مضى أسبوع وماتغيّر شي..اليوم نزلت عالجامعة وشفت رفقاتي وقعدنا شوي ..وكنا متوقعين ينزل مواد النا بس مانزل شي وكان شووووووب..ماكنت بعرف إنو هيك الجو لأني من زمان ماطلعت..والحلو إني لمحت بعض الأعضاء بآرتين لأني بشوف صورهن هون عالموقع...بس طبعا هني مابيعرفوني بس حسيتا شغلة حلوة إنو الناس اللي عم نتواصل معن بالمشاركات كل يوم وكل علاقتنا فيهن من خلف شاشة هاللاب توب لدرجة بنحسّ إنهم عالم خيالي ومو موجودين بالواقع   فلما بنشوفن  بنكتشف إنو عايشين واقع ...

اي والله هالشوب بخلي الواحد يبقى دايق خلقو وكل شي بصير بملل ..كأنو هالمنتدى بالصيف مو كتير نشيط..وفي أعضاء كتير غايبين ..واللي عم يشاركوا هنن نفسهن كل يوم كل يوم..وأنا رح انشغل بالفترة الجاي واحتمال تقل مشاركاتي ..بس أكيد مافيني إلا ادخل كل يوم..  أنا بالنسبة إلي الصيف بكرا بيبدا ..وانتو كيف صيفكم.؟؟وكيف عطلتكم؟؟..بتمنى بالنهاية تطلع بقية النتائج بسرعة ..وتكون مرضية للجميع يااااااارب...