آرتين لتعليم اللغات
http://forum.art-en.com/

ضع سؤالك للدكتور واصف سلامي نائب العميد للشؤون الادارية !!!
http://forum.art-en.com/viewtopic.php?f=24&t=5379
صفحة 1 من 2

الكاتب:  فارس [ الخميس تشرين الثاني 08, 2007 11:39 م ]
عنوان المشاركة:  ضع سؤالك للدكتور واصف سلامي نائب العميد للشؤون الادارية !!!

السلامعليكم:


مقابلتنا القادمة ستكون مع الدكتور واصف سلامي ..... دكتور مادة الشعر الفكتوري و نائب العميد للشؤون الادارية  :wink:


عميق الشكر و الامتنان للدكتور واصف على إعطاء الوقت لطلابه من كل الأقسام في كلية الآداب لطرح أي افكار أو اقتراحات حول الشؤون الادارية في الكلية ... بالاضافة الى طلاب السنة الثالثة في اللغة الانكليزية لطرح أي أسئلة حول مادة الشعر الفكتوري

و ها نحن نفسح لكم المجال لوضع أي الأسئلة بكل رحابة صدر *ورود

الكاتب:  Adnan [ الجمعة تشرين الثاني 09, 2007 12:19 ص ]
عنوان المشاركة: 

سلامات للدكتور الكريم والله يعطيه ألف عافية

بدي أسأل الدكتور رأيو بالمستوى الثقافي للطلاب الادب الانكليزي وخاصة السنة التانية يعني السنة اللي درسها السنة الماضية أصول بحث

الكاتب:  ahmad_en [ السبت تشرين الثاني 10, 2007 3:13 ص ]
عنوان المشاركة: 

بداية السلام هليكم ارجو منكم سؤال الدكاترة من اجل توضيح اسئلتهم بالامتحان او ماذا يقصدون باشئلتهم مثلا عندما يسال ما هو تقييمك الادبي او ماذا يعني بكلمة علق لانه ربما الطالب يعرف الجواب و لكن لا يعرف ما يريده الكتور بالضيط لذلك حبذا لو كل الدكاترة ان يفهموا الطلاب ماذا يريدون اسئلتهم بالضبط و لكم جزيل الشكر و الامتنان

الكاتب:  فارس [ السبت تشرين الثاني 10, 2007 5:08 م ]
عنوان المشاركة: 

تحياتي زملا

بحب اذكر انو التقدم والتطوير المستمرين..رح يشملوا جميع جوانب آرتين ان شاء الله..وهالشي بيتضمن تحسين مستمر للمقابلات اللي حابين نعملا مع دكاترتنا
لذلك حابين نفتح مجال لأسئلة شخصية نسألا للدكتور واصف..فاللي بحب يسأل أي سؤال أكاديمي ، إداري أو شخصي...نحنا مستعدين نطرحو عالدكتور أئناء المقابلة

و بحب وضح فكرة إضافة أسئلة شخصية للمقابلات بأنو هي فرصة لندخل أكتر ونقترب أكتر من حياة انسان عم يعطينا كتير بحياتنا..وهو مثال إلنا بالحياة...ما وصل لعنا إلا بعد ما عاش حياة طويلة وتفاصيل كتيرة من تعب وجهد وأيام حلوة وأيام مرة..كانت هي طريقو للدكتوراه..منتمنى ما يبخل علينا بأنو يفتحلنا المجال نطلع على عالمو الخاص..ونشوف الدكتور واصف الانسان ، والزوج ،والأب، وحتى الابن..وكذلك الصديق

و هون بدي أعطي المجال للآنسة الملاك لتتوسع بالحوار و الاسئلة الشخصية للدكتور واصف ...

و أي حدا بحب يطرح أسئلة تانية كمان منرحب فيه .... و بالأخير ان شاء الله رح نطرح الأسئلة الأهم بالمقابلة مشان ما ناخد وقت كتير مع الدكتور بسبب انشغاله كنائب عميد و مدرس الشعر الفكتوري  :wink:

بالتوفيق *ورود

الكاتب:  مرح [ السبت تشرين الثاني 10, 2007 7:03 م ]
عنوان المشاركة: 

الله يعطيك ألف عافي يا فارس
و شكرا كتير للأساتذة يلي عم يعطونا من وقتن الثمين
بس قبل ما اتوجه بسؤالي لحضرة الدكتور واصف سلامي

حابي منكم توضيح (ولا تضحكوا علي)
ما هي مهام الشؤون الأدارية بالضبط؟

و نحنا لما من كون حابين نشتكي عن شي بالجامعة أو نعطي وجهة نظرنا بشي معين
فهل يوجد مكتب معين يستمع الينا برحابة صدر و من دون ما يعدو يتمسخروا علينا اذا كنا غشيمين من بعض النواحي؟؟؟؟؟؟؟؟؟؟؟

