الحلقة(10)الأخيـــــــــــــرة::لا تسألوني ليش بدك تتجـــوز؟

Safa alaasi · **Posted:** Sun Dec 21, 2008 8:25 pm

أحمد الدالي, اول شي وبدون مجاملة هاي اجمل حلقة على الاطلاق من ناحية الطرح ,انا برايي تبلش تكتب سيناريوهات وتبيع و(اتزنكل) :mrgreen:

وبالنسبة للأجوبة راجعتلك بس لقيتن طوال ولازم روح هلئ باااي *Hi

أحمد الدالي · **Posted:** Sun Dec 21, 2008 11:46 pm

Osama,

Quote:

أحمد الدالي,
بانتظار ردك......................

اي شو مفكرني خايف منك :mrgreen:

وهاي أحلا رد *hh

:

أسئلة عامة:

1:برأيك الزواج هو الإستقرار..أو الإستقرار هو عدم الزواج؟

بكل تأكيد هو بداية الإستقرار...كل شي بوققتو حلو..للطفولة مرحلة..وللشباب مرحلة..وللزواج مرحلة.

2:شو هو السبب يلي بخلي نسبة العزوف عن الزواج بالنسبة للشباب تزداد؟

أكيد الوضع المادي..وما ينبثق عنه من آفات و لوازم :mrgreen:

3:شو هو العائق الأكبر يلي بواجه الزواج؟

هلأ أنا بشوف أكبر عائق بواجه الزواج..والحل تبعو بكون غالبا مستحيل
وهو ((إختلاف الديانة))..بالإضافة لفرق الطبقات

4:شو هي التسهيلات يلي ممكن نستفيد منها لحل مشكلة الزواج؟

بكل بساطة..يلي متلنا تعالو لعنا..

5:برأيك على مين فينا نلقي اللوم لما ما بكون فينا نقدم عالزواج؟

على كل شخص مسؤول عن الشباب.

6:برأيك شو هو العمر المناسب لزواج كل من الشاب والفتاة؟

الشب من25 ل30--- البنت..من 20 فما فوق..

((خليهن ينسولي شغلة حلوة وما طبقت العشرين))

7:شو هي الأخطاء يلي بتدايقك بيرتكبها شبابنا ((بشكل عام ))عند زواجهم؟

لما بكون صغير وما عمل اي انجاز بحياتو..

8:شو هي العادات والتقاليد الصحيحة.وشو هي الخاطئة بالزواج بشكل عام؟

بنظري ..كلها خاطئة..من كل النواحي

9:برأيك الفتاة في مجتمعنا مظلومة بالنسبة للحقوقها بالزواج؟

عنّا إجحاف كبير بحق الفتاة..مظلومة جدا.قبل وبعد الزواج

10:شو مشان زواج الأقارب((الإيجابيات..السلبيات))

مافي إيجابيات.وشيلك عن الأمراض يلي بسببها..

11: بعض الأهالي بزوجوا ولادن بسن مبكرة خوفا عليهم من الضياع... شو رأيك بهيك زواج و برأيك شو هي السلبيات يلي بخافو منها ؟

ضياع..وزواج ..ما بتشتغل..

12: شو رأيك بالعائلات يلي بترفض زواج ولادها من عائلات تانية "بسبب الفروق الاجتماعية"

غالبا بتكون ناجحة..لأنو رح يصير خضوع من إلى... ((عمبحكي طبعا بالنسبة لفرق المادة))

13: في كتير عائلات بتزوج شبابها لسبب واحد ((طايش خلينا نزوجو بركي بيركز)) "شو رأيك بهل الشغلة"؟

غلط كبير... وما شفت هيك جيزات ناجحة....

14:شو الحل برأيك لمواجهة مشاكل الزواج عند الشباب؟

برأي..منح الشباب الفرصة عن طريق الحوافز من وظائف وما شابه ذلك
لتأمين أنفسهم..وهون ما بضل عندن حجة..

أسئلة خاصة:

1:شلون بتحب تكون طريقة زواجك((تقليدية-قصة حب-انترنت-أخرى))

ما بهم...المهم الجوهر..مع إني أؤمن بالزواج عن طريق المعرفة وليس الحب..

2:شو هو العمر يلي مقتنع إنو لازم تتزوج فيه؟

27ل30

3:شو هي أولوياتك قبل الزواج..وهل متأكد من الوصول إليها؟

دراسة ومتلطبات العائلة الكريمة من بيت ووظيفة.وبس وبس وبس.وانشالله منوصلها

4:بهمك شي فارق السن..عطينا رأيك؟

بهمني بس يكون بسيط .. يعني مومعقولة شب 30 سنة وبنت 14
((والله شو أخد بنت 14)) يا حبيبي شو أنا فاتح حضانة :mrgreen:

5:شو المواصفات يلي ما فيك تتنازل عنها بالنسبة للنصف الآخر(الدراسة-الجمال-الأخلاق -إلخ)

الأخلاق..التعلم..الجمال ((عادي))

6:شو الشغلات يلي بتشوفها بلأعراس وما بتحب إنو تكون بعرسك؟

كل شي بشوفو بالأعراس ما بحب شوفو بعرسي..بس كمان من جهة تانية
بقول إنو العرس رح ينبسطو فيه العالم يعني مو بس انت..مشان ما كتير بهتم
((بس بكره شغلة العجينة..ولزقها عالحيط. :mrgreen:

))

7:أكيد بتحلم بإنو يكون في بعرسك شغلة مميزة..شو هي؟

إني اهرب أنا والكريمة..((مو هريبة طبعا)) :mrgreen:

يعني من العرس عالسياحة وشهر العسل..وخلي العالم تحتفل لحالها بغيابنا :mrgreen:

8:جاوب بصراحة..ممكن تتزوج بغرض التضحية((مشان الأهل مثلا))؟

بمرحلة من المراحل ..إي

9:شو رأيك بالزواج من بعد الحب من خلال تجارب الغير ؟؟ بتتمنى انو تتزوج هيك؟

حاليا..ما بهمني ..بس كنت بحب هالشي وبطمحلو..بس يمكن لأنو صعب شلت الفكرة من راسي...

