بماذا تشعر عندما...

الملاك

- إملأ الفراغات التالية:

. بماذا تشعر عندما تحدق بعينيك ،ولفترةً طويلة ، عينا شخصٍ

تشتاقه منذ زمن ولا تقول له......................

أنت مذنب بحقه ، ولا يمكنك الاعتراف...................

ظلمك كثيراً، وأنت بصمت ، تسامحه...................

غاب طويلاً ، وفجأةً عاد.....................

لطالما رآك وكأنك الدنيا كلها ، وهذه أول مرةٍ تراه.............

آلمك حقاً ، وينتظر رؤية الألم في عينيك..................

كنت دائماً المذنب بحقه، ولكن، هذه المرة أنت بريء............

أجبرته الظروف على الابتعاد، وها هي الظروف تعيده..................

يعلم بأنك أصدرت على نفسك حكماً بالاعدام ، ويستمر بالتحديق.............

بالغ في ظلم نفسه وعزلها ، والآن ينتظر من عينيك جواباً..................

خنته حقاً................

بين حشدٍ كبير ، يراه الجميع، ولا يرى سواك..............

يعلم وتعلم بأنه لا أمل، والنهاية الفشل..................

لا تريد النظر في عينيه........................

؟

ملاحظة 1

: أجب عن كل حالة بتفرد كامل دون ربطها بما قبلها أو بعدها :arrow:

..فليس بينهم شيءٌ مشترك :arrow:

ملاحظة

2: يمكنك ملأ فراغ واحد فقط أو أكثر :arrow:

والعلامة الكاملة لمن يملئهم كلهم :wink:

الباشق

تشتاقه منذ زمن ولا تقول له *** هيك غلط بس ايام اللسان ما بيقدر يوصف درجة الشوق فالانسان بيسكت
أنت مذنب بحقه ، ولا يمكنك الاعتراف*** اذا كنت مذنب بحقه فحرام اصل علي اني انظر بعيونه ولازم اخجل من نفسي بس الحمد لله ما صارت معي ولا بتصير ههههه
ظلمك كثيراً، وأنت بصمت ، تسامحه *** بصراحه ايه ممكن بس يضحك من قلبه وحس انه بيعتذر من الضحكه وخجلان فورا بسامحه
غاب طويلاً ، وفجأةً عاد*** ايه بكون عم قول معقول هو ولا لاء وبصير بشوف شو تغير فيه من النظر بعيونه
لطالما رآك وكأنك الدنيا كلها ، وهذه أول مرةٍ تراه ***بيكذب علي ممكن اكله بعيوني
آلمك حقاً ، وينتظر رؤية الألم في عينيك*** بحياته ما بيشوفها بالعكس ممكن اضحك بوجهه بس حتى اغيظه وممكن انظر بعيونه بحقد
كنت دائماً المذنب بحقه، ولكن، هذه المرة أنت بريء*** ممكن انظر بعيونه نظرات بتبين اني صادق من قلبي
أجبرته الظروف على الابتعاد، وها هي الظروف تعيده*** نظرات شوق طبعا وبنفس الوقت انه الدنيا مو سايعتني انه رجع
يعلم بأنك أصدرت على نفسك حكماً بالاعدام ، ويستمر بالتحديق*** بيحاول يقلي انت شخص خاطى بقرارك وبهي الفتره بيكون كلام العين اقوى من اي كلمه
بالغ في ظلم نفسه وعزلها ، والآن ينتظر من عينيك جواباً*** عكس اللي قبلها
خنته حقاً*** الحمد لله ما بعرفها بس اذا عملتها ومستحيل اعملها بعملها بشخص خانني مرة واتنين وعشره بعدين باخد حقي منه
بين حشدٍ كبير ، يراه الجميع، ولا يرى سواك*** حبيبتي
يعلم وتعلم بأنه لا أمل، والنهاية الفشل*** بنظر له نظره غضب لانه الضعيف اللي بيفكر هيك
لا تريد النظر في عينيه*** اذا كان بيتألم من اي شي او اذا انا المته او اغلطت بحقه

لجين

اقتباس:

تشتاقه منذ زمن ولا تقول له......................

