أولا هناك اختصاص ترجمة وتعريب في كليتنا
ويحق لك المفاضلة في كل الجامعات
ولكن أنصحك بزيارة قسم الدراسات العليا والسؤال عن كل شيء تريدينه أو ربما تقرأين في لوحة الاعلانات الدراسات العليا الشروط المطلوبة للمفاضلة سواءا الترجمة أو الاختصاصات الأخرى
ملاحظة: كحد أدنى يجب أن يكون معدل السنوات الأربع جيد للتفاضل
وأتمنى لك التوفيق

انا حابة علق بس بدون زعل انا سافرت من الشام ع حمص مشان اسأل هالسؤال
وكل مكتب يبعتني على مكتب بالاخير قالتلي موظفة روحي على بناء الشؤون واسألي بشعبة الدراسات العليا
ولما رحت لهنيك قالتلي الموظفة ادخلي على موقع البعث بتعرفي !!!!!!!!!!!!!!!!!
لهيك انا بسأل بالمنتدى لأنو الطلاب فيهن نخوة اكتر  

وعليكم السلام
- موجود بحمص دبلوم ترجمة
- المعدل لازم يكون عل قليلة فوق الستين
- المعدل لماجستير الدراسات العليا كان بحدود 64
- طريقة حساب المعدل بتجمع علاماتك بكل السنين و بتقسم المجموع على عدد هل مواد.
وبخصوص التفاضل باكتر من جامعة ما عندي اي فكرة.
و بالتوفيق و بتمنى كون فدتك بشي.

السلام عليكم
بالنسبة لحساب المعدل فهوي كالآتي :
معدل كل سنة =مجموع المواد/ عدد المواد
طبعا هالعملية تطبق على الأربع سنوات وبعدين تجمع المعدلات الأربعة وتقسم على 4 وليس جمع علامات المواد بالأربع سنوات و تقسيمها على عددها لأن الطريقة الأولى هي المتبعة بالإمتحانات
و الله الموفق