أهلا آدم ولا يهمك شو بيخطر عبالك أنا جاهز للإجابة .. ضمن حدود امكانياتي طبعا .. هاد يا سيدي قلتلك الأدبيات أصعب بيناء على رأي الشخصي لا أكثر ولا أقل .. يعني حسب ما شفت و قارنت من طبيعة الدوام و طبيعة المواد و و و لقيت الأدبيات أصعب بكتير .. بالأدبيات عندك شي اسمو برسنتيشنز .. و الدكاترة بيهلكوك بالبرسنتيشنز .. و تقريبا كل اسبوع بتقدم وحدة . . بينما بالغويات هالشي قليل كتير و بيتفرغو للدراسة النظرية أكتر .. طبعا ماهجون أخف .. و موادون أسهل لأنا لغوية بحتة .. بالأدبيات في 5 مواد .. مادة الأدب الإنكليزي و بتنقسم ل3 أقسام .. قسم الرواية و قسم الشعر و قسم المسرح .. بعدين مادة الأدب الأمريكي .. و هي عبارة عن نوت تاريخ و حياة شعراء و نشوء الأدب الأمريكي بالإضافة لتناول قصائد 25 شاعر أمريكي .. بعدين مادة النقد الأدبي و هي الأصعب .. في كتاب بينعطى و هالكتاب على مستوى عالي من حيث الأفكار و اللغة .. وهو عبارة عن مقالات أصلية للنقاد .. يعني بتاخد النقد من رولان بارت فورا يعني .. بدون ما يكون حدا عم يقدم أفكار بارت بطريقتو الخاصة .. بعدين مادة الأدب المقارن و هي مادة كتير حلوة و عملية .. خلال السنة بينعطا أشيا نظرية و بعدا تطبيق عليها .. و قارنا نحنا بالسنة بين مسرحية و مسرحية .. قصيدة و مسرحية .. فيلم و مسرحية .. و رواية و مسرحية .. كتير حلوة المادة .. و أخيرا في مادة الأدب العالمي .. هي عبارة عن دراسة أعمال عالمية .. صعوبة الأدبيات بتكمن بالشغل الكتير أثناء العام ..و الواحد ما بصرلو وقت يقرا مشان امتحان النظري منيح .. كل الوقت بيمضى بالتحضير للعملي .. و بضل شهر او شهر ونص للنظري .. و الدوام الزامي طبعا .. و بدو واحد يكون الو مراق بالأدب حتى يدخل هيك اختصاص و الا رح يضيع .. بقا انت حسب ميولك حدد رغبتك الأولى .. اذا بتهوى الأدب أكتر عالأدبيات فورا .. اذا الك هواية بالمواد اللغوية سجل لغويات ..
اقتباس:
و شو لازم حط بالمفاضلة بالأاول ع اساس معدللي هاد ؟؟
ما تسأل هيك سؤال .. اسأل حالك شو بحب أنا أكتر .. لغويات ام ادبيات .. الي بتحبو أكتر حطو رغبة اولى .. بحقلك تسجل 3 رغبات .. أنا حطيت رغباتي لما سجلت : 1- أدبيات 2- لغويات 3- دبلوم ترجمة
بقا دعي لربك و ان شاء الله بوفقك .. موفق يا رب .. و أي شي تاني انا جاهز متل ما قلتلك
,واو كتير مفيدة هالمعلومات و الله من غيرك كنت تايه و ما حدا عم يجاوبني .. منبعت ناس عالجامعة بالبعث بئومو بطفشوهن بجئارتن ... بالنسبة لميولي أنا و الله بموت باللغويات و كنت مفكر اننو الأدبيات أسهل من هيك يعني متل ما كننا ندرس بالجامعة .. روايتين و مسرحتيين و يللااا ع الماشي .. و هلئ رغم اني بحب الروايات و المسرح بس مع هالكم اللي عم تحكي عننو .. لا عمو ما بدي هالمصلحه .. انا بدي روح ع أهلي كل يوم و التاني اللغويات منيحة و فييو الواحد يكمل عليها شي حلو برا خصوصا اننو في ألف أختصاص برا بيناسبها و خصوصي Applied Linguistics هالفرع اللي بمووت فيو أنا ازن رح حط رغباتي عالشكل التالي :
