آرتين لتعليم اللغات
http://forum.art-en.com/

برنامج ماجستير الدراسات الأدبية للعام 2009\2010
http://forum.art-en.com/viewtopic.php?f=58&t=18929
صفحة 1 من 1

الكاتب:  Odysseus [ الجمعة تشرين الثاني 13, 2009 2:18 ص ]
عنوان المشاركة:  برنامج ماجستير الدراسات الأدبية للعام 2009\2010

الإثنين: أدب مقارن .. د. مؤيد ججو   ..... من 9 -12 في القاعة (1).
            أدب انكليزي (شعر - مسرح ) .. د. ابراهيم اسماعيل .. من 12 - 2  في القاعة (1).

الثلاثاء: أدب أمريكي .. د. فؤاد عبد المطلب .. من 8 - 11 في القاعة (8).
          أدب انكليزي (رواية) ..  د. واصف السلامي .. من 11 -12 في القاعة (8).

الخميس:  أدب عالمي .. د. الياس خلف . . من 9 - 12 في القاعة (8).
           النقد و نظرية التطبيق .. د . محمد العلي .. من 12 - 4 في القاعة (8).

-----
طبعا هاد البرنامج للي بحب يطلع و مو بس للطلاب المعنيين :mrgreen:  

و اذا في طلا معنيين .. فبقلون انو اليوم اجا الدكتور الياس و قللنا انو رح نبلش ب "النبي" لجبران خليل جبران  و قللنا نجيبا بالعربي و الإنكليزي .. بدنا نعمل مقارنة :mrgreen:

الكاتب:  زمردة [ الجمعة تشرين الثاني 13, 2009 2:41 ص ]
عنوان المشاركة:  برنامج ماجستير الدراسات الأدبية للعام 2009\2010

Ala Al-Ibrahim,  
بالتوفيق يا رب أخ علاء إلك و لجميع الطلاب  *1
اقتباس:
و قللنا انو رح نبلش ب "النبي" لجبران خليل جبران  و قللنا نجيبا بالعربي و الإنكليزي .. بدنا نعمل مقارنة

هلأ نحنا بالترجمة كان عنا مادة اسمها "لغويات مقارنة" و كانت كتير حلوة و كنا ندرس الفرق بين اللغات من عدة نواحي و حتى الثقافات أحياناً ... هون بما إنكم رح تقروا نفس العمل باللغتين شو رح تقارنوا؟ الترجمة مثلا ... أكيد لا  :mrgreen:
الحلو بالموضوع إنه العمل "لجبران خليل جبران" الحقيقة ولا مرة قريتله عمل كامل بس قارية كتير مقاطع جميلة إله

سؤالي ما النقاط اللي رح تقارنوها و تركزوا عليها؟  *ممم

الكاتب:  Odysseus [ الجمعة تشرين الثاني 13, 2009 3:14 ص ]
عنوان المشاركة:  برنامج ماجستير الدراسات الأدبية للعام 2009\2010

عبير,

الله يسلمك اخت عبير.. شكرا كتير الك و ان شاء الله السنة الجاي انتي بتكوني ماجستير تخصص (إذا كان لسا بدك) :roll:

اقتباس:
كنا ندرس الفرق بين اللغات من عدة نواحي و حتى الثقافات أحياناً


شي حلو .. أنا بحب هيك مقارنات ..

اقتباس:
هون بما إنكم رح تقروا نفس العمل باللغتين شو رح تقارنوا؟ الترجمة مثلا ... أكيد لا


هلق أكيد ما رح نقارن الترجمة .. و بصراحة ما بعرف شو بدنا نقارن بالظبط ..  بس طالما المادة "أدب عالمي" و مو مقارن فما بعتقد رح يكون كتير التركيز عالمقارنة .. إلا اذا كان في اختلاف بين الترجمة و النص الإنكليزي ..
هلق انتو .. كونكون ترجمة فأكيد رح تقارنو اللغة .. أما نحنا فالمفروض انو نقارن عملين أو أكتر مع بعض ..  التشابه و الإختلاف .. تناولون لفكرة ما .. هيك أمور يعني ..
على كل  "اذا" حصل و قارنا تبقا برجع بحكي شو قارنا :wink:

اقتباس:
الحلو بالموضوع إنه العمل "لجبران خليل جبران" الحقيقة ولا مرة قريتله عمل كامل بس قارية كتير مقاطع جميلة إله


و أنا  كمان قاري مقاطع ..  و كنت كتير حابب اقرالو بس ما كانت عندي المروة :mrgreen:  أما هلق فصرت مجبر اني اقرالو :mrgreen:  .. مو بكيفي يعني ههه

الشي الي بخلي الواحد يتفائل بهالمادة انو الدكتور قللنا انو انتو اذا بدكون اختاروا شو بدنا ناخد أعمال .. من الأدب العالمي يعني .. و هيك بكرا بدي اقترح عليه الخيميائي لباولو كويلو .. و ان شاء الله يوافقو معي بقية زملائي  :roll:  لأنها من أحلى الروايات العالمية .. و ملائكة و شياطين كمان :mrgreen:

الكاتب:  سيرين [ الجمعة تشرين الثاني 13, 2009 9:10 ص ]
عنوان المشاركة:  برنامج ماجستير الدراسات الأدبية للعام 2009\2010

Ala Al-Ibrahim,  

بدي قلك علاء إن شاء الله يا رب موفق أنت و غاندي و باقي الشباب و الصبايا إذا كان في :wink:
و أكيد ما عنا شك أنك رح تكون, بإذن الله , مميز بالماجستير متل ما كنت مميز خلال فترة دراستنا بالجامعة  *1
اقتباس:
طبعا هاد البرنامج للي بحب يطلع و مو بس للطلاب المعنيين

