طلاب الرابعة أو المشرفين ساعدوني ؟؟!!

S N I P E R · **Posted:** Fri Apr 04, 2008 12:21 am

مرحبا يا زملاء ..

انا طالب انكليزي ترفعت ع الرابعة ترفع فصلي و حامل مادتين من الفصل الاول من السنة الثالثة و يدي نزل مادتين من السنة الرابعة ( فصل ثاني )
مشان هيك حابب اسأل طلاب الرابعة عن شي مادتين صعبات يكونوا مشان نزلهون لانو هالفصل ما عندي كتير مواد ....

بتمنى الرد من المشرفين او الاعضاء يلي عندهون علم بالموضوع بأسرع وقت .

و الشكر للجميع .

Raghad · **Posted:** Fri Apr 04, 2008 1:12 am

S N I P E R,
أهلا وسهلا فيك

Quote:

مشان هيك حابب اسأل طلاب الرابعة عن شي مادتين صعبات يكونوا مشان نزلهون لانو هالفصل ما عندي كتير مواد ....

كلن

نقي على كيفك :mrgreen:

في عندك العالمي د .حلمي :wink:

مقارن د. جانسيز
مسرح د. فؤاد

هلأ من ناحيتي أنا بعتبر هدول أصعب من الباقي (الترجمة - الأميركي - طرائق التدريس) :wink:

بالتوفيق ان شاء الله و إذا في أي استفسار نحنا جاهزين *ورود

Safwat · **Posted:** Fri Apr 04, 2008 2:27 am

Raghad,

سبقتيني

S N I P E R,

موفق

Rami Hanna · **Posted:** Sat Apr 05, 2008 1:54 am

يعني Raghad كفت و وفت
انا برأي مسرح و أدب عالمي

اللؤلؤة · **Posted:** Sat Apr 05, 2008 2:36 am

أنا برأيي
مسرح حديث للدكتور فؤاد عبد المطلب
وأدب عالمي للدكتور محمد حلمي الأحمد

سنا · **Posted:** Sat Apr 05, 2008 10:20 am

والله المسرح بيطلع متل ما طلع الفصل الماضي وكدراسة بتدرسوا متل كل سنة تعودنا عليه ..
والعالمي متلو متل النثر كمان متعودين عدراستو ومشكلتنا ما مع الصعوبة بل مع الدكاترة ...
أما المقارن فهاد اللي ما عارفين كيف ندرسوا ... وبما انو الدكتور جانسيز مستلمو واحتمال كبيير انو يتأتمت .. فأكيد رح يكون جدا جدا صعب ..
كرمال هيك تأكد من المقارن اذا مأتمت نصيحة مني نزلو ...

S N I P E R · **Posted:** Wed Apr 09, 2008 5:19 am

شكرا الكون (( رغد , صفوة , رامي , نورا و ارتي )) و انا عملت متل ما قلتلولي و نزلت المسرح و الادب العالمي ..

بس هلق عندي كم سؤال اذا ممكن تجاوبوني :mrgreen:

شو هنن الكتب المطلوبة بمادة المسرح ؟؟ و نازل بكوة التصوير فصول من كتاب الدراما مطلوبة كلها ولا محدد شي معين فيها ؟؟؟

و بمادة الادب العالمي كمان شو هنن الكتب المطلوبة ؟؟ و بتنصحوني احضر هالمادتين ولا مو كتير ضروري ؟؟

و بالنسبة للبرنامج بكوة التصوير صحيح ولا متل ما سمعت مخربط ؟؟

و شكرا للجميع مرة تانية .. *ورود

Raghad · **Posted:** Wed Apr 09, 2008 10:44 pm

S N I P E R,
ميييييية ويلكم *ورود

Quote:

شو هنن الكتب المطلوبة بمادة المسرح

عدو الشعب و ايفانوف :wink:

Quote:

و نازل بكوة التصوير فصول من كتاب الدراما مطلوبة كلها ولا محدد شي معين فيها ؟؟؟

في تشابترين بكوة التصوير بخصوص المسرح لازم تجيبن + حياة الكاتب

Quote:

و بمادة الادب العالمي كمان شو هنن الكتب المطلوبة

Crime and Punishment
Three Tragedies
هدول لحد الآن :mrgreen:

الله أعلم إذا بيطير و بيلحق شي عمل تالت :mrgreen:

Quote:

و بتنصحوني احضر هالمادتين ولا مو كتير ضروري ؟؟

يعني دايما" الحضور أحسن من عدمو :roll:

It's up to you

Quote:

و بالنسبة للبرنامج بكوة التصوير صحيح ولا متل ما سمعت مخربط ؟؟

بالنسبة لهالمادتين : المسرح يوم الاحد الساعة 2
و العالمي التلاتة الساعة 1 ونص
و الأربعا الساعة 11 ونص
طبعا" محاضرتين بالأسبوع :wink:

جخ

بالتوفيييييييييق *ورود

S N I P E R · **Posted:** Thu Apr 10, 2008 10:59 pm

شكرا كتير الك يا رغد .... كلك ذوق *ورود

Quote:

طبعا" محاضرتين بالأسبوع جخ

جخيت

بالنسبة لحلقة بحث المسرح المعيدة لانا عم تتقيد بالفئات ولا فيه الواحد يحضر بأي مكان ؟؟ و أيمت ناوية تكلف ؟؟ و عم تسجل اسماء :mrgreen:

عم عذبك معي بس انا بعيد عن حمص مشان هيك اسئلتي كتيرة شوي :oops:

الملاك · **Posted:** Thu Apr 10, 2008 11:58 pm

S N I P E R,
بالنسبة لحلقة البحث
الحضور ما ضروري

وهي كلفت بمواضيع ونزلت مواعيد المناقشة

اشتطرت 3 مصادر عالأقل مع البتعاد الكلي عن الانترنت

كل المواضيع اللي طلبتن بخصو مسرحيات ايفانوف وعدو الشعب
أو ابسن وتشيخوف

Latest Posts

Forum rules

طلاب الرابعة أو المشرفين ساعدوني ؟؟!!