للأسف بعد ما درسنا بظروف كتير سيئة وخاصة نحنا اللي كنا بقلب حمص وكمان رفقاتنا اللي عم يجو من محافظات ومناطق بعيدة... ماكان حدا مرتاح قالولنا كتار انو رح يساعدوا الطلاب ورح تكون نسب النجاح عالية ... استبشرنا خير من هالحكي بس مع احترامي لكل الدكاترة مابدنا منن يساعدونا بدنا بس يصححو ... انا بالنقد كاتبي أجوبة مضمونة أنها صحيحة لأن الواحد بيعرف كيف بيكتب ورسبت فيا ... متل اغلب رفقاتي اللي تفاجئنا بالنثر كمان ... هلأ مبدأ الحظ بالأداب تعودنا عليه بس بهالظروف نحنا مو عباقرة لنقدر نركز ونفهم ونبصم والاوضاع حوالينا متوترة وعم نسمع ونشوف شغلات بتحرق الأعصاب ... ففعلا الدنيا خليت ولا جامعة ولا غيرا ... هلأ رح يطلع مين يقول التصحيح عادل والدكاترة مابيظلمو انا صرت مقدمة اعتراضات 3 مرات ولاحدا بيرد عليي فأي عدل هاد ... الله يرحمنا بأيدين هالدكاترة
لا تستطيع كتابة مواضيع جديدة في هذا المنتدى لا تستطيع كتابة ردود في هذا المنتدى لا تستطيع تعديل مشاركاتك في هذا المنتدى لا تستطيع حذف مشاركاتك في هذا المنتدى لا تستطيع إرفاق ملف في هذا المنتدى