ميرا كتب:
ميرا
شكرا على المعلومات الحلوة
بس صدقيني الحل لي موجود بردك اتبعته
ميرا كتب:
* عدم مقارنة الطفل بغيره وعدم تعييره بذنب ارتكبه أو خطأ وقع فيه أو تأخره الدراسي أو غير ذلك.
رغم كل الفوضى لي عم يعملها بالصف عم حاول دائما ما القي عليه صفة انو مشاغب او غبي او كسول دائما عباراتي بتكون انو هو شاطر وبيسمع الكلام بس اليوم تعبان شوي او دايق خلقو ولسا ماتعود عالروضة
رغم ان الاطفال ما طايقين وجوده بالصف واكتشفت هالشي لما رفيقته لي قاعدة حدو طلبت مني تغير محلها وبدل ما غيرلها محلها طلبت من الطفل يختار رفيق يقعد جنبو والمصيبة انو ولا حدا قبل يخليه يقعد جنبه اكيد هي الحادثة فاقمت الموضوع عنده لانو حس انو شخص مو مرغوب فيه
ميرا كتب:
اختلاط الطفل مع أقرانه في مثل سنه يفيد كثيراً في العلاج أو تفادي العدوانية.
* إشعار الطفل بذاته وتقديره وإكسابه الثقة بنفسه، وإشعاره بالمسؤولية تجاه إخوته ، وإعطاؤه أشياء ليهديها لهم بدل أن يأخذ منهم، وتعويده مشاركتهم في لعبهم مع توجيهه بعدم تسلطه عليهم .
هي الفكرة رائعة
وانشاء الله تجيب نتيجة
* السماح للطفل بأن يسأل ولا يكبت ، وأن يُجاب عن أسئلته بموضوعية تناسب سنه وعقله، ولا يُعاقب أمام أحد لا سيما إخوته وأصدقاؤه.
انا ناطرته يحكي . بالنسبة للعقاب لسا ما تعاقب لاني خايفة زيد الطين بله
شكرا كتير ميرا
هدى كتب:
هدى
هدى كتب:
ما ممكن لو تجاهلنا هالشعور بمحاولة ترغيب الطفل بتمثيل شي تاني أحلى وأروق بينسيه شعورو العدواني وطبيعة حياتو أنو نوصل لحل أفضل ؟
انا مع بانة لانو لازم نعرف سبب عدوانيته اولا
يعني ممكن متل ما قالت ميرا انو نرجح مشكلة انفصال اهله لو ان حادثة اخته الها زمان وكون الطفل بينسى بس للاسف حادثة وفاة اخته كانت من فترة قريبة خلال عطلة الصيف لي مضت
لذلك انا بعتقد ان اهم خطوة هي معرفة السبب لحتى بعدين نفكر بالعلاج
مشكلتي بالوسيلة لي بدها تخليه يفضض عن مشكلته
هدى كتب:
LILAC,
الله يقويكي
شكرا كتير الك نورتي
لاتحرمينا رايك
بانة كتب:
انشالله البرنامج بأقرب فترة رح يكون عندك ...
بالانتظار اكيد اذا مافيها غلبة
بانة كتب:
بس انشالله يكون عندي الأجوبة لأسئلتك نظرا لـ بساطة معلوماتي .
اكيد معلوماتك البسيطة رح تكون اجوبة لتساؤلات كتير مابعرف جوابها
الله يقدرنا نتبع الطريقة الصح
بانة كتب:
جربيها وما تيأسي وتعصبي من أول مرة
بدها صبر القصة وطولة بال ....
بالنسبة لطولة البال الحمد لله موجودة
وصدقيني انا حبيت الولد كتير وزعلانة عليه رغم كل العذاب لي عم يسببلي ياه بالصف
بانة كتب:
وشوفي شو بيطلع معك يا مخرجتنا
عنجد المعلمة لازم تكون مخرجة ورسامة ومؤلفة ومربية وممثلة والاهم شرطي مرور
بانة كتب:
إذا بدنا نساوي متل ما حضرتك اقترحتي :
إننا نعطي الطفل دور يكون حلو فيه رواق وطفل مسالم , فنحن ما رح نستفيد شي تماما , لأنه رح يضل عدواني ويستخدم عدوانيته ..
انا معك ما بعتقد انو التمثيل رح يفاقم المشكلة لان السبب لي عم يخليه يصير عدواني شيء عايشو كل يوم وعم يعبر عنو بعدوانية اكيد تمثيله او البوح عنه رح يريحه اذا كانو الاطفال متلنا نحن الكبار بيرتاحو بالبوح
بانة كتب:
بالنهاية أنا او ليلاس أو إنتي أو أي حدا بدنا نحاول , يعني ما فيني قول هالطريقة نجحت مع الطفل فلان كان عم بعاني من هيك , معناها رح تنجح مع الطفل التاني ..
اكيد كل طفل حالة وانشالله اقدر اتوصل لنتيجة مع هالطفل
وبشركن باخبار حلوة عنو
شكرا بانة