مسا الخير طلاب
ياريت تساعدوني بلأدب الأمريكي سنة رابعة
أنا درستا منيح وقدمت وتوقعت تنجح بعلامة منيحة بس للأسف رسبت
كيف بتنصحوني إدرسها وياريت إذا حدا بيساعدني وبيذكرني بالأسئلة اللي إجت بالأمتحان
ولكم جزيل الشكر

انا كمان درستها كتير منيح وهي المادة الوحيدة اللي كنت متاكدة من نجاحها انا وكتير من رفقاتي كمان بس للاسف رسبت معنا كلياتنا وبعلامة ماكتير حلوة
وانشاالله شي حدا من اللي نجحها بيساعدنا وبخبرنا عن الاسئلة لان انا كمان ماني متذكرتن

شو ياجماعة ماحدغا بدو يساعدنا

ornament-z,
اقري الروايتين بالانكليـــــــــــــــــزي... فينك تقرين اد مابدك بالعربي بس بلأخير لازم تقرين و لو دور بالانكليزي.
ادرسي يلي نقلن الدكتور مزبوط و جربي كتبي و علقي متلن بس بكلماتك انتِ..
أهم شي بالفحص تقيدي باجابتك بعدد الاسطر يلي طالبها.
راجعي فعل كل جملة و فاعلها _ و لا تقولي بعرف ..أو متأكدة ..طلعي علين بتأني أد مافيكي ..اقري شو كاتبة مو يلي حاطة بعقلك انك كاتبتيه_

لاتشطحي بخيالك كتير كمان بالفحص
لا تبدعي و لا تكتشفي اي شي ما جايب سيرتو الدكتور أثناء المحاضرات بخصوص الشخصيات...قايلك فلانة كويسة ..قوليلو كويسة ع عيني و راسي و كتبي قواعد صح و خط واضح.
هلأ مثلا بسؤال هيستر الأول اجابتك ح تكون اكتر ع هيستر كرمز للامرأة المتحررة .. يلي بتسعى لتغيير وضعها و تنجح تأثر بالعالم ...الخ
و أكيد متل ماقال الدكتور لا تكتبي أي شي أي شي عن حبكة القصة أو مجرى الأحداث أو وصف الشخصيات أبداً .. و مرة تانية ادرسي الأفكار يلي منقلهن و لا تطلعي براتن. افهمي الرواية منيح منيح حسب ماهوي فاهمها و بس.

هي أسئلة الفحص .. بتكبريا بتطلع تمام ..
و طبعا مافي شي بالمقلوب ..أكيد لمى عم تمزح، و مافي مقطع من الرواية لازم نعلق عليه و لا شي ..كلن عشر اسطر عن فكرة محددة بالرواية فقط.
............أي سؤال أهلا و سهلا

سكرا كتيييير
هلأ عرفت ليش رسبت بس بتمنى منك تكملي معروفك وتنزليلنا اجابتك عن الأسئله -مشان نتنور شوي-
ولو على شكل أفكار ,يعني الي بتقدري تتذكريه
وشكرا مره تانيه

اهلا و سهلا mhmood,
يلي بذكرو اني حليت السؤال الاول ..و الدكتور بالسؤال ذاكر أربع أفكار:
1-did she fail to secure the natural satisfications she sought?
2- did she represent Hawthorne's women who were more impressivethan his men?
3-did she stand for moral inadequency?
4- Is she more sinned against than sinning?
discuss the last question.
بغض النظر عن صيغة السؤال و يلي مو من حقي ناقشها ..بهمنا هلأ انو نجاوب ع آخر واحد.
أنا مسكت هلأفكار الأربع يلي ذاكرها الدكتور نفسها و توسعت فيا وحدة وحدة بلأول بعدين ركزت ع آخر وحدة رقم 4 المطلوبة و ذكرت أن هيستر كانت
sinned against more than sinning'coz
she is a fair woman . she got married to an old and ugly man who she didn't love.
و أثناء الموضوع كنت ركزلو ع ظلم البلدة لها و معاملة القاسية و العقوبة يلي كانت اكبر من الخطيئة يلي ارتكبتها و من هالحكي .. طبعاً هدولي هنن نفس آراء الدكتور أثناء السنة ..
و لو بدي اكتب فعلا رأيي الشخصي لحللتلو شخصيتها من زاوية مغايرة تماماً بس طالما انا كنت احضرلو و بعرف انو هدا رأيو و هو ما ح يهتم بنوعية الافكار اد قواعدها فقلت يا بنت امشي ع التون الموضوعة ..و لو كان مثلآ هالموضوع عند الدكتور مؤيد أو محمد حاج محمد ..لكانت كتابتي غيــــــــــــر ..

بالسؤال الثاني حليت الخيار التاني عن darkness
فكرتين صغار أنو برأي الكاتب الظلمة تمثل الحياة البشرية ..الحياة بحد ذاتها صعبة و قاسية ع الانسان و هون بيظهر أثر الوجودية بالقصة. الظلمة تمثلت بالقصة كحبكةو بالسيتنغ مثال :انو القصة بدت وانتهت بظلام و مثال ايضا لمن هربو ع الجبل وكان ظلام و أصوات بعيدة و حصلت الكارثة بموت الطفل يلي مثّل سقوط البطل الانسان.

موفقين

شكرأ كتير أخت اندلسية علمساعدة حأتبع نصيحتك
الله يجزيكي الخير علمساعدة

شكرا كتير اخت أندلسيه

الله يقدرنا ع مكافاتك