10:اذا حبيت شخص و طلبتو/أو طلبِك للزواج بس أهلك رفضوا بسبب انو مثلا من خارج المحافظة((أو فرق ريف.مدينة)) شو بتساوي؟

أنا برأيي هدا سبب مو مقنع نهائيا للرفض..ومعالجة هيك غلط ..لازم تكون بغلط أكبر منو..وهي الخطيفة *hh

11:اذا اجا شبين لعندك و طلبوا ايد حدا بتمون عليه من عيلتك الشب الأول: ((كريم, شهم, جميل,متدين,إمكانيات ضعيفة ))..الشب التاني ((كريم و شهم .متدين. مو جميل..و ضعو المادي ممتاز))..شو خيارك؟

بهيك موقف بفضل الحيادية..لأنو هدا مصير عمر كامل..
بفضل كون حيادي..وما بعارض((اذا المسموعيات منيحة))

12:جاوبلي هالأبله يلي بقول مايلي:((اي منشان الله لشو الزواج؟؟؟؟؟؟؟؟؟
ما دام في غسالة اوتوماتيك و مكرويف و نشافة و حرام كهرباء
و جلاية وكل الادوات الكهربائية متوفرة لشو الزواج؟؟؟؟))

هدا أكيد زلمي عزابي..ولسا ما حس بالصواب..بس ما بظن من قلبو هالحكي
الله يهيديه أحسن شي..لأنو ضايع ومانو عرفان شو عميحكي..

13:قبل ما تروح فيك تعطينا زلغوطة حافظها من خلال الأعراس يلي حاضرها؟

والله حافظ كتير..بس في وحدة بحبها كتير ... :mrgreen:

أويها وقفت العاروس عاحيلا
أويها وهر الورد من ديلا
أويها والله يخليها لأما
أويها وحيدي ما عندا غيرا
ولللللليش :mrgreen:

ولي عودة قريبة :wink:

سحر · **Posted:** Mon Dec 22, 2008 1:37 am

أمحد مو مشكلة بسيطة ما شفت الرد

يحرق حريشك على هالحلقة

هو أنا مارح إتجوز بس جاوبوني عالأسئلة :
وانا هيك شايفة كمان

بس رح جاوبك

ملاحظة((رح يكون في نوعين من الأسئلة..والإختيار حر..للأسئلة..جاوبو على يلي بكن يا وبس))
أمري ل الله بنجاوب ياللله يا اللله:mrgreen:
أسئلة عامة:

1:برأيك الزواج هو الإستقرار..أو الإستقرار هو عدم الزواج؟
بحسب الواح

طبعا استقرار

2:شو هو السبب يلي بخلي نسبة العزوف عن الزواج بالنسبة للشباب تزداد؟

الطلبات اهل الفتاة الكتيرة بكونو ميتين ل زوجوها ومتى طلبها حدا بتصير عندهم اميرة
و مدللة
3:شو هو العائق الأكبر يلي بواجه الزواج؟

عدم التفاهم بينهم وتقبل الطرف الثاني بعيوبه
طبعا ما حدا كامل
4:شو هي التسهيلات يلي ممكن نستفيد منها لحل مشكلة الزواج؟

تخفيف الطلبات الي مو معقولة
يعني مراعاة ظروف الشخص التاني
يعني اذا الشب اله مستقبل ولسه ببدايته برأي لازم يسهلولو الموضوع

ويقدروا انهم هنن عندهم شباب كمان

وممكن يصير فيهم نفس الوضع يعني يسر الله بيسر عليك

5:برأيك على مين فينا نلقي اللوم لما ما بكون فينا نقدم عالزواج؟

على الظروف
وطبعا ما بننسى شي اسمه قسمة ونصيب
6:برأيك شو هو العمر المناسب لزواج كل من الشاب والفتاة؟
من العشرين وما فوق

7:شو هي الأخطاء يلي بتدايقك بيرتكبها شبابنا ((بشكل عام ))عند زواجهم؟

لما بكون زواجهم بيعتمد على المظاهر
لما بيتخارو البنت منشان جمالها وشكلها وما بيهتمو بعقلها وثقافتها وتفكيرها
وثقافتها بينسو هالشي لانه هي الي بتربي اطفالها
8:شو هي العادات والتقاليد الصحيحة.وشو هي الخاطئة بالزواج بشكل عام؟

العادات حلوة ما فيها شي وهي صح لانه بتعطي قيمة للشب وللبنت
9:برأيك الفتاة في مجتمعنا مظلومة بالنسبة للحقوقها بالزواج؟

هلاء لاء لانه صارت تقدر تختار شريك حياتهاو تقرر اذا بناسبها ولا لاء رغم يكمكن في بعض ظلم بالمناطق النائية
10:شو مشان زواج الأقارب((الإيجابيات..السلبيات))

11: بعض الأهالي بزوجوا ولادن بسن مبكرة خوفا عليهم من الضياع... شو رأيك بهيك زواج و برأيك شو هي السلبيات يلي بخافو منها ؟
هلاء حلو الزواج المبكر
بيكبرو مع ولادهم وبفرحو فيهم وبشوفو احفادهم
بس من ناحية تانية
السلبيات ممكن تكون الامراض المتوارثة طبعا هاد شي معروف
وكمان الاخلاق العاطلة بكون مشتركة بالوراثة يعني خخخخخخخ
الاهم انه احتمال الشب لما بيوعى بفكر يتزوج مرة تانية
اول شي لانه ماكان واعي لمسألة الزواج
ف بحاول يعيش مراهقته الي انحرم منها
وبحاول يحب ويتزوج مراة هو اختارها مو اختيار اهله
والواقع فيك كتير أمثلة تثبت صحة كلامي

