كيف تتصرف لو حدث معك هذا........؟؟!

Wissam

لنفرض إنك انحطيت بموقف معين.......محرج.....مفرح........محزن.......الخ
وبصراحة ما عرفت كيف تتصرف :oops:

........وفجأة :idea:

بيخطر على بالك تصرف معين وبتتصرفه بدون تفكير

هاد الموضوع رح يكون لتنمية مهاراتنا بالتصرفات العشووائية الفجائية *sla

يعني العضو بيحط موقف اتعرضله أو بيخاف إنو يتعرضلو وبيحط التصرف اللي تصرفه أو ممكن يتصرفه
وبيجي العضو اللي بعده......إما بيناقشه بتصرفو أو بيخالفو........بالإضافة لأنو بيكتب هو شو كان ممكن يتصرف *ممم

وبعدين بيحط موقف جديد..........و هيك :wink:

رح بلش أنا :wink:

هادا يا جماعة ( بس ما حدا يضحك :mrgreen:

) مرة كنا أنا ورفقاتي طالعين نقعد بكافيتيريا

وبعد ما طلبنا وأكلنا وشربنا......بيجي الحساب :evil:

( والضربة إني كنت أنا اللي عازم :oops:

)
بمد إيدي عالجيبة وإذ :shock:

.........نسيان الجزدان بالبيت :cry:

بصراحة أنا انحرجت.......قلنالون للشباب هيك.......الكل بلش يزور :oops:

يلا يا شباب طالعو شو معكن وأنا بحاسبكون بعدين :lol:

........المهم بيطالعو الشباب شو معن......بتجي المفاجأة :shock:

إنو المصاري ما بتكفي *خوف

شو العمل يا ترى *ممم

بقوم أنا ولا شعوريا بروح للمحاسب وبقلو هيك هيك القصة
بيقوم بيزورني زورة :oops:

أنا قلت أكلناها........هلق رح يبلش جلي الصحون :mrgreen:

المهم بقلو هاي الهوية وخلي الشباب عندك لبين ما روح جيب مصاري وارجع

المهم الزلمة وافق وانحلت القصة بعدين
بس كان يوم :evil:

وهلق إجا دوركن إنتو........شو رأيكون؟؟ :wink:

عاشقة العربية

Wissamo,
والله موقف محرج .. خصوصا أنه أمام الأصدقاء
ربما شعرت أنكه يمكنك أن تحل المشكلة دون أن تخبر أصدقاءك أو تخبرهم كحل أخير
يمكن في البداية إن اكتشفت الكارثة أن آخذ واحدا أو اثنين من هؤلاء الأصدقاء على زاوية وأخبرهم بالمشكلة ليتساعدا في الدقع .. ثم أحاسبهم

أما إذا لم يكن لديهما ذلك المبلغ فلا أحاول أن أحرج نفسي أمام الجميع .. لذا أتصل بأبي أخي أختي .. واحد منهم كي ينقذني ويأتي للدفع

فما رأيك بالحل الأخير .. ألا يمكن أن نختصر به نظرات الأصدقاء الغاضبة ؟

م.فراس

هدى, كلامك صحيح وواقعي نوعا ما
الله لا يحرج اي حدا ابدااااااااااااا

أوركيدا

[b]Wissamo,

موضوعك رائع... وفعلاً ممكن يكون تنعمية لمهاراتنا .. مشان نفكر منيح قبل كل تصرف ..
بس يا زلمي إزا كل المزاقف اللي بدها تنحط هون من نموذج موقفك .. *خوف

فعلاً موقفك فظيع .. وأنا لو كنت محلك ... ما عرفت شو ممكن اتصرف..
بس بهالحالة...
كان ممكن انك تتفقد شو معك مصاري قبل ما تعمل هالعزيمة الفظيعة..من باب الحيطة..
تانياً .. بظن انو ما كان لازم تخبر رفقاتك بمشكلتك .. لإنو هيك .. فعلاً بينزعجوا ..
كان ممكن فوراً .. تلجأ للمحاسب وتعطيه الهوية .. وبلا ازعاج الشباب...
بس ممكن افهم عشو كنت عازمن لحتى كل مصرياتن ما كفوا لهالعزيمة *ممم

سختورة .. ولا خاروف مكتف .. ولا رفقاتك بطبيعة الحال منتوفين :mrgreen:

اقتباس:

بيقوم بيزورني زورة

اي انتي كمان ازورو :mrgreen:

اقتباس:

المهم بقلو هاي الهوية وخلي الشباب عندك لبين ما روح جيب مصاري وارجع

هاي أبشع شي ... لك شو عامل :idea:

خلي الهوية عندو آمنا وسدقنا ..
بس الشباب :arrow:

عم اتخيل شي رفيقة تحجزني بشي كاتيريا هيك

هني شو ذنبن؟؟؟؟؟؟؟؟
منيح ..انك لساتك عايش وما عملولك الشباب شي فصل مرتب من بعدا :mrgreen:

[/b]

Wissam

هدى,
إيه والله معك حق
بتعرفي عجبني الحل التاني........بس كان بدك يخطر عبالي وقتها
من الخجلة ما عرفت شو أعمل :oops:

شكرا لمشاركتك

م.فراس, شكرا لمروروك ومشاركتك *ورود

Wissam

أوركيدا كتب:

[color=#8000BF] [b]Wissamo,

موضوعك رائع... وفعلاً ممكن يكون تنعمية لمهاراتنا .. مشان نفكر منيح قبل كل تصرف ..

