آرتين لتعليم اللغات
http://forum.art-en.com/

ضع سؤالك للدكتور واصف سلامي نائب العميد للشؤون الادارية !!!
http://forum.art-en.com/viewtopic.php?f=24&t=5379
صفحة 2 من 2

الكاتب:  Nikki [ الأحد تشرين الثاني 11, 2007 6:47 م ]
عنوان المشاركة: 

سؤال انشاء الله يوصل لحضرة الدكتور واصف..........
الأسئلة بمادة الشعر الفكتوري رح تكون شي نمطية متل اسئلة الشعر اللي تعودنا عليا يعني قصبدة
و شرحا مع اسم الشاعر و تقطيع بيت و ذكر النواحي اللي بتدل على النيو كلاسيسيزم أو في شي جديد لأزم ننتبهلوا؟؟؟؟؟؟؟؟؟؟؟؟؟؟

الكاتب:  جواهر [ الأحد تشرين الثاني 11, 2007 8:12 م ]
عنوان المشاركة: 

من هو المثل الاعلى للدكتور واصف   ومن هو الصديق المقرب له وهل اللغه الانكليزيه هي طموحه ورغبته منذ الصغر
ومشكووووووووور زميل فارس

الكاتب:  Obada Arwany [ الاثنين تشرين الثاني 12, 2007 12:35 ص ]
عنوان المشاركة: 

و الله الأنسة ملاك ما بعر فما خلتلنا شي نسالوا
و الله في سؤال بس ايمت بدون يساولنا برادات مي و الله عم موت من العطش اذا ما رحت اشتريت انينة كبيرة من برا


وشكرا على وقت الدكتور

الكاتب:  مرح [ الاثنين تشرين الثاني 12, 2007 1:06 م ]
عنوان المشاركة: 

شكرا كتير يا فارس ع الجواب
و انا هادا يلي كنت عم استنا
1- لاحظنا في الفترة الأخيرة و جود اعلانات في المدرجات و القاعات تقول
بأنه يمنع على الطلاب تناول الموكولات و المشروبات داخل القاعة الدراسية تحت طائلة المسؤلية
بالفعل عم يصير تفتيش على هالشي بس يا ترى ليش ما شفنا يمنع التدخين داخل القاعات الدراسية تحت طائلة المسؤلية
مع العلم انو التدخين يؤذي الغير يلي ما بدخن و القاعات بتكون زحمة ومو متحملة حدا يدخن فيا اضافة انو مظهر يخلو من ذرة من الحضارة

2- أين مياه الشرب؟ اي بالشارع أيام الواحد بيلاقي سبيل ليشرب و بالجامعة ما في :?:  :?:  :?:

3- الى متى رح يضل الموظفين(ويلي مع احترامي يمكن يا دوب معن شقفة بكالوريا) يتنتروا بالطالب بلا سبب و يعاملوا كانو عم يشتغل عندن هاي اذا ما تمسخروا علي اذا كان ما بيعرف شي شغلة
يعني مو عيب الواحد يسأل اذا كان ما بيعرف

4- ما هو الموعد يلي لازم يثبت في البرنامج
مع العلم انو الى الآن و رح يخلص الفصل و لسا في أخطاء عم تصير
شو ذنب الطالب يلي عندو مسؤوليات برات الجامعة و لازم يظبط أمورو؟؟؟؟؟

5- ماذا عن نظافة الجامعة؟؟؟؟؟؟؟؟؟؟
هلأ صحيح انو 80% النظافة مسؤولية الطلاب
بس كمان في 20% يعني ليش ما في حاويات و سلات مهملات كافية
على سبيل المثال في الحديقة الخلفية وراء الندوة لايوجد ولاسلة
و في حديقتنا الجميلة نكتفي بعلب الكرتون الغارغة لوضع القمامة :shock:

شكرا كتير يا ابو الفوارس عم نعذبك الله يكون بعونك *sla

و تقديري و احترامي الكبير للدكتور يلي رح يعطينا من وقتو الثمين *sla

الكاتب:  زمردة [ الاثنين تشرين الثاني 12, 2007 11:49 م ]
عنوان المشاركة: 

الملاك,
ما شاء الله أسئلتك بدها مقابلة خاصة لحالها :mrgreen:

أسئلتي:
السنة تم ضم التعليم المفتوح (قسم الترجمة) لكلية الآداب و لكن إداريا, لم يعد يوجد هناك منصب يدعى"مدير التعليم المفتوح" إلى أي جهة يتوجب علينا التوجه في حال وجود أي استفسار؟
منذ سنتين تم افتتاح المعهد العالي للترجمة في دمشق, هل يوجد أي توجه لافتتاح نظير له في جامعة البعث السنة القادمة؟ و ما مصير الطلاب الذين يدرسون ماجستير ترجمة (فورية, تحريرية, سمع بصرية) بمعنى آخر هل بامكانهم متابعة دراستهم؟
متى سيتم اعتماد المنهاج السوري بقسم الترجمة في التعليم المفتوح و يصبح مستقلا عن المنهاج المصري الذي لا يلبي احتياجاتنا كطلاب سوريين؟  :|
هل يتقن الدكتور واصف لغة غير اللغة الانكليزية؟

