كيف تتصرف لو حدث معك هذا........؟؟!

3a$õØöLê · **Publié:** Dim Déc 14, 2008 12:58 am

أوركيدا,
ههههههههه اي رح اسكوت ع راسي *ورود

بس أنا عندي خبرة بالموضوع دائما آعدة هيك أصلا بس وئتا رفيئتي آلتلي تعي نبدل هالحصة وكرسيا جلدتو وائعة.. آم صار اللي صار بس ضحكنا يعني..
بتصير من المواقف الحلوة اللي مامنساها..
خلي الموقف التاني لبعدين شوي..لناخود كم تعليق ع هاد :mrgreen:

Safa alaasi · **Publié:** Dim Déc 14, 2008 1:16 am

بدي احيلكن موقف وبتمنا عنجد تقولو رايكن بصراحة
اشتغلت بمدرسة خاصة لفترة المهم ,كنت عم درس بنات باكالوريا .........واتفاجأت بمستواهن الضعيف جدا........والله وحطيت هدف قدام عيوني اني ساعدن من كل قلبي وقلت هدول مسؤوليتي ...........ولازم يتحسنو بالانكليزي.......بس كانت الادارة رديئة جدا يعني ما عطوني اي خطة للمنهاج كلو يقولولي عكيفك .......قمت صرت انا ابحث ودور عن الانسب والافضل بالتدريس واشتريت ملخصات .........وفعلا بلشت المس تحسن شوي شوي بالطالبات.........وبيوم من الايام جيت عالصف واذ بلاقي المدير موجود وقدام الطالبات بيسالن شو رايكن بالآنسة منيحة ولا لاء .......وقلن وجهولا اي ملاحظة ...........واذ بتفاجأ بكم بنت ببلشو يقيموني كاني طالبة عندن..........وبلش الافتراء على شي الآنسة ما بتحكي غير انكليزي(طبعا كذب لاني كنت عم بسطلن المعلومة بالعربي ومبلشي معن من الصفر)......وشي انو الآنسة بتعطي القاعدة وبتطلب مننا الامثلة(طبعا كنت اعطيهن امثلة وبعدا اطلب امثلة منن لاتأكد انن فهمو)
ووكل يومين نفس الموال يجي المدير يفوت ويسألن يالله احكو اي شي بدكن ياه قدام الآنسة,طبعا انا قلتلو ما بيصير تقيمني قدام الطالبات هيك راح تزعزع ثقتهن فيي ولكن لا حياة لمن تنادي ,بعدين قلي بكرا جاي موجه انكليزي , قمت انا كيفت قلت هلئ الموجه هوي الي بيقيمني مو حدا تاني ,طبعا طلع كذب وما اجا ,وانا قلو جيب الموجه احسن ..........وهكذا لحتا مليت وطفشت وتركت المدرسة
بعدا بشهر شفت بنت من طالباتي قالتي اسقالله ايامك يا آنسة المدير لهلئ ما جبلنا آنسة وما عم نفهم شي بالانكليزي
شو رايكن كان ممكن اعمل غير اني اترك .........يعني انا كنت كتير حابة التدريس بس المعاملة مع الادارة هيي الي تعبتني ,وبصراحة بعدا حسيت حالي مالي نفس اشتغل شي ,يعني كرهت الشغل من ورا هالتجربة

أوركيدا · **Inscrit le:** 16 Septembre 2007

Safa alaasi,

رح ابدا من الآخر..

Citer:

,يعني كرهت الشغل من ورا هالتجربة

ما بيصير تجربة وحدة ... تحدلك طموحك ... أو مواهبك .. أو تطورك .. :idea:

ليه؟؟ هني كام وحدي كزابة ... مدير .. يحاول أن يكون ديموقراطياً ..
بس ما فهمت .. كإنك نا كنتي تقولي للمدير .. انو هالحكي كلو كزب *ممم

يعني كنتي توقفي وتتفرجي :shock:

ع فكرة موقف المدير مو حلو أبداً .. كان لازم يسألهم بغيابك ..
بس سؤال لو سمحتي ..
انتي متأكدة من كفاءتك بالتدريس ؟؟؟؟ ( عدم المؤاخذة)
بظن كان الأفضل انك تواجهي المدير والطالبات ..
وحتى اطلبي منو يقعد ويحضرلك حصة ..
بس إزا مالك صبر ... وكتر كزبن كرهك بالمدرسة .. اي طبعاً منيح انك تركتي ..
بس بتجي فرصة وتنتين وتلاتة ..
هلا بصفصف *Hi

