السلام عليكم :

اول شي هلا بالملاك

تعرفت عالمنتدى عن طريق اعلان عنو كان منشور بالكلية بالممرات و حبيت اطلع عليه

اشتركت فيه لكن ما كنت اكتب كتير , غير هلأ

Portia طالبة ادب انكليزي قديمة , بتزعل كتير انها قصرت بدراستها , و السبب انها كانت كتير بتحب الاخبار و النت و بتتاخد بالامور كتير
يعني كنت شوف الاحداث عالاخبار و اتخيل انو هلأ بدها تقوم الدنيي و تقعد و حتعطل الجامعات و تتوقف المعامل ووقت انزل عالجامعة لائي الوضع عادي و مافي شي و كلو رايح عدرسو  و الامور طبيعية , بس عندي كان انو لازم نعمل , لازم نساوي ...... ثورية فارغة ما اجا منها غير التقصير
مشان هيك السنة الماضية , وقت احداث غزة  وقت الفحص , ما فتحت التلفاز و لاشفت خبر , لأني بعرف حالي

من فترة فكرت انو اذا بدي اكتب biography عن حالي , و شو اهم الانجازات الي بحياتي , فتخيلت اني عم اكتب : اشتركت بمنتدى كذا و كان الها من المشاركات كذا و كذا و بعام كذا اشتركت بمنتدى كذكذكذا اللي فيه نادت ل كذا و كذا ومن ثم ......

هي بيوغرافي بعصر النت  

يمكن بتمنى ارجع عشر سنين او اكتر لورا لارجع نسق حياتي عن جديد بدون لخبطة و كركبة

وخاصة اني من شي اسبوع شفت طالبة كانت معي وقت دخلت الكلية عالتلفزيون وقد صارت مديرة جمعية مهمة بسوريا ويمكن ما أثر فيي منصبها او شي تاني اكتر من كلمة ( السيدة فلانية ) ووقت عملت تشك عنها عرفت انها صارت (زوجة و ام ).....فنوعاً ما تأثرت

لأن الزواج و الامومة هي حلم قديم عندي , ومن وقت ماكنت زغيرة مرة سألوني شو بتحبي تصيري وقت تكبري :

فكان جوابي : عروس , ووقت سألوني ليه , فجاوبت : مشان البس الفستان الابيض
اما وقت كنت بصف تاسع , كنت حط كتاب ( الزواج الاسلامي السعيد ) بقلب كتابي اللي عم اقرأ فيه , من كتر ما تشوقت اتعرف عليه .

بس حد هلأ ماعرفت جواب لوقف حالي .
الشي اللي من قلبي حالياً بتمناه هو ترك الوسط العايشة فيه و الاتجاه لأي وجهة تانية لائي نفسي فيها , لأن أكبر غلط تبقى بمكان ما ملائي حالك فيه بنووووووب

ميولي : كان بزمانتي ميولي روح عالجيش لأني بحب النظام , ممكن كون لأني مندفعة ...........بكره البلادة و العيشة دئة دئة ,بحب اتفاءل و اتحرك و ما وقف نهائياً , كنت اتمنى حارب و جاهد و استشهد , و اطلع من هالحياة بريحة طيبة  

بس يبدو الحياة اصعب من هيك , وكنت و مازلت اتمنى من الله سبحانه يبينلي شو لازم اعمل لنال القبول و الاستقرار :
1- 2- 3- 4- 5- 6- 7- .....الخ من التعداد بتنجحي و بتدخلي الجنة

وهي هية Sad Portia بتمنى ما كون مئتكم

................