تعلم التفكير بالطريقة الإيجابية.......

Tami · **مرسل:** الاثنين نوفمبر 23, 2009 1:30 am

السلام عليكم و رحمة الله و بركاته

المفكر الإيجابي يقرّ بأن هناك عناصر سلبية في حياة كل شخص لكنّهُ يؤمن بأ أي مشكلة يمكن التغلّب عليها . والمفكر الإيجابي إنسان يقدّر الحياة ويرفض الهزيمة . والشخص الإيجابي يفهم أنه من أجل التغيير من حالة المفكر السلبي إلى الأداء الكامل بطريقة المفكر الإيجابي يجب على الإنسان أن يتحلّى برغبة جادّة في التغيير .

برنامج المفكر الإيجابي

قبل كل شئ عليك بطرح هذه الأسئلة على نفسك:
- هل أنا شخص إيجابي ؟
- هل نشأت في مناخ سلبي فأثرت السلبية في شخصيتي حين أصبحت راشداً ؟

- هل أؤمن حقاً أنه بالإيمان أستطيع أن أنجز أي شئ ؟

- هل أنا ميّال إلى التفكير السلبي .. ممتلئ بالكآبة والتشاؤم وتكتنفني الشكوك في قدراتي الذاتية والخوف على مستقبلي ؟

- هل أركز إنتباهي على على المشكلات في حياتي موجهاً نظري فقط إلى مالا يمكن إنجازه .. بدلاً من توجيهه إلى الفرص التي قد تكون هناك في زاوية ما ؟

- هل يبدو لك دائماً أنه إذا كانت هناك إمكانية لحصول أمر سيئ فإن هذا الأمر حاصلٌ لامحالة .

- هل تؤمن بقانون الجذب الذي يقول :" أن الأفكار الإيجابية تعطي نتائج إيجابية والأفكار السلبية تعطي نتائج سلبية ؟

والآن إليك برنامج التفكير الإيجابي

1.

كن متفائلاً تجاه كل شئ وفي الـ 24 ساعة القادمة قل فقط أشياء موحية بالأمل .. أشياء إيجابية حول أسرتك وصحتك وعملك ومستقبلك .. وأصّل هذه الأفكار لمدة أسبوع على الأقل وهنا نشيد بأذكار الصباح والمساء التي تدعو الي التفاؤل والانشراح .. وسترى بإذن الله التغيير الذي سيطرأ على طريقتك تفكيرك وسوف تجد نفسك تتقدّم طوال حياتك .
2.

إهتم بغذاء عقلك عن طريق قراءة كتب أو مقالات أو الإستماع إلى برامج ترتقي بالمعنويات .. وتجنب القصص والأخبار التي تتحدث عن المآسي والجرائم .. إقرأ سير الناجحين الذين حققو نجاحاً باهراً وتغلّبوا على عقبات هائلة .

3.

صاحب أناس إيجابيين .. وضع قائمة بأسماء أصدقائك وقرر قضاء وقت أول مع الإيجابيين منهم .

4.

تجنب المجادلات والصراعات والأوضاع السلبية .. وقضايا التي لاداعي لها ولاجدوى من الإنخراط فيها .

5.

حافظ على صلواتك .. وأعط نفسك وقتاً للتأمل في الأشياء الرائعة والجميلة التي وهبك الله إياها والتي ليس أقلها القدرة على إكتشاف الخير في كل حالة .

6.

قم بعمل تمرين رياضي لمدة أربعة عشر يوماً على الجملة التالية :"أنا الآن أفكّر إيجابياً " أو أي جملة بنفس المعنى ولكن تشعر أنها أقوى بالنسبة لك .

7.

بعد إتمام فترة 21 يوماً أعد طرح الأسئلة حول التفكير الإيجابي على نفسك ولاحظ إجاباتك

مع تحياتي...سلام

أوركيدا · **مرسل:** الاثنين نوفمبر 23, 2009 5:10 am

وعليكم السلام ورحمة الله وبركاته

اقتباس:

قبل كل شئ عليك بطرح هذه الأسئلة على نفسك وإرسالها لنا مع تحري الصدق والدقة فيها :

ضروري؟

رح جاوب بشكل عام ..
أحياناً بشك بقدراتي .. بس هالشك إلو مبرر يعني بكون طالعة من الفشل تازة

بس أغلب الأحيان مشرقة وبفكر لقدام الحمد لله ..
أما بشو بآمن ..
طبعاً بآمن انو الإنسان لما يظن بنفسو خير ..
بيتصرف على هالأساس
ممكن يخوض تجارب .. ينجح فيها أو يفشل ..
أما اللي عطول مقلل من قيمة حالو ..
فما بيجرب .. ولا بخوض معارك ..
وبالتالي لا يحصل لا على نجاح ولا على فشل !
بالنهاية ما بيحقق تقدم على أي صعيد..
وكتير كتير بركز على نقطة..

