مرحبا شباب

حدا عندو فكرة شو هي المواد اللي لازم نحضر مننا مشان هالاختبار المصون ؟؟

بالمناسبة في أقسام تانية قررت المواد .. شي كم مادة اساسية من الاربع سنين .. مواد الا علاقة بالماجستير المقدم اليه ؟؟؟



بليز  اللي بروح ع الجامعة يعرفنا


مشكورين شباب

الحقيقة انو متل ما قال الأخ Safwat بدك تعتمد على قوتك باللغة متل التوفل و ما تنسى انك طالب أدب انكليزي فلازم تتوقع كلشي..
ماني عم قول هالكلام لخوفك.. أنا قدمت الفحص السنة الماضية و نجحت في و ليكني ماجستير و نجحت عالسنة التانية الحمدلله بس يللي لازم تعملو انك تحضر حالك نفسيا أكتر ما يكون ثقافيا لأن ما بعتقد تكون نسيت اللغة بس الشغلة كلها روتين.
الفحص متل ما ذكر سابقا عبارة عن قواعد و نصوص و vocabulary بقا ما تخاف و حول تنظم وقتك بالفحص ولا توقف كتير عالسؤال انتقل عاللي بعدوازا ما عرفتو بعدين بترجعلو
بالتوفيق انشالله

السلام عليكم :

Desperado :

س كأن مغير بملفك , لاحظنا



يعني لسا ناوي تدرس الماستر هون ام تطلع عانكلترا  



بس اول شي سؤال :

انت وين حتقدم الفحص بجامعة دمشق ام البعث , علماً انو وين ما قدمت بيمشي الحال في حال حبيت تسجل بجامعة غير اللي قدمت فيها هاد الفحص ؟

مشان المواد :

حكو كتير عنها و انو عشو لازم نركز

خدلك هالكم اقتباس :








................
 Q


 A


...........................

أما المفاجئة :

مشان أسئلة الدورات السابقة :



طلع موجود أسئلة دورات سابقة للمختصين بالنفق و سعرا 75 ل.س , مبارح سألت و شفت بس للأسف ما كان معي 75

فعأساس اليوم روح نطلع عليهم .

كان بدي شير لهلملاحظة بعد ما جيبن , لأن بخاف روح لائي الجماهير عالباب و ما يطلعلي دور  

متل ما صار بالتسجيل , وهاد ان دل فبدل على شعبية آرتين

بتمنى ما ذكرته يفيد

موفقين  

.....................

يا جماعة الخير .. أنا ما قصدت اختبار اللغة .. واو كلكن مجاوبيني ع اساس هيك ..اووووووووه

انا قصدت اختبار القبول  تبع الماجستير .. الي بدو يصير بدءا من 15  9  و هادا قرار جديد  تبع مجلس التعليم العالي  رقم 433  بخصوص القبول بالدراسات العليا


ما معئول اسأل عن اختبار اللغة تبع 21 8    اووووووووووه

بتمنى يكون هالقرار مزبوط
ايييييييييييييييييييييييه لو كانو مطالعينو السنة الماضية شو كان صار....؟؟؟
كنت عالأقل دخلت الفرع يللي بحبو بجدارة و بدون منافس بس شو بدنا نعمل الحمدلله على كل حال..
أي أخ Desperado ازا كان هالقرار مزبوط(انشالله) بدك تعمل حسابك تكون محضر كلشي بيتعلق بعلم اللغة:
Phonology, morphology, syntax, semantics and pragmatics
يعني لمحة شوي متمعنة بكل قسم ذكرته من أقسام علم اللغة وركز أكتر شي عالصوتيات لأن الدكتور طيفور رح يكون محضر كام سؤال متل العادة بيحتاجو تكون متمرس لتجاوب عليهن..
ازا بدك ترجع تتزكر الصوتيات بشكل واضح و بسيط و شامل مالك غير كتابي المفضل : English Phonetics and Phonology by Peter Roach
و باقي الأقسام فيك تقرا عنهن بكتابين الأول اسمو An Introduction to Language by Victoria Fromkin and Robert Rodman
و التاني اسمو  Applied Linguistics بيتدرس عنا لطلاب السنة الرابعة
وبالتوفيق يا رب يمكن ازا الله يسرلي أنا كمان قدم عالفحص...

شكرا ع هالمعلومات شيما

بس في حدا عندو فكرة اننو عت جد رح ننسئل من هيك كتب

في شي رسمي يا ترى

بالنسبة للقرار شيما  صح مية بالمية انا رحت ع الوزارة و قالولي هي

لا طبعا مافي شي رسمي بس منطقيا هاد يللي صاير لأن هي الكتب يللي تدرست بهالخصوص خلال السنوات الأكاديمية للطلاب يللي رح يتقدمو للماجستير.
و ازا بدك شي من خارج هي الكتب عندي مراجع قد ما بدك و بكل الاختصاصات المذكورة سابقا.

عن جد شكرا شيما وانا متوقع انو ننسئل من هيك كتب كمان .. بس بدي اسئلك كتاب applied linguistics  اللي عم تحكي عننو بيختلف عن Introduction too Language   نحنا بالشام ما كان عننا غير هالكتاب التاني

و عن جد بتعطيني مراجع من عندك ؟؟
بالمناسبة انا بدي قدم هالاختبار عندكن بحمص


مشكوره مس شيما