انا السنة بالنسبة الي كان عنوانها الانتظار(بلا طعمة)
كنت حابب اني اقدر لاقي شغل احسن من اللي عم اشتغلو بس ما قدرت
كنت حابب اني اخلص من النقد و اتخرج كمان ما قدرت
و الشي اللي فقدت الامل منو اني اقدر ارجع عالبلد قبل خمس سنين
و الشي الوحيد اللي قدرت اني ساويه هو اني ابقى واقف عرجليي ببلد كل شي فيه بيتمحور حول المادة

السلام عليكم :

l'entrantaumure :

اول شي شو يعني اسمك بالفرنسي  

تاني شي : يمكن في ناس بتحسدك انو سافرت و طلعت و بلشت حياتك العملية قبل حتى ما تتخرج

و هاد شي نقطة ايجابية

و كل شي لخير , و بالعكس يمكن ربك بيحبك يسرلك امورك و سافرت و اشتغلت

بالنسبة لي :

شو عم انتظر : الفرج , من وين : الله يعلم

شو مخططة : مافي شي محدد بس بتمنى اطلع من الوسط العايشة فيه بأسرع وقت لأنو مليييييييييييييييييييييييييييييييييييييييييييييييييييييت

شو بتمنى : اتزوج و يمكن انو سافر او لائي حدا نرتاح معون و نسعى مع بعض بهالحياة

ببساطة : أحلم بالاســـــــــتقـــــــرار , لأن حالياً اممممممممممممم     & sometime  

الحمد لله

..........................

انا نوعا ما حياتي ماشية متل ماعم خططلها  يعني هلأ ان شا الله بتخرج وعم  اسعى   مشان الشغل  لأنو مخططة ادرس بشي معهد بالصيف  ان شا الله تزبط ادعولي  اللي بتمناه انو اتخرج هالسنة   وأخلص وجرب حياة غير حياة الدراسة مع انو انا من هالسنة بلشت شغل ويالله شو انبسطت وخصوصي لما بتح انو في انتج بعد العذاب   حتى لو كان متواضع  

الحلم اللي بالي انو عيش   حياة كلها فرح ومايدخل الحزن بقلبي ابدا على اد ماعانيت بالسنة الاولى والتانية من حياتي بس هلأ الحمد لله وكل  شي من الله خير    هي العبارة دائما حاطتها بين عيوني  

portia
معنى اسمي بالعربي (الفايت بالحيط) بس اسمي عمار
اما بالنسبة للسفر فانا كنت كتير حب السفر قبل ما سافر
لأن كتير الغربة تقيلة عالبني آدم و الحنين بيصير وجع لازم نقدر نتعايش معو
و لازم نتعلم كيف نوقف لحالنا و ما نعتمدع حدا تاني لأن هون ما في يا امي ارحميني
بالنسبة لإلك انا باتمنى انو يكون قدامك تجربة عملية تدخل التغيير لحياتك
لأن شخصية الإنسان ما بتكتمل لحتى يصير فعال و يقدر يعطي لنفسو و للناس من خلال شغل
و صدقيني انو احلى ايام حياتي ابتدت بعدما اشتغلت و حتى شخصيتي قويت و خبرتي زادت طبعا مع الممارسة العملية
باتمنى للجميع مستقبل حلو و شغل مناسب

ماراضي ابدا    
بس بضل بقول الحمد الله
للأسف هي السنة قضيتا بين الغيوم و كنت مفكرة حالي بأخرتا رح وصل على القمر بس بيجي شهب بنزلني على الأرض فرد نزلة و بتصيبني خبطة قويةبتصحيني بوجعة راس
بس بضل بقول الحمد الله و رضياني بقدري و طمعاني برحمة الكريم عز وجل
و ان شاء الله رح طور حالي وخلي أملي بالله كبير
طبعا ما ناوي ابدا ابقى بلا عمل لان العمل الو معنى كبير بحياتي لو شو ما كان مردودو و رح ابقى دور عشي يحسني كأنسانة أولا وبعدين كشخص عملي و اجتماعي

اول شي بدي اتشكر زميلي (الفايت بالحيط) عالموضوع
انا بصراح ما راضي عاللي حققتو خلال السنة على الصعيد الدراسي
كنت حابب حافظ عالمعدل العالي اللي طلعت فيه بالسنة الأولى
بس طلعلي كم مادة علاماتهم مش مناح بالفصل الأول و هلق انشلله يكونوا احسن بالتاني
و حاليا بالصيف عم اشتغل بمدرسة سواقة بعلم السواقة بس حابب كفي دورات الانكليزي اللي بلشتهم الصيف الماضي و حابب اطلع مع اهلي عالبحر
و مع رفقاتي رحلة على شي نهر
و فقدت الأمل باني ارجع لم رفقات الثانوي حواليي