مرحبا زملاء كيفكن انت والقراية لأنو هاد الفصل شغلتنا نقرى بس يعني انا الأسبوع الماضي حتى خلصت قراية ولسع ماحفظت شي لهلق.....................
المهم بمادة الأمريكي كما لاحظتو جميعا انو الدكتور ماجد طلب طريقة جديدة بالتعليق غير اللي تعودنا عليها وحاولت انا خلال المحاضرات "استشف" الطريقة ماحسنت فاذا حدي عندو فكرة عن الموضوع يشاركنا لأنو الوضع ماطبيعي هالفصل ..............وعفكرة انا سألتو للدكتور وماحسنت افهم عالأخير يمكن لأنو فهمي صاير تقيل كتير عكتر ماقريت روايات
والله يستر

I think if you send me a sample comment , i will be more helpful. However, as far as i could see, the dr wants you to comment on the elements of any passage that stand out; that are conspicuous in a given text. In other words, instead of focusing on the hinges (turning points) of the plot, you will be expected to give an account of the linguistic intensity of the extract, the formal devices used, and the prevalent linguistic style. This will require the knowledge of some formulas needful for this kind of textual study. Therefore, like in the traditional comment you are accustomed to, in the "new" way you will need to equip yourself with some ready-made formulas that are appropriate in such kind of study. As i told you i need a sample comment in order to tell precisely what the dr wants you to do. However, if you had the opportunity, as some did, to have a look at the book of stylisitcs, you would get benefit from some of the recommendations given about the style and choice. if not, however, it is too late now to have a look at it as it is time-consuming and labour-intensive. i can provide you with some formulas, but first you have to show me a sample comment.

Best wishes
Y.N

Muhammad Al Hafez,

والله مابعرف شو بدي قلك يا محمد . . يعني الدكتور قال انو رح يكون في تعاليق و و أسئلة عادية . . يعني متل العادة . . بس الشي الي فرق هو كيفية التعليق . . الدكتور قال انو ما بدو تعطيه مين المتكلم و مين المخاطب و ما بعرف شو ( متل هدول المعلومات الشبه تعجيزية الي بسموها بعض الدكاترة "الرقم الوطني") لا . . الدكتور قال انو هو رح يعطينا مين الي عم يحكي بالنص . . و نحنا علينا ننقد النص الي أمامنا فقط . . و لازم نركز على الناحية اللغوية . . يعني شو اسلوب الكاتب بهالنص هاد . . اسلوب اسمي او اسلوب فعلي . . و شو يعني اذا كان اسمي و شو يعني اذا كان فعلي . . و الجمل بسيطة و لا معقدة . . و ياهل ترى هالجمل هي بتعكس شي عن الشخصية الي عم تقولا او لا ؟ . . يعني كل هي الأسئلة . . طبعا هادا الأسلوب انا مو غريب علي لأنو بجامعة تشرين ماكنا نعلق غير بهالطريقة هي عند الدكتور أحمد العيسى . .

يعني باختصار لازم تفكر بناحية لغوية . . و رح أعطيك مثال عن هالشي هاد . .

برواية الحرف القرمزي . . لاحظ انو العنوان هو . . The Scarlet Letter اذا بتلاحظ انو الكلمة الأولى بتنتهي بنفس الحروف التلاتة الي بتبدأ فيها الكلمة التانية (Let) . .نحنا هون بقا دورنا نسأل شو معنى هالكلمة هي . . و ليش التكرار . . كمان في عندك الكلمة الأولى من العنوان "Scarlet" . . يا هل ترى شو معناها ؟؟ هي فعلا بتعني بس اللون القرمزي ؟؟ و لا بتعني المرأة الغير أخلاقية . . و لا بتعني المرأة الفاضلة؟ ؟ دور بالقاموس و شوف شو في معاني الها . .
الكلمة التانية من العنوان "Letter" . . كمان شو بتعني ؟؟؟ بتعني يا ترى رسالة ؟ ؟ اذا رسالة شو هو المضمون ؟؟؟ ولا بتعني حرف ؟؟ و اذا كانت بتعني حرف هو نفسو حرف "A" ؟؟ و اذا كان حرف ال"A" لشو بيرمز هالحرف ؟؟؟ يا هل ترى بيرمز لكلمة "Adutery" متل ما البيوريتانز قصدو ؟؟ ولا بيرمز لكلمة "Able" . . لأنو هيستر كانت "قادرة" متل ما مكتوب بالكتاب . . و لا بيرمز لكلمة "Angel" . . كمان مذكورة بالكتاب . . لأنو هيستر كانت تساعد الفقراء و اعتبروها الناس "ملاك" . . و لا بيرمز لكلمة "Alienation" . . لأنو السلطة ارادت عزل هيستر عن المجتمع بوضع الحرف . . ولا بيرمز لكلمة "Abel" . . هابيل الشهيد . . و هوثورن نفسو كتب بالرواية انو هيستر هي شهيدة . . ولا بيرمز لكلمة "Arthur" . . شريكا بالإثم . . ولا . . ولا . .