بحبس بقلبي

اقتباس:

أنت مذنب بحقه ، ولا يمكنك الاعتراف...................

أصعب احساس لأني رح اخجل كتير من حالي وبضطر اكتم

اقتباس:

ظلمك كثيراً، وأنت بصمت ، تسامحه...................

بزعل من وعلى حالي لأنو بكون تعودت على هيك أسلوب للأسف وصارت عادة اني سامح ع الطالعة والنازلة
:cry:

اقتباس:

غاب طويلاً ، وفجأةً عاد.....................

رح انبسط من جوات قلبي وعيوني مارح تنشال من عيونو...وبنفس الوقت رح يكون في بقلبي حسرة وسؤال ليش عمل هيك

اقتباس:

كنت دائماً المذنب بحقه، ولكن، هذه المرة أنت بريء............

بما انو العيون بتحكي رح حاول وصل يلي بدي ياه عن طريق عيوني يعني رح حاول قد مابقدر اني اطلع فيه وقلو اني ماغلطت واني بريئة

اقتباس:

أجبرته الظروف على الابتعاد، وها هي الظروف تعيده..................

نظرة استغراب رح تكون.. وزعل واحساس ولا أبشع جواتي ..رح حس حالي متل كأني لعبة بس متوقعة سامحو

اقتباس:

بالغ في ظلم نفسه وعزلها ، والآن ينتظر من عينيك جواباً..................

عيوني رح توصلو الجواب...بسامح أكيد

اقتباس:

خنته حقاً................

أكيد مارح اقدر اطلع بعيونو ورح دوب من الخجل والقهر من حالي

اقتباس:

بين حشدٍ كبير ، يراه الجميع، ولا يرى سواك..............

رح كون مبسوطة أكيد والدنيا مو واسعتني
:oops:

اقتباس:

يعلم وتعلم بأنه لا أمل، والنهاية الفشل..................

بكتفي بالصمت والحزن عم يقتلني من جوا

Safa alaasi

اقتباس:

تشتاقه منذ زمن ولا تقول له......................

اشعر بالسعادة والخجل بنفس الوقت لانني لا استطيع البوح بمشاعري له

اقتباس:

أنت مذنب بحقه ، ولا يمكنك الاعتراف

بتمنى لو يسامحني بدون ما اقر بذنبي

اقتباس:

ظلمك كثيراً، وأنت بصمت ، تسامحه

بتمنى لو يقدر شو عم قدملو وبتمنى ما ارجع شوفو بحياتي لانو النظر بعين الظالم اصعب موقف الله لا يدوقو لحدا

اقتباس:

لطالما رآك وكأنك الدنيا كلها ، وهذه أول مرةٍ تراه

بقول بعقلي ياريتني بعرفك من زمان سامحنى اذا عزبتك

اقتباس:

آلمك حقاً ، وينتظر رؤية الألم في عينيك

رح خليه يشوف الالم بعيوني بس ما رح خليه يشوفني مرة تاني وهيك راح يتألم أكتر

اقتباس:

أجبرته الظروف على الابتعاد، وها هي الظروف تعيده

يلعن ابو الظروف و آسفة لاستخدام هالتعبير بس قلبي آهات من الظروف الصعبة

اقتباس:

بالغ في ظلم نفسه وعزلها ، والآن ينتظر من عينيك جواباً

اتاخر الوقت خلص الصبر بس راح اعطيك الفرصة الاخيرة

اقتباس:

بين حشدٍ كبير ، يراه الجميع، ولا يرى سواك

وانا ايضا لا ارى سواك

اقتباس:

يعلم وتعلم بأنه لا أمل، والنهاية الفشل

بتنكسر حواسي وبصير عجوز هالكها الألم والهرم وهالكتها الحياة وياريت اخلص من هالحياة بس الله كريم الله ما في اكرم منه

Lina

الملاك,
:mrgreen:

ناصبتيلي كمين
:mrgreen:

اقتباس:

. بماذا تشعر عندما تحدق بعينيك ،ولفترةً طويلة ، عينا شخصٍ

تشتاقه منذ زمن ولا تقول له......................

