آرتين لتعليم اللغات
http://forum.art-en.com/

ضع سؤالك للدكتور جهاد سلوم ((المقابلة القادمة))!!!
http://forum.art-en.com/viewtopic.php?f=24&t=10401
صفحة 1 من 2

الكاتب:  Maya [ الخميس تموز 17, 2008 4:37 ص ]
عنوان المشاركة:  ضع سؤالك للدكتور جهاد سلوم ((المقابلة القادمة))!!!

خطوة جديدة في مسيرة التميّز ........مقابلة مع الدكتور جهاد سلوم  

يسر موقع آرتين الاعلان عن مقابلة سيجريها مع الدكتور جهاد سلوم , دكتور اختصاصي  في قسم اللغة الفرنسية  في كلية الآداب وذلك في الخامس من الشهر القادم .
9/8/2008
وهنا يسرنا توجيه الدعوة لجميع المهتمين باللغة الفرنسية طلاباً وهواة لاستقبال أسئلتكم  الأكاديمية و الشخصية التي تودون طرحها على الدكتور .....آملين لكم تحقيق الفائدة .
مع تمنياتنا بالنجاح والتوفيق للجميع
إدارة آرتين *1


On attend vos questions
Vos participations nous font plaisir *Hi

الكاتب:  Prof.Amer [ الخميس تموز 17, 2008 7:17 م ]
عنوان المشاركة:  ضع سؤالك للدكتور جهاد سلوم ((المقابلة القادمة))!!!


اقتباس:
الدكتور جهاد سلوم

 أول شي شكر كتيييير كبير للدكتور يلي كنت متأكد أنو مارح يرفض طلب لطلابه يلي عنجد عم نلمس محبته لطلابه و مهنته... و عنجد الكلام عاجز عن الشكر

  *1

شكر خاص مني لكل من عم قام بإنجاح هالخطوة المهمة... و خصوصا لجنرال الموقع أبو الفوارس... و بالنسبة لألي عنجد ماني عرفان كيف بدي بلَش... لأن الدكتور جهاد شخصية طيوبة و بعجز عن وصفا... و بتمنى من بعض دكاترتنا يمشو على خطاه بطريقة تعاملوا (الدبلوماسية الفرنسية الأصلية) عنجد هيدا دكتور بيفتخروا فيه كل طلاب الفرنسي ... و إلو أسلوب بينفرد فيه من حيث التدريس و الإعطاء ... و بحياتوا ما ظلم حدا بالعلامات وهالشي معروف عنو

و بالنسبة لللإستفسارات يلي عندي بتمنى من الدكتور جهاد يعطينيا الجواب الشافي... عم نسمع إشاعات بفتح دبلوم ترجمة فرنسي بالجامعة فهالشي مظبوط يا هل ترى؟؟؟ و كمان عم بسمع من شهود عيان انو رح يفتحوا دبلوم (فلو ) عنا بحمص؟؟؟ و مظبوط كمان بالإشاعاات يلي اسمعتا من مصادر (بتمنا ما تكون مغرضة) انو رح يفتح المركز الثقافي الفرنسي فرع بحمص؟؟؟
*1  *ورود

الكاتب:  Marco [ الخميس تموز 17, 2008 9:19 م ]
عنوان المشاركة:  ضع سؤالك للدكتور جهاد سلوم ((المقابلة القادمة))!!!

Maya,  
شكرا  فعلا مواضيعك مميزة بالنسبة للدكتور حباب كتير و بحترمو
بس ما بعرف شو بدي اسألو و بسلم عليه *Hi

الكاتب:  Widad [ الخميس تموز 17, 2008 11:40 م ]
عنوان المشاركة:  ضع سؤالك للدكتور جهاد سلوم ((المقابلة القادمة))!!!

الدكتور جهاد سلوم طبعاً ما نو بحاجة لشهادتي بالفعل من أروع دكاترة القسم طبعاً مع إحترامي للجميع الدكتور جهاد من أكثر الدكاترة قرباً من الطلاب تواضعو الرائع عم يزيد من قدره  *plz  *plz  *plz  *plz
طبعا سؤالي الأول وليس الأخير:ما هي الخطوات التي نستطيع اتباعها للتواصل مع الطلاب والاقتراب منهم لكن دون المساس بحدود العلاقة بين المدرس والطالب لأني بشعر إنو الدكتور جهاد قريب من الطلاب وفارض احترامو بنفس الوقت *1

الكاتب:  الملاك [ الجمعة تموز 18, 2008 1:55 ص ]
عنوان المشاركة:  ضع سؤالك للدكتور جهاد سلوم ((المقابلة القادمة))!!!

