آرتين لتعليم اللغات
http://forum.art-en.com/

الدكتور جهاد سلّوم يتحدث الى موقع آرتين !!!
http://forum.art-en.com/viewtopic.php?f=24&t=12662
صفحة 3 من 5

الكاتب:  عصام [ الاثنين تشرين الأول 20, 2008 10:58 م ]
عنوان المشاركة:  الدكتور جهاد سلّوم يتحدث الى موقع آرتين !!!

بتشكرك دكتور جهاد على هالمقابلة اللي ماندمت على قرايتها والمرور بين ثنايا ردودك

في نقطة انت قلتها انو العملية التعليمية هي عملية تبادل بين طرفين وانو اذا مافي ارتياح بين الطرفين فما رح يصير تفاعل
يعني صدق بعد ما قريت هالمقابلة قلت نيالهن طلاب الفرنسي على شخصية متلك
يعني لو اول محاضرة من كل دكتور بتكون بالتعريف عن نفسو وليجاوب على اسئلة الطلاب فبيكسر حاجز كبير كتييييييييير الطلاب اللي سبقونا ودرسو عند هالدكتور بنوه بنفوس الطلاب الجدد
فمثلا لو كم طالب ناقمين على دكتور ما ولما بينسئلو من طلاب جدد عن هالدكتور فاكيد رح يحيكو عنو قصص وروايات عن ظلمو وعدم مصداقيتو وامانتو و و و
وكطلاب جدد فاكيد رح تاثر بنفوسن هالشي ورح يعمل حاجز الى حد ما بمحبتهم بمادة هالدكتور بالذات
بينما لو كان اول لقاء بين الطلاب والدكاترة اذا مو ابوي اخوي فاكيد رح تفرق معنا كتييييييير

بالنسبة للمشاكل بخصوص تعلم اللغة الفرنسية وعجز المناهج اللي عم تتدرس او طريقة ايصالها للطلاب فبعتقد متل كترييييييين انو في ظلم للاطفال انو تنفرض علين اللغتين الفرنسية والانكليزية بالاضافة للغتنا الام العربي
يعني الطالب شو بدو يلحق لليلحق وباينو لغة رح يابدع ويكون قادر عالعطاء ؟؟؟؟؟؟؟
وبالنتيجة عم يطلع الطالب شحط بهالمادتين وما حدا راضي بالنتيجة

انشالله وقت بتنتاح الك الفرصة للحديث بخصوص طرائق التدريس والمشاكل والحلوي بكون متواجد لانهل من جودك شو بقدر

جد اصدار كتابك لطرائق التدريس رح يكون مميز كتير كونو نحن بحاجة كبيرة لكتب تكون نابعة من واقعنا وانت مانك غريب عن هالاجواء التدريسية
انا لو بايدي زمام الامور كنت لغيت نص المواد اللي عم تتدرس بقسمنا للغة الانكليزية لانو مالو داعي وعم يجهد الطلاب عالفاضي
بس شو نعمل ما بايدنا غير انو ندرس هالمواد واللي بعد التخرج عم بيكون مصيرها الاهمال بزوايا الذاكرة وعطينا عمر حتى نزيل الصدأ عن هالمعلومات اللي الطلاب الانكليز نفسن ما بياخدوها وما بيعرفوها

لازم طلاب القسم كلن يمرو بهالمقابلة حتى يعرفو انو امامن دكتور مميز ويكونو حاسين بتواصل معك بشكل اقرب

تواجدك بربوع كليتنا رح يكون مصدر فخر النا ونيالهن طلاب الفرنسي عليك
واكيد ما حتندم لانك ببلدك حوووووووومص
ووقت رح تصير ندوة تانية رح كون من ضمن الحاضرين اكيييييييد ومن سوء حظي ما زبطت اموري وقت الندوة الماضية لانو عحسب ما سمعت من اللي حضروها انها كانت مميزة

شكر لوقتك دكتور وشكر لانظمامك لعيلتنا الارتينية وانشالله بيكون هالشي حافز لبقية الدكاترة انو يسجلو معنا كمان

شكر لفارس ولكل من ساهم بانجاح هالمقابلة  *1
الملاك,  
اي في دكاترة عم يفوتو كزوار وهالشي اكيييييييييد  :wink:

الكاتب:  Prof.Amer [ الاثنين تشرين الأول 20, 2008 11:06 م ]
عنوان المشاركة:  الدكتور جهاد سلّوم يتحدث الى موقع آرتين !!!