12: شو رأيك بالعائلات يلي بترفض زواج ولادها من عائلات تانية "بسبب الفروق الاجتماعية"
بحسب وضع كل شخص
يعني في شي بغطي على شي
وممكن الواحد يتغاطى عن نقطة معينة اذا كان في مقابها شي تاني
13: في كتير عائلات بتزوج شبابها لسبب واحد ((طايش خلينا نزوجو بركي بيركز)) "شو رأيك بهل الشغلة"؟

ممكن فيها مخاطرة كبيرة لانه بعلم الغيب
يعني بس وبركي ما ركز

يعني احكي قصة واقعية قريبة لي انخطبت لشب من هالنوعية ( طايش خلينا نزوجو بركي بيركز ) ولسه يادوب قلها بكرا بتجوز عليكي هي ماكانوا عاملين حفلة الخطوبة

على قولة مسرحية ريا وسكينة (دحنا في الصباحية امال في الاربعين حتعمل ايه)
طبعا قلبت

14:شو الحل برأيك لمواجهة مشاكل الزواج عند الشباب؟

أسئلة خاصة:

ولي اخخخ اكلتها
1:شلون بتحب تكون طريقة زواجك((تقليدية-قصة حب-انترنت-أخرى))
قصة حب اكيد

2:شو هو العمر يلي مقتنع إنو لازم تتزوج فيه؟

العشرين وما فوق
3:شو هي أولوياتك قبل الزواج..وهل متأكد من الوصول إليها؟

أممممممممممم سر ما بدي احكي
4:بهمك شي فارق السن..عطينا رأيك؟

طبعا مهم لانه حصير استيعاب الشخص التاني
5:شو المواصفات يلي ما فيك تتنازل عنها بالنسبة للنصف الآخر(الدراسة-الجمال-الأخلاق -إلخ)
الاخلاق ثم الاخلاق ثم الاخلاق ثم ثقافته اهم من الدراسة لانه في كتير ناس بيبقو مو دارسين بس مثقفين كتير والعكس صحيح
6:شو الشغلات يلي بتشوفها بلأعراس وما بتحب إنو تكون بعرسك؟

التبذير والاسراف وحركات مبتذلة من العروس والعريس
7:أكيد بتحلم بإنو يكون في بعرسك شغلة مميزة..شو هي؟

يكون كظومتي هو الي يحي الحفلة :mrgreen:

8:جاوب بصراحة..ممكن تتزوج بغرض التضحية((مشان الأهل مثلا))؟ *baby
ايه ممكن

9:شو رأيك بالزواج من بعد الحب من خلال تجارب الغير ؟؟ بتتمنى انو تتزوج هيك؟

طبعا حلو كتير ولو اني اسمع انه الحب اوقات بخف واواقات بزيد
طبعا هاد براي بيعتمد على الطريقة الي اجا فيها الحب
يعني بكون الحب زائف اذا حبها لعطرها وشعرها ..الخ وهالامور السطحية هي
وبكون حب حقيقي اذا كان لشخصيتها وذاكئها وعقلها وعلمها وثقافتها
10:اذا حبيت شخص و طلبتو/أو طلبِك للزواج بس أهلك رفضوا بسبب انو مثلا من خارج المحافظة((أو فرق ريف.مدينة)) شو بتساوي؟

أممممممممممممم اذا كنت بحبه جد بضل على موقفي لحتى يقتنعوا ويعرفوا اني ما بقبل غيروا واني خترو ولو كان فيه هالفوارق
11:اذا اجا شبين لعندك و طلبوا ايد حدا بتمون عليه من عيلتك الشب الأول: ((كريم, شهم, جميل,متدين,إمكانيات ضعيفة ))..الشب التاني ((كريم و شهم .متدين. مو جميل..و ضعو المادي ممتاز))..شو خيارك؟

طبعا المادي hh*

12:جاوبلي هالأبله يلي بقول مايلي:((اي منشان الله لشو الزواج؟؟؟؟؟؟؟؟؟
ما دام في غسالة اوتوماتيك و مكرويف و نشافة و حرام كهرباء
و جلاية وكل الادوات الكهربائية متوفرة لشو الزواج؟؟؟؟))
ايهو الله يباركلو ويخليه ويهنيه خليه
يحكي معهم ويتناقش هو وياهم لما بصفي لحالو بلا حدا
وطعا هيك واحد بدكل على تفاهتو لانه المراة بنظرو خادمة بس
13:قبل ما تروح فيك تعطينا زلغوطة حافظها من خلال الأعراس يلي حاضرها؟