مع فائق الاحترام و التقدير

*1  *1  *1

الكاتب:  hana [ الثلاثاء تشرين الثاني 13, 2007 1:37 م ]
عنوان المشاركة: 

أنا شخصياًبحترم الدكتور واصف وبشكرو على أتعابو و تفانيه.وأنا عندي سؤالين
1- الإجتماعات اللي عم بتصير الساعة 12 ظهراً عم بضيع وقت الطلاب كتير
وعم بصير في فراغ كبير بين المحاضرات ما بيقدرو الطلاب فيه إلا إنن ينتظرو
2- السؤال الثاني :في مدرجات عم تكون فاضية أحياناً بين الساعة 8و الساعة 12
ما عم بيتم الإستفادة منها فيا ريت تتخذو التدابير لأنو الطلاب عم يتزاحمو على المقاعد بالقاعات وعم بيكون الوضع مزعج
وشكراً

الكاتب:  Obada Arwany [ الثلاثاء تشرين الثاني 13, 2007 8:40 م ]
عنوان المشاركة: 

تذكرت بعض الشغلات يعني بركي
اولا
ياري ت يتم توسعة مخبر الأنترنت الموجود بلجامعة يعني نصير ندخل كل يوم و يسرعوا الخط
يعني سرعتوا الفعلية بلمرة

تاني شي متل ما قالت مرح الدخان
يعني فعلا انا هدول بموت منن عم يدخن بلقاعة و الزحمة و يخنق العالم
هو صح قلة زوء بس يعني لازم يكون في شي يمنعهم

يا ريت يكون مراقب الدوام كويس
يعني ينظم المحاضرات بشكل اكبر علما انوا راح عليي كذا محاضرة بسبب تغيير الجدول و الدوام بقاعات لا تستوعب العدد المقدر للحضور (الفئة )
مركز التصوير ما في غير آلة وحدة للتصوير يعني اذا بدي صور ورقة بدي وقف على دور طويل عريض او روح على كلية تانية مكتبتها احسن

وشكرا

الكاتب:  فارس [ الاثنين تشرين الثاني 19, 2007 6:11 م ]
عنوان المشاركة: 

آخر موعد لكتابة الأسئلة هو يوم الثلاثاء 20\11 الساعة 12 ليلا


بالتوفيق

الكاتب:  اللؤلؤة [ الأحد تشرين الثاني 25, 2007 6:24 م ]
عنوان المشاركة:  Re: ضع سؤالك للدكتور واصف سلامي نائب العميد للشؤون الادارية !!!

بالبداية بدي اشكرك فارس على فحتك المجال لإلنا لحتى نسأل الدكتور واصف عن بعض الأسئلة اللي عم تدور ببالنا .....
بالنسبة إلي حابة اسأل الدكتور واصف عن وضع المكتبة عنا ...
السنة الماضية كانوا يسمحولنا بدخول المكتبة لحتى نفتش على كتب بنفسنا .
لما كنا ندخل على المكتبة نتفاجئ بمنظر الكتب والغبرة والوسخ آكلها أكل ولا بتقدر تميز رفوف اللي فيها كتب الشعر عن الرفوف اللي فيها كتب الروايات والمسرحيات ... وشي من هيك كتير ...
وكمان بتلاقي بين كل كم كتاب انكليزي موجود كتاب فرنسي ...
هي كانت مشكلة السنة الماضية لما كانوا يسمحولنا بدخول المكتبة ....بس هالسنة أصدر سيادة العميد الدكتور غسان المرتضى قرار بمنع دخول الطلاب للمكتبة .... وإذا الطالب بده أي كتاب لازم يقدم طلب إستعارة للمكتبة باسم الكتب اللي بده اياه .... لحتى يقدر يحصل على الكتاب ....
وانت بتعرف دكتور انه صعب على طلاب الأدب الانكليزي انه يعرفوا الموضوع اللي عم يفتشوا عليه ممكن انه يتواجد بأي كتاب لحتى يطلبو من المكتبة .... والسبب بيعود لقلة معرفتن متل ما بتعرف ..
بالنسبة إلي ....
أنا طلبت من الموظفة المسؤولة بالمكتبة انه تعطيني كتاب عن الشاعر Andrew Marvell بدي أي معلومات عن هالشاعر وعطيتها اسمه واسم العصر اللي كان عايش فيه هالشاعر .... كان جوابها ...
إيه وين بدي لاقيلك هيك كتاب هلق !!!؟؟؟
وما اقدرت احصل على أي معلومة عن هالشاعر لولا الدكتورة (مروة) الله يخليلنا إياها ....

لهيك منتمنى دكتور إنه يكون فيه إهتمام أكتر من هيك من قبل الموظفات المسؤولات في المكتبة  وانه يسهلوا للطالب حصوله على الكتاب اللي بده إياه ومنتمنى انه يتحقق طلبنا على إيد حضرتك وشكرا لإهتمامك سلفاً .

صفحة 2 من 2 جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group
http://www.phpbb.com/