آرتين لتعليم اللغات
http://forum.art-en.com/

ضع سؤالك للدكتور محمد حلمي الأحمد  (المقابلة القادمة)
http://forum.art-en.com/viewtopic.php?f=24&t=5062
صفحة 1 من 3

الكاتب:  فارس [ الاثنين تشرين الأول 22, 2007 10:06 م ]
عنوان المشاركة:  ضع سؤالك للدكتور محمد حلمي الأحمد  (المقابلة القادمة)

[align=center]السلامعليكم:

و ها نحن نعود الى مشوار مقابلاتنا مع بقية الدكاترة ممن لم يحصل لنا الشرف بعد باجراء المقابلة معهم  آملين ان نكون قد قدمنا أقل ما يمكن لأخوتنا الطلبة

مقابلتنا القادمة ستكون مع
الدكتور محمد حلمي الأحمد كرئيس قسم اللغة الانكليزية أولا و كدكتور مادة تاريخ الأدب للسنة الثالثة ثانيا ....  :wink:

كل الشكر و الاحترام للدكتور محمد حلمي الأحمد على تكرمه باعطائنا جزء من وقته لاجراء هذه المقابلة الهامة.

ملاحظة هامة : يفضل أن تكون الأسئلة أكاديمية إدارية علمية شاملة حيث يمكنكم السؤال عن نظام الاتمتة الجديد او عن الخطة الدراسية المتبعة او عن أي شيء آخر يتعلق بقسم اللغة الانكليزية بشكل عام بالاضافة الى الاسئلة المتعلقة حول مادة تاريخ الادب و كيفية دراستها   :wink: ... و يرجى عدم وضع الأسئلة عن المشاكل الشخصية . فقد منحنا الدكتور  محمد حلمي الأحمد  وقت لا يقدر بثمن لما في هذه المقابلة من أهمية لجميع الطلاب .
[/align]

الكاتب:  starmoonsky [ الاثنين تشرين الأول 22, 2007 11:01 م ]
عنوان المشاركة: 

لو سمح الدكتور هل سيطبق نظام الاتمتة على مادة مسرح عودة الملكية هذا الفصل

الكاتب:  WAIL [ الاثنين تشرين الأول 22, 2007 11:32 م ]
عنوان المشاركة: 

مشكور كتير فارس على هالمقابلة وبتمنى انك ما تنسالي هالسؤالين
شو هني المواد اللي رح تتأتمت بالسنة الربعة
وهالاشي بيشمل مواد الفصل التاني ولا بس للفصل الاول
ومشكور كتير ياغالي

الكاتب:  حلواني [ الثلاثاء تشرين الأول 23, 2007 11:17 ص ]
عنوان المشاركة: 

لو سمحت دكتور:
هل من الممكن زيادة نسبة المواد المؤتمتة؟
وهل المواد الادبية كالمسرح-النثر وغيرها ستأتمت؟

الكاتب:  Naim Kishi [ الثلاثاء تشرين الأول 23, 2007 12:18 م ]
عنوان المشاركة: 

كل الشكر ..

هل هناك اتجاه لأتمته كافة المواد في السنوات القادمة لكافة السنوات اسوة بكلية الآداب في جامعة دمشق ؟
وهل يوافق على المقولة أن الأتمته ستضعف القدارات الإنشائية والقواعدية لدى الطلاب ؟

الكاتب:  سنا [ الثلاثاء تشرين الأول 23, 2007 2:13 م ]
عنوان المشاركة: 

وياريت تسأللنا ياه عن رأيه بالخطأ الطباعي اللي صار خلال امتحان السنة التالتة الفصل التاني وشو ذنب الطالب بهيك موضوع..
وأيضا انو وقت بصير خطا فادح متل هاد ما في شي حل سريع ممكن تتخذو ادارة الكلية متثلا الغاء السؤال أو اعطاء علامته للطالب اللي جاوب صح عالخطأ الطباعي..
وكمان بالنسبة للوقت .. اذا حس الدكتور نفسه انو غير قادر على اعطاء المنهاج المطلوب بالوقت المعين ما من صلاحياتو انو يلغي جزء منو .. يعني هالشي مانو أفضل من تقرير المقرر عالطلاب بدون الشرح المتعوب عليه ؟؟

الكاتب:  sue [ الثلاثاء تشرين الأول 23, 2007 7:11 م ]
عنوان المشاركة: 