أكيد الله يعطيك العافية على البرنامج , لأني فعلاً كان بدي أسألك عليه  :wink:
و أنا من المطلعين المهتمين متل ما بتعرف , يعني مو من المعنيين  8)

و بخصوص عمل " النبي " ... أنا قريت هاد العمل من 3 سنين , بس شكلي رح أرجع أقراه مرة تاني لحتى أتذكر مضمونو *sla

ما بعرف ليش عندي إحساس أنو هالمادة رح تكون سهلة كتير إن شاء الله  :wink:
يمكن لأنو البداية كانت مع جبران كونو عربي , و النص العربي مترجم للانكليزي يعني ما في تعقيد بالنص  :roll:

بجميع الأحوال موفقين و أكيد Good luck  *ورود  :wink:

الكاتب:  Odysseus [ الجمعة تشرين الثاني 13, 2009 2:43 م ]
عنوان المشاركة:  برنامج ماجستير الدراسات الأدبية للعام 2009\2010

سيرين,  

*1
اقتباس:
بدي قلك علاء إن شاء الله يا رب موفق أنت و غاندي و باقي الشباب و الصبايا إذا كان في


تسلمي و الله يوفقك انتي كمان  يا رب  *1
اقتباس:
موفق أنت و غاندي


:mrgreen:  
أحلى شي مبارح أخدنا محاضرة أنا و غاندي لحالنا  :lol:  :lol:  
كتير حلو شخصين بس ياخدو محاضرة .. شوفي عالهدوء الي بالقاعة :mrgreen:

اقتباس:
و بخصوص عمل " النبي " ... أنا قريت هاد العمل من 3 سنين


جبران من أعظم أدباء المهجر .. و أنا كتير بحب اقرالو ..  و ان شاء الله ما رح اكتفي "بالنبي" ...
اقتباس:
ما بعرف ليش عندي إحساس أنو هالمادة رح تكون سهلة كتير إن شاء الله  


الله يسمع منك .. و أنا هيك متفائل .. و متفائل لأنو كل الدكاترة الي اجو علينا بالماجستير بحبون و بلاقي التعامل معون "سهل"  *1

اقتباس:
و النص العربي مترجم للانكليزي يعني ما في تعقيد بالنص  


يمكن العكس هو الصح :mrgreen:  يعني العمل بالإنكليزي و تترجم للعربي لاحقا :roll:

اقتباس:
بجميع الأحوال موفقين و أكيد Good luck


ثانكس جداا  و غود لك الك كمان  *1  *1  *1

الكاتب:  زمردة [ الاثنين تشرين الثاني 16, 2009 5:14 ص ]
عنوان المشاركة:  برنامج ماجستير الدراسات الأدبية للعام 2009\2010

Ala Al-Ibrahim,  
اقتباس:
شكرا كتير الك و ان شاء الله السنة الجاي انتي بتكوني ماجستير تخصص (إذا كان لسا بدك)

 
Who knows" everything is written"!  :wink:

اقتباس:
هلق أكيد ما رح نقارن الترجمة .. و بصراحة ما بعرف شو بدنا نقارن بالظبط ..  بس طالما المادة "أدب عالمي" و مو مقارن فما بعتقد رح يكون كتير التركيز عالمقارنة .. إلا اذا كان في اختلاف بين الترجمة و النص الإنكليزي .. هلق انتو .. كونكون ترجمة فأكيد رح تقارنو اللغة .. أما نحنا فالمفروض انو نقارن عملين أو أكتر مع بعض ..  التشابه و الإختلاف .. تناولون لفكرة ما .. هيك أمور يعني ..
على كل  "اذا" حصل و قارنا تبقا برجع بحكي شو قارنا

معناها بتصور يصير مقارنة بالأمور اللي بتتعلق بالنقاط المترجمة اللي إلها علاقة بالثقافة المختلفة للغتين و كل وحدة كيف اترجمت حسب ثقافة اللغة *ممم
ياريت تخبرنا شو قارنتوا  *sla و ممكن نتابع نقاش فيها بموضوعك المميز Literary Works... And Quotations! بعد قرائتها  :wink:
اقتباس:
و هيك بكرا بدي اقترح عليه الخيميائي لباولو كويلو .. و ان شاء الله يوافقو معي بقية زملائي    لأنها من أحلى الروايات العالمية

فعلاً الخيميائي من أغنى الروايات و أحلاها *اي إن شاء الله يوافقوا

بالتوفيق

الكاتب:  Desperado [ الأربعاء آب 04, 2010 9:25 م ]
عنوان المشاركة:  برنامج ماجستير الدراسات الأدبية للعام 2009\2010

يا ريت تخبرونا عن ناجستير الأدبيا ت اكتر   عن كل مواد السنة  يعني ؟؟؟

الكاتب:  Desperado [ الأربعاء آب 04, 2010 9:27 م ]
عنوان المشاركة:  برنامج ماجستير الدراسات الأدبية للعام 2009\2010

انا معدلي 68.47   في الي فرصة بالموازي   بالله عليكن تخبروووووووني ...

الكاتب:  lovevoice [ الثلاثاء أيلول 07, 2010 5:17 ص ]
عنوان المشاركة:  برنامج ماجستير الدراسات الأدبية للعام 2009\2010

يا جماعة سؤال
في حدا بيعرف انو دبلوم التأهيل التربوي بشكل عام ايمتا بيداومو؟
والدوام الزامي او لا ؟
واذا الزامي ضايعة الطاسة ولا في تدقيق ؟
مشكورين

صفحة 1 من 1 جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group
http://www.phpbb.com/