A..R..W..A,  
الله يعطيكي العافية عزيزتي أروى  

حابة أسأل عن الي قدمو ماجستير السنة الماضية وما نجحوا يا ترى هية السنة بدن يردو يقدموا ويدفعو رسوم ولا يُعتبروا مسجلين؟
وسؤال تاني يلي بيعرف بالنسبة لماجستير التخصص أو دبلوم التخصص انو هو بيعتمد على فحص القبول بعتقد مو عالمعدل للطالب    
 

أوشة,  

العفو ... أنا متخرجة ترجمة من التعليم المفتوح ... و الأخبار اللي قلتها أكيدة و لو مو متأكدة مابكتبها   نحنا دائما منعتبر موازي ... و هالحكي مطبّق من سنتين ... حتى بالنسبة لطلاب التعليم المفتوح  اللي درسوا ماجستير ترجمة بالمعهد العالي للترجمة بالشام و كانوا من الأوائل بالتعليم المفتوح دفعوا 60 ألف ... و في حال كان أحد الأبوين أو الطالب نفسه مدرّس بسوريا و منتسب لنقابة المعلمين فبصير في حسم 20% و بيتخفض المبلغ لـ 48 ألف بالسنة ... طبعا برجع بقول مابعرف إذا ممكن يتغير شي هالسنة

موفقة إن شاء الله  

Raghad,
 
حسب ماسألت بيعتمد على التنين ... بعد النجاح بالامتحانين الكتابي و الشفهي ... بيجمعوا علامة الامتحان الكتابي + الامتحان الشفهي+ المعدل النهائي بالجامعة و بقسموهم على 3 و هيك بيطلع المعدل اللي رح تتفاضلي عليه و حسب العدد المطلوب بيآخدوا من الأعلى فالأدنى  ... و اللي معدله قليل ممكن يرفعه بعلامات التحريري و المقابلة

Raghad, الله يعافي قلبك حبيبتي بالنسبة لفحص الماجستير كل ما رسب الواحد بدو يرجع يقدم مرة تاينة متلو متل اي حدا تاني و بدو يدفع الرسوم و فحص الماجستير تبع اللغات بيعملوا كل كام شهر مو كل سنة يعني فيو الواحد يقدم عليه اكتر من مرة بالسنة ... بس للاسف شروطو تعجيزية و ما بيدخلو الا كل طويل عمر و السنة الماضية كان من كل الدفعة اللي قدمت 12 طالب نجحوا بالماجستير بس .. و بالنهاية الترفيق من الله و الواحد يعمل اللي عليه

و بالنسبة لماجستير و دبلوم التأهيل و التخصص فكلام عبير مزبوط مية بالمية ... في كتير ناس معدلاتن 60 او حتى اقل و نجحوا فيه بسبب الشفهي و الكتابي و في ناس معدلاتا عالية و نجحت بالكتابة بس رسبت بالشفهي

عبير,   A..R..W..A,  
شكراً كتير الكم والله يعطيكم ألف عافية  

انا  عندي سؤال لو سمحتم
 اذا طلعلي دبلوم ترجمة او تأهيل  كيف بصير الدوام الزامي او لا؟
لأنو عندي شغل وبخلص 5 المسا مستحيل اقدر  احضر الا بأجازة  وانا كتير حابة ادرس واشتغل بنفس الوقت ساعدوني باجابات او اقتراحات


ثانكيو للكل وموفقين      

ميمي-انكليزي,  
والله أنا الي بعرفو انو دبلوم التأهيل التربوي أو دبلوم التخصص تنيناتن فين عملي يعني ما بيصير يكون في غياب أبداً إلا للحالات الضرورية يعني شي يوم بالشهر .. بالنسبة للترجمة ما عندي فكرة    وان شاء الله يارب بتطلع النتايج عن قريب ومنتطمن  

النتائج رح تصدر يوم الإثنين 19/10/2009 على الموقع الرسمي لجامعة البعث:
عذراً, يجب أن تسجل من هنا لترى الرابط إذا كنت عضواً, فقط قم بتسجيل الدخول
والله الموفق للجميع