الاختبار الكتابي والشفوي لماجستيرات التأهيل والتخصص بكون الحكم الفاصل للمقدرة اللغوية للمتقدم ... لأن نتيجة هالاختبارين بتنضاف للمعدل العام والمعدل النهائي بيرتفع أو بينخفض حسب نتيجة الاختبارين الشفهي والكتابي والأفضلية طبعاً لأصحاب المقدرة اللغوية الأفضل والأقوى ...

أخي بحمص مافي ماجستير ترجمة لحد السنة الماضي ومافي أي اعلان جديد بهالخصوص ... الموجود حالياً بجامعة البعث دبلوم ترجمة ...
وبتصور ما بحقلك تقدم على ماجستيرات ودبلومات التأهيل والتخصص والدراسات العليا بأكتر من جامعة
وبالمناسبة امتحان ماجستير الترجمة بالمعهد الهالي للغات بالشام دقيق جداً وبيشمل فحص شفهي وكتابي باللغتين العربية والانكليزية ... إن شاء الله قريباً بنزل نموذج عن الأسئلة ...

الحقيقة ما عندي فكرة عن هالكتاب ... لكن بشكل عام اللي بفيدك بهيك حالة أكتر شي هني أسئلة الدوارت لامتحان القيد في الماجستير لغير المختصين -لأن مو متوفر للمختصين للأسف- بنصحك تحصل على نسخة وتآخد فكرة وتحلهم بالإضافة لكتاب التوفل بفيد وأي أسئلة اختبار مستوى بالانترنت بتأدي الغرض المطلوب ... وما تلبك حالك بأشياء ما رح تكون مطلوبة بالامتحان ...

طبعاً الأسئلة دائما أتمتة بتكون ... وبالمقابلة بيختبروا  طلاقتك باللغة وسلامتها ...

الموضوع التالي فيه معلومات بتفيدك وبتلاقي فيه كتير من الأجوبة لأسئلتك
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

بالإضافة لموضوع السنة الماضية في ردود ممكن تكون بتهمك
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

إعلانات الدراسات العليا 2011-2012 على الأغلب تطلع هي السنة بآخر الشهر التاسع

بالتوفيق للجميع إن شاء الله

يعني بتقصد امتحان القيد للماجستير الخاص بالدراسات العليا؟ لأن في امتحان مخصص للغة لماجستير الدراسات العليا وامتحان تاني خاص لماجستير التأهيل والتخصص وتقريباً قريبين من بعض والهم نفس الهدف باختبار المقدرة اللغوية ...

أسئلة دورات الماجستير بتقدر تجيبها من أي مكتبة بتتعامل مع طلاب الجامعة ... موجودة بالنفق مثلاً
بالنسبة لكتاب التوفل نفس كتاب التوفل المعروف بين الطلاب ... في كتير أسئلة على نمط اللي بتجي بالامتحان وأحيانا بتجي نفس مقاطع القراءة منه بس طبعاً ما ضروري تلزم حالك فيه المهم انك تعمل مراجعة شاملة لأهم النقاط اللي بتلاقي إنه لازم تعيدها وتركز عليها

مواقع الاختبار كتيرة ومتنوعة منها الصعب ومنها السهل فيك تعمل عليها بحث على غوغل متل:
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
وأيضاً هاد الاختبار جيد:
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول

بالنسبة للمقابلة فهي ما بتتجاوز ال 5 دقايق أو أقل ... بينسئل فيها أسئلة عامة وبسيطة والهدف اختبار سلامة اللغة وطلاقة الشخص والأسئلة بتختلف من شخص للتاني ... بذكر في بروابط المواضيع بردي السابق حاكين عن هالموضوع بتفصيل أكتر ... فيك تتسلى فيهم وتقراهم

وهي نموذج من الامتحان التحريري الانكليزي لماجستير الترجمة بالمعهد العالي للغات بالشام للي بحب يطلع عليه



بالتوفيق للجميع إن شاء الله

حبيبتي طيب اديش لازم تكون نسبة المعدل مثلا شي 75
اذا مكن تفيدني