يعني الواحد لازم يحط كل هالإحتمالات هي ببالو . .
أنا بالنسبة الي رواية الحرف القرمزي رائعة جدا و ممكن ينكتب عها كتير . .. بس مشكلتي مع ديزي ميلر . . ما هضمت هالرواية على الإطلاق . . و أنا بستغرب كيف بدرسونا رواية بمستوى الحرف القرمزي و بعدين بينزلو المستوى لوحدة من نمط ديزي ميلر . . رواية بايخة كتير . . لا لون و لا طعمة . . يعني اذا كان ولا بد . . كنا لازم ندرس روية "الأوروبيون" لنفس الكاتب هنري جيمس . . هديك رواية عليها القيمة . . و فيها نقد للمجتمع الأمريكي "الساذج" . . .
على كل بيعين الله . .

limitlss-spirit,

شكرا الك ما بتقصر . . اذا اي حدا بدو مساعدة فممكن تساعدو
بس الله يعطيك العافية على كل الأحوال

هلق شو مشان طريقة التعليق هيدي
Ala' Al-Ibrahim
بصراحة حاسة حالي بشي مدينة ملاهي بشي دويخة ما إلها نهاية
لك عنجد شو مشان التعاليق ؟؟ انا ما عم دوام ..ياريت تتوضح الطريقة اكتر من هيك
انت عم تقول انو الواحد لازم يتسائل عن اي شي فرضا: طيب هون منجاوب بحسب نظرتنا نحنا او في نظرة عامة بدو ياها الدكتور
ياريت تساعدوني وتفسروا اكتر بكون ممنونة

nicegirl333,

بجوز انت فهمتي ردي غلط . . هادا الحكي من عندي انا . .قصدي المثال الي عطيتو هو من عندي . .و الدكتور ما حكا هيك شي . . لا تشعري بدويخة ولا شي . .

بس الدكتور قال انو لازم نركز على الناحية اللغوية بالتعليق . . يعني بهي المادة اجا دور علم اللغة التطبيقي بقا . . كيف بدك تجاوبي على السؤال الأخير تبع علم اللغة التطبيقي هون لازم تعملي نفس الشي تقريبا . . طبعا هون لازم تربطي الناحية اللغوية بالناحية الأدبية . . يعني متل ما قال الدكتور . . على سبيل المثال . . اذا كان آرثر ديمسديل هو الي عم يحكي . . بقا انتي هون لازم تشوفي الجمل و الكلمات فيها شي من الي بيستخدمون بخطبو الدينية ولا لا (لأنو ديمسديل هو رجل دين) . . و اذا كان الي عم يحكي تاجر انتي لازم تشوفي اذا في اسلوب "تجاري" بجمل الي عم يحكي ولا لا ؟ يعني انتي بدك تربطي حياة المتكلم بكلماتو . . و كمان من ناحية تانية . . بدك تربطي الجمل بالحالة الراهنة للمتكلم . . يعني اذا الجمل قصيرة مثلا . . ممكن يكون وقتا ذهن المتكلم في حالة تشويش و اضطراب . . او . . او . . و هيك يعني . .

أنا هيك فهمت من الدكتور . .

بالنسبة للمثال الي عطيتو عن العنوان و معانيه "The Scarlet Letter" . . فهادا من عندي انا . . حكي يعني . . لأني أنا هيك كنت ادرس بتشرين . . بقا لا تخافي من هالموضوع . .
شو قال الدكتور مزعل . . الأدب هو مانو 1 + 1 = 2 . . يعني مانو رياضي . . اي شي بتعطيه مقبوووول ( بشرط انو يكون ادلة ) دعمي رأيك بأدلة و شو ما كان كلامك صح . .
ان شاء الله تكون وضحت الصورة عندك أكتر و ما تشوشتي على كل الدكتور قال نا بعرف انو انتو بالنهاية مجرد طلاب و مانكن ناقدين . . و لذلك رح يساعدنا بالنجاح . . و هو وعد و قللنا بالحرف الواحد " انتو انتظرو شوي و بكرا بتشوفو كيف الكل رح ينجح" طبعا هو حكاها بالإنكليزي بس الواحد يحاول يشتغل شوي

