ارجو المساعدة

shadia

السلام عليكم ورحمة الله وبركاته
أنافي السنة الأولى انكليزي واجد صعوبة في دراسة الشعر والنثر فماهي الطريقة التي تنصحوني ان استخدمها في دراسة كل منهما

أندلسية

[size=150] و عليكم السلام shadia,
أولاً شغلة عامة بنصحك ياها بما أنك سنة أولى أنو تتبعي الطريقة يلي بقول عليا كل دكتور بمادتو...يعني متل ما بقلكن درسو درسي ...قلكن هي الكلمة هيك موصح ..مو صح ..مع أنه قد تجدي في تعارض بين افكار و حتى قواعد و لغة دكتور و آخر...يعني بكرة بتشوفي أنو كل دكتور له "لغة و قواعد" خاصة فيه بيقبلها هو رغم أنه دكتور آخر بيعتبرها خطأ...يعني بالنهاية طبقي نصائح كل دكتور ع مادته فقط.
ثانياً:
بخصوص النثر و الشعر ...مثل ما ذكرت آنفاً لازم ترجعي بلأساس تسألي يلي عم درّسكن هدول المادتين كيف تدرسين و اطبقي ذلك حرفياَ<< و إذا قالولك كالعادة اقرأي القصة بالانكليزي لا تخافي حطي الترجمة العربية جنبك و اقرأي صفحة بالعربي و مقابلتها بالانكليزي...ع الأقل انا كنت هيك أعمل و استفدت ..العربي لوحدو مابفيد ابدا>>
و بيبقى الأهم بكل دراستك هو انك تعرفي طريقة الفحص بكل مادة ...يعني بلأخير قبل ماتدرسي شي حاولي تعرفي كيف رح تكون أسئلة الفحص بهدول المادتين و تدرسي المادة ع هوا نمط الاسئلة المتوقع...

بتمى كون فدتك بشي..
سلام[/size]

رشا

صحيح متل ما قالتلك اندلسية كل دكتور بيحب طريقة وعملو متل ما بدو

بالنسبة للنثر كمان نفس ما قالت اندلسية انو تحطي الكتابين قدامك يلي بالعربي ويلي بالانكليزي وكل صفحة بصفحتها وما في شي صعب وما في شي بيخوف كمان وصدقيني مجرد ما قريتي الروايات رح تتكون عندك فكرة عامة ورح تقدري تجاوبي على الاسئلة وحاولي كل ما مرقت كلمة جديدة تحفظيها وانت عم تقري

اما بالنسبة للشعر فبكفي انك تدرسي الاساسيات يعني التعاريف يلي طبعا في سؤال عليهن بالفحص وكيف بيقطعوا الابيات

اما القصائد ففهميهن فهم اول شي ولا تعتمدي على البصم ابدا وبس فهمت القصيدة حاولي انت تشرحي من عندك انا هيك كنت اعمل وعن جد اثمرت طريقتي حتى لو غلطتي املائيا حاولي تصلحي وعن جد الدكتور كتير بيحب انك تكتبي شي هوي موكاتبو يعني اجتهاد شخصي

وبجوز يجيب بافحص سؤال انو بحط كلمات باللغة الانكليزية القديمة وانتو بدكن تكتبوها باللغة الحديثة

على كلن اكيد رح تقول او يقول الستاذ نموذج الاسئلة بس انت حضري لحتى تعرفي

الله يوفقك يا رب وانشا الله كون قدرت فدتك

عصام

shadia,
[b]كتيرين عم بيواجهو صعوبات لسبب رئيسي انو مو متعودين ياخدو كلشي بالانكليزي وطريقة الدراسة اختلفت عن المرحلة الثانوية بس حطي عقلاتك براسك واتعبي شوي اكيد بتلاقي نتيجة

بالنسبة لمادة الشعر
فالدكتورة رح تجيب مقطع من قصيدة من اللي عم تاخدين وتقلك انو تشرحي وهالشرح هي عم تنقلو خلال المحاضرة
رح تقلك قطعي بيت من هالمقطع وقولي شو القافية ولاي بحر بينتمي وهدول كلن عم تقول عنن خلال المحاضرة
بجوز تقلك انو تحكي عن الفكرة العامة للقصيدة وهي عم تنقلكن ياها بالحرف خلال كل محاضرة
وبجوز تقلك انو استخرجي شي استعارة او تشبيه من شي بيت بهالمقطع اذا موجود
ورح تجيبلك تعاريف من المحاضرة الاولى اللي نقلتن
هي مادة الشعر

اما مادة النثر
فرح يجبلك الدكتور سطر او سطرين من العجوز والبحر او انا والمدن الخمسة ورح يطب منك تكتبي عليه تعليق
التعليق لازم تكوني بتعرفي طريقة كتباتو لانو خلال المحاضرات اعطى اكتر من مثال على هالشي وقال عن اهم النقط المطلوب التعليق عليها وهن

the title
the author
the speaker
the addresse
the occasion
the main idea

ولاتنسي تحطي تحت عنوان الرواية سطر
وانك تغمقي النقط بنهاية كل جملة

والسؤال التاني رح يكون انو تكتبي 20 سطر عن موضوع باحد الروايات
مثلا الصداقة والاخوة برواية العجوز والبحر
وهيك مواضيع فامورها بسيطة لانو بينحكى فيها كتييييييير وخلال المحاضرات كل ماكان يقرا كم سطر يقول هدول لفكرة كذا وكذا

واحتمال انو يكون في سؤال عن تعاريف وهدول نزلو بنوطة لحالن

وفي احتمال انو يجيب اسئلة قصيرة من الروايتين
مثلا بشو كان يحلم سانتياغو (الاسود او الاسماك او الولد)
لذلك وقت بتقري الروايتين بالعربي خليكي صاحية مزبوط

هي اهم شي بهالمادتين ووقت بيلزمك اي مساعدة تكرم عيونك
وبالتوفيق انشالله [/b]