تحديد موعد بدء التسجيل للطلاب الراغبين بالتقدم إلى امتحانات الدورة الصيفية الصادرة عن المرسوم رقم / 178/ لعام 2011
وذلك اعتباراً من 15/7/2011 ولغاية 1/8/2011.


حيث يتم تقديم طلب خطي في ديوان الكلية من قبل الطالب . أما بالنسبة للرسوم المستوفاة من قبل الطلاب النظاميين والمستنفذين للدورة الصيفية فهي كما يلي :

1- الطلاب النظاميين لايطالبون بأي رسم في هذه الدورة .

2- طلاب المرحلة الجامعية الأولى الذين استنفذوا فرص التقدم للامتحان المسموح به من داخل أو خارج الجامعة يترتب عليهم دفع مبلغ ( 500 ) ل .س عن كل مقرر بناءً على القرار الوزاري رقم / 85 / و تاريخ 9/9/2008 وتعديلاته .

3- أما طلاب دراسات التأهيل والتخصص النظاميون فيترتب عليهم مبلغ ( 500 ) ل.س عن كل مقرر بناء على القرار الوزاري رقم / 85 / و تاريخ 9/9/2008 وتعديلاته .

4- وطلاب دراسات التأهيل والتخصص في جامعات الجمهورية العربية السورية الذين استنفذوا فرص التقدم للامتحان المسموح به من داخل أو خارج الجامعة يترتب عليهم دفع مبلغ ( 500 ) ل . س عن كل مقرر بناءً على القرار الوزاري رقم / 85/ و تاريخ 9/9/2008 وتعديلاته.

عاشقة العربية السلام عليك ورحمة الله وبركاته
بالنسبة للطلاب النظاميين لازم يقدمو طلب خطي بدون رسوم؟ لأننا فهمنا من المرسوم إنو الطلاب النظاميين ما بحاجة لتسجيل.وشكرا إلك كتير

طيب ممكن سؤال
أيمتا موعد هالدورة التكميلية
رجاء كتير كبير الي عندو اي خبر موثوق
يكتبو هون
لان عنجد انا بحاجة ماسة اعرف ايمتى موعدها لان في كتير شغلات رح تتحدد مصيرها اذا عرفت موعد الدورة التكميلية متل سفري

hairat,
حسب المكتوب هون فالطلاب النظاميين عليهم بس الطلب الخطي، دون الرسوم:

habhobe88,
لهلأ ما انقال شي بهالخصوص، بس الدورة التكميلية هديك السنة كانت بـ 29/ 8.
وبما أنو بينتهي التسجيل ع هي الدورة بـ 1/ 8 ، فحطيلك شي 10 ايام لبين ما تتنظم الأوراق وينعرف مين بدو يقدم

وأكيد مع الوقت ببيّن كل شي.
موفقين.

عاشقة العربية,
يعطيكي الف عافية يارب

طيب فينا نعرف شو بدنا نكتب ب هالطلب الخطي؟؟؟؟
يعني اسمنا و المواد ولا بس الاسم ولا شو؟؟؟؟؟؟؟؟؟؟؟
ياريت نعرف ومشكورة جدا عاشقة العربية

nuwara89,
بتوقع أنو رح تاخدي طلب من مكتب الحرس الجامعي (أول مكتب بالكوريدور)
وتحطي عليه طوابع وتقدميه للديوان.
يعني بس تكتبي اسمك وقسمك وليش مقدمة هالطلب، مشان تتسجل الأسماء ويعرفو مين ناوي يقدم.

لمى,
لأ ما طالبو حدا بولا ورقة.

موفقين

عاشقة العربية شكرا