موفقة ان شاء الله

هلق الدكتور بتعاليق غامض لذلك اتمنى من اللي مشارك وبيعرف ايفيدنا

أول الشي يسلمو كتير علاء يعني فينا نقول أنك ما قصرت.
بس أنا بظن أنو الشي الوحيد يلي ممكن يضيع الطلاب هو كترة الاحتمالات و التأويلات,يعني شو أنا بقول و شو أنتي بتقول و شو غيري و غيرك بقول.و يلي يمكن يحيرك أكتر هو أنو تكون كل الاحتمالات صح و ممكنة و قعود بقا شوف و فكر شو بدك تكتب لتكتب.
يعني بالطريقة يلي طلب منا الدكتور أنو نعلق فيها على موضوع ما,عم يطلب منا شغلتين:
1.قراءة ما بين السطور و معرفة المغزى الحقيقي,خلينا نقول لكل كلمة,و إلى أي شىء ترمز.
2.تطبيق ما سبق دراسته في علم اللغة التطبيقي,متل ما ذكرت بردك علاء.
أما بخصوص الديزي ميلر.....أنا بالأول ما حبيت شخصية ديزي نظرا لأنها شخصية متمردة ثائرة على شي اسمو أعراف و تقاليد و ضاربي فين عرض الحائط و عم ترسم لحالها عالمها الخاص فيها و هاد الشي حتى أبناء مجتمعها رفضوه.
بس بالآخر تعاطفت معها لأنها بسلوكها هاد ظلمت حالها و حتى بموتها أنا برأيي كانت ظالمة بحق نفسها.
أنا هيك شفتها بس ما بعرف كيف أنتو شفتوها.
مشكور مرة تاني علاء
و بالتوفيق انشاء الله للجميع

شكرا لكم على التوضيح و المناقشة ...

لدي مداخلة بسيطة فقط ...

طبعا بالرغم من استفادتي من كل ما سبق من limitlss-spirit, و الذي لا يتم نسخ اسمه تقنيا بسبب الفاصلة فيه , أقصد Ala' Al-Ibrahim ... أرى أن الطريقة التي طلبها الدكتور ماجد هي الأسهل من ما قد تعودنا عليه , بل و أكثر تعمقاً و دراسة .
عموما مداخلتي ه عندما قرأت من رد سيرين, التالي : لا أعتبره ضياعاً , و إنما أعتبره مساعده للطلاب . الدكتور ماجد أخبرنا بكثرة وجوه المعنى لمقطع معين , لكن هو لم يحدد أيهما الصحيح و المقصود فعلاً , و الأهم أنه لم يقل لنا أنه هناك معنى واحد هو الصحيح و المطلوب , بل ترك لنا حرية التعبير و اختيار الفكرة من أي مقطع و هنا تكمن السهولة , حيث كلٌّ منا له وجهة نظر واحدة على الأقل في أحد الأحداث مثلا التي سيأتي منها التعليقات , و كل ما علينا هو مناقشة و نقد و تحليل تلك الحادثة حسب فهمنا للرواية , طبعا طالما هنالك شواهد و أدلة , فستأخذ بعين الأعتبار و تعتبر أحد الأوجه الصحيحة للمعنى المراد

لذلك أعتبر أن مادة الدكتور ماجد هي من المواد السهلة و الممتعة , مع تحفظي على رأيي برواية ديزي ميلر , لأن الدكتور يقدم لنا أسهل ما يمكن بالإضافة الى الكثير من الأمثلة على نصوص و تعاليق عليها من الدكتور ذاته

من المهم أن أخبركم أيضاً أننا رتّبنا مع الدكتور موعد مع بداية الشهر القادم ان شاء الله لحضور فلم الحرف القرمزي في المدرج الأول , ستكون محاضرة استثنائية و مخصصة فقط لحضور الفلم . الغاية منها هي بالطبع تعليق الدكتور على كل مشهد و تنبيهنا على علامات و جوانب كل شخصية من شخصيات الفلم لفهم الرواية بشكل أكبر و أعمق , طبعا ستكون محاضرة لأكثر من ساعتين ... مع فاصل اعلاني ربما


بالتوفيق جميعاً

سيرين,

يعني مافيني جاوبك أفضل من جواب فارس . .
فارس,


يسلمو ايديك فارس . . جواب بمحلو

بس شو من شان الفاصلة العلوية .. ليكون حاطط الحق علي بقا شو رأيك غير اسمي ؟

هي خبرية حلوة . . أكيد رح احضر ان شاء الله . . هو أنا شفت الفيلم بس اذا بوضح الدكتور بعض الأمور بكون أكيد أفضل . .