أول الشي لازم أوصف سعادتي ومدى امتناني وشكري للاستجابة لطلبي بأنو مقابلة الفرنسي تكون مع الدكتور جهاد سلوم *1  *ورود  *1

أنا طبعاً شفت الدكتور جهاد بالندوة اللي صارت بكليتنا عن الشعر المترجم
واعجبت فيه أيما اعجاب *1
هو طبعاً أنا ما خليت حدا ما أعجبت فيه...بكفي يكون للانسان صلة بالشعر لحتى أعجب فيه :mrgreen:
وأسئلتي كتير كتار كالعادة
وطبعاً رح تكون شخصية لأنو مالي علاقة بالفرنسي
:mrgreen:
وبما أنو دكتورنا العزيز طيوب ولطيف و (مفرنس) متل ما بتحكوا عنو :wink:  فرح يتحمل حشريتي.

1- أول الشي وبدافع فضولي الشديد أولاً والتقصير أثناء الندوة بالتعريف عن السيدة اللطيفة اللي قدمت الترجمة للشعر اللي ألقاه الدكتور جهاد ثانياً...حابة تعريف بسيط بهالسيدة الرائعة اللي كانت بقمة اللطف والشاعرية وخليني قول الرومنسية بإلقاءا  وبصراحة أعجبت فيا كتير

*1
وبوجهلا تحية من قلبي *1  *1  *1  *1
2- ببدا بطفولة الدكتور و ياريت نعرف من وين أصلوا بالزبط؟
3- وين درس؟
4- لأي مدى حقق حلموا بدراسة الأدب الفرنسي؟
5- هل كان من المتفوقين بالجامعة؟؟ ودرس ببعثة من الجامعة أما على حسابو الخاص؟ :wink:
6- وين درّس بغير جامعة البعث؟
7- بأي عمر تزوج؟
8- تعريف بسيط بالسيدة زوجة الدكتور جهاد وكيفية التعارف بين الزوجين.
9- كم عدد الأولاد وشو عم يدرسوا؟
:mrgreen:
10- مين من أولاد الدكتور جهاد بيشبهوا أكتر شي بالطباع وبالطموح أو ربما بالعادات؟
11- هل الدكتور دائماً سعيد ومتفائل كما الصورة المرسومة أمام الطلاب؟
الحكي بيناتنا...يعني بالبيت كمان هيك؟ :wink:
12- هل للدكتور أي كتابات أدبيه خاصة من مقالة أو خاطرة أو شعر؟؟ وهل هناك مشروع تأليف كتاب تحديداً كما يطمح أي حاصل على شهادة الدكتوراه؟
13- شو هي البلدان اللي زارا الدكتور؟
14- كيف ممكن يلخصلنا شخصيتوا ببضعة كلمات تكفي لأن يعرف أي انسان مين هو جهاد سلوم؟
15- مين من الدكاترة أعز أصدقاء الدكتور؟
16- ومين قدوتو؟
17- وشو نصيحتوا لكل أنسان؟ وشو نصيحتوا إلنا؟؟؟؟ (نحنا الطلاب يعني

:mrgreen: )
18- أخيراً...يحكيلنا رأيو بالمؤتمر اللي صار عن الشعر المترجم..وعن تجربتو فيه وكيفية أختيارو للقصائد.

وهلأ الشكر اختلف :mrgreen:   صار شكر على رحابة الصدر وطول البال والقدرة عالتحمل :wink:

وكلي شكر لكل القائمين عالعمل...اللي هو أروع وأعظم أعمال آرتين برأيّ *1
*ورود  *Hi  *ورود  *Hi  *1  *ورود  *Hi

الكاتب:  Prof.Amer [ الجمعة تموز 18, 2008 3:37 ص ]
عنوان المشاركة:  ضع سؤالك للدكتور جهاد سلوم ((المقابلة القادمة))!!!

الملاك,  
*1
يا ويلتااااه  شو هالأسئلة.... تحول دكتورنا لنجم أو ستار عالمي

شكرا لأسئلتك... بتمنى من بقية الزملاء المشاركة

و شكرا   *1

الكاتب:  Prof.Amer [ السبت تموز 19, 2008 3:20 ص ]
عنوان المشاركة:  ضع سؤالك للدكتور جهاد سلوم ((المقابلة القادمة))!!!


كل إنسان له متل أعلى.. فما هو المثل الأعلى لـ جهاد سلوم الإنسان؟؟؟ وم هو الشخص الذي تعتبره صاحب الفضل عليك؟؟

هل حققت طموحك في الحياة ؟؟؟ .. و مالذي لم يتحقق بعد؟؟؟

ما هي المشاكلات التي تواجه تعليم اللغات بشكل عام و اللغة الفرنسية بشكل خاص وفقا للواقع الحمصي؟؟؟

برأي الدكتور جهاد هل يمكن لأي طالب فرنسي بغض النظر عن علاماته ان يكون مترجما إحترافيا أم أن للترجمة معايير أخرى.. و ان وجدت فما هي تللك المعايير وهل هي مكتسبة؟؟؟

الكاتب:  Widad [ السبت تموز 19, 2008 11:29 م ]
عنوان المشاركة:  ضع سؤالك للدكتور جهاد سلوم ((المقابلة القادمة))!!!