يمكن بالشوق لحتى عبرلا عن اشتياقي :wink:

ويمكن الحسرة لأنو ما بتعرف اني مشتاقتلا

اقتباس:

أنت مذنب بحقه ، ولا يمكنك الاعتراف...................

برغبة بالبكاء أكيد ويمكن حتى ما اقدر غالب نفسي وتنزل دموعي .... :cry:

اقتباس:

ظلمك كثيراً، وأنت بصمت ، تسامحه...................

كمان بحس انو بدي ابكي ويمكن حس بالحقد الممزوج بالمحبة لهالشخص :roll:

لك اي بتصير....أحيانا لما بتظلمني وحدة من رفقاتي بسامحا بقلبي وحتى ما ببينلا اني زعلت أو شي....بس التخباية بالتدايق :evil:

اقتباس:

غاب طويلاً ، وفجأةً عاد.....................

احم

اقتباس:

لطالما رآك وكأنك الدنيا كلها ، وهذه أول مرةٍ تراه.............

عاااااااااااااااااااادي ما بحس بشي لأني أول مرة بشوفو :roll:

ويمكن ما شوفو من أصلو :idea:

اقتباس:

آلمك حقاً ، وينتظر رؤية الألم في عينيك..................

اي صارت معي بس عزة نفسي ما خلتني بينلا ولو للحظة انو وجعتني

بصراحة بحس بالشجاعة لما بتغلب على مشاعر الحزن بهيك لحظات

اقتباس:

كنت دائماً المذنب بحقه، ولكن، هذه المرة أنت بريء............

طبعا الحسرة انو هالشخص ما رح يصدقني فبحس بالألم الشديد والاستسلام لاعتقاده الخاطئ :roll:

اقتباس:

أجبرته الظروف على الابتعاد، وها هي الظروف تعيده..................

اقتباس:

يعلم بأنك أصدرت على نفسك حكماً بالاعدام ، ويستمر بالتحديق.............

كيف يعني؟؟؟قصدك ناس بحبون بس ما عم يعملو شي مشاني :roll:

أكيد بحس اني زعلالالالالالالالالالان كتييييييييييييييييييييييييييير وأحيانا الغضب الشديد :evil:

اقتباس:

بالغ في ظلم نفسه وعزلها ، والآن ينتظر من عينيك جواباً..................

بحس بالحنان والعطف تجاه هالشخص....بس أي نوع من الظلم بتقصدي؟؟؟ :?:

اقتباس:

خنته حقاً................

وشو بعرفني :?:

اقتباس:

بين حشدٍ كبير ، يراه الجميع، ولا يرى سواك..............

يعني أنا بكون شايفتو كمان وللا لأ..؟؟؟ :?:

اذا اي...هون بيعتمد على اذا كنت ببادلو نفس المشاعر!!!اذا اي :mrgreen:

بحس حالي خفيفة الوزن :mrgreen:

واذا لأ....للأسف بحس حالي أبرد من التلج :roll:

اقتباس:

يعلم وتعلم بأنه لا أمل، والنهاية الفشل..................

هون بقى في عقل وما في مشاعر تشتغل :roll:

بكل بساطة بحاول انسى هالشخص عالرغم من انو رح يكون في تحسر على عدم استمرار العلاقة معا

اقتباس:

لا تريد النظر في عينيه........................

أكيد الخوف :roll:

ايمتى الجلاآت؟؟؟

:mrgreen:

أحمد الدالي

اقتباس:

بماذا تشعر عندما تحدق بعينيك ،ولفترةً طويلة ، عينا شخصٍ

تشتاقه منذ زمن ولا تقول له......................