1- لغويات 2-أدبيات
ما بدي دبلوم لأننو شكللو ما بفيدني و لا حتى بأجلني عن الجيش لأنو موليدي أنا 83 ففات علي القطار بالنسبة للتأجيل ع الدبلوم هلئ بدي أسألك ؟؟ نا بصير حط الرغبة التالتة ما جستير تعليم اللغة الانكليزية تبع المعهد العالي و للا هادا صار بمكان تاني ؟؟
و ياريت تنويه عن شو هن و كم وحده بالزبط مواد اللغويات ؟؟
و مشكوور كتتير أخ علاء كأنو ما بعرف هيك بيوحي اسمك .. الله يعطيك ألف عافية يا رب و ينوللك من عندو اللي بحبو ئلبك بجاه شهر رمضان الفضيل اللي جاي ع البواب ياااااارب
يمكن التقدم على أكثر من اختصاص في الوقت نفسه و حين صدور نتائج المفاضلة يختار الطالب الاختصاص الذي يرغب به( في حال تم قبوله) ثم التسجيل.
جامعة دمشق
المواد التي يتم تدريسها في:
1- دبلوم الترجمة و التعريب - 69% فما فوق : -دراسات لغوية - تعريب - ترجمة - ترجمة فورية - لغة أوربية ( في الفصل الأول و الثاني لا تتغير المواد- 5 فصل أول و 5 فصل ثاني)
2- ماجستير اللغويات - تقريباً 70% فما فوق: -لغويات عامة - علم اللغة الاجتماعي - علم المعاني - دراسات لغوية - منهجية البحث - علم اللغة النفسي - دور علم النفس في تعليم اللغة - تحليل الخطاب و البراغماتية
3- ماجستير اللغويات التطبيقية - 72% فما فوق -إدارة التعليم - علم اللغة النفسي - دور علم النفس في تعليم اللغة - تحليل الخطاب و البراغماتية - استخدام الحاسوب في تعليم اللغة الانكليزية - القياس و التقويم
4- ماجستير الأدبيات - 72% فما فوق: -أدب أميركي - مسرح - منهجية البحث - نثر - شعر - دراسات في الأدب -نقد أدبي .................
هلأ بكل صراحة هالسؤال أصعب سؤال كان ذهني وقت سجلت ولهلأ ما عرفت جوابه
أنو ازا مسموح سجل مفاضلة بحمص ومفاضلة بالشام وبوزارة التعليم العالي ما عرفو يجاوبوني
أحد الموظفات بحمص قالتلي سجل دبلومات بالشام وماجستيرات بحمص (مسموح) موظفة الشؤون بالشام قالتلي ازا مقدم طلب بالبعث جاي تقدم هون بينشطبو ال2 (ممنوع)
موظف شؤون الوزارة قلي بكل بساطة : ما بعرف ... يمكن لازم كنت اسأل بوزارة الري أو الكهربا وانا رحت بالغلط عالتعليم العالي !! فللأمان اضطريت اسحب طلبي من المعهد العالي للتنمية الادارية بالشام _الحلبوني واسحب مفاضلة الدراسات من جامعة دمشق خوفاً من شطب الكل واخترت البعث
الأضمن الك أنك تختار جامعة وحدة وتقدم فيها دبلومات وماجستيرات حسب الأولوية اللي انت بتختارها ومن ضمن ال6 خيارات تحط الموازي مثلاً
أولا مشان العزيمة لا تهكل هم ابدا انت و السيد علاء ... هاي مضمونة مية بالمية .. أنا عند وعدي و بالمكان اللي بدكن ياه و شغل شباب ما الو لزوم الرفض ابدا I do insist
و شكرا ع معلومات اليوم المفيدة جدا .. ما رح سجل الا بالبعث و بس .
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى