عبيدة,
الله يعافيك يا رب..
الي قلتو مهم الخوف هو اكبر سبب بخلي الطفل يكذب ويمكن كمان في كبار بكذبو بسبب خوفهم من مواجهة أمر..
عبيدة,
شكرا كتير على مرورك..
وإن شالله إحنا بنصير أهل و بنقدر نتفهم هالشي وما نخلي أطفالنا يضطرو للكذب..
Widad,
ههههههههههه معك حق والله أحيانا بقولو الحقيقه في الموقف الي لازم ما تنقال فيه هالحقيقه..
اقتباس:
بس كمان بيتمز الطفل يلي بيكذب بالذكاء والخيال الواسع يعني احيانا الخيال الواسع لدى الطفل بيخليه يعبر بطريقة خيالية وبالنهاية هي نحنا بنعتبرها كذب وهي ليست إلا دلالة من دلالات الذكاء عند الطفل
شكرااااااااا كتير بيبا موضوع حلو كتير والصور أحلى وبالأخص بينوكيو
الي ذكرتي كتير مهم عنجد صار الموضوع عندي مهم أكتر ..
بتعرفي هو الطفل كمان ما بيكون بنيتو إنو يكذب بس من خيالو الواسع خصوصا بفترة اكتشافو للالحياه والمحيط الي هو فيه بيبدأ يحكي شغلات ويتخيل أمور هو ممكن يصدقها وهاي النقطه مو غلط أبدا بالعكس ممكن يساعدو بدراستو بعلاقاتو مع البيئه إلي فيها وبدراستو ولما يكبر كمان..
وداد مرورك بيسعدني عطول و مداخلاتك قيمه بلا شك ..
شكرار عزيزتي عالمشاركه..
أحمد الدالي,
مشاركتك معي دليل على نجاح الموضوع وأهميتو بحياتنا..
اقتباس:
مرحلة الطفولة هي مرحلة إكتساب لكل شي
وبيبدا الطفل يكتسب من عمر 4 سنوات ل6 سنوات
بهالفترة لازم نكون واعين لهدا الشي... وللأسف نحنا منهمل هالفترة
انا درست بالجامعه كورس علم نفس نمو إلي بيتعلق بمرحلة النمو عند الإنسان من الميلا إلى 12 سنه مع انو تخصصو علمي وكنت فكر إنو هيك موضوع ما إلو أي أهميه بس عنجد كان من أروع المساقات إلي درستها لإني بعتبر حالي استفدت كتير إني افهم سيكولوجية الطفل الحركيه والنفسيه إلي بتهمنا بكيفية التعامل مع الطفل بكل خطوه من خطوات حياتو بكل حذر وكيف إحنا الكبار بنأثر على أطفالنا بطرق غير مباشره وما بنكون واعيين لهالشي..
معك حق لازم ما نهمل هالفتره لإنها حساسه في تكون اتجاهات ودوافع الطفل..
أحمد أنا الي بتشكر مرورك الكريم..
فاتن,
شكرا يا قلبي مرورك إلي أحلى..
حلو تعاملك معها لإنو مهم كتير عملية اقناع الطفل بطريقه سلسه و مرغوبه في أداء الأمور الي بكسلو عنها..
فاتن,
ِِِِِِA..R..W..A,
صحيح الي قلتيه لهيك لازم ننتبه لتعاملنا مع هالكائن الصغير و نوقف معو كل خطوه صح إذا عنجد حابيين ننشأ جيل سليم نفسيا وعمليا..
بتشكرك عزيزتي عالمرور..
Raghad,
وانا راح أعطيكي هدول رغوووووووود لا تنسي تحطيهم بمي و رشة سكر
اقتباس:
تاني شي بدي قول انو موضوع ك بالفعل حساس كتير وبحاجة لدراسة منيحة وموسّعة
صحيح كلامك
اقتباس:
الكلام اللي قلتي عن الكذب كلو صح والغلط بالدرجة الأولى بيرجع للأهل يعني حسب ماهنن متعودين ممكن بدون ما يسألن الطفل ويكذبوا عليه ممكن ببساطة يكذبوا مع حدا تاني بس هون الطفل بينتبه على هالشي وبيتعود عليه
معك حق ولا يستغربو ابدا إذا كذب الطفل لإنو بكونو عملو شي موقف صريح قدامو وتأثر فيهم
اقتباس:
بس ان تعود على شي بصغرو بعمرو ما بيغيرو بعدين
طبعا التعليم بالصغر كالنقش عالحجر..
اقتباس:
في أهل بيضطرو يكذبوا على ولادهم من مبدأ أنو هو مانو فهمان هلأ فأكيد ما حنجاوبو على سؤالو صح
بتعرفي رغد انا بسال حالي كتير بكرا لما بدو يصير عنا أطفال وسألوني و ما عرفت شو جاوبهم شو أعمل ؟؟؟؟؟
خصوصا في الأمور العقيديه والدنيه كونهم ما بيستوعبو كتير يعني أنا أولاد عمي الصغال بيسألوني وبجاوبهم على أد فهمهم بس وقت إلي بتكتر الأسئله ما بعرف شو جاوب بحاول أبسطلهم هالأمور بلاقي بساطتي للأمور بتكبر عندهم بمخيلتهم ..!!!!!!!!
بحاول أغير الموضوع لكن بيجو تاني نهار بيستفسرو أكتر هههههههههه وأحيانا لما بسيبهم بلاقيهم بيسرحو بخيالم....
و أمور تانيه كتييييييييييييييييييييييييييييير ...
بس بالأغلب ما بفضل الأجوبه المقتصره الي بتخليه يسكت وخلص لأ بحاول افهمهم على أد مداركهم المعرفيه للأمور ولا إني كذب و أتركهم محتارين...
Raghad,
شكراااااااااااااااااا عالمداخله ارائعه...
بــانــة,
أهلييييييييييين
المثال إلي ذكرتيه مهم لإنو كتير بصير مع أطفالنا حتى بتكر الفنان ياسر العظمه انتقد هالشي بعمل فني إلو والله هالحلقه شفتها وأنا صغيره ولهلأ بتجول بخاطري..
اقتباس:
الطفل مو من البداية لازم يعاقب على كذبه , وكمان مو لازم ينقله يا كذاب بشكل مباشر عالأقل أول فترة , ممكن نستبدلها بعبارات متل هيك : إنت ما قلت الحقيقة , إنت ما قلت كل الحقيقة , إنت قلت جزء من الحقيقة ..
برافو عليكي حلو هالكلام يعني استخدام أساليب تانيه وأكثر أخلاقيه و مهذبه في توجيه أطفالنا حتى هيك بنعودهم على سلوكيات صحيحه و بنعلهم يحكو بطريقة كلام مؤدبه أكتر و ما بنجرح مشاعرهم..
بتشكرك يا قلبي على مشاركتك الرائعه معي...
زيـــــن,
اقتباس:
وانابراي لازم الاهل مايجاوبوا بكذبة وكمان يفهموا الولد انو اذا قال الحقيقة مارح يتعاقب مشان يروح الخوف
صحيح كلامك .. إحنا فينا نمنع الطفل من الكذب ونعطيه الأمان إنو يواجه أي شي ويقول الحقيقه من غير تخويف ولا شي وغير هيك بنعزز الثقه عندو أكتر..
اقتباس:
لازم يكون السؤال ليش الكباربيكذبوا
هههههههههههههههههههه ولا يهمك راح انقاش هالشي بموضوع تاني بس حلوه فكرتك إنو نعالج الجذر قبل الفروع..