د. جهاد سلوم,  
شرفتنا بمرورك
نشالله دايما تكون معنا
بتوجهاتك و نصائحك

أكيد
اقتباس:
وما نيل المطالب بالتمني ولكن تؤخذ الدنيا غِلابا

ان السماء لاتمطر ذهبا او فضة

الكاتب:  فارس [ الاثنين تشرين الأول 20, 2008 11:51 م ]
عنوان المشاركة:  تعليق من الدكتور جهاد سلّوم

د. جهاد سلوم كتب:
طلابنا الأعزاء،

عبر تعليقاتكم  أقرأ بسرور مشاعركم  الطيبة وهي تعكس بالنسبة لي حقيقة أؤمن بها هي أنكم تستحقون كل الخير والمساندة في ظروف دراستكم الجامعية الحساسة التي تشهد بناء ذواتكم الاجتماعية والمهنية، وتتطلعون بعدها إلى غدٍ مشرق لكم ولأسركم من وراءكم، وأؤكد لكم من جديد أننا كمدرسين نتحمل قسطاً كبيراً من المسؤولية في هذا المسار، ولا ننوي التخلي عنه... ألستم في النهاية أبناؤنا، أبناء هذا الوطن العزيز؟ ولكن عليكم بالاجتهاد والسعي إلى تحصيل العلم بسواعدكم وعقولكم متذكرين قول الشاعر:

                                                                       وما نيل المطالب بالتمني         ولكن تؤخذ الدنيا غِلابا

بالنسبة لي، مشاعركم التي عبّرتم عنها على هذه الصفحات تزيدني رغبة بالتواصل معكم حتى تتلقوا من العلم والفائدة معنا ماتنتظرون. والله الموفق.

د. جهاد سلوم


دكتور جهاد ...
إزدادات اشراقا هذه الصفحات التي وضعت بصمتك عليها , و ها هي تكتمل مع وجود دكاترة همهم ايصال العلم للمتعلمين و تكريس حياتهم لهذا العلم .... و ما أجمل من علم .... و نحن إن شاء الله سنكون كما أملتم منا أن نكون .... و الله المستعان
بصراحة شخصيتك المميزة هي أرقى من أن أتمكن من مجاراتها ببعض الكلمات ..... لك مني كل المحبة

و أنا دوما تحت تصرفكم  *1

الكاتب:  د. جهاد سلوم [ الثلاثاء تشرين الأول 21, 2008 4:48 م ]
عنوان المشاركة:  الدكتور جهاد سلّوم يتحدث الى موقع آرتين !!!

شكراً لك يافارس، وكل فارس حسب علمي نبيل...

الآن، ما رأيك لو ننشر على حلقات باقة من المعلومات عن أشهر الأعلام الفرنسيين في التاريخ والعلوم والثقافة والأدب والسياسة وغيرها، مما قد يتيح لطلبتنا الأعزاء في قسم اللغة الفرنسية استكشاف أبعاد جديدة ومعلومات لم يعرفونها عن تاريخ وحضارة البلد الذي لغته يدرسون وثقافته يتشربون؟

الكاتب:  د. جهاد سلوم [ الثلاثاء تشرين الأول 21, 2008 5:14 م ]
عنوان المشاركة:  الدكتور جهاد سلّوم يتحدث الى موقع آرتين !!!

للأخ عصام المتداخل أعلاه  أقول:  شكراً على كلماتك الطيبة ياعصام وأؤكد أنك على حق بخصوص ذاك الحاجز النفسي الذي تحدثت عنه، وأنا أعرف تماماً  أنه ثقيل ويلقي بظله أحياناً على الأداء الدراسي للطالب في المادة، لذا أحاول دوماً مساعدة طلابي على تجاوزه، سيما عندما يخدم ذلك عملية الفهم ويساهم في استيعابٍ أفضل للمادة التدريسية، كما أنك محق أيضاً فيما يتعلق بالحاجة إلى امتلاك مهارة التواصل الشفوي باللغة الأجنبية وضرورة بلورة نشاطات لغوية تؤدي هذه الغاية. أخيراً، ارجو أن نراك في ندواتنا القادمة مشاركاً أو ضيفاً، ولك مني أطيب التحية.

د. جهاد

الكاتب:  ringo [ الثلاثاء تشرين الأول 21, 2008 5:21 م ]
عنوان المشاركة:  الدكتور جهاد سلّوم يتحدث الى موقع آرتين !!!