والله ماني حافظة عقبل وقت الي بزعرط بعرسك رح احفظ وحدة كرمالك

Safa alaasi · **Posted:** Mon Dec 22, 2008 3:51 am

1-بالنسبة الي الاستقرار هو انو كون مستقلة مادايا بغض النظر متزوجة او لاء
2-أهم الشي الصعوبات المادية وتاني شي توفر المرأة بحياة الشب بدون زواج
3-الأهل (ازا الاهل رضيانين بيصير زواج ,مو رضيانين مافي زواج)
4-تخفيف المهور(أقلهن مهورا أكثرهن بركة)
مو مهم الجمال وبس(فاظفر بذات الدين))
ما تتشرطو كتير(أذا جاءكم من ترضون دينه وخلقه فزوجوه وان لم تفعلو تكن فتنة في الأرض وفساد كبير)
التشجيع على الزواج المبكر(من استطاع منكم الباءة فليتزوج )
ما بعتقد في أكتر من هيك تسهيلات ربانية
5-على الأهل (سواء أهل العريس او العروس)
6-لا يوجد عمر للزواج ,برايي الزواج خلق لكل جنس آدم وحوا ومو مهم العمر (كل واحد حسب ظروفه)
7-لما بيركزو عالشكل وبينسو المضمون,لما البنت بتاخد واحد مو مقتنعا فيه خوفا من انو ما رح يجيها أحسن,لما بيتغاضو عن أهم شي بالزواج وهو الدين والاخلاق وبيركدو نحو الجمال او الشهادة او المادة
8-العادات الصحيحة الي بتكون مبنية عالدين والشرع والعادات الخاطئة الي بتكون مبنية عالعرف الأعمى
9-اي ,من مبدأ انها ما بتقدر تتقدم للشخص الي بيعجبا وبيضل قاعدة بمحطة الانتظار عم تستنا(عاد يابيجي الترين بياخدا يا أما بيعفسا :shock:

)
10-ضد ضد ضد (يعني المفروض صار في وعي كافي بالنسبة للمشاكل الصحية الي بيسببا زواج الاقاربللأطفال ولسا منشوفو )برايي كلو سلبيات عالحل وخصوصا المشاكل بين الاهل
11-والله برايي هاد هوي الضياع بعينو ,قال بيخافو عالولد لا يفلت ,بس(ممكن تكون طرية مناسبة ازا الولد طلب الزواج )
12-(الي ما بياخد من ملتو بموت بعلتو)(الي متلنا تعو لعنا)مو ضد الاهل شرط تكون الفروق فعلا كبيرة ليرفضو ,اما ازا كانت فروق صغير فبصير هيك حرام (يعني أهم شي التكافؤ من جميع الاطراف)
13-ازا طلب الشب اي
14-اتباع الدين ببساطة
أسئلة خاصة:
1-تقليدية (مع شوية حب)يعني بحب الشخص يختارني وبعدين يبعت أهلو (يعني كون تنقايتو ما تنقاية امو)وبنفس الوقت كون انا كمان معجبة فيه قبل ما يجي ويطلب ايدي
2-ايمت ما كان المهم احصل عالشخص الي بدياه حتى لو بعد 10 سنين
3-اولوياتي اني امن حالي ماديا من خلال الحصول على فرصة عمل ,واني كون مهيأة لاني كون ام بكل معنى الكلمة وبعتقد هاي اولوية بتختلف فيها البنت عن الشب
4-طبعا ما يكون قد جدي :mrgreen:

(يعني ممكن يكون قدي او أكبر مني ما أكتر من 10 سنين)
5-الأخلاق -الدين-العلم -العيلة -الاحوال المادية
6-ما بعرف
7-ما في شي مميز قدي راح يكون
8-لاء
9-والله انا الي الحظ باني شهدت شي 5 حالات زواج بعد الحب(ولا اروع ولا اجمل ولا احلى),اي من خلال الي شفتو(بس صعب كتير كل الي بعرفن اتمرمرو واتعذبو كتير)
10-ما بعتقد حب واحد مانو حمصي بصراحة (وازا صار ما رح اعمل شي برضخ لامر اهلي)
11-بحبز الوضع المادي (لانو الشكل بيقدر الواحد يتعود عليه)طبعا هاد بالنسبة لغيري
12-بقلو ببساطة (انشالله تجيك شي صعقة كهربائية ومنخلص منك ومن شكالك)
13-الهنهونة الوحيدة الي حافظتا
ها و قامت (......)على حيلا,ها وهر الولو من ديلا ,ها ولا تقولو (........)وحيدةها وفي خمسة غيرا

لليلليلليلليلليشششششششششش

أنس الدالي · **Posted:** Mon Dec 22, 2008 10:28 pm

هو أنا مارح إتجوز بس جاوبوني عالأسئلة
شو أعملك أنا رح أتزوج تانا نا *hay
أسئلة عامة:

1:برأيك الزواج هو الإستقرار..أو الإستقرار هو عدم الزواج؟
لا طبعا الزواج هو الاستقرار
2:شو هو السبب يلي بخلي نسبة العزوف عن الزواج بالنسبة للشباب تزداد؟
ممممممممم أنا بوجهة نظري أكيد السبب مو قلة المصاري
انما السبب الوحيد هو طموح الشباب العالي والنظرة للاعلى دومآ .. *hh
3:شو هو العائق الأكبر يلي بواجه الزواج؟
ما بظن أنو في عائق ..
4:شو هي التسهيلات يلي ممكن نستفيد منها لحل مشكلة الزواج؟
اما تذليل طموح الشباب أو تحقيق متطلباتهم وذلك بتوفير فرص عمل جيدة ليحققو أمانيهم
5:برأيك على مين فينا نلقي اللوم لما ما بكون فينا نقدم عالزوااج؟
على الدولة يمكن *ممم

6:برأيك شو هو العمر المناسب لزواج كل من الشاب والفتاة؟
ما بظن انو في عمر محدد وانما بالنسبة للشاب ليصل مرحلة النضج ويكون واعي لهاي المرحلة الي رح يقدم عليها ونفس الشي بالنسبة للفتاة
بس أكيد مو قبل 22 للشاب كحد أدنى وللفتاة 18 حد أدنى أيضآ ..
7:شو هي الأخطاء يلي بتدايقك بيرتكبها شبابنا ((بشكل عام ))عند زواجهم؟
عدم التمييز بين مرحلة العزوبية وما بين الارتباط بشخص أخر الا وهي مرحلة الزواج
8:شو هي العادات والتقاليد الصحيحة.وشو هي الخاطئة بالزواج بشكل عام؟
*ممم