مرحبا سؤالي التالي للدكتور الرائع جهاد سلوم إنو راح يكون في دبلوم ترجمة أم ماجستيرترجمة بقصد ما جستير تلات سنوات وبالنسبة للماجستير FLEإ ذا تم افتتاحه بحمص راح يكون الدكتور جهاد سلوم من كبار المشرفين عليه ويا ترى متل ما سمعت هو ماجستير بيشبه ماجستير الدراسات العليا عند اللغة الإنكليزية بقصد مقسوم لإختصاصين لغويات وأدبيات ولا هو بيشبه الدبلوم التربوي بس الفرق إن المواد كلها بالفرنسي *ورود
وسؤالي التاني مين من أكثر الشعراء الفرنسيين يلي بيتمتع بقراءة قصائدن الدكتور جهاد سلوم وليش ؟
ويا ترى دكتور جهاد حضرتك بتستهويك المواد الأدبية متل الشعر والمسرح والرواية والنثر أكثر من اللغويات وخصوصي علم اللسانيات *1
احترامي الكبير لحضرتكم دكتور جهاد سلوم *ورود

الكاتب:  Maya [ الأحد تموز 20, 2008 6:22 م ]
عنوان المشاركة:  ضع سؤالك للدكتور جهاد سلوم ((المقابلة القادمة))!!!

اول شي شكرا كبير للدكتور جهاد على رحابة صدره وموافقتو على المقابلة
وهالشي مانو غريب ابدا عنو

اسئلتي هي
1 - مين الكاتب المفضل عند الدكتور ؟
2- شو( الرواية - القصيدة )يلي ماثرة فيه كتير وبيحب يرجع يقراها من وقت للتاني؟
3- من الكتاب المعاصرين بفرنسا هلا لمين الدكتور بيحب يقرأ؟
4- شو النصيحة يلي بينصحها لكل طالب لغة فرنسية بيحب انو يتميز بمجال اللغة؟
5- صح انو الموافقة على الماجستير عنا بحمص صارت موجودة بس المشكلة بعدم افتتاحه هوي نقص بالكادر التدريسي ؟ واذا هيك فإيمتا رح يتم تدبر هالشي؟
6-اسمعنا من حضرتك خبر كتيييييييييير حلو.......ز وهوي  انتقالك لجامعة البعث  *1 سؤالي ......شو السبب بانتقال الدكتور جهاد من جامعة حلب لجامعة البعث؟
وكيف بتشوف جامعة البعث مميزة عن غيرها من الجامعات وبشو؟

انشالله في اسئلة تانية  *sla
لنا عودة *ورود

الكاتب:  غانم [ الخميس تموز 24, 2008 2:50 ص ]
عنوان المشاركة:  ضع سؤالك للدكتور جهاد سلوم ((المقابلة القادمة))!!!


في البداية اشكر كل من ساهم في التنسيق  لهذه المقابلة  التي ستجرى مع ا الدكتور الرائع حهاد سلوم  بالفعل وبصراحة   لذلك الدكتور حضوره المتميز من خلا ل إعطائه للمحاضرات ومن خلال شخصيته التي تفرض نفسها فير كل وقت  ومن خلال تعامله مع الطلاب باحترام وشفافية  .......

أما بالسبة للأسئلة التي سنطرحها على الدكتور فهي كثيرة......

1:طبعا أول شي بدنا نعرف لمحة بسيطة  عن حياته من أيام الدراسة الثانوية وحتى نيله لشهادة الدكتوراه .
2: لمحة بسيطة عن حياته الأسرية في المنزل (عن زوجته وأولاده وعن دراستهم  ) .
3:  هل كانت دراسته للغة الفرنسية رغبة منه أم هناك أسباب أخرى دفعت لكي يدرس اللغة الفرنسية ؟؟.
4: هل هو راض عما قدمه في حياته  وما هي طموحاته المستقبلية ؟
5:من خلال السنوات التي أمضاها في التدريس  كيف يرى الطالب المثالي وهل صادف احد الطلاب الذين ذكروه بأيام دراسته ......

طبعا للحديث بقية
وشكرا

صفحة 1 من 2 جميع الأوقات تستخدم GMT + ساعتين [ DST ]
Powered by phpBB® Forum Software © phpBB Group
http://www.phpbb.com/