بالحنين القوي
أنت مذنب بحقه ، ولا يمكنك الاعتراف...................

بتأنيب الضمير
ظلمك كثيراً، وأنت بصمت ، تسامحه...................

بطيبة قلب ..بس كمان بسبسب شوي بقلبي :mrgreen:

غاب طويلاً ، وفجأةً عاد.....................

بحس انو ياريتو ما رجع لأنو بعودتو يمكن يموت الحنين يلي كنت كاتمو بقلبي
لطالما رآك وكأنك الدنيا كلها ، وهذه أول مرةٍ تراه.............

رعشة وارتباك

آلمك حقاً ، وينتظر رؤية الألم في عينيك..................

بتألم عنجد لأنو مافيني خبي هالشي

كنت دائماً المذنب بحقه، ولكن، هذه المرة أنت بريء............

يمكن تنزل دمعتي بهيك موقف رغم البراءة من الموضوع
أجبرته الظروف على الابتعاد، وها هي الظروف تعيده..................

بشعر بعودة الحياة لقلبي
يعلم بأنك أصدرت على نفسك حكماً بالاعدام ، ويستمر بالتحديق.............

بشعر بضياع لعدم القدرة على التعبير

بالغ في ظلم نفسه وعزلها ، والآن ينتظر من عينيك جواباً..................

بحس فيه وبألمو الداخلي من خلال نظراتي فقط
خنته حقاً................

ما حصل معي هالشي..بس صار معي بعض المواقف
ويمكن عدم القدرة مني على التبرير يفكروا اني خنتهن
بس بينس وبين نفسي مقتنع اني ما خنت

بين حشدٍ كبير ، يراه الجميع، ولا يرى سواك..............

أكيد بتدمع عيوني ..بس يمكن كون قادر على السيطرة على عدم إظهارها
يعلم وتعلم بأنه لا أمل، والنهاية الفشل..................

بستسلم للفشل أكتر من الأمل
لا تريد النظر في عينيه........................

أصعب موقف بالحياة

الملاك,
أسئلتك قاتلة :cry:

kma

اقتباس:

تشتاقه منذ زمن ولا تقول له......................

آخر شيء بتوقع يطلع مني هو الشوق والحنين

اقتباس:

أنت مذنب بحقه ، ولا يمكنك الاعتراف...................

بحاول صحح غلطي وبحاول الألتفاف حول الموضوع ...لأني ما بحب واجه شخص بقضيه أنا أذنبت فيها...

اقتباس:

ظلمك كثيراً، وأنت بصمت ، تسامحه...................

بسامحه وبتمنى بيوم من الأيام يكتشف حالو...بس الأصعب اذا كان مصر أنو هو ما غلط

اقتباس:

غاب طويلاً ، وفجأةً عاد.....................

هي الها منحيين يعني حسب الشخص فممكن تكون شوق وممكن تكون مصلحه

اقتباس:

لطالما رآك وكأنك الدنيا كلها ، وهذه أول مرةٍ تراه.............

بغادر بصمت...

اقتباس:

آلمك حقاً ، وينتظر رؤية الألم في عينيك..................

آخر شي ممكن أعملو أنو اتآلم بوجودو

اقتباس:

كنت دائماً المذنب بحقه، ولكن، هذه المرة أنت بريء............

بقلو من شبّ على شيء شاب عليه ...وما معقول غير طباعي فانته يلي اتأخرت بالأنتباه

اقتباس:

أجبرته الظروف على الابتعاد، وها هي الظروف تعيده..................

اذا رجع متل ما كان قبل الأبتعاد بسبب الظروف فأنا رح أعتبرو الصديق المثالي...

اقتباس:

يعلم بأنك أصدرت على نفسك حكماً بالاعدام ، ويستمر بالتحديق.............

حسب نظرتو ممكن تكون شفقه عليي أو بدو يشفي الغليل!!!