سؤال غامض بس اذا بتقصد بسؤالك عن العادات في مرحلة الخطوبة فجوابي
فالعادات السيئة هو عدم ابقاء الخطيبين مع بعضهم الا بحضور الوالد أو الأخ الكبير أو ..
فأكيد ما رح يقدروا يتناقشو بوجهات نظرهم أو بخطتهم المستقبلية بوجود أحد من الأهل
وباللذات انو مكتوب كتابهن يعني بظن أنو تعتبر زوجته أمام الله والعالم ..
العادات الحسنة .. *ممم دورت كتير بس مالقيت ولا عادة حسنة :mrgreen:
9:برأيك الفتاة في مجتمعنا مظلومة بالنسبة للحقوقها بالزواج؟
اي كتير بس مو بكل الشعوب طبعا يعني هايدا الشي بعود للأهل وأفكارهم
10:شو مشان زواج الأقارب((الإيجابيات..السلبيات))
أنا مو مع زواج الأقارب أبدآ ..
لأنو بظن كلو سلبيات مافي ولا نقطة ايجابية ..
11: بعض الأهالي بزوجوا ولادن بسن مبكرة خوفا عليهم من الضياع... شو رأيك بهيك زواج و برأيك شو هي السلبيات يلي بخافو منها ؟
طبعآ وقت بكون الشاب طايش ومن مقهى لمقهى بظن هاد الحل أفضل
لأنو اذا نظرنا بالموضوع منلاقي أنو الأهل عم يجيبولو الشي الي عم يطلبو من مكان لمكان واحتمال كبير انو يهتدي بهاي الطريقة
بس اذا كان شب محترم مؤدب بظن انهن قتلولو حياتو وأحلى مرحلة بالحياة الا وهي مرحلة الشباب
12: شو رأيك بالعائلات يلي بترفض زواج ولادها من عائلات تانية "بسبب الفروق الاجتماعية ؟
أنا مو مع هاد الشي بس أكيد ما رح أقدر غير المجتمع بوجهة نظري:mrgreen:
13: في كتير عائلات بتزوج شبابها لسبب واحد ((طايش خلينا نزوجو بركي بيركز)) "شو رأيك بهل الشغلة"؟
مجاوب عليه في السؤال 11
14:شو الحل برأيك لمواجهة مشاكل الزواج عند الشباب؟
تأمين فرص العمل وزيادة الرواتب مع تخفيض في مستوى المعيشة
لأن الشب وقت بحس انو مستقر ماديآ ونفسيآ أكيد ما رح يتردد بالقدوم للاستقرار الاجتماعي .. :mrgreen:

هاي الأسئلة العامة أما الخاصة في حلقة قادمة لأنو هلكتني :mrgreen:

Osama · **Posted:** Mon Dec 22, 2008 11:06 pm

أحمد الدالي,

Quote:

هو أنا مارح إتجوز بس جاوبوني عالأسئلة :

كلنا بنقول هيك بالأول .... بس لما بيوقع الفاس بالراس مافي يا امي رحميني :mrgreen:

Quote:

1:برأيك الزواج هو الإستقرار..أو الإستقرار هو عدم الزواج؟

هوي الاستقرار ..... بس استقرار بيفرق عن استقرار :wink:

Quote:

2:شو هو السبب يلي بخلي نسبة العزوف عن الزواج بالنسبة للشباب تزداد؟

3:شو هو العائق الأكبر يلي بواجه الزواج؟

4:شو هي التسهيلات يلي ممكن نستفيد منها لحل مشكلة الزواج؟

5:برأيك على مين فينا نلقي اللوم لما ما بكون فينا نقدم عالزواج؟

2- طلبات اهل البنت و الشغل يلي عم يقتل بعضو يعني شوف 75% من الشباب يلي بخلصو جامعة يا بيسافروا يا بيسافروا "ليش يا ترى؟؟؟"
3- الاختلاف بطرق التفكير "كل واحد بيفكر بحل المشكلة بطريقة تختلف 180 درجة عن التاني
4- الرجوع لأوامر الدين
5- عن العالم يلي بخلونا ندرس و نتعشم انو بعد ما نخلص جامعة في وظايف كتيييييرة :wink:

Quote:

:برأيك شو هو العمر المناسب لزواج كل من الشاب والفتاة؟

7:شو هي الأخطاء يلي بتدايقك بيرتكبها شبابنا ((بشكل عام ))عند زواجهم؟

8:شو هي العادات والتقاليد الصحيحة.وشو هي الخاطئة بالزواج بشكل عام؟

9:برأيك الفتاة في مجتمعنا مظلومة بالنسبة للحقوقها بالزواج؟

10:شو مشان زواج الأقارب((الإيجابيات..السلبيات))

6- للشباب بعد 25 للبنات بعد 20
7- الشباب ممارسة رجولتو ع مرتو و البنات بعد سنتين بتنسى انها متزوجة و بصير اهتمامها كلو بالمطبخ و بالولاد بتنسى زوجها و بيقولولك عينو لبرا :wink:

8- انو اول سنتين شهر عسل و الباقي حصرم
9- ما بقى في حدا مظلوم كل شاطر و بيعرف يزبط امورو
10 - الايجابيات: الطرفين بيعرفوا بعض معرفة منيحة.
السلبيات: الأولاد بيطلع معن امراض مدري شو شكلها و اذا صارت مشكلة بيناتن بتنتقل للعيلة كلها

Quote:

11: بعض الأهالي بزوجوا ولادن بسن مبكرة خوفا عليهم من الضياع... شو رأيك بهيك زواج و برأيك شو هي السلبيات يلي بخافو منها ؟