Safa alaasi · **Publié:** Dim Déc 14, 2008 1:48 am

أوركيدا, انا قلتلو مرة وحدة انو كم وحدة الكسالى جدا هنن الي عم يكزبو وقلتلو انو يحضرلي ,اتصوري ما حضرلي ولا درس ,وطلبت يجي موجه وما اجا
طبعا انا ما انهد طموحي بس حطي حالك محلي ,انا اكره عليي الكزب, وبصراحة انا من النوع الي بيخجل يعني تركت المدرسة وكان جاي عبالي كتير شغلات قلوياها بس استحيت,طبعا هلئ عم حاول اكسر هالنوع من الخجل لانو بيتاكل حقي من ورا خجلي

Citer:

انتي متأكدة من كفاءتك بالتدريس ؟؟؟؟ ( عدم المؤاخذة)

ما في مؤاخذة,الحمدلله انا السنة الماضية عطيت بنات باكالوريا كانو ضعيفات بالانكليزي , وجابو علامات ممتازة لا تقل عن 36 من 40
بس اكيد انا مو مدرسة حمص الاولى بس بعتقد عندي ملكة التدريس الحمدلله وبطور حالي كتير
اوركيدا عن جد شكرا عرايك ..كتير بيهمني

Safa alaasi · **Publié:** Dim Déc 14, 2008 1:59 am

كندا, شكرا كتير لدعمك الي هاد من زوقك ,وبكرا انشالله رايحا قدم على مدرسة ,

وأكبر شكر لوسام الي عمل هالموضوع الرائع

أوركيدا · **Inscrit le:** 16 Septembre 2007

Safa alaasi,

Citer:

اتصوري ما حضرلي ولا درس

غلطان...هيك بيحكم عليكي بس من كلام البنات :!:

Citer:

وكان جاي عبالي كتير شغلات قلوياها بس استحيت

شو استحيت .؟؟؟ هاي الشغلة ما فيها مستحا

Citer:

الحمدلله انا السنة الماضية عطيت بنات باكالوريا كانو ضعيفات بالانكليزي , وجابو علامات ممتازة لا تقل عن 36 من 40

إزا هيك .. *good

Citer:

اوركيدا عن جد شكرا عرايك ..كتير بيهمني

ويلكوم

Safa alaasi · **Publié:** Dim Déc 14, 2008 2:23 am

أوركيدا, انا بحبك :mrgreen:

أوركيدا · **Inscrit le:** 16 Septembre 2007

Safa alaasi,

شو مشانييييييييييييييي :oops:

تحبك العافية ... بدي ادعيلك دعوة بس ما عم بعرف قولا ...
بس يمكن هيك:::............
الله يحبك . :oops:

ظابطة ؟؟

أحمد الدالي · **Publié:** Dim Déc 14, 2008 4:50 am

Wissamo,
أول شي بهنيك على الموضوع الرائع
وبالفعل مواقف الإحراج من أصعب المواقف
ما رح أعطي حلول لمواقفكن..لأني ما بعرف :mrgreen:

بس مشان موقف العزيمة تبعك
الكل عطوك حل..إنو تتصل بالوالد خليه ينقذك من الورطة
بس أنا لما فكرت:قلت بما إنو عزيمة وهيك شي
يمكن تكون ما خبرت أهلك :mrgreen:

وهون رح يصير عندك موقفين محرجين :mrgreen:

الأول من رفقاتك...والتاني من أهلك لأنك مانك مخبرهن عالعزيمة :mrgreen:

تصور تكون قايلن رايح ادرس عند رفقاتي :mrgreen:

منجي هلأ لموقف صار معي من فترة:
أنا بطبعي خجول وخوصا من النسوان :oops:

بيوم من الأيام كان بدي توقيع من محافظة دمشق
ومتل ما بتعرفو التوقيع بدو واسطة بهالأيام :mrgreen:

المهم خليت أمي تحكي مع رفيقتها لأنها موظفة هنيك
وأنا ما بعرفها كتير
المهم رحت وسألت عن الآنسة غادة
قام الموظف داني على الأ{شيف..وهون المشكلة
دقيت الباب وفتت..واتفاجأ بشي 20 موظفة وكلن من النسوة :mrgreen:

قال تفضل :أنا صرت أحمر هون :oops:

قلتلهن بدي الآنسة غادة

لما سمعوا كلمة آنسة ضحكو كلن مع بعضن وأنا هون وقعت بأرضي من الخجل :oops:

وصارا يقولو آنسة مين.. قلتلهن غادة
والله حطو غادة وبلشو فيها..صايرة آنسة ومالنا خبر..وعلى ضحك أنا صرت شر شرير من العرق...قمت هربت لبرا مشان آخد نفس :mrgreen:

اي والله وبعدين رحت مع الآنسة غادة على مكتبها وزبط التوقيع :mrgreen:

برأيكن شو كان لازم اعمل بهيك موقف مخجل..مشكلتي خجول :mrgreen:

هاتو لشوف

الملاك · **Publié:** Dim Déc 14, 2008 3:41 pm

تيماء,
اسمعيني منيح وأنتي ركزي معي هالمرة :arrow:

