شباب رجاء يلي بعرف بخبرنا عم نسمع عن دورة 4 لطلاب س4 بس شرط يلي عندهن مادتين ويلي قرا مرسوم السيد الرئيس تبع ال3 دورات بجوز شاف آخر بند مذكور في هيك شي شو تخبرونا خاصه أن أنا سمعت أنها أول الشهر 10. شو تخبرونا وإدارة المنتدى أنتو بتعرفو أكتر من غيركن.

SALAM SALAM,  

صديقي هدول الخبريات لحد هلئ كلها اشاعات
وكل مرة الاشاعة شكل
ومافيك تتأكد من هيك موضوع حتى يطلع قرار رسمي بهالشي
متلو متل اشاعة النجاح الاداري

بس ما لازم تتأمل كتير
لانو اذا فركرنا منطقيا
اذا بلشت الدورة بالشهر العاشر
اي وبعدين؟؟؟
ايمت بدها تخلص؟؟؟
مافي دوام بدو يبلش؟؟
منقدم امتحانات والطلاب بداومو بنفس الوقت؟؟؟
مو زابطة

هلا انا اسمعت متلك بهيك شي بس كمان مابعرف لانو فعلا مو زابطة انو يقدمو الطلاب بوقت الدوام  وعلى كل حال الله يوفق الجميع      

مرحبا شباب انا براي لازم يكون في دورة رابعة لان الفصل الثالث صار شي طبيعي لكل السنين بقا طلاب السنة رابعة لازم يكون  في شي خاص الن ما هيك
عالفكرة انا سنة رابعة بس معلومات تسجيلي قديمة ما بعرف جددا
ارجو من موقع ارتين بموافينا بكل جديد بخصوص هل الموضوع
شكرا كتير    

لا لازم يكون في دورة رابعة لان في كتير طلاب انظلمت و ما اقدرت تجي عالفحص حرام تروح سنة مشان مادة او اثنين لازم يكون في شوي مراعاة للطلاب ما هيك                

سمر,  
صديقتي هاد الشي ما رح يصير
لانو لو بدن يعملو شي كان لغو الامتحانات بسبب الاوضاع
والاهم من هاد كلو
في كتير طلاب اجو من مناطق بعيدة
وتحت الضرب وكلشي وقدمو امتحانات
بقا خلص يلي قدم قدم وانشالله بينجح
ويلي ما قدم انشالله  ربنا يعوضو و يتوفئ بامتحاناتو
بالنهاية هاد الوضع مو بايدنا

ربنا يكون مع الكل ويحمي ويوفئ الكل

اي بس في شي اسمو "استثناء" وإنشاالله المعنين في الأمر يراعوا وضعنا .

اي بس لازم يكون في شي مساعدة لهل الطلاب الي ماقدروا يأدمو بسبب الظروف يعني صعب كتير يبقا الواحد سنة كاملة مشان مادة