شكرا كتير على تصميم موقع ارتين
بصراحة فكرة كتير حلوة وايجابية التواصل مع داكاترتنا الاعزاء بهلطريقة يعني لتفادي الحرج لي بيعانو منو معظم الطلاب
بالنسبة لمادة تاريخ الادب اولا بدي اتشكر الدكتور حلمي كتير على اقتراح الاتمتة
لان المادة سلسة وجميلة كمادة للثقافة وصعوبتها بضخامة عدد الكتاب واعمالهم
سؤالي هو :اتتمتة هيك مادة تعتمد بس على اسئلة اختيار من متعدد
او رح يكون في اسئلة مقالية اذا صح التعبير
وهل الاسئلة رح تتضمن حفظ التواريخ

الكاتب:  مرح [ الثلاثاء تشرين الأول 23, 2007 8:12 م ]
عنوان المشاركة: 

أتمنى أن تسأل الدكتور
اقتباس:
مع الدكتور محمد حلمي الأحمد كرئيس قسم اللغة الانكليزية


متى سوف يحصل الطالب على مناهج تعلمه و تدربه على التحدث باللغة الانكليزية؟؟؟؟؟؟؟؟؟؟

لانو الطالب عم يتخرج وما بيعرف يحكي كلمتين ع بعضن بالانكليزي

وشكرا كتير على جهودكم *ورود

الكاتب:  Safwat [ الثلاثاء تشرين الأول 23, 2007 9:27 م ]
عنوان المشاركة: 

إلى متى سنعاني من مشاكل الزحام   في القاعات ؟


انا اواجه مشكلة حقيقية ............ اصحى من نومي عند السادسة و النصف لكي أتواجد في الجامعة عند الساعة السابعة كي يتسنى لي الجلوس في المقعد الاول ........ جماعة الانكليزي بيكزبو و بقولو لل8 و لما تجي صبية حلوة ...الباب بينفتح علما بانو الحرس بيفتح 7 و تلت .فرجاء تفتحو البواب .لانو نحنا طلاب علم و مو جايين مشان كام كلمة من الحراس القليلين الزوق.........


انا أيضا .....باسم كل من يعاني من مادة الصوتيات من طلاب الاولى و الثانية   أتوجه بنداء الى تعيين من لهم الخبرة في تدريس هذه المادة نظرا لضرورتها و أهميتها ............

و اخير اتوجه بالشكر الجزيل ...................... *1

الكاتب:  الملاك [ الثلاثاء تشرين الأول 23, 2007 9:43 م ]
عنوان المشاركة: 

أسئلتي لفارس ما للدكتور
فارس..أخي إذا أنت طالب انجليزي وعم تعمل مقابلات مع دكاترة الانجليزي
مين بدو يعمل مقابلات مع دكاترة باقي الأقسام
بطالب بمقابلات مع كل الدكاترة بالكلية
السؤال التاني
ليه الأسئلة لتكون بس أكاديمية
يعني هي اسما مقابلة.........شوفيا لو عرفنا أشياء شخصية عن دكاترتنا
طيب نحنا كل واحد فينا عالأقل عالأقل..دكتورين من دكاترتو مصنفن من بين مثلو العليا
يعني هدول ناس كتير بهمونا
ليه ما نعرف عنن أكتر
أنا والله ما كون مكانك يا فارس ما بطلع من مكتب الدكتور إلا عرفانة أبو شو
وكم ولد عندو
وشو بحب وشو بيكرة..وايمتا تزوج...وشو معو أمراض..وما بخلي سؤال شخصي
يعني لاتنسى أمراض دكاترتنا كلا بسببنا
وقفتن بالشرح وعيونن بالتصحيح...والقلب والجلطة ما بعرف ليش
وفي أحلى من انو طلابو يعرفو عنو معلومات شخصية تقربن منو أكتر
ونحس أكتر بالانسان الواقف قدامنا...بعيداً عن مجرد شخص يسرد مقرر انجليزي قدامنا
ومن ناحية تانية..هالمعلومات الشخصية
بتخلي غير طلاب الانجليزي يقرو المقابلة ويهتموا فيا
ونحنا منهتم نقرا عن باقي الدكاترة لأنو في شي أكتر من مجرد أسئلة أكاديمية
وشكراً

صفحة 1 من 3 جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group
http://www.phpbb.com/