اقتباس:

صاحب أناس إيجابيين .. وضع قائمة بأسماء أصدقائك وقرر قضاء وقت أول مع الإيجابيين منهم .

لإنو فعلاً التشاؤم وباء معدي ..
الله لا يجعلني من العادين أو المنعدين

اقتباس:

وهنا نشيد بأذكار الصباح والمساء التي تدعو الي التفاؤل والانشراح ..

ما في أحلى من أذكار الصباح والمساء .. غير عن انها طاعة ..
وقت الواحد يقرا المعاني ..
بيعرف أديه الله رح يحميه ويسعدو .. بعد هالأدعية..

Tami,

يسلم ايديكي الحلوين

Tami · **مرسل:** الجمعة نوفمبر 27, 2009 2:41 am

أوركيدا,
الله يسلمك يا رب

اقتباس:

قبل كل شئ عليك بطرح هذه الأسئلة على نفسك وإرسالها لنا مع تحري الصدق والدقة فيها :

ضروري؟

هون بالموضوع ما ضروري..بس بينك و بين حالك اي ضروري...

اقتباس:

طبعاً بآمن انو الإنسان لما يظن بنفسو خير ..
بيتصرف على هالأساس
ممكن يخوض تجارب .. ينجح فيها أو يفشل ..
أما اللي عطول مقلل من قيمة حالو ..
فما بيجرب .. ولا بخوض معارك ..
وبالتالي لا يحصل لا على نجاح ولا على فشل !
بالنهاية ما بيحقق تقدم على أي صعيد..

بالضبط..نقطة مهمة...و هاد يلي بسموه الرسائل الإيجابية..كل ما عطى الإنسان رسائل إيجابية لنفسو كل ما زاد عطاؤو و نجح....

سرني مرورك و إغناءك للموضوع

Safa alaasi · **مرسل:** الجمعة نوفمبر 27, 2009 5:39 am

هلئ أنا دايما بطرح هالسؤال على نفسي ( هل أنا انسانة ايجابية ؟؟)
و الي و صلتو انو الايجابية مو بس استقبال اليوم بابتسامة ورسم معاهدات مع النفس على فعل الخير بشتى مجلات الحياة ومو بس كلااام منقولو لنفسنا

الإيجابية قول يجب ارتباطه بالفعل
يعني الشخص ما بيثبت لنفسو انو ايجابي غير لما بيتعامل مع المواقف الحياتية الي بتصير معو أو المشاكل الي بتواجهو بإيجابية و بيقدر يحل هالمشاكل بعد تفكير صحيح و متوازن وبالتالي ايجابي

بصراحة بصراحة أنا كنت مفكرة حالي أكتر وحدة ايجابية بهالحياة بس الي توصلتلو انو الحكي مو متل الفعل ...
و أهم شي ليحصد الانسان ثمار التفكير الايجابي هو الاستمرار بالتفكير الايجابي ... يعني ما بيمشي الحال نفكر يوم بشكل ايجابي و يوم لاء أو نقول الأذكار كم يوم وننساهن أشهر

Tami,

Ranaa · **مرسل:** الجمعة نوفمبر 27, 2009 10:37 pm

جاوبت عالأسئلة اللي طرحتيها بموضوعك و الأجوبة رح خليها بيني و بين حالي .. بصراحة موضوعك رائع و شخصيا بحب هيك مواضيع اللي بتتعلق بطريقة التفكير والبرمجة العصبية بالإنسان
..تسلم هالأنامل... و شكرا ..

Tami · **مرسل:** الخميس ديسمبر 03, 2009 1:14 am

Safa alaasi,
هلا هلا..

اقتباس:

يعني الشخص ما بيثبت لنفسو انو ايجابي غير لما بيتعامل مع المواقف الحياتية الي بتصير معو أو المشاكل الي بتواجهو بإيجابية و بيقدر يحل هالمشاكل بعد تفكير صحيح و متوازن وبالتالي ايجابي

أكيد..على الرغم انو أوقات لما بينصدم بأشياء ما بيقدر يفكر...فأنا بضيف التمهل..يعني ما يكون عندو ردة فعل مباشرة.. الأفضل انو يتمهل شوي و يفكر و بعدين يتصرف...في السرعة الندامة و في التأني السلامة..

اقتباس:

الحكي مو متل الفعل

أبدا أبدا مو متلو...

شكرا لإغناءك الموضوع

ranoo.sh,
يا مية أهلا و سهلا

Omama · **مرسل:** الجمعة ديسمبر 04, 2009 1:54 am

شكرا لك

LATEST_POSTS

قوانين المنتدى

تعلم التفكير بالطريقة الإيجابية.......

الموجودون الآن