بكلشي في مزح إلا بالمصاري...لأنو المصاري بتوصل للسجون والمحاكم أحياناً..وبسبب مبلغ تافه
بقا بهي لا تمزحي ولا تخجلي ولا فيا مونة .....بتصرف حسب قواعد ونظام العمل حتى لو مافي عقد عمل
رفيق :arrow:

اي ماشي رفيق برات الشغل..إذا في شغل يعني في مصاري
أول مرة ببلاش وتاني مرة معلش...بس أكتر من هيك أنتي قيّمي ميزانية معينة وشوفي هالعمل شقد بيتطلب مصاري وخدي المبلغ اللي أنتي حددتيه
وأصري على هيك شي...أو فعلاً بلا الخدمة
لأنو ممكن يتمادى بطلباتو بعد هيك لو ما أخدتي..وما بتعرفي الأيام شو بتجبلك وشو بتغير
أنتي اللي عم تشتغلي..إذاً انتي بتحددي المبلغ..وبأعرض ابتسامة بتقولي
أنا مستعدة امل كذا مقابل كذا من المال وفقط :arrow:

nadeem,
بتصير كتير صح...بس هالشي ما بيعني انك مانك بموقف محرج

الأفضل تضل عم تقلو أبو عبدو وأبو حميد لحتى ينذكر اسمو بصوت عالي شي مرة
وأنت خلي رادارك شغال وأنتينك عالي مشان تلقط اسمو
بس إذا طولت الشغلة وما عرفت اسمو روح اسآل الأستاذ....عادي ما فيا شي :idea:

بس دخلك بدي سألك..وين مسجل توفل وعند أي أستاذ؟
3a$õØöLê,
متل ما قالتلك أوركيدا :mrgreen:

هي مانا مشكلة مشان نعطيكي إلها حل :wink:

وبشكل عام أنتي تصرفتي صح
يعني الضحك بهيك حالة هو أنسب تصرف...بس طلبي المساعدة مرة تانية :arrow:

Safa alaasi,
أنا معك مليون بالمية انو ادارة المدرسة فاشلة
لا عطوكي خطة ولا منهجية ومستوى طالباتن ضعيف....يعني المدير مانو ابن مصلحة :arrow:

أنسب حل هو انك تتركي..ما مشان شي..بس لأنن هني بحاجة لمدرس متمرس أكتر
وأنتي بحاجة لبداية أنسب...يعني مدرسة تساعدك متل ما عم تساعد الطالبات :arrow:

تجربة رقم واحد فاشلة...ممتاز..دليل انو تجربة رقم تنين رح تكون ناجحة
ولو نجحتي من أول مرة فهادا أكبر دليل انك ما لمستي الواقع وما جربتي
لأنو المدرس ابن الأربعين سنة ومتمرس بالتدريس عم يواجه مشاكل :arrow:

وطبعاً بحالتو "الهروب مانو حل" هو لازم يواجه..بس انتي كمبتدئة حقك تجربة أفضل :arrow:

أنا بحييكي...مستوى طالباتك ممتاز *ورود

أحمد الدالي,
الحق ما عليك
الحق على نوع وطبيعة النساء بالدوائر الحكومية..وكأنن بيتعرو امن كل ما يسمى احترام الرجل والخشعة أمام الذكر " ما عم احكي بشكل عام"
أنت لا أول ولا آخر واحد بينصدم بتعامل النساء معو وكأنن بيعرفوه من مية سنة

هي مشكلة متفشية وواضح انك بتتعرضلا للمرة الأولى
وأنت ما غلطت انك قلت آنسة...لأنو هي أنسب صفة وقت ما بتكون ما بتعرف وضعا الاجتماعي..بالعكس العيب انك تقول مدام وتطلع آنسة :arrow:

بس غلط انك تخجل ويبين عليك الخجل...لأنك عطيتن فرصة للتمادي والتعليقات أكتر
أنا بتمنى بهيك مواقف أنو أي رجل يكشر ويعبر عن اشمئزازو...وتكون نظرة عينو لوحدا بتحسس المرأة أنو حيائك هو جمالك
بس الخجل مانو صفة بالأيد...
عموماً بهيك حالة لا ترسم أي تعبير على وشك وخليك عند كلمة آنسة غادة..واتصرف كأنك مانك شايف أو سمعان شي
ولو بتقدر تتحكم بخجلك..فاخفيه وحط محلو اشمئزاز :arrow:

هادا رأيي المتواضع تجاه وحدة من أكتر الظاهرات اللي بكرها

واضح أنو الموضوع عم يتطور وعم تنحط مواقف أحلى كل يوم....ما شاء الله عننا

Latest Posts

Règles du forum

كيف تتصرف لو حدث معك هذا........؟؟!