يوميات أعضاء آرتين

سنا · **Posted:** Sun Jul 04, 2010 11:20 am

كتير فرحانة بفوز المانيا آز ويل آز بخسارة الأرجنتين ..
خلصت امتحاني من 4 أيام و لحد الآن مارحت ولا سيران

مقضيتها شغل بالبيت و نادي العصر و بعدها مباراة.

يارا العلي · **Posted:** Mon Jul 05, 2010 2:41 am

Mohammed, انبسطت بمرورك الأول بصفحة اليوميات وبتمنى تتكرر...أهلا بييييييك ومبروك إلنا وإلك

Portia, أهلا عزيزتي

..أنا بصراحة ماشفت حدا أنشط منك بفيق هيك بكير :roll:

ومن زمان من قبل ما ارجع عسوريا كنت لاحظ هيك إنو كل مشاركاتك الصبح بكير..موفقة يارب *ورود

يارا العلي · **Posted:** Mon Jul 05, 2010 2:54 am

سنا, ياي مشرفاتنا الحلوات هون يامية هلااااااااا *ورود

يلا لسا الصيفية بأولها ومعك وقت تطلعي وتنبسطي بالعطلة..

و

إن شاء الله تكوني قدمتي امتحانات كويسة..ويارب تطالعي كل موادك..بالتوفيق حبيبتي..وخلينا نشوفك دايما هون *ورود

أما أنا فاليوم كان عندي مشوارين وانبسطت فيهن كتير *sla

..واليوم وبكرا آخدين بريك من المونديال *ball

وأكيد كلنا ناطرين التلاتا والأربعا.. وكمان هلق بلشت حفلات الصيف والكل بدو يتزوج *دبكة

ولحقوا بقا حضور حفلات *دبكة

..بس والله مافي أحلى من الفرح والفرحة ..الله يديمه بقلوب وبيوت الجمييع

يارا العلي · **Posted:** Mon Jul 12, 2010 8:05 pm

اليوم عيد ميلادي
هاد أول عيد ميلاد بمرّ عليّ بهالتعاسة
مع إنّي مبسوطة كتير من يوم اللي خلّصت امتحانات بس اليوم خبرت إنو في مادة نازلة بالجامعة ولهلق مابعرف نتيجتها ..وعن جد عايشة على أعصابي

الله ينجّح الجميع بموادهم يارب...ما إلنا إلّا الانتظااااار

بتمنى نتشارك كل لحظاتنا هون بصفحة اليوميات بحلوها وبمرّها..وبإذن الله مابتمر عليكم إلا اللحظات الحلوة

اي صحي نسيت بارك لكل مشجعي اسبانيا بمناسبة حصولن عالكأس ..وعقبال ألمانيا الكأس الجاي..وكل كأس عالم وأنتو بخير

سليمان الحسن · **Posted:** Mon Jul 12, 2010 9:41 pm

كيف الشباب

اليوم الحمد لله حسيت حالي انجزت بالشركة ووقعت عقود باذن الله رح تكون نسبتي فيها منيحة والحمد لله رب العالمين

اجيت عالبيت تعبااااااااان بس بتعرفو عن جد الغدا على تعب شغلة كبيرة بتاكل كلشي شو ما كانت الوالدة طابخة هههههه

حكيت تلفون سرني كتير كتير كتير...

وهلأ قاعد عالنت

بتمنالكم تمام الصحة والعافية

*ورود

ladoooosh · **Posted:** Tue Jul 13, 2010 2:47 am

اصعب شي يعرف الواحد انو نازلو مواد وما يوصل للنتيجة ..............أووووووووووووووف شي بيملل الشوب والقعدة بالبيت ......يا محلا ايام الامتحان ....... *---

يارا العلي · **Posted:** Tue Jul 13, 2010 2:32 pm

آآآآآآآآآآآآآآآآآآآآآآه ياربي كل نطرتي كانت عالفاضي والمادة اللي متوقعة رفعها وعأساس هي مضمونة وإذ رسبت!!!!!

بصراحة بصراحة أول مرة بزعل على مادة هيك وكتير هلق شايلي همها لسا بدي أدرسها للتكميلية .. ..والله حرااااااااااااااااااااام

الحمدلله على كل حال ..ومنيح إني مبارح ماخبرت فيها منشان ماتنزعلي فرحتي والله انبسطت المسا كتير كتير وكان في مفاجآت كتير حلوة وأنا أحلى شغلة عندي هي المفاجآت..بس متل مابقولوا ما بتكمل الفرحة:cry:

هاد نصيبنا شو بدنا نعمل ..حظا أوفر لكل الراسبين بالنثر متلي ومبروك لكل اللي نجحوا فيها

عصام · **Posted:** Tue Jul 13, 2010 3:02 pm

يارا العلي,
اي بسيطة ولووووو
انشالله عالتكميلية بترفعيها وبتتخرجي وكلشي بيصير لهدف معين بهالحياة

ladoooosh · **Posted:** Wed Jul 14, 2010 1:15 am

فعلا النطرة كانت عالفاضي وحظ أوفر لكل يلي رسب النثر *sla

يارا العلي · **Posted:** Wed Jul 14, 2010 1:41 am

ladoooosh, كماااااااااااااااااااااان أنتِ..؟؟؟

اللي مخليني ارضى بنصيبي إنو أغلب رفقاتي حاملينا متلي..فكلنا بالهوا سوا :mrgreen:

ماحدا بياخد غير نصيبو...

وشكرا أخ عصام عمواساتك إلي

Latest Posts

Forum rules

يوميات أعضاء آرتين