[align=center]بسم الله الرحمن الرحيم

السلام عليكم ورحمة الله وبركاته

اخوتي واخواتي في الله حياكم الله

اولا اتمنى لكم النجاح و التفوق ، و دوام النجاح ان شاء الله

يؤسفني أنني لم أنجح هذه السنة

ولا ابدي اي ازعاج لأنني وبكل صراحة اعرف بأنني لا استحق النجاح

لذا احاول أن أعطي دفعا لنفسي في السنة القادمة ان شاء الله

واعتذر لكلامي عن حالتي والآن نأتي الى فكرة الموضوع

لاحظت خلال دوامي في الجامعة أن الكثر من الطلاب هم ((( خارج الجو )))

طبعا قد اكون منهم

حيث ان الكثيرين يداومون و لا يعرفون شيئا عن دراستهم

ان جاءت حلقة البحث ...تجدهم ارتبكوا و تلبكو امام المعيد

وان جاء الامتحان ، تجدهم لم يترجموا  ولا نصف المحاضرات

هنا السؤال : لماذا  هم خارج الجو ؟؟؟؟؟

و هنا نريد طرح بعض الحلول لو سمحتم

كيف نعود الى جو الجامعة و المنهاج و الامتحان

كما ولدي سؤال : هل يستطيع الطالب تعويض  ما فاته في السنوات السابقة ليكون مجدا فعلا بعد ان اضاع وقته ؟؟؟

نريد الان ان نتعاون جميعا لنكون في الجو

وهذا الموضوع هو ( همسة ) لكل من ابتعد عن جو الدراسة

لنعد الى الجو قبل فوات الاوان

وانعد لجامعتنا الحبيبة

ان شاء الله نجد تفاعل مع  هذا الموضوع

اختكم في الله [/align][color=darkred][/color]

   

 

العز بالاسلام

هلأ رح قلك بصراحة انو اذا كان الواحد عم يداوم كل يوم فالدراسة بتكون شوي صعبة بس اذا كان الواحد حاطط ببالو هدف انو بدو ينجح و يطالع كل موادو فأكيد ما في شي بيمنعوا و أكيد انو الشغلة بدا متابعة من الاول و ترجمة محاضرات و .... و.... و....كل شي بيتعلق بالدراسة
لك انا مللت الدكاترة بأسئلتي    بس أكيد كلو كان لصالحي ولقتو بعدين


أكيد ما في شي مستحيل و اذا انت عندك همة اكيد في وقت وانشالله بتعوضي كل اللي فاتك

بالتوفييييييييييييييييييييييق

أول شي يا أختنا العزيزة وأهم شي انك تحبي فرعك اي الانكليزي
وتكوني حاطة هدف ادامك شو بدك تعملي بعد الدراسة لانو اذا ما عندك طموح معين ما رح تحضري من كل قلبك
تاني شي الجامعة مو بس دراسة يعني ادرسي و تسلي بنفس الوقت و جربي
مثلا جربي ترجمي انت و رفأتك منو بتتسلو و منو بتستفيدو وأهم شي الحضور و تجربي تشاركي بالانشاء و الترجمة وما تخجلي من أخطائك واسألي الطلاب السنوات الاعلى منك و اسالي الدكاترة
ولاتنسي المتعة و الافادة بنفس الوقت
موفقة و ان شاء تتعلمي من أخطائك  

اول شي هارد لك و احسن شي بتعملوا نك ما رح تزعل


و مشكلة انو نحنا خارج الجو فصدقني انو نحنا بالفروع العملية عم نحس بهالمشكلة اكتر من بقية كل الفروع التانية( مع احترامي لكل الفروع) و هادا شي بيتحملو الطلاب و الدكاترة سوا مع انو  بالاخر عم تطلع براس الطلاب وحدن

يعني كمثال صغير بتعرف انو نحنا بكليتنا ما حضرنا بحياتنا تسليح جائز او بلاطة او حتى تدعيم عامود؟؟؟
و هادا انا برأيي مو بس بخليك برا الجو و بس لأ و برا الغلاف الجوي كلو

مشكور ع الموضوع

اكيد فيننا نرجع للجوا
بس الشباب جكوال و كفوا و فوا
و ان شاء الله موفقة

أهم شي يكون عندك إرادة ورغبة وإلا النتيجة فاشلة...انا ابعد ما يكون عن جو الدراسة لظروف حياتي في الغربة ولكن اعود في فترة الا متحانات احياناً كل سنة و كانت النتائج مرضية جداً الى الآن....وأدرس في تلك الفترة صدقني أكثر من أي طالب لانو عندي رغبةلما اعمل شي انجح فيه و ما يضيع وقتي و حياتي عالفاضي...