اقتباس:

بالغ في ظلم نفسه وعزلها ، والآن ينتظر من عينيك جواباً..................

برأيي ما بوصلو للمبالغه ...لأنو الصديق وقت الضيق...

اقتباس:

خنته حقاً................

هون بقى بلجأ لآخر ورقه عندي وهيه الأعتذار بحق

اقتباس:

بين حشدٍ كبير ، يراه الجميع، ولا يرى سواك..............

بتجنب النظر باتجاهو ...لأنو ما ضروري يكون عندي نفس شعورو تجاهي...
وحتى لو كان عندي فأنا من طبعي اني بحب أخفي ..فرح أتجنب

اقتباس:

يعلم وتعلم بأنه لا أمل، والنهاية الفشل..................

لا مانع من الأستمتاع بالفشل ....علّه يكون دافع لنجاح جديد

اقتباس:

لا تريد النظر في عينيه........................

هي بتعني بالنسبه الي أني بكنّ شعور موده أو أحترام أو إعجاب

الملاك,
أغرب أختبار بيمر عليي...لأنو وقت بقرى الجمله بتخطر ببالي ألف قصه وروايه
والجمل مبهمه بتعتمد عسرد أفكار الشخص

ممدوح

. بماذا تشعر عندما تحدق بعينيك ،ولفترةً طويلة ، عينا شخصٍ

تشتاقه منذ زمن ولا تقول له......................
بالخوف لأني ما بقدر أخبروا بهل الشي
أنت مذنب بحقه ، ولا يمكنك الاعتراف...................
بتأنيب الضمير
ظلمك كثيراً، وأنت بصمت ، تسامحه...................
بالحزن على نفسي
غاب طويلاً ، وفجأةً عاد.....................
بالفرح و الفرج
لطالما رآك وكأنك الدنيا كلها ، وهذه أول مرةٍ تراه.............
بالحزن عل الوقت يلي راح سدى
آلمك حقاً ، وينتظر رؤية الألم في عينيك..................
بالفرح لأنو ما ح يشوفو ابدا
كنت دائماً المذنب بحقه، ولكن، هذه المرة أنت بريء............
بضحك و ببكي من قلبي عليه و على نفسي
أجبرته الظروف على الابتعاد، وها هي الظروف تعيده..................
بقلو خلي الظروف تنفعك
يعلم بأنك أصدرت على نفسك حكماً بالاعدام ، ويستمر بالتحديق.............
روح حبيبي روح شو بدك فيي نساني تركني بحالي
بالغ في ظلم نفسه وعزلها ، والآن ينتظر من عينيك جواباً..................
يمكن صعب كتير اقدر اعطي جواب و اذا كان و لا بد الجواب لأ
خنته حقاً................
بالأسف
بين حشدٍ كبير ، يراه الجميع، ولا يرى سواك..............
ما بتستاهلني
يعلم وتعلم بأنه لا أمل، والنهاية الفشل..................
شرف التجربة بيكفيني
لا تريد النظر في عينيه........................
على حسب السبب... بس مدري ليه حسيت اني يا ح قلو اشتقتلك او بكرهك

الأسئلة بتحتاج لوقت كبير من التفكير... و بتحتمل اكتر من اجابة

Ruba

اقتباس:

تشتاقه منذ زمن ولا تقول له......................

ما رح خليه يحس بهالشي و عالأغلب رح إتجنب النظر بعيونو .. :roll:

اقتباس:

أنت مذنب بحقه ، ولا يمكنك الاعتراف...................

- كمان رح إتجنب النظر بعيونو .. لأني رح كون خجلانة كتير من حالي :oops:

اقتباس:

ظلمك كثيراً، وأنت بصمت ، تسامحه...................

سامحت و بعرف حالي رح سامح بس مو مين ما كان :roll:

اقتباس:

غاب طويلاً ، وفجأةً عاد.....................

