آرتين لتعليم اللغات
http://forum.art-en.com/

في امتحان شي لماجستر التأهيل والتخصص؟
http://forum.art-en.com/viewtopic.php?f=58&t=26929		 صفحة 1 من 1
الكاتب:  aziton1 [ السبت أيلول 29, 2012 5:28 م ]
عنوان المشاركة:  في امتحان شي لماجستر التأهيل والتخصص؟
مرحبا
عندي استفسار
في شي امتحان لماجستر التأهيل والتخصص؟
طيب شو نموزج الاسئلة عنو؟ وكإمتحان شو إسمو ووين بقدم عليه؟
الكاتب:  reham.katmah [ السبت أيلول 29, 2012 9:01 م ]
عنوان المشاركة:  في امتحان شي لماجستر التأهيل والتخصص؟
طبعا ماستر التأهيل والتخصص إلو امتحان كتابي وامتحان شفهي
الامتحان الكتابي يشبه الى حد كبير جدا امتحان القيد للماجستير وممكن تلاقي نموذج اسئلة ودورات بالمكتبات
بتقدم عليه بالمعهد العالي للغات طبعا لان ماجستير التأهيل تابع للمعهد
الامتحان الكتابي عليه نصف المعدل بمعنى اخر 50% لمعدل السنوات الاربع و 50%لعلامة الامتحان
الامتحان الشفهي عادة بيكون شكلي الى حد ما بيسألو عن المعدل وعن طريقة التعامل مع الطالب
بيسألوك مثلا اذا اجاك طالب مشاغب بالصف كيف ممكن تتعامل معو او اجاك طالب عمرو كذا كيف ممكن توصلو المعلومة...الخ
بتمنى كون فدتك بشي واذا في استفسارات تانية انا جاهزة
الكاتب:  aziton1 [ السبت أيلول 29, 2012 9:41 م ]
عنوان المشاركة:  في امتحان شي لماجستر التأهيل والتخصص؟
ثانكس عالرد
في بس سؤال صغير
لازم كون عامل امتحان القيد شي قبل ما اعمل امتحان ماستر التأهيل والتخصص؟
الكاتب:  aziton1 [ الأحد أيلول 30, 2012 9:56 م ]
عنوان المشاركة:  في امتحان شي لماجستر التأهيل والتخصص؟
وممكن اعرف شو نمط الأسئلة يلي بتجي؟
لأن اليوم كنت بالجامعة ودورت بكل المكتبات ومافي اي مكتبة عندا اسئلة دورات إلو
واذا بدي ادرس للامتحان من وين لازم ادرس؟ شو الكتب يلي لازم اقراها؟
وسؤال اخير
هلأ الموظف قلي انو المفاضلة بتطلع منسجل عليها وبعدا منعمل الامتحان هالحكي صح؟
لأنو متعودين من اام البكالوريا انو منعمل امتحان بعدين بتطلع المفاضلة
الكاتب:  reham.katmah [ الاثنين تشرين الأول 01, 2012 8:20 م ]
عنوان المشاركة:  في امتحان شي لماجستر التأهيل والتخصص؟
اسئلة امتحان القيد نفس نموذج امتحان التأهيل والتخصص انا ماقدمت غير القيد لان كان بدي ماستر ادبيات بس رفيقتي قدمت وقالتلي النموذج واحد وهو عبارة عن اربع اقسام القسم الاول وهو بيحدد مقدرة بالانكليزية المحكية يعني غالبا بيجي فيه مصطلحات وايديوم و امثلة انكليزية وهل قصص
القسم التاني وهو الاطول والاصعب نص وعليه اسئلة بيجي اربع نصوص وكل نص منهن عليه اسئلة ومفردات
القسم التالت قدرات كتابية يعني غالبا بيجي كلمة مثلا نفس اللفظ بس بيحطو الكتابة اللي لاتناسب النص مثلا
he told he a tail
القسم الرابع بيجيك شغلات متعلة بالبحث الاكاديمي يعني غالبا بيجي من كتاب منهجية البحث
الاسئلة كلها مؤتمتة طبعا
هلق عموما مافي شي يندرس يعني شي مالو منهج هو عبارة عن اختبار مقدرة لغوية بس للقسم الاول بالذات فيك تقرا كتاب القواعد تبع السنة الاولى اللي كان يعطينا ياه الدكتور طلال وخصوصي النكشات اللي فيه
بالنسبة للفحص والمقابلة
اول شي بيطلع بالمعهد العالي اعلان انن بدن يعملو فحص للقيد للماجستير بدك تسجل عليه وبعد كم يوم بيعملو الفحص بدك تضل تسأل  عن هل موضوع لأن مابيطولو بوقت التسجيل يعني 3 او 4 ايام مو اكتر هادا طبعا اذا بدك تسجل بماستر دراسات عليا لغويات-ادبيات
اما اذا بدك ماستر تأهيل فقط اول شي المفاضلة بعدا الفحص متل ماقال الموظف
الكاتب:  aziton1 [ الاثنين تشرين الأول 01, 2012 11:55 م ]
عنوان المشاركة:  في امتحان شي لماجستر التأهيل والتخصص؟
يسلمو ايديكي كتير وريحتيني من ناحية الامتحان انو قريب على امتحان القيد
كنت مفكرو صعب متل امتحان الأدبيات واللغويات
يسلمو ايديكي وموفقة بإمتحان الأدبيات هالسنة اذا ناوية تقدمي
صفحة 1 من 1 جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group
http://www.phpbb.com/