اقرؤوا معي ما يلي ولاحظو..
أنا يلي فهمتو هو التالي:
طلاب جامعة البعث ما رح يقدموا امتحان مع طلاب الجامعات البقية وإنما بالجامعات البقية يعني يلي رح يتغير هو المكان فقط.. وامتحانات جامعة البعث أساساً تأجلت ل29/1 *وهيك بقدموا طلاب جامعة البعث كلن مع بعض بس كل مين بمحافظته وحتى بتوقع نفس البرنامج والأسئلة يعني على مبدأ امتحان البكالوريا؟؟

الحمدلله
واخيرا هلأ مندرس برياحة والله يوفقك الجميييييييييييع

يعني ماعرفوا يا خدوا ها القرار المصيري الا بها الوقت قبل الامتحانات بشهر وشو منشان يلي ماكانوا عم يحضروا وياخدوا محاضرات مابدن يعرفوا الدكتور شبدو شو طالب وللي وقف تسجيلو والي ماسجل والي ما0000عكل بالتوفيق للجميع  

مرحبا انا بدي اعرف ان بدنا ندرس محاضرات من لي اخدناهن من مكتبة وضاح ولا بدنا نجيب محاضرات من الشام ومين لي بحط الاسئلة دكاترتنا ولا غيرهن والاسئلة على نموذج كلية بالشام ولا ببقوا على نموذج لي تعودنا عليه ارجو الرد ضروري ضروري

أختي زوراء بما أنه القرار لم تظهرتفاصيله كلها بعدبس بعتقد أكيد اذا أعطونا الصلاحية لنقدم بالشام أوحلب فبعتقد انه البرنامج بضل نفسه والدكاترة نفسهم والمواد نفسه يعني ممكن يلي يتغير هو مكان التقديم فقط فبعتقد اهتمي بدراستك والله الموفق أرجو أن أكون قد قدمت جزء من المساعدة ان كنت قد أفدتك بشيء فأرجو الدعاء لي
                                                       السلام عليكم ورحمة الله

رح يكون في تقديم بجامعة حمص لانو كل مين عم يحكي شكل شي في شي مافي

كل يغني على ليلاااااااه ................ شو مشان في فحص بحمص ولا شو الوضع فهمونا ماكل واحد يحكي ع كيفو....... دوخونا والله

مررررررررررحبا
الحقيقة انا بعد ما عملت ايقاف دوام للفصل الأول نتيجة الأوضاع الحزينة بحمص وبسبب انو تركنا حمص كلها من 4 او 5 شهور واتجهنا ع الشام وطبعا صعب انزل عحمص واساسا صعب فوت ع بيتي لذلك عملت معاملة والفضل لرفيقتي بحمص نزلت سجلتلي وعملتلي ايقاف دوام فصل أول وع اساس خلص ريحت راسي من القصة وراس أهلي بنصدم انو فيني قدم بجامعة دمشق طبعا حبيت القرار ورجعت رفيقتي نزلت وعملت إلفاء للطلب وقدمت طلب جديد انو رح قدم بالشام وسألت الموظفين انو بدنا وصل أو أي شي يثيت انو نحنا معنا حق نفودت ع الجامعة ونقدم فحص بس قالو انو الورق من هون بيروح ع الشام او ع المحافظة اللي الطالب بدو يقدم فيها وماعلينا غير نروح قبل بأسبوع او أقل ع الجامعة ونشوف الوضع هنيك من قاعات وأرقام امتحانية والله ما بعرف هدول كمان من وين بدنا نجيبن من حمص ولا من الشام
وبالنسبة للمقرر أكيد مقرر جامعة البعث لان انا نزلت ع جامعة دمشق واشتريت محاضرات مادة وانصدمت فيا
طايرين طيران شي 15 محاضرة وكل محاضرة مدري كم صفحة فما معئولة نقدم بمقررن هني
وبتمنى اللي بيعرف أي شي جديد بهالموضوع من ناحية الارقام الامتحانية وهالقصص يخبرنا وخلال هاليومين رح انزل وشوف وبخبركن كمان شو صار وأكيد الموضوع بينطبق ع بقية الجامعات اللي الطلاب رح يقدمو فيها واللي اتشنططو من بيوتن متلي بسبب الاوضاع
مشتاقة لحمص ولجامعتي ولبيتي ولرفقاتي ولارتين كمان وللكل
سلااااااااااااااااااااااااااااااااااااااااام وبالتوفيق يارب لكل الطلاب
هنادي