إذا كان غيابو غير مبرر فعلى الأغلب ما رح كون ناطرتو لذلك رح إعمل حالي ماني شايفتو

اقتباس:

لطالما رآك وكأنك الدنيا كلها ، وهذه أول مرةٍ تراه.............

بتلبك

اقتباس:

آلمك حقاً ، وينتظر رؤية الألم في عينيك..................

إذا كان مبسوط بهالشي فرح إتركو يشوفني عم إتألم :cry:

اقتباس:

كنت دائماً المذنب بحقه، ولكن، هذه المرة أنت بريء............

ببكي أول ما بتجي عيني بعينو :cry:

اقتباس:

أجبرته الظروف على الابتعاد، وها هي الظروف تعيده..................

رح تكون نظرة عتاب

اقتباس:

يعلم بأنك أصدرت على نفسك حكماً بالاعدام ، ويستمر بالتحديق.............

طالما أصدرت الحكم على نفسي بالإعدام .. بقا يحدق على كيفو :roll:

اقتباس:

بالغ في ظلم نفسه وعزلها ، والآن ينتظر من عينيك جواباً..................

لسه في أمل ... :wink:

اقتباس:

خنته حقاً................

ما صارت معي و لا مرة

اقتباس:

بين حشدٍ كبير ، يراه الجميع، ولا يرى سواك..............

اقتباس:

يعلم وتعلم بأنه لا أمل، والنهاية الفشل..................

الفشل ... الفشل ... الفشل

اقتباس:

لا تريد النظر في عينيه........................

لأني بعرف حالي رح إبكي
:cry:

بانة

اقتباس:

عينا شخصٍ

اقتباس:

تشتاقه منذ زمن ولا تقول له......................

رح إنزعج كتير وحس شي بقلبي رح يطق ويمكن إبكي بس لحالي :cry:

اقتباس:

أنت مذنب بحقه ، ولا يمكنك الاعتراف...................

بخجل كتير من حالي ومنه :oops:

اقتباس:

ظلمك كثيراً، وأنت بصمت ، تسامحه...................

بحس إحساس ما بعرف أكتبه , خليط بين الفرحة والدمعة والإطمئنان

اقتباس:

غاب طويلاً ، وفجأةً عاد.....................

صدمة وفرح ودموع فرح , وشي غريب اشتعل :shock:

اقتباس:

لطالما رآك وكأنك الدنيا كلها ، وهذه أول مرةٍ تراه.............

اقتباس:

آلمك حقاً ، وينتظر رؤية الألم في عينيك..................

ليش ؟......... بس والله يعني بحس عم يحرقني بقلبي , إنه ليش ؟

اقتباس:

كنت دائماً المذنب بحقه، ولكن، هذه المرة أنت بريء............

رح ينتابني إحساس إني لازم وضحله إني بريئة , عالأقل هالمرة

اقتباس:

أجبرته الظروف على الابتعاد، وها هي الظروف تعيده..................

فــــــــــــــــرح ولهفة *sla

اقتباس:

يعلم بأنك أصدرت على نفسك حكماً بالاعدام ، ويستمر بالتحديق.............

بحس بإحساس قوة وتحدي :shock:

اقتباس:

بالغ في ظلم نفسه وعزلها ، والآن ينتظر من عينيك جواباً..................

,

اقتباس:

خنته حقاً................

شعوري رح يكون إني أكيد رح إكره حالي كتير ويمكن إكره كمان لأنه خلاني حس هالإحساس تجاه نفسي ..

اقتباس:

بين حشدٍ كبير ، يراه الجميع، ولا يرى سواك..............

ساعتها يمكن احسد حالي :mrgreen:

اقتباس:

يعلم وتعلم بأنه لا أمل، والنهاية الفشل..................

اقتباس:

لا تريد النظر في عينيه........................

بخاف وبخجل وبهرب وبتروح عيوني بكل الإتجاهات :roll:

آخر المشاركات

قوانين المنتدى

بماذا تشعر عندما...