و مشان الأسئلة الشخصية
الله يسامحك يا فارس تكون سامحلنا بها الشي من أول المقابلات كنا هلكناك بكترة الأسئلة :mrgreen:  :mrgreen:

ع كلن عم استنا التوضيح و شكرا لجهودكم *ورود

الكاتب:  Adnan [ السبت تشرين الثاني 10, 2007 11:22 م ]
عنوان المشاركة: 

مرح
اقتباس:
حابي منكم توضيح (ولا تضحكوا علي)

لا أبدا سؤال أنا نسيت أسألو...صعي شو يعني شؤون ادارية
اقتباس:
و نحنا لما من كون حابين نشتكي عن شي بالجامعة أو نعطي وجهة نظرنا بشي معين
فهل يوجد مكتب معين يستمع الينا برحابة صدر و من دون ما يعدو يتمسخروا علينا اذا كنا غشيمين من بعض النواحي؟؟؟؟؟؟؟؟؟؟؟

إنتي جربي..وبتلاقي كل مكاتب المسؤولين بالجامعة جاهزة لاي خدمة

ومشان الاسئلة الشخصية...يعني نسأل الدكتور شو برجك وشقد عدد ولادك
ولا شو بياكل الدكتور...وشو قناتو المفضلة...

أنا برأيي بلا سئلة شخصية لاني رح ينفتح باب الدكتور مانو فاضيلو
*1

الكاتب:  مرح [ السبت تشرين الثاني 10, 2007 11:56 م ]
عنوان المشاركة: 

اقتباس:
إنتي جربي..وبتلاقي كل مكاتب المسؤولين بالجامعة جاهزة لاي خدمة

أكيد عم تمزح *sla
لانو أقل موظف بصير بيتمسخر و بصرخ فينا و بحكينا بلا نفس كانو في شي تار بيناتنا

الكاتب:  فارس [ الأحد تشرين الثاني 11, 2007 12:16 ص ]
عنوان المشاركة: 

مرح,

هلا مرح .... و آسف ع التأخير بالرد


عمدي الكلية الو نائبي ... نائب للشؤون الادارية و نائب للشؤون العلمية

الشؤون العلمية طعا معناها المنهاج الدراسي و الخطط الدراسية و تعيين الدكاترة ع المواد و هيك


أما الشؤون الادارية فهي ادرة كل صغيرة و كبيرة بالكلية بشكل عملي .... بقصد مثلا اكساء الباب الرئيسي التاريخي للكلية هي من الشؤون الادارية .... تظيم المدرجات و القاعات و خدماتها .... متل الأجهزة الصوتية ... الانارة ... و حتى النظافة .... كلها شؤون ادارية .... عداكي عن خدمات الكلي بشكل عام كتل بردات المي الناقصة .. أو السيطرة ع مستثمر الندة و تى مكتبة الكتب .... و شو بدي احكيلك لإحكيلك  :wink:


أكيد فهمتي قصدي .... و هيك فينك تسالي شو بيخطرلك... و ازا كانو الموظفين نفسيااااات ...... أكيد نحن ما منخيب ظنك و منوصل السؤال لنائب العميد ..... يعني رئيسهم  :wink:


بالتوفيق  *ورود

الكاتب:  الملاك [ الأحد تشرين الثاني 11, 2007 5:25 م ]
عنوان المشاركة: 

اقتباس:
هون بدي أعطي المجال للآنسة الملاك لتتوسع بالحوار و الاسئلة الشخصية للدكتور واصف ...


إلي الشرف اطرح بعض الأسئلة على دكتورنا الكريم..أسئلة تخلينا نشوف جوانب أخرى من السيد واصف السلامة..ربما ما سمحت القاعات الدرسية انو نسمعا..بس أكيد لاحظناها

1-بدايةً ،ولأن الزواج من أهم ما يصف شخصية المرء...بطلب من الدكتور يقلنا مين زوجتو؟ كيف تعرفوا على بعض؟ كم سنة إلن متزوجين؟ولأي مدى سعيد بحياتك الزوجية

2-كم ابن عند حضرتك ؟ شو أعمارن ؟ شو أسمائن ؟..ومين أغلى واحد فين على قلبك؟ (وأبو شو ؟)

3-الدكتور واصف السلامة ابن السيد.......؟ والسيدة.........؟    من هما والدي الدكتور واصف وكيف يمكن أن يصفهما لنا؟