12: شو رأيك بالعائلات يلي بترفض زواج ولادها من عائلات تانية "بسبب الفروق الاجتماعية"

13: في كتير عائلات بتزوج شبابها لسبب واحد ((طايش خلينا نزوجو بركي بيركز)) "شو رأيك بهل الشغلة"؟

11- يمكن هوي الحل الأمثل برأين لحماية ولادن من بنات الليل مثلا!!!
12-

كلنا ولاد آدم و حوا "و الزمن دوار"
13 - اي في كتير عالم هيك و في قسم منن بيركز و قسم بطوش اكتر من الأول بكتير و برأي انها سيئة

Quote:

14:شو الحل برأيك لمواجهة مشاكل الزواج عند الشباب؟

التوعية الصحية و النفسية و تأمين فرص عمل :arrow:

Quote:

1:شلون بتحب تكون طريقة زواجك((تقليدية-قصة حب-انترنت-أخرى))

2:شو هو العمر يلي مقتنع إنو لازم تتزوج فيه؟

3:شو هي أولوياتك قبل الزواج..وهل متأكد من الوصول إليها؟

4:بهمك شي فارق السن..عطينا رأيك؟

1- تلت ارباع تقليدية

2- 28 سنة حسب الخطة الخمسية يلي ماشي عليها
3- الوظيفة بالمكان المناسب :roll:

4- شي طبيعي بيهمني ما بدي اتزوج وحدة ربيها ع ايدي و لا بدي وحدة تربيني ع ايدها :mrgreen:

Quote:

5:شو المواصفات يلي ما فيك تتنازل عنها بالنسبة للنصف الآخر(الدراسة-الجمال-الأخلاق -إلخ)

6:شو الشغلات يلي بتشوفها بلأعراس وما بتحب إنو تكون بعرسك؟

7:أكيد بتحلم بإنو يكون في بعرسك شغلة مميزة..شو هي؟

8:جاوب بصراحة..ممكن تتزوج بغرض التضحية((مشان الأهل مثلا))؟

9:شو رأيك بالزواج من بعد الحب من خلال تجارب الغير ؟؟ بتتمنى انو تتزوج هيك؟

5- الدين و الأخلاق و الجمال
6- السلاح
7- تكون العراضة و الزفة حلوة "قنوع"
8- خير ان شاء الله خير يكون حتى كون كبش الفدا؟؟؟
9- في قسم منو بيكون ناجح ........ اذا كنا متفاهمين ع كل شي ليش لأ بتزوج

Quote:

10:اذا حبيت شخص و طلبتو/أو طلبِك للزواج بس أهلك رفضوا بسبب انو مثلا من خارج المحافظة((أو فرق ريف.مدينة)) شو بتساوي؟

11:اذا اجا شبين لعندك و طلبوا ايد حدا بتمون عليه من عيلتك الشب الأول: ((كريم, شهم, جميل,متدين,إمكانيات ضعيفة ))..الشب التاني ((كريم و شهم .متدين. مو جميل..و ضعو المادي ممتاز))..شو خيارك؟

12:جاوبلي هالأبله يلي بقول مايلي:((اي منشان الله لشو الزواج؟؟؟؟؟؟؟؟؟
ما دام في غسالة اوتوماتيك و مكرويف و نشافة و حرام كهرباء
و جلاية وكل الادوات الكهربائية متوفرة لشو الزواج؟؟؟؟))

10- بساوي شاي بس قبل هيك بعرف شو الأسباب اذا ما اقتنعت بعزم المأذون ع كاسة الشاي

11- الشب الأول المصاري بتروح و بتجي
12- هههههههه بس يا حباب نسيت شغلة مهمة :wink:

Quote:

13:قبل ما تروح فيك تعطينا زلغوطة حافظها من خلال الأعراس يلي حاضرها؟

للشباب هي الشغلة اسمها عد و هي وحدة منن
(هل البيت ماهو لينا يا شييييييييييييييخ
هل البيت للي بناااااااااه
بناه ابو ..............
و يلي بسيفو حماه)

بانتظار المسلسل الجديد :wink:

أحمد الدالي · **Posted:** Tue Dec 23, 2008 2:26 am

أوركيدا,

Quote:

ما علينا...جاوبوني على الأسئلة وبدون مجاملة

ضروري يعني؟

ضروري كتير كمان *hh

Quote:

منكتب لافتة ,..... الكزب حراااااااااااااااااام

حلوة الفكرة عجبتني :mrgreen:

----------
ما علينا..إنت أسلوبك رائع جدا...ونسبة90% الصراحة كمان ممتازة
انت صريحة جدا من خلال اجاباتك..بس بتجاوبي بصراحة مع شوية إطراء بالحديث
مشان ما يزعل الطرف التاني...كتير حلو هالأسلوب...وكمان بتحبي تضيفي الإبتسامة لكل شي بحياتك..وهدا أروع شي بالحياة...
موفقة

***************************************
بالنسبة للحلقة الجديدة..كنت بدي حط قوانين *hh

بس بعدين غيرت رأيي
لأنو بعرف جمهوري ملتزم بعدم النقاش ..وخصوصا بهيك مواضيع..بيضتو وجهي
الله يسعد يلي بيفهم :mrgreen:

وع راسي حارتكن..
منبلش:

أوركيدا,

ما عرفتك .. :mrgreen:

انت أول وحدة بتردي على هالحلقة..
بس حاسس انو ردك كان تشجيعي للكل..نورتي ومية وردة

وشكرااا كتير عالهنهونة

MHD,
مية وردة حمودة..بس ليش خجلان من الأسئلة الخاصة
خود راحتك... :mrgreen:

ولا تخجل.