تسلمي .......كلك زوق

أوركيدا كتب:

كان ممكن انك تتفقد شو معك مصاري قبل ما تعمل هالعزيمة الفظيعة..من باب الحيطة..

إيه شو بيعرفني هاد اللي صار :evil:

أوركيدا كتب:

تانياً .. بظن انو ما كان لازم تخبر رفقاتك بمشكلتك .. لإنو هيك .. فعلاً بينزعجوا ..
كان ممكن فوراً .. تلجأ للمحاسب وتعطيه الهوية .. وبلا ازعاج الشباب...

لك وقتها من كتر ما انحرجت صدقيني انعما على قلبي وما عرفت شو أعمل

أوركيدا كتب:

بس ممكن افهم عشو كنت عازمن لحتى كل مصرياتن ما كفوا لهالعزيمة *ممم

سختورة .. ولا خاروف مكتف .. ولا رفقاتك بطبيعة الحال منتوفين :mrgreen:

لا والله وقتها كنت عازمن عالغدا وكانو تلات شباب.....قمنا خبصناها والله لأني وقتها كنت كتير مبسوط بعد ما طلعت نتيجتي بالسنة الأولى

وهني الله يصلحون ما كانو حاسبين حساب يصير هيك بقا صار اللي صار :evil:

اقتباس:

المهم بقلو هاي الهوية وخلي الشباب عندك لبين ما روح جيب مصاري وارجع

أوركيدا كتب:

هاي أبشع شي ... لك شو عامل :idea:

خلي الهوية عندو آمنا وسدقنا ..
بس الشباب :arrow:

عم اتخيل شي رفيقة تحجزني بشي كاتيريا هيك

هني شو ذنبن؟؟؟؟؟؟؟؟
منيح ..انك لساتك عايش وما عملولك الشباب شي فصل مرتب من بعدا :

شايفة شايفة.......ما قلتلك كان معمي على قلبي
بس شو بدك بالحكي كان يوم ما بينتسى
شكرا لمشاركتك...........وهي أحلى وردة

بس هلق منشوف الملاك شو رأيها......قولتك إلي بهدلة شي *خوف

بسس كمان بدي قول للي بدو يشارك: ما بتكفي المناقشة بدنا كمان مواقف
سلااااااااااااام *Hi

nadeem

اول شي شكرا ياوسام على الموضوع الحلو كتير
انا لو كنت مكانك كنت بتصلت بالسيد الوالد اول بحدي من الاقارب مشان يجيب معو المصاري واذا مامشي الحال بروح لعند المحاسب وبتفاهم معو على جنب وبشرحلو الموقف بدون شوشرة
بس دير بالك تاني مرة وماتنسى الجزدان بالبيت لانو ماكل مرة بتسلم الجرة ولولا ماطلع المحاسب مزوء كنت اضيتا جلي صحون للصبح :lol:

اما بالنسبة لتيماء انا بلاساس ماكنت سمحت للامور توصل لهالدرجة
بس بفرض صارت والتقينا اكيد رح بادر وسلم علي لانو الصداقة بالنسبة الي شي مقدس :wink:

Wissam

nadeem,
لك أهلين بنديمو والله
لك يا زلمي موقف كنت لا أحسد عليه
الله ستر إنت ما كنت موجود كنت شرشحتني :mrgreen:

مشكور لمرورك *ورود

Wissam

تيماء,
مية هلا
هلق إذا كان هاد السلام رح بيسبب حساسية وزعل وكان ممكن تجنبه......فأنا برأيي بلاه بيكون أحسن
أما إذا ما كان في مفر منو.....والله أنا بسلم بقا إذا الشخص التاني رد السلام كان به
بس بهالحالة أنا بحاول وقتها إني صلح الأمور شوي شوي
أما إذا تناشف أو طنش بالمرة ساعتها أنا بكون عملت اللي عليي

لك نورتي الموضوع تيمووووووووو

شكرا لمشاركتك *ورود

أوركيدا

تيماء
هلا .........كيفك :mrgreen:

أول شي شخص بتعزيه .. وبتعرفيه منيح .. وعلاقتك فيه كانت قوية ..
ما لازم الزعل يفرق بينكن .. يعني اعملو زعلة كام يوم .. وفرطت على خير ..
ما كل يوم الإنسان بيلاقي ناس يقربن منو ويرتحلن :arrow:

القصد: كان لازم تصالحيه :evil:

هادا أولاً ..
تانياً بقا.. وقت بتشوفيه بمكان عام ... بتسلمي عليه ولا كإنو في شي ..
((((( واعتبري هالموقف بداية لمشوار حلو يبدأ من جديد مع هالشخص))))))))))
واضح انو مافي بقلبك كره تجاه هالإنسان .. لإنو لو بتكرهيه .. ما كنتي فتحتي السيرة .. صح؟ :wink:

لذلك سلمي عليه ..

آخر المشاركات

قوانين المنتدى

كيف تتصرف لو حدث معك هذا........؟؟!