4-أكيد الدكتور واصف بشوف بواحد من أولادو عالقليلة حلمو..واحد عالقليلة طلعلو..وماشي على دربو..أو ربما الكل مختلفين عن والدن....وهنا السؤال
لأي مدى أبناء الدكتور واصف بيشبهوا أبون...ولأي مدى بيختلفوا عنو

5-ربما ستحوي حياة رجل في العقد الخامس الكثير جداً من المعارف والزملاء والأصدقاء..ولكن لو حصرنا العدد بـ3..فمن أغلى 3 أصدقاء على قلب الدكتور واصف

6-انحصرت حياة الدكتور بالمجال اللي حب يدرسوا (أو ربما اضطر يدرسوا) وكان خيارو وهو بعمر الـ18 سنة....فهل كان الأدب الانجليزي هو حلمك؟؟ وهل حققتو حتى النهاية؟
هل العكس هو الصحيح ؟؟ ولأي مدى أبعدك الأدب الانجليزي عن حلمك وعن الدراسة اللي كنت بتتمناها؟

7-الهوايات والاهتمامات..كلمتين بيختلفوا نوعاً ما بدلالاتن..بس رح نحاول نجمعن بسؤال واحد..ونعرف
شو اهتمامات الدكتور واصف ؟طبعاً خارج نطاق الجامعة وخارج نطاق الدراسة والأدب الانجليزي
وشو هي هواياتو؟؟ طبعاً ممكن تكون في رياضات بتحبا وما عم تمارسا وهوايات بتحترما بس الوقت والمسؤليات ما بتسمحلك تتابعا..ومع ذلك  السؤال يشمل جميع هالاهتمامات..ما يمارس منها وما لا يمارس

8-منعرف انو الدكتور إلو مرتبة دينية بالكنيسة..مما يعني مسؤولية كبيرة ولا يستهان بها..بالاضافة لوظيفة ادارية بالجامعة ومهنة التدريس ..وبالبيت هو زوج وأب ..وفي الأصدقاء والأقارب
فكيف بتسمح أربعة وعشرين ساعة باليوم لرجل بممارسة كل هالمهام؟

9-من ملاحظة شخصية..الدكتور واصف أكتر انسان شفتو بحياتي بيرهق نفسو بالاعطاء..وربما لدرجة عنجد هو غير مطالب فيا..الحقيقة بتستمر المحاضرة 3 ساعات وبصوت واضح وعالي ولفظ سليم وعرق يتصبب بيستمر الدكتور بالشرح مع الالمام بجميع جوانب القطعة المدروسة..وبنهاية المحاضرة بيتلاحظ تماماً رجفان صوت الدكتور من التعب....فهل هذه هي مهنتك يا سيدي؟
هل مطلوب من المدرس كل هالقد ؟ أما الدكتور حمّل نفسو عبء الاخلاص المضاعف والتفاني المطلق؟
مع العلم انو ممكن ما نستغرب لو بتعطي محاضرة وحدة باليوم..بس أكتر من محاضرة بنفس الجهد
أمر يستحق الوقوف.....اطلعنا دكتور على ما وراء  كل هذا التفاني؟

10-سؤال روتيني..ولكن يصف الكثير من عوامل نفس الانسان..ما أجمل خبر سمعته في حياتك؟؟ وماذا كان الأسوء
ومن ناحية تانية..لو في خبر حلو كتير بتتمنى تسمعوا بحياتك..أو ناطر تسمعو...فشو هو؟

11-سؤال أخير ..هل شرفنا الدكتور واصف وزار منتدى آرتين من قبل (ولا أقصد الموقع وانما المنتدى) وياريت نعرف رأيك فيه

وختاماً..شكراً جزيلاً للدكتور واصف..ورح تكون الاجابة على هالأسئلة أكتر من اللي منتمناه وفوق اللي منستحقوا..وياريت حضرتو يمن علينا بالاجابة

الكاتب:  سنا [ الأحد تشرين الثاني 11, 2007 5:43 م ]
عنوان المشاركة: 

يعني أسئلة الملاك جريئة بس عنجد هيك اشيا بتهمنا...
وبالنسبة للعلاقة بين الطالب والدكتور كيف ممكن يوصفلنا ياها وبكل صدق وكيف بيتمناها تكون وشو المطلوب من الطلاب لحتى تكون علاقتهم بالدكاترة علاقة أقوى من طالب ودكتور..
وبالنسبة لأكتر الأخطاء اللي بتمر معو واللي بترسب الطلاب شو هيي وليه برأيو انها بتتكرر دايما مع العلم انو بكون نوّه عليها خلال المحاضرات؟؟
...

صفحة 1 من 2 جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group
http://www.phpbb.com/