عامر الرشواني,
أهلا أبو شريك...انبسطت كتير انك كنت تشوف الحلقات..وهدا بشرفني..
ومو مشكلة انك ما جاوبت المهم تابعتنا..وكسبناك بالحلقة الأخيرة..
أجوبتك ما حدا بيقدر يحط فيها شكوك أبدا...
انت من الأخاص يلي بتعجبني طريقة تفكيرهن حتى لو اختلفت عن طريقة تفكيري
بس بحس إنتك شخص صاحب قضية..مع كامل إحترامي وتقديري
ويسلمهن كتير عالهنهونة :mrgreen:

..رائعة

Safa alaasi,
مية وردة ومية ويلكم

لك جزيل الشكر علامشاركة والإغناء للحلقة..
وشكرا عالهنهونة..مع إنها متل هنهونتي :mrgreen:

..بس شو بدك بالحكي حلوة

سحر,
يعني أنا قلت مو معقول ما تشاركينا بهيك فرحة :mrgreen:

نورتي بس ناطر الهنهونة..لأنو بدونها ما بصير عرس :mrgreen:

منورة

تيماء,
هلا ورحب والله..
ولا يهمك ..المهم إنك لحقتينا بالحلقة الأخيرة..
وفيكي كمان تشوفي الحلقات السابقة ..بالصفحة الأولى
وأنا جاهز لأي سؤال أو استفسار...ومية وردة

Quote:

أويييها يامو قعدو بالصقاقات
أويييييها و ياما حلفو بالطلاقات
أوييييها و قالو أحمد ما بيتجوز
أويييييها اتجوز و فقع المراراااااااااااات
للللللللللللللللللييييييييييييييييييش ههههههههههه

ربي يسلمهن ..أحلى هنهونة :mrgreen:

كندا,
مية ولكم فيكي وبأجوبتك..

Quote:

يالله منهنهن
طبخنا بطاطا
طلعت كماية
الله يعينك يااحمد
ع هالحماية
لللللللللللللليللللللليش

كتير ثانكس..بس أنا بحب الحماية :mrgreen:

همسات الحب,
هلا أحلى همسات..
مشكور عالأجوبة؟.؟ بس الجواب تبع العوائق ..ما اقتنعت فيه :mrgreen:

على كل ويلكم فيك

Osama,
يعني معقول..أول مرة بتتأخر على الإجابة..وأنا جاوبت مشانك ها..
ع راسي حارتك يا حبيب..

Quote:

12- هههههههه بس يا حباب نسيت شغلة مهمة

Quote:

للشباب هي الشغلة اسمها عد و هي وحدة منن
(هل البيت ماهو لينا يا شييييييييييييييخ
هل البيت للي بناااااااااه
بناه ابو ..............
و يلي بسيفو حماه

شو هالقوة هاي..ع راسي المراجل والسيوف :mrgreen:

أحمد الدالي · **Posted:** Tue Dec 23, 2008 2:27 am

بنهاية هالموضوع في عندي كم وردة حابب أعطيهن للبعض تعبير عن الشكر:

1: أول وردة

: لـ الملاك, يلي احتضنت الموضوع وتابعتو بكل ما يلزم من مناقشة وآراء ووجهات نظر.

2:تاني وردة

لـ Osama, لأنو كان معي من أول حلقة لأىخر حلقة...وكمان شجعني كتير واستفدت منو بطريقة غير مباشرة لكتابة بعض الحلقات .

3:تالت وردة

لكل عضو شاركني ولو بحلقة وحدة..

4:رابع وردة

لكل شخص تابع الموضوع حتى ولو ما شارك

5: خامس وردة

لكل شي تابعني حتى لو ما عجبو الموضوع ..وسخر منو

6:الوردة السادسة

للزوار الكرام يلي تابعو الموضوع

7: الوردة السابعة

ع راس البيعة للكل.

ومنلتقي إن شاء الله بموضوع جديد بعد الإنتهاء من الفحوصات..وبالتوفيق للكل

والموضوع رح يكون...بعنوان:

((آلام من مطرقة الزمن))
عندما نعشق المعاناة

Sorry, you have to register to see the link If you are a member, just sign in

الموضع رح يكون على غرار الموضوع السابق..ورح نحاول نضيف بسمة ولو كانت بسيطة..والموضوع رح يكون هادف أكتر ما يكون ترفيهي.. وانشالله يعجبكن.
رح أعطيكن مثال على حلقة من الحلقات..((الخوف))..

المقدمة :

الحياة مليئة دائما بالتحديات... وعلى الرغم من هذه التحديات إلا أننا نريد المعاناة.. فالبعض يجد فيها متعة استثنائية في تحدي بعض ما ألزمنا القدر به.. والمسير في طريق قد يكون مسدود أحيانا... ونعرف أنه مسدود ولكننا نقنع أنفسنا أنه مع الزمن قد يتلاشى و يتضعضع هذا السداد...نسير على هذا الطريق وتبدأ العوائق بالسيطرة و الاستحواذ على النفس الضعيفة ..تبدأ هذه العوائق بالزوال عندما تواجه عوائق أكبر وأشد عظمة من سابقتها....حتى نصل إلى نهاية قد تكون تكون مرضية للبعض إلى حد ما ..وبالمقابل تكون ذنبا لا يمكن غفرانه عند آخرين .......فلما لا نعشق طريق المعاناة ببعض ما لدينا من قوى وإرادات .

