خديجة امة الله,
أختي العزيزة أكيد ما بدي عزيمة حتي ناقش بالموضوع بس مبارح كانت سرعة النت بالحضيض وماكان في مجال نشارك او نكتب مواضيع (بس ليش حسيتك معصبة؟؟!)
بالنسبة للموضوع ففكرة الاصطياد ضعيفة بالمنتديات ومجالها بيكون أوسع بمواقع الدردشة والرومات ومو بس من طرف الشاب كمان البنات ما عم بيقصّروا ماشاءالله عنهن(القلة من الطرفين ومو قصدي التعميم)
الشي اللي عم نلاحظو بهيك مواقع انو البنت بتدخل عم تدور على علاقة حب بالمقابل الشب بيدخل من باب الكلام المعسول وبيظهر بصورة فارس الأحلام
وهاد الكلام عم يزيد عليه انو في اقبال كبير على برامج الدردشة من جانب طلاب الاعدادي والثانوي اللي هنن بمرحلة المراهقة
بالاخير أكيد كل واحد عقلو براسو بيعرف خلاصو والعقل زينة