هلا وسهلا بالدكتور الرائع جهاد سلوم وانا عنجد فخورة كتير كتير كتير اني درست عند دكتور عظيم متل حضرتك وانا عنجد بمتنى انه يكون عندي ثقافة مثل حضرتك ياأحسن دكتور بالعالم كله وانا مع حضرتك بأنه لازم يكون عندنا ثقافة بتشمل تقريباً كل  شي بيتعلق باللغة يلي عم ندرسها لأن هالشي كتير بساعدنا لنقوي لغتنا وبالأخير شكراً كتير لحضرتك عالمساعدات العديدة يلي حضرتك قدمته لنا خلال فترة الدراسة والمعلومات القيمة يلي حضرتك عم تقدمنا إياها *ورود

الكاتب:  Hiba [ الثلاثاء تشرين الأول 21, 2008 5:30 م ]
عنوان المشاركة:  الدكتور جهاد سلّوم يتحدث الى موقع آرتين !!!

د. جهاد سلوم,  

شكرا لك

نحن جدا فخورين بعد رؤية هذه الردود والمشاركات الرائعة

بكونك تعطي حافز للطلاب ليس فقط في قسمك وان في كافة اقسام الكلية  وخاصة بمشاركاتك  

واتمنى من جميع الدكاترة باقة الاقسام ان لايدخلوا فقط كزائرين وانما يحاولوا ان يشاركوا الطلاب وخاصة في اقسامنا التعلمية

خطوة رائعة لمشاركاتنا الافكار والاراء في هذا الموقع المتواضع وكل الشكر لك ولباقي دكاترتنا

الكاتب:  Widad [ الثلاثاء تشرين الأول 21, 2008 5:41 م ]
عنوان المشاركة:  الدكتور جهاد سلّوم يتحدث الى موقع آرتين !!!

اقتباس:
الآن، ما رأيك لو ننشر على حلقات باقة من المعلومات عن أشهر الأعلام الفرنسيين في التاريخ والعلوم والثقافة والأدب والسياسة وغيرها، مما قد يتيح لطلبتنا الأعزاء في قسم اللغة الفرنسية استكشاف أبعاد جديدة ومعلومات لم يعرفونها عن تاريخ وحضارة البلد الذي لغته يدرسون وثقافته يتشربون؟

 د. جهاد سلوم,  
مرة ثانية بإسمي وبإسم كافة الزملاء من طلاب قسم اللغة الفرنسية والمشاركين بمنتدى ارتين  نرحب بك بمنتدانا المتواضع
بالنسبة للفكرة الرائعة التي طرحتها سوف نسعى بالتنسيق  لذلك لأنها بالفعل فكرة رائعة جداً وخصوصاً أن مستوى ثقافتنا بما يتعلق بالأعلام الفرنسيين ليس بالمستوى المتوجب على طالب يدرس في قسم اللغة الفرنسية  :!: نحتاج لدعمك المعنوي والعلمي والثقافي الذي اعتدنا عليه دكتورنا الكريم ولك مني ومن كل الزملاء كل الاحترام والتقدير  *1

الكاتب:  عصام [ الثلاثاء تشرين الأول 21, 2008 5:50 م ]
عنوان المشاركة:  الدكتور جهاد سلّوم يتحدث الى موقع آرتين !!!

د. جهاد سلوم,  
يعني وقت شفت ردك جد فرحت كتيييييييييييييييييير  :mrgreen:
وانشالله قريبا رح تلاقيني عم بحضر محاضرة بين طلابك واكيد رح اجي عرفك عحالي

اليوك كنت قاعد مع طلاب فرنسي سنة تانية وقلتلتن انو نيالكن عهالدكتور ولما قلتلن اسمك اكدو كلامي انك محترم وراقي بالاعطاء وبكل شي وقلتلن لازم تفوتو تقرو المقابلة حتى تتعرفو عالدكتور اكتر ووعدوني خير

شكر الك كتييييييييييير  لانو بانضمامك النا باذن الله رح يزيدو دكاترتنا ويتشجعو عالتسجيل   :wink:

الكاتب:  Prof.Amer [ الثلاثاء تشرين الأول 21, 2008 11:43 م ]
عنوان المشاركة:  الدكتور جهاد سلّوم يتحدث الى موقع آرتين !!!

د. جهاد سلوم
فكرة حلوة... و انا من المؤيدين لإلها... كنت مبلش بهيك شي بالقسم  تناولت اشهر رجالات العالم بكل الميادين
بس ما حدا اهتم سابقا او ما شفت مشاركة... بس لازم تصير هالخطوة و خصوصي انها صادرة عن شخص بمرتبتك

بشكرك لدعمك إلنا و متابعتك يلي عم تعطينا حافز كبير للمتابعة و إغناء معلوماتنا المتواضعة

و هيك بقترح نخصص   ويكي   بقسم قلها بالفرنسية بتشمل هالفكرة الرائعة

شكرا لمتابعتك إلنا ... و تلبيتك دعوتنا

*1

صفحة 3 من 5 جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group
http://www.phpbb.com/