أنس الدالي · **Posted:** Tue Dec 23, 2008 2:45 am

عدنـــــــــــــــــــا *Hi
أسئلة خاصة:

1:شلون بتحب تكون طريقة زواجك((تقليدية-قصة حب-انترنت-أخرى)) ؟
لم أتخيل نفسي متزوجآ من فتاة لم أحبها قبل أن أفكر بأن أخطبها وأتزوجها ..
2:شو هو العمر يلي مقتنع إنو لازم تتزوج فيه؟
هلأ هايدا أنسب وقت .. :mrgreen:

3:شو هي أولوياتك قبل الزواج..وهل متأكد من الوصول إليها؟
طبعآ عندي أولوياااات الحمد لله متحقق منها كتير واللي بقي حاجات بسيطة جدآ
ان شاء الله بتتحقق عن قريب ..
4:بهمك شي فارق السن..عطينا رأيك؟
طبعآ فارق السن مهم جدآ
أهم الشي ما تكون أكبر مني مو عشان شي عشان ما ناديلها يا ماما طبعا بلاشعور :mrgreen:

يعني تكون أصغر مني ب 5 سنوات كحد أعظم ..
5:شو المواصفات يلي ما فيك تتنازل عنها بالنسبة للنصف الآخر(الدراسة-الجمال-الأخلاق -إلخ) ؟
ممكن اتنازل عن دراستها يعني يكون معها بكلوريا بكفي
بس بالنسبة للأخلاق مستحيل أما الجمال كمان ما فيني استغني عنو :mrgreen:

6:شو الشغلات يلي بتشوفها بلأعراس وما بتحب إنو تكون بعرسك؟
عند ما قريت هالسؤال فرطط من الضحك
رح جاوب في شخص كل ما بروح على عرس بلاقي أمامي جالس جنب العريس
وأنا ما بحبو وأنا متأكد يوم عرسي رح يقعد جنبي ولهيك بتمنى يوم عرسي ما شوفو :mrgreen:

طبعآ وغيرها في كتير شغلات ولهيك عم رتب عرسي من هلق عشان يكون على تروي وما كون في أي غلط :mrgreen:

7:أكيد بتحلم بإنو يكون في بعرسك شغلة مميزة..شو هي؟
مممم رح أهدي العروس وأمام الجميع خاطرة شعرية أعبر فيها عن مدى حبي لها وهيامي بها ..
8:جاوب بصراحة..ممكن تتزوج بغرض التضحية((مشان الأهل مثلا))؟
دااااااا مستحـــــــــيل مستحــــــــــــيل
9:شو رأيك بالزواج من بعد الحب من خلال تجارب الغير ؟؟ بتتمنى انو تتزوج هيك؟
طبعـــآ بتمنى هايدا الشي وبحب اني أكيد للجميع أنو الحب رح يوقف بوجه كل مشكلة بين الطرفين وهذا يدل على استمرار الحياة بأجمل حالاتها ..
10:اذا حبيت شخص و طلبتو/أو طلبِك للزواج بس أهلك رفضوا بسبب انو مثلا من خارج المحافظة((أو فرق ريف.مدينة)) شو بتساوي؟
بظن الفروق الاجتماعية موجودة بهذا المجتمع ولهيك لازم الشاب من البداية ينظر الى هذه المشكلة ولا يرفع رأسه أو يخفضه
وانما ينظر الى مستواه ..
11:اذا اجا شبين لعندك و طلبوا ايد حدا بتمون عليه من عيلتك الشب الأول: ((كريم, شهم, جميل,متدين,إمكانيات ضعيفة ))..الشب التاني ((كريم و شهم .متدين. مو جميل..و ضعو المادي ممتاز))..شو خيارك
رح الك شغلة ممكن المال يروح ويجي ولهيك أنا بظن انو الشب الأول مناسب أكتر من التاني وطبعآ هاد الشي بعود لرأي العروس يعني أنا مجرد انسان ينصح فقط ..
12:جاوبلي هالأبله يلي بقول مايلي:((اي منشان الله لشو الزواج؟؟؟؟؟؟؟؟؟
ما دام في غسالة اوتوماتيك و مكرويف و نشافة و حرام كهرباء
و جلاية وكل الادوات الكهربائية متوفرة لشو الزواج؟؟؟؟))
رح قلو كلمتين خلي هدول الي عم تعدهن يجيبولك خلفة بلهااااااء متلك وتبقا خليك عزابي :mrgreen:

والا الله ما يشفيك ( لا حول ولا قوة الا بالله )
13:قبل ما تروح فيك تعطينا زلغوطة حافظها من خلال الأعراس يلي حاضرها؟
أوييييها يا أحمد لا تفرح كتير ونام بالهدا على السرير لأنو حماتك حاشيتو مسامير
لللللللللللييييييييييييييييييييييش
لا تقلي حلوة وملعوبة كمااااان

على فكرة كان مسلسلك كتير رائع وباللذات هاي الحلقة ..
واذا دل هايدا الشي انما يدل على أفكارك الرائعه وخبرتك العالية بالحياة وأمورها ...
تقبل مني هذه الورود وعقبال ما قدملك اياها وانت عريس :mrgreen:

أنس الدالي · **Posted:** Tue Dec 23, 2008 2:56 am

Quote:

بس الجواب تبع العوائق ..ما اقتنعت فيه

رح قلك ليش مافي عوائق لأنو الشب المتفهم لا يرى أي عائق لزواجه
معظم العالم الي ردوا على هالسؤال كان ردن أنو السبب المال وكثرة الطلبات من قبل أهل العروس
بس بظن الي بينظر للي بمستواه الاجتماعي أو الأقل منه ماديا فلن يجد أي عائق من العوائق التي يتحدثون عنها
لأنو أكيد اذا الشب الفقير راح لعند أسرة من مستوا ما رح يطلبو منو شهر عسل بباريس ولا بيت ملك خاص في ولا سيارة bmw
مو هيك :mrgreen:

هاي وجهة نظري بالنهاية

Latest Posts

Forum rules

الحلقة(10)الأخيـــــــــــــرة::لا تسألوني ليش بدك تتجـــوز؟