انسرق ايميلك الهوتميل تعال استعيدو معي

ابراهيم محمد · **مرسل:** الاثنين أكتوبر 05, 2009 12:01 am

بسم الله الرحمن الرحيم

السلام عليكم ورحمة الله وبركاته

من فترة انا شخصياً انسرق ايميلي من قبل شخص كنت أعتبرو صديقي ومعو باسووردي وغدر فيني وغير باسوورد ايميلي وراح الايميل ودورت على طريقة رجعو فيها وبما اني ما بفهم بـالـهـكـر وما اشتغلت فيه فطلبت العون من اشخاص على النت شغلتون الهكر وأقل واحد طلب مني 35 دولار وبنتيجة مو مؤكدة انو يرجع

مو هون قصتنا ..

راحت ايام واجت ايام ومضى على ايميلي المسروق شي 3 شهور وشوي وفجأة وأنا قلب بموقع live.com شفت نموذج وبعد التفحص والبحث تبينلي انو استعادة الايميلات المسروقة

استغربت منها خاصة اني ما كنت متوقع انو هيك شي موجود بموقع الهوتميل الرسمي فقلت خليني أضرب هالطينة بالحيط لزقت لزقت ما لزقت ما بنكون خسرنا شي

وبلشت عبي الفورم الموجود بالصفحة بأدق التفاصيل اللي بعرفها عن ايميلي المسروق واعتمدت الشغل وسكرت واليوم التاني وأنا راجع من الوظيفة شيكت على ايميلي واذ بايميلين واصلينني من موقع هوتميل الأولبردوا فيه علي وبواسوني على سرقة ايميلي والتاني فيه نموذج استعادة الباسوورد تبع الايميل

والحمد لله تمكنت من اني أسترجع ايميلي كاملا إلا انه الله يسامحو حذفلي رسائل كانت مهمة بالنسبة الي

بنيجي هلأ للمهم اللي هو رابط الفورم ....

https://support.live.com/eform.aspx?pro ... ct=eformcs" onclick="window.open(this.href);return false;

الخيارات والحقول بظن انها مفهومة واذا أي حدن ما عرف أي حقل يقلي عنو وأنا بشرحلو اياه

ملاحظة: مشان تحسس الموقع انو عن جد الايميل الك حاول تحط شو بتقدر من التفاصيل وبالخانة الأخيرة تبع المعلومات الاضافية اكتب أي شي عن ايميلك شو ما كان يكون لأنو كل كلمة بتكتبها الها أهمية

وانشا الله انو تستفيدو من هالطريقة وأنا ما بدي شي غير انو تدعولي

تحياتي

باسل العمروش · **مرسل:** الاثنين أكتوبر 05, 2009 12:14 am

ولك الله يسلم ايديك يااااا رب

اليوم جربتها مع زميلة ألنا ايميلها مسروق و ان شا الله تظبط
و انا قريبا ان شا الله رح نزل موضوع عن طرق الوقاية و الحماية من سرقة الايميلات لأنو 99% من السرقات عم تصير بسذاجة المستخدمين (مع احترامي للكل طبعاً)
يسلمو ايديك يا حب

ابراهيم محمد · **مرسل:** الاثنين أكتوبر 05, 2009 12:22 am

باسل العمروش,

أهلا بك يا غالي بالموضوع وبقول كمان انشا الله تزبط الطريقة مع زميلتك

وبانتظار موضوعك يا غالي

على عيني يا حب

أحمد الدالي · **مرسل:** الاثنين أكتوبر 05, 2009 1:23 am

شي بشهي الواحد ينسرق ايميلو
لأنو شعور آخر ينسرق ايميلك وترجعو
يسلمهن جبيب يمكن استعين فيك لأنو رفيق طاتر ايميلو من 3 شهور
ومن وقتها لهلق بحس هالزلمة مكتثب نفسيا...

Soledad · **مرسل:** الاثنين أكتوبر 05, 2009 1:31 am

شكراً معلم رح نلزق هالطينة بالحيط بركدن بيمشي الحال ...

أنس الدالي · **اشترك في:** السبت مارس 22, 2008 5:47 am

ابراهيم محمد,
قال انسرق اميلوا قال
أنا لو محلك ببعت رسالو وحدة علي بخلي الي سرقو يصير يدور علي بس مو مشان يرجعلي الاميل

مشان يعتزر مني

ميرسي خيووووووووووووو وان شاء الله ما منكون بحاجة موضوعك

ابراهيم محمد · **مرسل:** الاثنين أكتوبر 05, 2009 6:15 am

أحمد الدالي,

Soledad,

أنس الدالي,

شكراً لمروركم وانشا الله اللي بدو يجربها يستفيد واللي مو بحاجة الموضوع أحسنلو ما يكون بحاجتو

تحياتي

MÖØÒÕNL!GHT · **مرسل:** الاثنين أكتوبر 05, 2009 7:16 pm

الله يعطيك العافية يا رب و الله . .
و ان شاء الله ما بنحتاجوا . . .

هـ بلاسم ـاني · **مرسل:** الاثنين أكتوبر 05, 2009 10:38 pm

جاري التجربة
ولي عودة عالموضوع

ابراهيم محمد · **مرسل:** الثلاثاء أكتوبر 06, 2009 6:49 am

MÖØÒÕNL!GHT,

انشا الله يا رب

شكراً لمرورك العطر

هـ بلاسم ـاني,

بانتظار عودتك أخي

LATEST_POSTS

انسرق ايميلك الهوتميل تعال استعيدو معي

الموجودون الآن