصلة
http://forum.art-en.com/viewtopic.php?f=58&t=26962		 صفحة 1 من 2
الكاتب:  tenar [ السبت تشرين الأول 06, 2012 10:30 ص ]
عنوان المشاركة:  سؤال بخصوص المفاصلة
سلامات ....  *Hi

عندي طلبين صغار كتير كتير  :mrgreen:

أولا : ان شاء الله بدي سجل مجاستير السنة وبعد البحث بالمنتدى اكتشفت انو لازم ادرس عدة كتب من ضمنهم كتاب applied linguistics سنة رابعة.... وللاسف نحنا اجا لعنا دكتور وعطانا من عندو وما كان في كتاب
لذلك اذا حدا بيعرف من وين بقدر حملوا على الانترنت أو على الاقل قلو لي اسم الكاتب من شان ابحث عنو.......  :cry:

ثانيا: بدي أسأل انوا بعد ما ينجح الواحد بامتحان القيد ويقدم امتحان المعياري... في مفاضلة.. وعادة بياخدو معدل 80 لغويات و 70 أدبيات... وسؤالي هوه كيف يعني مفاضلة... ويا ترى بحقلي سجل بعدة جامعات وشوف وين بنقبل لحتى روح... انا ع فكرة ناوية ادخل أدبيات إذا الله كتبلي...............  :)

ومشكورين سلفا...  :oops:
الكاتب:  ossama [ السبت تشرين الأول 06, 2012 11:05 ص ]
عنوان المشاركة:  سؤال بخصوص المفاصلة
بالنسبه لامتحان القيد__بظن فيكي تقرأي
كتاب سنة أولى تبع اللغه أو
english grammar in use
اما بالنسبه للمفاضله فأنا كمان مابعرف عنها شي
وبالنسبه لكتاب اللغه التطبيقي
فاسمو هو
principles of language learning and teaching
by H. Douglas brown
‏_‏___
___وادعيلي يكون في تقديم امتحان القيد شرطي__لاني جديد رح اتخرج ع هاد الفصل___بالتوفيق انشالله__
الكاتب:  alialiali2011 [ السبت تشرين الأول 06, 2012 11:19 ص ]
عنوان المشاركة:  سؤال بخصوص المفاصلة
انا اسف اني عم اسأل عن شي مالو علاقة بالموضوع بس سؤال للأخ اسامة :
على علمك الجامعة فاتحة اليوم ؟ مشان ما سافر واجي وتطلع مسكرة
ياريت تفيدني اخي وبكون ممنونك
انا نزلت السبت الماضي كان مسكرة
الكاتب:  ossama [ السبت تشرين الأول 06, 2012 12:48 م ]
عنوان المشاركة:  سؤال بخصوص المفاصلة
اخي علي مابعرف اذا فاتحه ولا لأ___بس أنا بكرة رايح اكيد__بشو فيي اخدمك__
الكاتب:  alialiali2011 [ السبت تشرين الأول 06, 2012 1:29 م ]
عنوان المشاركة:  سؤال بخصوص المفاصلة
تسلم ربي يخليك عراسي والله ممنونك يا اسامة
بس انا كمان بكرة رايح بس كنت حابب شوف المسرح اليوم مشان اعرف اذا بلش ادرسا في حال رسبت لأن بكرة بس ارجع وتطلع راسبة رح يكون وقتي محدود جدا
*ورود
الكاتب:  tenar [ السبت تشرين الأول 06, 2012 3:23 م ]
عنوان المشاركة:  سؤال بخصوص المفاصلة
مشكور ع الرد بس سمعت انو كتاب اللغة اسمو applied linguistics  وهادا الكتاب اللي عطيتني اسموا عندي ياه الكتروني ودرسناه منو شوي بالجامعة (بدون ما يطالبونا انو نشتري طبعا)

وبالنسبة للتسجيل الشرطي

انا بعرف انو خاليا في تسجيل شرطي باللاذقية وبنتهى التسجيل 9-10-2012 والامتحان بكون 13-10-2012 بس لازم تكون ضامن انو تنجح موادك بدورة الصيفية .. لانو ما بعتقد رح يستنوا  الطلاب اسا لتقدم دورة...


واذا حدا بيعرف اي شي عن المفاضلة يخبرني رجااااااء  :roll:
الكاتب:  alialiali2011 [ السبت تشرين الأول 06, 2012 3:41 م ]
عنوان المشاركة:  سؤال بخصوص المفاصلة
تينار بالنسبة للكتاب ... اذا نفسو يلي قدمناه هالسنة بعطيك كتابي انا نجحت بالمادة وصار الكتاب عالرف مابقا يلزمني فإيمت ما حبيت انا بالخدمة لا تتردد
الكاتب:  alialiali2011 [ السبت تشرين الأول 06, 2012 3:45 م ]
عنوان المشاركة:  سؤال بخصوص المفاصلة
واذا قصدك غير الكتاب يلي ذكرو الاخ اسامة فموجود عالنت باسم :
(applied linguistics and language study)
فيك تحملو من موقع فورشيرد
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
الكاتب:  tenar [ السبت تشرين الأول 06, 2012 5:06 م ]
عنوان المشاركة:  سؤال بخصوص المفاصلة
مشكور كثير أخي بس مو معقول سافر ع حمص لآخذ الكتاب

انا ساكنة بعيد وكنت بتمنى أصلا

Rediscovering Interlanguage - Applied Linguistics and Language Study
by Larry Selinker, William E. Rutherford

اذا قصدك  هادا الكتاب بحثت النت كلها وما لقيتوا for free

فياريت حدا يعطيني فكرة موجزة عن المحتوى.. بجوز يكون متل ما أخدنا المحاضرات بالجامعة

وشو من شان المفاضلة؟؟؟
الكاتب:  alialiali2011 [ الاثنين تشرين الأول 08, 2012 7:14 م ]
عنوان المشاركة:  سؤال بخصوص المفاصلة
عفوا منك ببالي ياك شب مو بنت
بالنسبة للكتاب يلي كتبتي اسمو اخر شي مزبوط طلع بمصاري مو فري بس لقيت موقع بس تفتحيه بيفتح الكتاب رأسا بدون تحميل .. يعني فيكي تتصفحيه عالنت او تنزلي صفحاتو صفحة صفحة علما انو كل صفحة تعادل 15 صفحة من الكتاب يعني ما بياخد منك وقت
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
صفحة 1 من 2 جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group
http://www.phpbb.com/